ختبارات للصف الرابع ؟؟؟؟؟؟

[كارلوفي فاري]

مرحبا خواتي -طبعا اللي عيالها برابعه شايفه شلون العلوم كميته كبيره -انا مدرسة علوم متوسط وفاهمة الماده بس انا مشكلتي بولدي بالمره مايتجاوب مع الدروي:eh_s(16):حده نص ساعه واذا امتحانات ساعه او ساعه ونص وبعدها يقلب البيت صياح واصلا يقفل -فعشان جذيه اللي عندها نماذج اختبارات للصف الرابع او اوراق عمل علشان اسحبها واخليه يتمرن على الاجابات عل وعسى تختصر علي الوقت -انا مسويلته تلخيص بس هم الكميه كبيره خصوصا انه ماعطاني اي مجال اني اراجعله دروسه لو صفحه باليوم الله يهديه ويصلحه:yaaaaaarb: صج صج معذبني :cxxxp:- فلا تبخلون علي ياخوات -باي شي ممكن انه يساعدني خصوصا انه مدرسته مو مسوين اي مذكره او اوراق عمل -يعني المجهود كله علينا والمصيبه بعد شكل ابلتهم في يوم معطتهم ثلاث حصص يعني الله العلم كم درس خذوا -بالاول كان يفيدي شوي انه يفهم مع الابله فيسهل علي اني اراجع معاه ويتذكر -بس المصيبه الحين انه مخه ممسوح -والله انا منقهره وحتره (باب النجار مخلع )
لا تبخلون علي خواتي

 

[sarah125]

يمنع وضع الروابط

صباح الخير حبيبتي .......شفت محد رد عليج قلت خليني احاول ابرد قلبج يمكن اقدر ...حقيقة انا ماعندي احد بمرحلة ولدج الله يسلمه..لكن دخلي الرابط اللي فوق ،هذا منتدى خاص بالجانب التعلميي والتربوي،حتى خاص للمدرسين بعد ،دخلي على المرحله الابتدائيه - قسم العلوم وبعون الله تلاقين اجابات لكثير من التساؤلات.​

 

[أم عبووووود]

هلا فيج حبيبتي

دشي قسم التلاخيص والمراجعات وبتلاقين كل شي لرابع وراح تستفيدين وااايد من التلاخيص والامتحانات


حياج الله يالغلا

 

[كارلوفي فاري]

هلا فيج حبيبتي

دشي قسم التلاخيص والمراجعات وبتلاقين كل شي لرابع وراح تستفيدين وااايد من التلاخيص والامتحانات


حياج الله يالغلا

عطيج العافيه يام عبود كفيتي ووفيتي :eh_s(15):

 

[حلم الطفولة]

موفقه ان شالله .. ولاتخلين دايما إخذي طله على قسم التلاخيص جدا مفيد ,, جزا الله خير كل الكاتبات فيه