خداامتي اليديدة،، تخررع لمن تاكل، تعالو حكمو!!!!

[احلا mimi]

حاولي اختي تكلمينها وانتي مبتسمة وامسحي بيدها ويعني كوني رحومة يعني بكونها جديدة وراح تتساهل معك اكثر مما تتصورين الا اذا كنت شرانية اسئلي مجرب

 

[نارنجه]

لا تكلمينها ولا شي
والله حاسة فيج كانت عندي وحدة جذي حتى اكل النفاس كلته عني
ااافه والله العظيم
انا اقولج شنو تسوين
كل ماطبختي زيدي الجيلة وشيلي منه حق وجبتها الياية
و الماجلة خليها اسبوعية لا تترسين الثلاجه عشان ماتنفجع
الجبن و الكتشب اخذيلها انواع معينه و قوليلها هذا لج وهذول لنا
عوديها على جذي

واخذي لها نودلز و تونه اذا ماعجبها اكلكم تاكل هذيل

ومن نفسها بتفهم
انتي من البداية غلطتي لما خليتيها تلعب بماجلتكم وتعزل اكلها عنكم

 

[eman12]

عادي حبيبتي بس بالبدايه انا خدامتي كانت جذي بس شوي شوي طخت شبعت
واذا شغلها زين غضي النظر عنها
والفلبينيه تعاملينها كانها موظفه لانهم مايحبون التأمر مايحبون الكلام الزايد وسوي وحطي
والله يعينج

 

[يازمان العجايب]

كل الفلبينيات جذي أنا اتخش الاكل ورأ الكبت
والله قمت أخاف عليها من الاكل لان شي موطبيعي وكل شي طايرة عينها عليه حتي بفك اليهال عيالي مسمينها الخلاطة
بس أخاف أكلمها تحقد والموبايل منعتها وقلتلها موبايل يعني أردج مكتب

 

[عيون مبارك]

عيل انا خدامتي الفلبينيه تموت على اكل المطاعم من نروح مطعم تمسك المنيو وتختار اللي تبي
لااا. بعد تختمها بشاي اخضر عشتوووو انا اشرب شايي في البيت
هو صج الخير وايد وانا محتاجتها بس هاي مو معناته اكون وقحه وامسك المنيو واختار اللي ابي وتطنشني تكلم الويتر ان جنه انتي يا مدام انطمي
والله بنات كرهت وقاحتها / و صرت ما اوديها معاي / المشكله ريلي ما يخليني اطلع بروحي مع السايق لازم وحده معاي وانا اخذها لانها ما تقدر عاليهال وماتسيطر مو اقولكم همها البلع حتى في بيت هلي امي قاعده تسوي وافل وجان اتجي تشيل وحده وتاكلها من صحن القلي للحين ما وزعته امي صج صج قلة ادب وشفاحه
وبالعكس خدامتي الاندونيسيه كل ما اقولها شاطلب لج تقول انا باكل في البيت او تقول اي شي وايد حياويه مع ان لها 6 سنين عندي حتى لو عطيتيها كيك من البيت او بطاط يطول لما تاكله فعلا فرق بينهم *

 

[ابدا يالغالي مانساك]

هذي شفااحه بالاكل لووووول
انا حبتين تووست واشبع
خخخ هذي جيس

الله يعينج الخدم بدل مايريحونج يجيبون الهم والغثااا

 

[om MaRyooM]

عيل انا خدامتي الفلبينيه تموت على اكل المطاعم من نروح مطعم تمسك المنيو وتختار اللي تبي
لااا. بعد تختمها بشاي اخضر عشتوووو انا اشرب شايي في البيت
هو صج الخير وايد وانا محتاجتها بس هاي مو معناته اكون وقحه وامسك المنيو واختار اللي ابي وتطنشني تكلم الويتر ان جنه انتي يا مدام انطمي

:eh_s(10):
صراحة صددمة خدامتج
يتراوالي وايد معطيتها ويه

والله لو خدامتي جذي اردها مااقعدها عندي يوم
واي شهالحاااالة .. هذي مو جفاحه اكل تتسمى وقااااحة فوق الوصف @@

الله يعينج ويعين الجميع

 

[om MaRyooM]

مشكورين بناااات ماقصرتو

 

[miss swan]

انا كانت عندي هنديه ماتخلي شي بالثلاجه
حتى السناكس مثل الشبس والبيبسي
والككاو بس انا احسها تتعمد تخلصه ماتاكله لانها عصاقيل يمكن توزع على خدم خالتي
غير الكومفرت والصابون كل اسبوعين يخلص واحنا عايله من ثلاث انفار وهدوم الطلعه كله بالمصبغه
يعني بالمختصر تلعب الله يعين شتسوين​

 

[dandooosh]

من وصفج لها على بالي خدامتج اثيوبية
انا اللي عندي اثيوبية وموملحقة على التوست ،،، العصاري لازم قهوة و4 شرايح توست والمصيبة ما تمتن :eh_s(4)::eh_s(4):

انا وزوجي ما نشرب لا شاي ولا قهوة بس نجيب النسكافيه عشانها،، واخر مرة لما كتبت باللستة الجمعية نسكافيه ماجبته ،، صارت تقهرني ما يقعد النسكافية اسبوع ومخلص ،،، المرة اللي بعدها لما سألتها عن اغراض الجمعية قالت لي مدام انا بعطيج فلوس ابي نسكافيه ،، عاد كسرت خاطري قلت لها خلاص انا بجيبه وما خذيت منها
وبين فترة والثانية لازم اشتري لها شبس وبطاط واعطيها بيبسي غرامهم


يعني صج سالفة الاكل مشكلة بس نستحي نكلمهم
وانتي شوفي بعد فترة يمكن يقل أكلها لان هم كلهم جذي أول ما يجون بعدين يتغيرون

والله يصبرج عليها

 

[saraq8]

هههههه ديري بالج لا تاكلكم ... حسبي الله عليهم الخدم ... كل شي متوفر لهم .. وفوق كل هاذا ما يقعدون ينحاشون الله ياخذهم >> من الظيم

 

[c a t w o m a n]

أم مريوم الطلعات ديري بالج منها


عادي تييج يوم بطنها متفوخ وتييب مليون مرض معاها


قوليلها هذا قانون بيتي مافي طلعة مافي موبايل إذا ما تبين أردج الفلبين وتدفعين فلوس حقي وحق المكتب

أما الأكل شوفيلج حل من حلول البنات ما قصروا

وديري بالج فتحي عيونج عليها


الله يسخرها لج و يعطيج خيرها ويكفيج شرها

 

[om MaRyooM]

شكرا بنات

والله معانات حد الدوووسه

الواحد عيب يتكلم بس قاعده تخلص ماجلتنا !!! شي موطبيعي والله
امس مسوية ايدام حق يومين
بالليل بنتي بتاكل منه ولا تقولي مدام انا كليته كله
مااااااصدقت لان الكمية كانت تكفي يومين

وفوق كل هذا لازم ٤ مرات باليوم نسكافيه عشتو!!!!!!!
يعني اكلها بروحها مصرف عايلة استغفرالله

 

[نارنجه]

قطيعه شنو هذي
عيل الشامبو و الصابون و الديتول شاربتهم شراب !!

اقولج دقي على المكتب يكلمونها
اخاف قاعدة تتعمد هالحركات
ترا توني استوعب ان ريوقها ايدام !!

امبيه ترا الريحه توصل عند الجيران ينقدونكم مايدرون انه ريوق الخدامه

اذا منحرجه خلي الوالدة او خالتج تكلمها لج

 

[* بنت المطر *]

ام مريوم اهم شي تتاكدين ان الاكل تاكله موتوزعه او تبيعه ثاني شي قوليلها الصبح فيه ريحه سكري عليج باب المطبخ

وفجي الشفاط ووبس

 

[Melazlaza]

لول ام مريوم الفلبن تخصص نسكافيه لا وتعطيج ذيييييج الابتسامة واهيا تشرب

زين ما حاجيتيها ؟

 

[om MaRyooM]

لا بنات متاكدة ان اهي الي تاكله ماتوزع
لان ماعندنا خدم غيرها وما اخليها تختلط بلحد برة وايد

ولا ماحاجيتها صراحه صععععبة
الا الاكل عاد
بس مصيبتها مصيبة موطبيعية

امس تعشت ٣ شاورمااات و٣ علب بيبسي
ههههه استغفر الله
ريلي بقق عينه مومصدق!!!!!

 

[om MaRyooM]

ملزلزة

هههه ظحكتيني علا سالفة النسكافيه والابتسسامه الشقاقيه ههههه

 

[*دنــيـQ8 ــا الوله*]

ام مريوم .... انتي سالفتج سالفه مع الخدم جم مره اقرا لج موضوع ولا سؤال عنهم

لا بسس هالمره بدعت خدامتج ... جيس توست كامل باليوم ... والعشا ٣ شاورما و ٣ بيبسي خخخخ من صجها هذه ... يعني اللي مو شايفه خير مو معقوله بتاكل هالكثر ... الله يعينج عالآفه خخخ انزين شلون شغلها بالبيت ... واشلونها عقب كل هالاكل ماتخثر وتدور المخده تنام هخخخ *

 

[سويت لاتيه]

يمكن في بطنها دووود شربيها عشرج وعلميها ان النظام عندكم ما في طباخ الصبح خفايف 00 خدامتي فلبينيه تقول لي كل نطبخ عيش في بلادنا هو الريوق والغدا والعشا ما عندنا شي غيره لانهم ينكرفون من الصبح الين المغرب وياكلون شي يخليهم يصمدون حق طول اليوم الله يعينج