tooota_
عضوه موقوفة
- إنضم
- 18 يونيو 2009
- المشاركات
- 1,474
- مستوى التفاعل
- 0
- النقاط
- 0
:0bee2e8d89:السلام بناتاسفه طولت عليكم بس للحين مو نايمه وقلبي محترق علي سوته بنت ابليس
للي مايعرفون شلي صار من البدايه هذا الرابط للقصه من اولها
http://www.q8yat.net/showthread.php?t=416311&page=6
اقولكم عقب ماقلتلكم خالتي وعمي وصلو خالتي قالتلي قعدي تحت لاتصعدين ونزلنا بنتي كانت نايمه حطيتها بالديوانيه الورانيه علشان ماتسمع ولا تشوف شي..صغيره مابيها تعقد
خالتي صعدت فوق عمي طق عليها الباب ماتبطل الباب ويكفخون الباب ماكو حس عمي قال اخاف مسويه شي بعمرها يكسر الباب ولا الاخت سلط ملط ربي كما خلقتني والكشه قايمه ومشققه كل ملابسها الي يايبتهم وياهاا ومشققه الكفر والشراشف
انا ماعندي خدامه بالبيت فلما امي عطتني ياها شريتلها هذي الكرفايه الي تسفط مؤقت وخليتها بغرفة الاوتي حطيتلها سريرها وكبت صغيرون فيهملابسها قلت لين تيي امي
عافسه الداار ومشققته كل شي يعني ماعندها ملابس
اول ماشافت عمي جان تقول تطق على دبتها تقوله مو احسن من هالعيوزه مالتك تخيلووو
انا ماشفت اول شي خالتي تقولي عمي نزل راسه بالقاع قال حق خالتي ستريها وطلعيها خل نوديها مكتب
خالتي دشت ولا اسمع صرااااااااااااااااخ شال البيت
ركضت فوق الصراحه خفت ولا ماسكه خالتي من شعرها وترفس ببطنهاا
اقول حق عمي قاعده تطق خالتي يقول ماقدر ادش واهي مولابسه شي ولا اقدر امد ايدي عليها واهي بهالوضع دشي شيليهم من بعض
والمشكله خالتي محتره اكثر مني موراضيه اوخرهم عن بعض ماعرفت اتصرف ركضت الصاله ودقيت على المخفر
وطلعت خالتي غصب واهي تسب مادري شتقول بنت الكلب وخالتي تسب وتلعب وعمي يسكتنا يقول خلاص المخفر يتصرفون
عمي بالبدايه كان يقول حرام نوديها مكتب المخفر اخاف يسوون فيها شي ومانبي نستاثم بس عقب الي صار يقول لالا المخفر يتصرفون وياها
ربع ساعه يت دوريتييين صعدو فوق
واهي للحين بهالحاله مو راضيه تستر..شافت المخفر جان تبجي...تقول هذا بابا صغير الي اهو ريلي شقت هدومي وبغى يعتدي علي وماما تساعده ولما ماعطيتهم شي شقو هدومي ودقو على ماما كبيره وزوجها علشان يغصبوني
تخيلووو...عيوني طارت
جان يقولولي احنا بناخذها المخفر ولحقوناا وقالي عطينا شي تستر جسمهااا
رحتت ركضت يبتلها عباتي
دقيت على ريلي ورحنا مخفر انا وريلي وعمي وخالتي مساكين مره كبيره خالتي مو صغيره وعمي ريال عوود شيبه تدخلهم مخافر هالحقيره
وهناك شدت ويانا ولسانها اشطوله طبعا الضابط مو مصدقهااا...وهددوها واعترفت تقول
انا مابي اقعد بيتهم..قبل لما كانت بيت امي اثاري جيران بيت امي عندهم شاب 20 سنه ينط عندها بغرفتها كل ليله وتحبه ومادري اشقصتهاا لا وعندها صور الصبي ولا يقولي الضابط احنا بنيب الصبي وبنخرعه وبنمشيه مانبي نسوي عليه شي مالومه الضاهر اهي تحرش فيه ومو بعيده تبلى عليه
اهي تقول انا برد بيت ماما كبيره حتى لو ماكو احد انا ماقدر مانام معاه ..وصارلي اسبوع ماشفته
شوفي الوقاحه والحقاره والوصاخه الواطيه الحقيره
تقول بعد بابا صغير وحلوو وجسم حلوو وماما ضعيفه يمكن بابا يبيني اناا
المهم الضابط قال حق ريلي ييب جوازها وقصلها ارخص خطوط خل نذلفها..ابعااد
ودقيت على امي ..امي حدها شايشه تقول لاتسفرونها خل ايي ادفنهااا اهي والحيوان ولد حيرانا
وبس
اسفه بنات دوختكم وياي ..بس انتو حسبت خواتي وارتاح لي فضفضت لكم
ومشكوره كل من سمعتني وحاولت تهديني وتنصحنيي
كنت بحاله مايعلم فيها الا ربناا
مشكورين
