خدامتي تطبخ وانا ما اطبخ !!!!!

[mayo0ona]

السلام عليكم ورحمة الله وبركاته
مبارك عليكم الشهر يا بنات وكل عام وانتو بخير
انا مشكلتي تضحك شوي
وودي بصاحبات الخبرة يساعدوني
انا خدامتي يومين وتوصل واهي تطبخ وانا ميح بلمطبخ
اذا يت شقولها يلا طبخي؟؟؟!!!
لوووول علموني ماعرف
اقولها شنو تعرفين تسوين؟واقولها تطبخ
هذا اللي كنت ناوية اسويه مع العلم انها هندية
فكرت اييب لها كتاب المطاحن بلغتها
وانتوا شرايكم؟
تكفون محتاجة لمساعدتكم
ومشكوووورين

 

[صريحه ولكن]

علينــا وعلـيج يتبارك .. اول شي اسأليها شنو الطبخات اللي تعرف تسويها وخليها كل يوم تذوقج طبخه وعلى فكره ترى كتاب المطاحن مال هالسنه مافيه لغات بس عربي ! تقدرين تشترين نسخ قديمه فيها "هندي" وتأشرين على الطبخات اللي تبينها تطبخها ..

 

[ام نوونه]

حتى لو اهيا تعرف تطبخ
بس اكيد طريقه طبخها غير
عن طريقتكم
الصراحه اختي ما انصحج ان اول
ما اتي تطبخ اول شي شوفيها
نظيفه زينه ولا لآ بعدين سلميها
المطبخ انا توني مبتدئه ما اعرف
اطبخ عدل بس الله يخلي امي تعلمني
وانا اطبق وكتب الطبخ بعد

 

[رضاهم جنه]

دشي معاها المطبخ ولاتقولين انا ما اعرف سوي روحك فاهمه بس علميها النظافه وهي تطبخ , رفيجتي تقول اول ما جتها الخدامه لقتها تغسل الدجاج بالمغسله بدون صحن ولا شي !!!!!!!!!!!!! عاد كانت تشتغل عند ناس 4 سنوات !!! تقول جذي يغسلون الدجاج وع الله يقرفهم

 

[همسات ليالي]

والله حبيبتي اهيا توها يديده

وديها عند امج والا خالتج يعلمونها عدل على النظافه والطبخ ونظام بيوتنا

وتالي اخذيها من عندهم فاهمه لانج بدون جذي راح تتعبين

 

[ياعشيري جعلك السلال]

مشكلتج صعبه اذا ماتعرفين شي ميح شلون بتشرفين عليها

شوفي قوليلها شنو تعرفين تطبخين وكل يوم ذوقي شي بس برمضان ما انصحج تسوين هالحركة يمكن طريقه الطبخ غير ومو حلوة

خليها هالشهر عندج امج تشوووف كل شي على طريقتكم واستلميها بالعيد

 

[كراميل بالتوفي]

الله يسهل امرج

 

[shaikhat al-zain]

وديها عند امج وخلي خدامه بيتكم تعلمها على جم طبخه
بس اهم شي تاكدي من نظافتها

 

[meen_ana]

حبووبه اخذي كتب طبخ وانتى شرحي لها وخليها تطبق اخاف الاكلام للي تسويها غير اكلكم ولا حيل فيها فلفل

 

[غموض الصمت]

وعليكم السلام و رحمة الله و بركاته
وكل عام و انتي بخير
طيب و اذا مو متعلمة و ما تعرف تقرأ شالعمل ؟
دشي معاها و شوفي شنو اللي تعرفه وانتي ساكته لا تعليق
و بعدين نبهيها على ملاحظاتج من ناحية النظافه
أتذكر خادمة هندية مسترجعه خذتها اختي من المكتب كانت طايحة عندهم
كلن ما يبيها كبيرة وشكلها ما يشجع احد ياخذها
وكانت تقول لاختي ما اعرف اطبخ ؟؟؟
وظلت على الحال ....الخادمة تبي تعرف اهي بتطول عند اختي و لا بترجع المكتب
و طلعت يا بنات طباخة كل شي تعرفه مجابيس و هريس و سمج ولف ورق عنب
كل شي اثاريها كانت تشتغل في قطر اربع سنوات طباخة !!
والحين اختي ما تستغني عنها ابد .. مع تعليقات حمولتها معطتهم طاااف ههههههههه
صج الخدم حظوظ

 

[قطوة@@]

وديها عند امج اريح لج خليها تعلمها