خدامتي مالت عليها يعلها المرض ان شاء الله

[حقوقية]

ياحلو موضوعج والله ..

والخدم فيهم الزين وفيهم الشين ..

واوافقج الراي بصراحة كفيتي ووفيتي .. تسلمين عسوله

 

[crimson^rose]

كلااامج على راسي في كل كلمه قلتيهه.. الخدم فيهم الزين و فيهم الشين.. الشينيين اهم إلي ما ينعطون ويه و ما يستاهلون.. بس والله من أذكر ان هاديين بيوتهم و عيالهم و يايين يشتغلون كخدم بس عشان 50 أو 60 دينار يكسرووون خاطرييييي

 

[عيون بدر]

عدل كلامج

 

[عبير25]

والله كلامك عسل وعين العقلللللل انا عن نفسى جاايبه لاخادمتى تلفون للأنه استأذنتنى احسن من الى يتكلمون بثقه عن منعهم من تلفون وانا اعرف منهم هذول الى يتكلمون 3 حريم وقسم بالله ان كل خدمهم عندهم ومخبينها فى صدرهم يعنى اهى لابغت تجيبه تجيه فابصراحه قدام عينى احسن علشان مأ كون مغفله

 

[mosta7eel]

كلامج عين العقل

 

[وحشني شوف الكويت]

والللللله الخدم مشكلتهم مشكله
ماتدرين تعاملين بأي معامله
اذا دلعتيهم وجبتيلهم جوال وطلعتيهم معاك وارضيتيهم راح يستقوون
واذا هاوشتيهم ووريتيهم العين الحمرا صارو من تحت لتحت
احنا امي الله يطول بعمرها معاملتها متوسطه معاهم
يعني لا تشد ولا ترخي
جوالات وعندهم وكاميرا بعد الله يستر بس منهم
وطلعات طبعن لازم نخيرهم اذا يبون يطلعون ولا يقعدون بالبيت
وطلباتهم واغراضهم امي الحمدلله ماتقصر معاهم
وبنفس الوقت لو قصرو بشي هاوشتهم امي بس صاير لسانهم كل ماله يطول
بعد فتره من الزمن
سواقنا يرن الجرس عشان تطلع وحدا من الخدامات تروح تجيب خواتي من المدرسه
يرن يرن يرن محد يفتح
راح دق على امي طبعن امي سيدا جت للبيت بأقرب ليموزين لانها حاسه انو فيه شي
رجعت فتحت الباب تسمع اختي الصغيره ام سنه تصييييييييح
وتطلع بسرعه فوووووق تلاقي اختي لحالها والخدامات صارو منحاشين حسبي الله عليهم
بس ماشاء الله فيهم خير لقينا مسوين لها حليب وحاطين عندها بامبرز
يعني ما ادري هل مثلن اختي ام سنه بتمد يدها تاخذ الحليب ولا بتغير لنفسها بامبرز ؟؟؟؟
اهنيهم على ذكاؤهم واهنيهم على قساوة قلبهم هذا اذا كان عندهم قلب بعد
.............
بعدها نفس الشي جبنا خدامتين ونفس السيناريو يتكرر
نلبي طلباتهم عشان لا يهربون واحنا اللي بنروح فيها لان البيت كله صغار بالسن وامي موظفه
فا صعبه نقعد من غير خدم
الموهيم انا كنت مارحت الجامعه هذاك اليوم فجاه تجيني خدامتنا الجديده وتطق الباب اقوى شي
انا كنت قاعده ع اللاب وبسرعه قمت افتح
الا لقيتها تسحبني للصاله وهي تبكي وتخربط مدري وش تقول مافهمت عليها ماتحكي عربي كويس
وانا اللي اطلع للصاله والاقي مين تتوقعون ؟؟؟؟؟؟؟ الاقي الشرطه
انا بغى يغمى علي .. ايش الساااااااااااااااالفه ؟؟؟؟
قالو والله ياطويلة العمر خدامتكم الثانيه مدخله رجال فوق بغرفتها
انا قلت نعممممممممممممممممممممم !!! قال والله هذا اللي حصل
فجاه الاخت اشوفها تنزل مع الدرج هي والرجال اللي معاها وماسكهم الشرطي
وكانت تنزل بكل شموخ حسبي الله عليها وانا احس ودي اهجم عليها اجلدها بس من الصدمه موقفه بمكاني
صارت السالفه انو الخدامه الجديده شافت الخدامه القديمه مدخله رجال وجايبتله اكل
فراحت القديمه بسرعه للسواق وقالت له قام السواق دق على ابوي بالدوام
قام ابوي دق على الشرطه وقال روحو بسرعه للبيت وانا بجيكم لان بنتي هناك
وهذي كوارثنا مع الخدم والله يستر من اللي عندنا الحين لا يسوون لنا موصيبه جديده

وآسفه على الاطاله ;/ ​

 

[الجعده]

ليش احنا محناجين خدم؟ لان بيوتنا كبار لو نصغر البيوت ويصير نطام الخدم بالساعه وايد احسن ---حتى اليهال يعنمدون على نفسهم فى ترتيب غرفهم ويأكلون اى شىفى

 

[بتبوتااا]

يســــــــــــــــــــــلم فووومك

 

[MaZyOoOoNa]

شوفي كلامج صح وانا اكثر شي ما ايده سالفة طق الخدم !!!!!! حرام بس اكيد اذا راقعه واحد من اليهال مافينا صبر نكفاخه وهالشي من حقنا بس انا كلش ملش ما ايدها عندي احرمها من المعاش علشان تتأدب بس مو طق

 

[catloverq8]

عاد الليلة حاطة حق نفسي أيسكريم كشخة من اللي أحبه و حاطة ماعون ثاني حق الخدامة و مناديتها تقعد قبالي و ترتاح شوي من شغل القطاوة اللي عندي و تاكل الآيسكريم على راحتها و قعدنا نسولف و نضحك شوي !!!
بس هذا ما يمنع إن اللي قبلها و من نفس جنسيتها رنيتها راشدي سنع و طلبت لها الشرطة و قطيتها كم يوم بالنظارة لين استلموها المكتب و السبب الإخت طولت لسانها و حبت تخرعني هجمت علي ،، بس خليتها تجمد مكانها من الطراق !!!
الخدم مشكلتهم المكاتب بالكويت اللي يعلمونهم كل البلاوي !! و السبب يعيدون بيعهم و يستفيدون !!
المفروض الدولة تعطي إجازة مفتوحة بنص راتب أو حتى ربع للموظفة اللي توها جايبة عيال حتى تدير بالها على عيالها و تجابلهم !!بس تكون ها الإجازة محددة كل سنتين مرة و لعدد معين من المرات
و الأهم تتغير قوانين الداخلية مع الخدم
يعني من يصدق خادمة تصيدينها بالبيت مع واحد و إذا سويتي لها قضية لازم تستلمينها و تحطينها عندك معززة مكرمة إلى موعد المحاكمة و تالي تدفعين فلوس تذكرتها ؟؟؟؟
أعتقد بشكل عام إحنا الكويتيين و الخليجيين تعاملنا جيد مع الخدم و يعتمد على الخادمة نفسها فإذا كانت محترمة نفسها نحترمها و إذا العكس أكيد بنعاملها بشكل سيء ،، يكفي إن الجرائم البشعة بحق عيالنا ارتكبوها خدامات
القضايا بالمخافر أغلب أبطالها الخدم
و ترى كثير من الآسيويين بكل جنسياتهم من العاملين بالقطاع الأهلي أساسا من الخدم اللي انحاشوا أو بشكل أو بآخر هدوا البيوت و اشتغلوا بره !
هم مو عبيد عندنا لكنهم شر لابد منه !!!

 

[my_way]

كلام سليم مئة بالمئة

ارحموا مافي الارض يرحمكم من في السماء



هم الحذز مطلوب

 

[SaD FaCe]

بردتي جبدي :*


بس تدرين شنو المشكله ..

المشكله الخدم اللي يردون ديرتهم يقولون حق اللي بديرتهم (( الخدم اليدد )) ترى هذول ناس مو زينين سولهم سحر ومن هالسوالف.. واكثرهم خريجات سجون الله يكافينا الشر ..


بس انا حيييل يكسرون خاطري يعني اقولها تبي شي من اغراضي قوليلي انا اعطيج بس لا تاخذين شي بدون لا اتقولين والله يتتم على الخدم اللي ابيتنا لا يطلعون نفس اللي قبلهم ..

 

[um hamed]

اختي مشكوووره علىى موضووعج
والله في خدم مافي احسن منهم وفي العكس
اناا طيبه حدي مع الخدم والله اي شيء تبي يكون عندها قبل لا تطلبه اكل اذا ما عجبها اخليها ترووح تشتري من المطعم اللي يمناا وعيالي كبار بس واحد صغير على طول عندي والله ما يفارقني بس اذا طلعت اخليه عندهاا تموت عليه لان ما عندها صبيان بس بنات
عقب ما سافرت ما خذت كل اغراضهاا عطتني فلوس وقالت لي اشحن لها الباجي وشهرين وبترد والله يومين احلم فيها ناديت ريلي قلت له بطل الجناط والا شنوو القىى بلاوي الدنياا كل شيء ماخذته والله حتي الليبل مال هدومنا اليديده ماخذته وروورد على ملابس بنتي مشلعتهم شباصات تراجي بنتي ذهب وتراجي بنت حماتي غير هدومي وهدوم حماتي وماجلة البيت وغير وغير هذا غير اللي معاها بالجنطه والله من يومها قمت ما اثق بالخدم الحين عندي وحده بس غيرت اسلوبي معاها والله يستر منهم الحين ولدي يقعد برووحه يتذكر وبعدين يقولي ماما فلانه كانت تطقني حدي انقهر ودي لو اشوفهاا والله ما اخليها لان عمري ما ظلمتها ولا ضريتهاا

 

[الأماكن]

الحمدلله إحنا الولدة علمتنا إن الخدامة نعاملها بإحترام ...
و أي شي .. غلط أمي تتفاهم فيه مع الخدامة ,,,
والوالدة ... دايما مدلعة خدمها يعني الوحدة تقعد عندنا 5 و 6 سنين

وتعالي شوووووفي البجي و المناحة لما تسافر الخدامة من بيتنا

اللي تتزوج إطرش لنا صور عرسها
واللي تولد صورة عيالها

ولما يصير العيد تشتري لهم بدل .. حالهم حالنا

ولما يصير الكريسماس ... تعطيهم يوم راحة عاد تطلب من وحدة من خواتي اللي يسوقون توديهم مطعم ... سووق ... بحر .. حديقة
العام وديناهم معرض الكتاب ... وااااي إستانسوا

وأمي ما تلبس خدمها يونيفورم .. تقول لأ ... يلبسون إاللي يبون ... بس تي شيرت طويييل و تنورة طويلة

كل وحدة معاها موبايل ... تكلم أهلها ... بس مع مراقبة ...

يعني دلع بحدوووود ... بمنطق الرحمة لكن في ناس أعرفهم ... الله لا يوريييييج

الخدامة من توقع عقدها سنتين شغل ... من المكتب للبيت .. للزبالة (تكرمين) للبيت و بعد السنتين ... المطار على طوووووول .... يعني الشمس ما تشوفها

ممنوع تكلم أحد ... يعني خدامات ثانيات ,,, عشان ما يخربوووونها

التلفزيووون بس على قناة الmbc لاااااا وااااااايد عليها .... إذا شافت فلم هندي ... نقزت عيونها من مكانهم ... لاااا والمعزبة تشيييل الريمووووت عنها بعد

لاتسوي عجفة ... سوي كبة ... ماأدري ليش؟؟؟؟؟

إذا أنكسر قلاص وااااحد إنقلب البيت كله تحقيقااااات .... الله والقلاص ... موقعة عليه الملكة فكتوريا ... كله قلاص جبن

مرت أخوي مرة قصت شعرخدامتها ... كان ناعم و لين ركبتها ... ليش ؟؟؟ عشاااان ما يشوووفه زوجها <<على فكرة مرة إخوي شعرها فلافل:dddds:​

 

[بنت.المطيري]

فديييييييييييييييييييييتج والله ماكنت بدش بس يوم قريت نكج دشيت
واستغربت ان هذا عنوان انتي كاتبته ماحسيتها شخصيتج
...احبج من شويه ؟
تسلم اناملج اللي كتبت الموضوع اللي عالجرررررررررررررح
يسلمو والله
كلش ولا اللي تصرخ عليها 24 ساعه ترى تتفزز بليل حراااااااام
باجر لي تعقدت وربي تاخذين ذنبها
<<حاجي نفسج :krkrkr:..بس انا ماانلام والله كنت مريضة مو مني اتعب حيل واهي
بس اكلمها تنسى القاموس كله لا انقليزي لا عربي تفقد ذاكرتها خخخخخخخخخ
والله مسكينة توها سافرت
بس يننتها والله تكسر خاطري كل شوي واعتذر منها
واعوضها اييبلها وجبه والا اعطيها اكسسوار:krkrkr:
بس جد قطعت قلبي
اول انا والخدم (اغنيلهم من لي غيرك في هالدنياااااااااا ):krkrkr:
بس ويعه وايد نجلوني:0bee2e8d89:
تعلقت فيهم وراحو عني ..وحده انحاشت ووحده طلعت ساحرة وبعدها تعقدت :0bee2e8d89:
والله جد الوحده تحط مكانها مكان هالفقارى تراهم دم ولحم يحسون
بس عاملوهم كموضفين اهم مو عبيد ولا نملكهم

 

[بنت.المطيري]

الحمدلله إحنا الولدة علمتنا إن الخدامة نعاملها بإحترام ...
و أي شي .. غلط أمي تتفاهم فيه مع الخدامة ,,,
والوالدة ... دايما مدلعة خدمها يعني الوحدة تقعد عندنا 5 و 6 سنين

وتعالي شوووووفي البجي و المناحة لما تسافر الخدامة من بيتنا

اللي تتزوج إطرش لنا صور عرسها
واللي تولد صورة عيالها

ولما يصير العيد تشتري لهم بدل .. حالهم حالنا

ولما يصير الكريسماس ... تعطيهم يوم راحة عاد تطلب من وحدة من خواتي اللي يسوقون توديهم مطعم ... سووق ... بحر .. حديقة
العام وديناهم معرض الكتاب ... وااااي إستانسوا

وأمي ما تلبس خدمها يونيفورم .. تقول لأ ... يلبسون إاللي يبون ... بس تي شيرت طويييل و تنورة طويلة

كل وحدة معاها موبايل ... تكلم أهلها ... بس مع مراقبة ...

يعني دلع بحدوووود ... بمنطق الرحمة لكن في ناس أعرفهم ... الله لا يوريييييج

الخدامة من توقع عقدها سنتين شغل ... من المكتب للبيت .. للزبالة (تكرمين) للبيت و بعد السنتين ... المطار على طوووووول .... يعني الشمس ما تشوفها

ممنوع تكلم أحد ... يعني خدامات ثانيات ,,, عشان ما يخربوووونها

التلفزيووون بس على قناة الmbc لاااااا وااااااايد عليها .... إذا شافت فلم هندي ... نقزت عيونها من مكانهم ... لاااا والمعزبة تشيييل الريمووووت عنها بعد

لاتسوي عجفة ... سوي كبة ... ماأدري ليش؟؟؟؟؟

إذا أنكسر قلاص وااااحد إنقلب البيت كله تحقيقااااات .... الله والقلاص ... موقعة عليه الملكة فكتوريا ... كله قلاص جبن

مرت أخوي مرة قصت شعرخدامتها ... كان ناعم و لين ركبتها ... ليش ؟؟؟ عشاااان ما يشوووفه زوجها <<على فكرة مرة إخوي شعرها فلافل:dddds:​

ياويييييييييييييييييييييلها من ربها اهي ناقصة سخط اهي وفلافلها :0bee2e8d89:
تدرين حطيت نفسي مكان خدامتها تدرين لو انا بدالها شسوي
وربي وربي اقل شي احلق شعرها عالموس قبل لا اسافر واذا كنت من سيرلنكا انحاش واروح السفارة واذا في امها خير تلحقني :dddds:
مع احترامي ..مرت اخوج موصاحيه لاتييبولها خدم من الهند ييبولها من افريقيا
مو الخدم ينتقمون من شوية ؟؟

 

[انصاريه قمره]

مساكين هالخدم يعورون القلب وصج الغربه صعبه
مشكووره يا غمري عالطرح المميز
واللي نسوا اذكرهم ترا ايام الغوص كانوا اهلنا يروحون يشتغلون هناك بس صج دنيا دواره يوم لك ويوم عليك

 

[الراقية]

صح كلامج

 

[المن والسلوى]

السلام عليكم
صاجه اختي بكل الكلام اللي قلتيه بس في خدم يستاهلون المعامله السنعه وفي خدم حشاج يبيلهم طق بالجوتي
انا طفارتي اذا خدامه طقت ياهل او اذا البيت مافيه احد من الصبح لي الظهر وتردين تلاقينا مو نظيف لا وتقول مافي وقت
وسلامتكم

 

[أم-مبارك]

اي والله دايم استغرب من ناس اشوفهم شلون يزفون خدمهم انصدمت منهم اهم حيل طيبيين وحبوبين لما زرناهم ماكنا ملاحظين معاملتهم لخدامتهم بس لما كلموا حدامتنا حتى امي انصدمت وعصبت بس ما بينتلهم حيييييل يكلمونهم بدونيه يالله تهدي المسلمين اجمعين