خدامتي مالت عليها يعلها المرض ان شاء الله

[Om ToOoTa]

صح كلامج حبيبتى

..

انا عندى خدامه اندونيسيه عندها تلفون وتلبس على كيفها

بس بنفس الوقت نظيفه ومريحتنى وتحب بنتى

ارجع من الدوام القا غداى جاهز

..

اقومها من عز نومها علشان تلبس بنتى بامبرز او تدخلها تكرمين الحمام

وعلى اساس هالتصرف الى انا اتصرفه معاها ماعمرى صرخت عليها حتى لو سوت شي غلط ولا عمرى زفيتها

واذا اشتغلت عند امى وفوق طاقتها لازم 10 دنانير لها

...


مرات احس انى ظالمتها واقول مسويتلى سحر ونزلت موضوع شكبره انها مسويتلى سحر لانه مااصرخ عليها رابطه لسانى

بس افكر ليش رابطه لسانى اهى ماسوت شي غلط

والسبب انها تحب بنتى

وبغيت اسفرها وتمت تبجي تقول ماابى اسافر ابى غدير << عن بنتى

ولى الحين عندى مرات اشك فيها بس اقول خل تولى اهم شي مريحتنى وتحب بنتى

وبنتى من النوع الى تفتن اذا احد طقها اسألها تطقج الخدامه تقولى لا

الحمدلله يااااارب

 

[فرحه عمر]

حبيبتي انا ماكملت كلامج لان ماعندج سالفه مدام ماعندج خبره بالخدم
اذا الله وفقج بالريال و تزوجتي و رزقج يهال وتداومين ذيك الساعه كلامج على العين والراس ونسمعه وبعدين شنو تستاهل الام اذا صار في ولدها شي حبيبتي ياما في خدم تسوينلها يادهينه لاتنكين و احسن معامله بس الخدامه خلقه من ربي مو صاحيه مريضه نفسيا شلون يعني تستاهل الام؟؟ وقلعتها بعد!! وياما خدم صاحيه تنطق بس قلبها طيب و حنونه على اليهال و تخاف ربها
انا مرت على خدامه تحط مكياج !! هاه شرايج؟؟اخليها مو من عمري و تحب تتزين؟؟ اخليها؟؟
مثل مافي خدم اشكال و انواع في معازيب اشكال و انواع

 

[Om ToOoTa]

ايه نسيت اقولج تلقين كل البنات الى يكتبون مواضيع عن الخدم بهالمنتدى عندهم مشكله مع الخدم

ماكتبوها عبط

والى عندها خدامه زينه اكيد ماتكتب موضوع او ماتكتب انه انا خدامتى زينه وماكو منها تخاف من العين صح ولا انا غلطانه

انا كتبت موضوعي لانى كنت بلحظه غضب منها وتلقين 20 % من البنات كاتبينه بلحظه غضب

فلاتحرين نفسج عليهم ههههه

 

[q8_hala]

يا قلبي كلامج على العين والراس
بس قاعدين ندخل بيوتنا بشر ماندري عنهم مو عايشين معاهم عشان نعرف مذاهبهم وتفكيرهم وأخلاقهم
وهم مثل القنابل الموقوته ببيوتنا اذا ما حمينا انفسنا منهم وما اتقينا شرهم راح تنفجر فينا
نعاملهم بما يرضي الله ورسوله والحمدلله الكل بالكويت بخير ونعمه ومو مقصرين عليهم بشي
لا بأكل ولا بشرب ولا بلبس
ومثل ما نسمع ان اكثر اللي يجون الكويت يانهم خريجين سجون او مرضى نفسيين إلا من رحم ربي
واذا شفنا أو لقينا شي غلط ننبهم حتى لو بالتعنيف الشديد
مو اشوف واسكت مثل الهبله وأخلي القرعه ترعى أكيد راح تتمادى لانه من امن العقاب أساء الأدب
وبعد ما يطيح الفاس بالراس اقول ياليت ولو
كلكم راع وكلكم مسؤول عن رعيته

 

[مشاعل بنت شعله]

صح لسانج

 

[اتعبني غروري 7]

عاد شفت العنوان وقاعده اقول حرام عليها تدعي على الخدامه


والله انا نفس تقكيرج ودايم اشوف ردود البنات واتنرفز واذكر مره رديت على وحده جذي حراام عليكم هذي بشر حالها من حالكم


تبي تسولف تبي ترتاح تبي تنام تييلها العاده بطنها يعورها تبي تتسبح


جان زين كل الناس يفكرون انهم بشر حالهم من حالنا جان الدنيا بخير

لالا يبه العنوان عشان ادخلج غصب هههه

ذكرتيني بخدامه من خداماتنا كل ما تيلها العاده وحده فينا تصعدلها فوق هاا تبين شي ونوديلها هالحبوب
بعدين قمنا نسأل بعض .. في عوار عاده يتم اسبوع كامل ؟ هههه قامت تدلع ويا ويها

مشكوره عالرد

 

[اتعبني غروري 7]

عدل كلاااامج

يقهروووني اللي يفرقوون بين الخددم :0bee2e8d89:

و في ناس اشووفهم بعينيي اذا الخدامه ما يابت لهم شي والله يطقونها واهمه عمرهم قولي 6 سنين و محد

يحاجيهم شنو انقهر :eh_s(14): !!!

بس في خدم امبيه باسهم قوووي !! خالتي عندها خدامه حددها مو صج !!

يعني امبيه عبالها اهيه لمعزبة تدخل بكل شي و تشيش الابو والام على بنتهم (بنت خالتي) ولنه الخدامه

قديمة عندهم ومرة عوده فيصدقونها :0bee2e8d89: !!!

وفي خدم صج من برا هالله هالله و من دااخل يعلم الله !!

كانت عندنا خدامه نعاملها احسن معامله جد والله > ماعادا اخواني اليهال للآمانه :$

يعني بو 10 سنين و تحت

و كل شي نيبلها و نلبسها اللي تبي وماخذه راحتها بس تدرين شصار اخير شي

الشرطة يوولنا قالوا لنا عندكم خدامه بهالمواصفات (خدامتنا) يقول شفناها معه واحد كويتي سيارته جذي و جذي

والله وكيلج ثاني يوم الخدامه منحاشه لين الحين !!! > هذي يزاة الطيب مواعد و ما يندرا شنو بعد الله يستر

و جان زين ما نييب خدام بس والله الظروف تحد الواحد انه إييب يعني صدقيني

اللي يتحلطمون على الخدم مو بإيدهم انه ما إييبوون يعني صج في ناس مضطرين !!

يعني كل خدامه لها تعاملها بروح والله يكافينا شرهم ان شالله

و هذا رايي بالموضوع وسوري ع الطوااله :tek:

مشكوووووووووره عالرد ياالغاليه

 

[اتعبني غروري 7]

تصدقون انا من زمان والحمدلله اراعيهم واعاملهم زين ...بس من فتره شفت حلقه في مسلسل ((( اعتقد الممثل اسمه عبد العزيز ))

في المسلسل كانو عاكسن الحال ..يعني الهنود هم المعزبيه ..والكويتين هم الخدم ...والله ان قلبي عورني وقعد اصيح واصيح واتخيل نفسي اخدم عن ناس اجانب وتاركه عيالي عشان 500 درهم في الشهر ..والمعزبيه يعاملوني معالمه بشعه
اف صراحه ..من بعد هالمسلسل ..لو كنت شوي اعصب على الخدامه ..صرت موليه ما اعصب ..ودايما اتخيل اني انا اكون في موقفهم

..والله انا دوم اقول هالكلام في خاطريه ..بس ما اكتبه اخاف البنات يزعلن ..بس جزاج الله خير ..كفيتي ووفيتي ...

والاخت الي تقول ان بعض الخدمات ما ينعطن ويه وراعيات سحر وغيره ...ترى مب بس الخدمات ..يعني اي انسان ممكن يخون ( الزوج و الولد والصديق ...حتى ولدج الي تربينه وتتعبين عليه ممكن يغدر فيج )) بس الانسان دايما يحط في باله حسن النيه ويحسن ظنه في الناس كلهم ...

بصراحه انا من عشر سنين معرسه وجربت كل الخدد من كل الجنسيات والله الخدم اذا تعاملينهم معامله زينه وتقدرينهم ..يحبونج ويحبون عيالج ويراعونج ....

اقول لك وحده حطي نفسج مكان الخدامه ...وعامليه بالحسنى ....​

عددددددددل كلاااااامج

مشكوره عالرد الحلو

 

[اتعبني غروري 7]

حلو حلو موضوعج

أنا وحدة كان عندي مشكله بالخدم و أثاري المشكله فيني

و الحمدلله فجت عقدتي و الحين أن تظايقت من شي تلاقيني على طول أفكر بهالمسكينة و أسكت و اطخ الحمدلله

مشكورة على الموضوع

حلت دنياج حبيبتي

 

[اتعبني غروري 7]

والللللله الخدم مشكلتهم مشكله
ماتدرين تعاملين بأي معامله
اذا دلعتيهم وجبتيلهم جوال وطلعتيهم معاك وارضيتيهم راح يستقوون
واذا هاوشتيهم ووريتيهم العين الحمرا صارو من تحت لتحت
احنا امي الله يطول بعمرها معاملتها متوسطه معاهم
يعني لا تشد ولا ترخي
جوالات وعندهم وكاميرا بعد الله يستر بس منهم
وطلعات طبعن لازم نخيرهم اذا يبون يطلعون ولا يقعدون بالبيت
وطلباتهم واغراضهم امي الحمدلله ماتقصر معاهم
وبنفس الوقت لو قصرو بشي هاوشتهم امي بس صاير لسانهم كل ماله يطول
بعد فتره من الزمن
سواقنا يرن الجرس عشان تطلع وحدا من الخدامات تروح تجيب خواتي من المدرسه
يرن يرن يرن محد يفتح
راح دق على امي طبعن امي سيدا جت للبيت بأقرب ليموزين لانها حاسه انو فيه شي
رجعت فتحت الباب تسمع اختي الصغيره ام سنه تصييييييييح
وتطلع بسرعه فوووووق تلاقي اختي لحالها والخدامات صارو منحاشين حسبي الله عليهم
بس ماشاء الله فيهم خير لقينا مسوين لها حليب وحاطين عندها بامبرز
يعني ما ادري هل مثلن اختي ام سنه بتمد يدها تاخذ الحليب ولا بتغير لنفسها بامبرز ؟؟؟؟
اهنيهم على ذكاؤهم واهنيهم على قساوة قلبهم هذا اذا كان عندهم قلب بعد
.............
بعدها نفس الشي جبنا خدامتين ونفس السيناريو يتكرر
نلبي طلباتهم عشان لا يهربون واحنا اللي بنروح فيها لان البيت كله صغار بالسن وامي موظفه
فا صعبه نقعد من غير خدم
الموهيم انا كنت مارحت الجامعه هذاك اليوم فجاه تجيني خدامتنا الجديده وتطق الباب اقوى شي
انا كنت قاعده ع اللاب وبسرعه قمت افتح
الا لقيتها تسحبني للصاله وهي تبكي وتخربط مدري وش تقول مافهمت عليها ماتحكي عربي كويس
وانا اللي اطلع للصاله والاقي مين تتوقعون ؟؟؟؟؟؟؟ الاقي الشرطه
انا بغى يغمى علي .. ايش الساااااااااااااااالفه ؟؟؟؟
قالو والله ياطويلة العمر خدامتكم الثانيه مدخله رجال فوق بغرفتها
انا قلت نعممممممممممممممممممممم !!! قال والله هذا اللي حصل
فجاه الاخت اشوفها تنزل مع الدرج هي والرجال اللي معاها وماسكهم الشرطي
وكانت تنزل بكل شموخ حسبي الله عليها وانا احس ودي اهجم عليها اجلدها بس من الصدمه موقفه بمكاني
صارت السالفه انو الخدامه الجديده شافت الخدامه القديمه مدخله رجال وجايبتله اكل
فراحت القديمه بسرعه للسواق وقالت له قام السواق دق على ابوي بالدوام
قام ابوي دق على الشرطه وقال روحو بسرعه للبيت وانا بجيكم لان بنتي هناك
وهذي كوارثنا مع الخدم والله يستر من اللي عندنا الحين لا يسوون لنا موصيبه جديده

وآسفه على الاطاله ;/ ​

ههههههههههههه اهم شي الحليب والبامبرز
عجبني ردج

مشكوره حبيبتي عالرد

 

[اتعبني غروري 7]

ليش احنا محناجين خدم؟ لان بيوتنا كبار لو نصغر البيوت ويصير نطام الخدم بالساعه وايد احسن ---حتى اليهال يعنمدون على نفسهم فى ترتيب غرفهم ويأكلون اى شىفى

تسمحيلي اعارضج ؟
لا حبيبتي مو سالفة البيت كبير
تخيلي قاعدين بكوخ .. << انزين ليش كوخ قولي شقه صغيره لوول
مو راح تنزلين موضوع لحقووني مافي مكااان البيت ضيييج مو مرتاااحه ؟؟
وهذا الي حاصل الحين .. الي قاعده بشقه و3 عيال متضااايقه ..

طيب ليش ما اليهال ما يعتمدون على نفسهم والبيت كبير ؟ كل واحد ينظف من مره ويرتب داره ؟؟
وليش ما ناكل اي شي واحنا بالبيت الكبير ؟؟

شاكرتلج مرورج

 

[اتعبني غروري 7]

عاد الليلة حاطة حق نفسي أيسكريم كشخة من اللي أحبه و حاطة ماعون ثاني حق الخدامة و مناديتها تقعد قبالي و ترتاح شوي من شغل القطاوة اللي عندي و تاكل الآيسكريم على راحتها و قعدنا نسولف و نضحك شوي !!!
بس هذا ما يمنع إن اللي قبلها و من نفس جنسيتها رنيتها راشدي سنع و طلبت لها الشرطة و قطيتها كم يوم بالنظارة لين استلموها المكتب و السبب الإخت طولت لسانها و حبت تخرعني هجمت علي ،، بس خليتها تجمد مكانها من الطراق !!!
الخدم مشكلتهم المكاتب بالكويت اللي يعلمونهم كل البلاوي !! و السبب يعيدون بيعهم و يستفيدون !!
المفروض الدولة تعطي إجازة مفتوحة بنص راتب أو حتى ربع للموظفة اللي توها جايبة عيال حتى تدير بالها على عيالها و تجابلهم !!بس تكون ها الإجازة محددة كل سنتين مرة و لعدد معين من المرات
و الأهم تتغير قوانين الداخلية مع الخدم
يعني من يصدق خادمة تصيدينها بالبيت مع واحد و إذا سويتي لها قضية لازم تستلمينها و تحطينها عندك معززة مكرمة إلى موعد المحاكمة و تالي تدفعين فلوس تذكرتها ؟؟؟؟
أعتقد بشكل عام إحنا الكويتيين و الخليجيين تعاملنا جيد مع الخدم و يعتمد على الخادمة نفسها فإذا كانت محترمة نفسها نحترمها و إذا العكس أكيد بنعاملها بشكل سيء ،، يكفي إن الجرائم البشعة بحق عيالنا ارتكبوها خدامات
القضايا بالمخافر أغلب أبطالها الخدم
و ترى كثير من الآسيويين بكل جنسياتهم من العاملين بالقطاع الأهلي أساسا من الخدم اللي انحاشوا أو بشكل أو بآخر هدوا البيوت و اشتغلوا بره !
هم مو عبيد عندنا لكنهم شر لابد منه !!!

:eh_s(15)::eh_s(15):

 

[اتعبني غروري 7]

الحمدلله إحنا الولدة علمتنا إن الخدامة نعاملها بإحترام ...
و أي شي .. غلط أمي تتفاهم فيه مع الخدامة ,,,
والوالدة ... دايما مدلعة خدمها يعني الوحدة تقعد عندنا 5 و 6 سنين

وتعالي شوووووفي البجي و المناحة لما تسافر الخدامة من بيتنا

اللي تتزوج إطرش لنا صور عرسها
واللي تولد صورة عيالها

ولما يصير العيد تشتري لهم بدل .. حالهم حالنا

ولما يصير الكريسماس ... تعطيهم يوم راحة عاد تطلب من وحدة من خواتي اللي يسوقون توديهم مطعم ... سووق ... بحر .. حديقة
العام وديناهم معرض الكتاب ... وااااي إستانسوا

وأمي ما تلبس خدمها يونيفورم .. تقول لأ ... يلبسون إاللي يبون ... بس تي شيرت طويييل و تنورة طويلة

كل وحدة معاها موبايل ... تكلم أهلها ... بس مع مراقبة ...

يعني دلع بحدوووود ... بمنطق الرحمة لكن في ناس أعرفهم ... الله لا يوريييييج

الخدامة من توقع عقدها سنتين شغل ... من المكتب للبيت .. للزبالة (تكرمين) للبيت و بعد السنتين ... المطار على طوووووول .... يعني الشمس ما تشوفها

ممنوع تكلم أحد ... يعني خدامات ثانيات ,,, عشان ما يخربوووونها

التلفزيووون بس على قناة الmbc لاااااا وااااااايد عليها .... إذا شافت فلم هندي ... نقزت عيونها من مكانهم ... لاااا والمعزبة تشيييل الريمووووت عنها بعد

لاتسوي عجفة ... سوي كبة ... ماأدري ليش؟؟؟؟؟

إذا أنكسر قلاص وااااحد إنقلب البيت كله تحقيقااااات .... الله والقلاص ... موقعة عليه الملكة فكتوريا ... كله قلاص جبن

مرت أخوي مرة قصت شعرخدامتها ... كان ناعم و لين ركبتها ... ليش ؟؟؟ عشاااان ما يشوووفه زوجها <<على فكرة مرة إخوي شعرها فلافل:dddds:​

هههههههههههه واي ضحكتيني عالقلااااص هههه
وييييييييييه امبيييييه هههههههههههههههههههههههههههههههههههه
أنزين خلتحجبهاااا .. حراااام والله ابجي .. شلون رضت الخدامه المسكينه ؟؟

والله احنا نظامنا نفسكم بس انه ماعندهم تلفون..
حتى اذا ما اطلعو كافي الزواره يومين بالاسبوع يستانسون فيهم

مشكوووره عالرد العسل .. << مستانسه ههه

 

[اتعبني غروري 7]

فديييييييييييييييييييييتج والله ماكنت بدش بس يوم قريت نكج دشيت
واستغربت ان هذا عنوان انتي كاتبته ماحسيتها شخصيتج
...احبج من شويه ؟
تسلم اناملج اللي كتبت الموضوع اللي عالجرررررررررررررح
يسلمو والله
كلش ولا اللي تصرخ عليها 24 ساعه ترى تتفزز بليل حراااااااام
باجر لي تعقدت وربي تاخذين ذنبها
<<حاجي نفسج :krkrkr:..بس انا ماانلام والله كنت مريضة مو مني اتعب حيل واهي
بس اكلمها تنسى القاموس كله لا انقليزي لا عربي تفقد ذاكرتها خخخخخخخخخ
والله مسكينة توها سافرت
بس يننتها والله تكسر خاطري كل شوي واعتذر منها
واعوضها اييبلها وجبه والا اعطيها اكسسوار:krkrkr:
بس جد قطعت قلبي
اول انا والخدم (اغنيلهم من لي غيرك في هالدنياااااااااا ):krkrkr:
بس ويعه وايد نجلوني:0bee2e8d89:
تعلقت فيهم وراحو عني ..وحده انحاشت ووحده طلعت ساحرة وبعدها تعقدت :0bee2e8d89:
والله جد الوحده تحط مكانها مكان هالفقارى تراهم دم ولحم يحسون
بس عاملوهم كموضفين اهم مو عبيد ولا نملكهم

هههههههههههههههه ياااي ياااي بنت المطيري داشه موضوعي .. اصابني الغرووور
مو سالفة تصرخ 24 ساعه .. سالفة الي تناديها يا حماااره سوي يا بنت الكلب تعالي
استغفر الله ليش يعني ؟؟
اما اغنييييييتج كاااااااااااااك

مشكووووره حبيبتي عالرد الحلوو يا حلوو

 

[متواضعة]

صح لسانج بعد عمري وجزاج الله خير

 

[اتعبني غروري 7]

حبيبتي انا ماكملت كلامج لان ماعندج سالفه مدام ماعندج خبره بالخدم
اذا الله وفقج بالريال و تزوجتي و رزقج يهال وتداومين ذيك الساعه كلامج على العين والراس ونسمعه وبعدين شنو تستاهل الام اذا صار في ولدها شي حبيبتي ياما في خدم تسوينلها يادهينه لاتنكين و احسن معامله بس الخدامه خلقه من ربي مو صاحيه مريضه نفسيا شلون يعني تستاهل الام؟؟ وقلعتها بعد!! وياما خدم صاحيه تنطق بس قلبها طيب و حنونه على اليهال و تخاف ربها
انا مرت على خدامه تحط مكياج !! هاه شرايج؟؟اخليها مو من عمري و تحب تتزين؟؟ اخليها؟؟
مثل مافي خدم اشكال و انواع في معازيب اشكال و انواع

اسمحيلي انتي الي ما عندج سالفة راده عالموضوع بدون ما تكملينه ..
وعلى فكره انا مو عايشه بقريه مافيها خدامات .. ببيتنا في بدال ال1 .. 2
واشوف واسمع سوالف تصير ..

يعني غلط لمن اعطي عروسه رايي بشي لأنه ماعندي خبره بالعروس؟
غلط لمن اقول حق وحده هالدكتور مو زين لأنه ما عندي خبره بالدكاتره ؟؟
بس انا شايفه وسامعه وعندي ذوق وراي ابي ابديه !!

اي تستاهل الام .. قلعتها .. << اقري ردودي بالاول وتعرفين رايي بهالموضوع
انتي راده قبل ما تعرفين راي وفكرتي !!!!!!!

يله .. احترم الكبير وارد اعيدلج الحجي ..
انا لي تزوجت ان شاء الله راح احط خدامه .. وراح اداوم واخلي عيالي عندها ..
تدرين ليش ؟؟ لأني ادري انه ربي سبحانه اقوى واكبر من الخدامه الي خلقها ..
يعني مو معقوله باخذ عيالي معاي دوامي !!

انا الي تكلمت عنها .. الام الي تخلي الخدامه توكلهم وتنومهم وتشربهم وتغسلهم وتبدلهم .. والمصيبه تزعل اذا قال للخدامه ماما
ما تكلمت عن الام الي تشتغل .. وتخليهم فترة الدوام عند الخدامه

مشكوره عالرد

 

[اتعبني غروري 7]

ايه نسيت اقولج تلقين كل البنات الى يكتبون مواضيع عن الخدم بهالمنتدى عندهم مشكله مع الخدم

ماكتبوها عبط

والى عندها خدامه زينه اكيد ماتكتب موضوع او ماتكتب انه انا خدامتى زينه وماكو منها تخاف من العين صح ولا انا غلطانه

انا كتبت موضوعي لانى كنت بلحظه غضب منها وتلقين 20 % من البنات كاتبينه بلحظه غضب

فلاتحرين نفسج عليهم ههههه

صححححح كلااامج ..
بس انا ما قلت ليش كاتبه موضوع خدامتج الساحره ولا البواقه ولا راعية الخرابيط
انا تكلمت عقب ما شفت ردود البنات
(( ويييع خدااامه وعندها صدر ؟؟ وييع ))
(( ويييع خدامه ولابسه هالوون .. لووعه))
والي تسب وتتفل وتطق الخدامه .. بس عشانها خدامه !!
والله حرام

 

[جوك احلى جو]

شكرا ع الطرح

 

[متواضعة]

صدقتي اتعبني والله في ناس صج مايرحمون الخدامه تكنس وتطبخ وتجابل العيال وكل شي اتسوي حتى في ناس يخلون الياهل ينام بغرفة الخدامه

انتي عيالج عيالج تضايقين منهم وتهاوشينهم اشلون الخدامه شبتسوي فيهم من وراج

الخدامه يا انها حق البيت والطباخ او حق العيال مايصير كل شي بوقت واحد

ولين صار شي في الياهل يلمون الخدامه ويكفخونها ويسفرونها

انتي عيالج ما اكلتيهم ولا شربتيهم ولا لعبتي ععاهم قاطتهم على الخدامه ماتدرين عنهم الا نص ساعه باليوم يمكن بعد !

انلوم منوووو في هالشي ولو صار في الياهل شي من ورا الخدامه اكيد الام والابووو اهم المسؤولين عن العيال دام قطوهم في حضن الخدامه وعتمدوا عليها بكلللللللللللل شي

ويعطيج العافيه والله يرزقج بولد الحلااال وتكفخييين خدامتج لين يااات
ههههههههه لا امزح اتعبني ان شاءالله اتيج الخدامه اللي تبرد القلب

 

[fatomy]

أنزين والخدم الى يبوقون
وييبون تلفون ويكلمون أفلان وعلان
وأخر شي تصيدينهم مع ....... تخربط معاه بالغرفه :0bee2e8d89:
في خدم مو مال شغل بس حق الخرابيط
وفي الزين :tek: