خدامتي مالت عليها يعلها المرض ان شاء الله

[غزيل الفله]

السلام عليكم جميعا .. انسا وجنا

شعلومكم بنات !!















































انا ما فكرت بهالموضوع .. ولا فكرت اني انزله الا عقب ما شفت اكثر من موضوع يختص (( بالخدامات ))

واغلبهم ينرفزوون .. وخصوصا الردود

مثلا ...
ماااااالت عليها حتى مالت عليها
ويييييع خدااامه
خدامه ولابسه هاللون ؟؟ عطوني شي خل اكفخها
امبيه انا والخدامه نفس الشي صج اي شي
ويه ويه ويه الله لا يبلانا خدامه بمادري شنو

انزين ليييييش؟؟
ليش شايفه نفسج ؟؟
ليش هالغرور هذا ؟؟
اسميها قلة ادب ؟؟

الخدامه مو بشر ؟؟ ..
منو قال انه الخدامه ما تحس ولا تتضايق ولا تتمنى ولا تشتاق !!

كله بصوب ولا لمن تيي خدامه نفس عمرج
نفس ما تبين تهتمين بجسمج اهيا نفس الشي
نفس ما تبين تهتمين بشعرج اهي نفس الشي
نفس ما انتي تنقين الي يعجبج من اكل وشرب .. اهي بعد في اشياء ما تحبها واشياء تحبها
نفس ما انتي تييلج ايام مالج خلق تداومين او تحضرين محاضرتج ..
اهي نفس الشي تييلها ايام ما تقدر تحرك جسمها
زين منها تسوي نص شغلها .. ويمكن تسويه كله بس مو بضمير


ما اقولج الي تشترينه حقج تشترينه حقها
ولا اقولج لمن تروحين مطعم تزخينها معاج
بس هم احترمي ذوقها .. وتفكيرها ..

مو عشانها سيلانيه تطلع غبيه ولا عشانها اندونيسيه تطلع ساحره ولا عشانه فلبينيه تطلع راعية خرابيط
ترا الاسلام بكل مكان .. مو بس عندج انتي
الاسلام والايمان بالله موجود عند السيلانيات والاندونيسيات والفلبينيات

كله بكوم والي تغار من الخدامه بكوم ..
الخدامه الي باعت بقرة اهلها عشان تيي .. ما يت عشان ريلج انتي .. ولا عشان اخوج انتي
واذا تبي تلاقي بكل مكان .. مو بس ببيتكم انتو
واذا ريلج ضعف جدامها ولا اخوج رخص نفسه عشانها .. مو مشكلتها اهي بروحها

انزين بسألج .. ترضين احد يفتش بأغراضج وانتي مو مسويه شي ؟؟
ما تحسين انج مظلومه ؟ غير انه يعفس اغراضج وما يرد يرتبها

خلاص انزين ليش تفتشين بأغراضها 24 ساعه .. اذا مو شايفه شي ليش معوره قلبج وشاغله بالج
واذا لقيتي شي ما اعجبج تاخذينه .. انزين شفيه ؟؟ بس عشان ما اعجبج ؟؟

ولا الي (( شاكه بخدامتها )) شاكه مو متأكده
تسهر طول الليل عشان تتأكد .. شهالعذاب ..
ما وراج ريل ؟ عيال ؟ قعده من الصبح ؟

تدرين ؟؟؟ خل اعطيج حل ...
صدقيني بترتاحين ... لا تحاتين ولا تخافين ولا تسهرين ..
شرايج ما تييبين خدامه ؟؟ اي اي تعيشين بدونها

تقعدين الصبح تداومين .. تردين تطبخين .. تفرشين .. تنجبين .. تشيلين الصحون .. تغسلينهم .. تغسلين الملابس .. تكوينهم .. تخمين الغرف والصالات .. تغسلين الحمامات .. وياوليج اذا نمتي وانتي مو مخلصه الشغل ..

تدرون شنو الي يضايقني بعد ؟
لمن عضوه تغلط على عضوه .. او اي شخص بره المنتدى
الاداره توقفله .. انزين لمن تغلط على خدامه ..
مو نفس الشي ؟؟ ولا هذي حيوان ؟؟


ما انكر انه في منهم شياطين ..
وفي منهم الله بالخير
بس هم في شغلات تطلع منا احنا مالها داعي كلش
وفي قوانين تنحط للخدامه مالها هدف كلش

مثلا .. التلفون ..
ليش الي تلاقي تلفون عند خدامتها تقوم الدنيا وتقعدها
باقت التلفون منج ؟ تكلم فيه ريلج ؟
التلفون من فلوسها .. وفوق هذا ينأخذ منها وتنطق بعد

شوفو امي مستحيل ترضا تحط تلفون حق خدامه من خداماتنا .. لي الحين ما ادري شنو هدفها ولا تفكيرها

تدرون ؟؟ في خدامات يستاهلون الطق
مثل الي تطق الياهل ولا تسويله شي
تدرون من الي تستاهل اكثر من الطق ؟
الام الي قطت الياهل


اسفه بنات طولت عليكم .. مع اني احس اني ما قلت شي بعدي هههههه

أى والله صاجه ياحبيبتى

 

[Judy abbott]

وي انا اول ماقريت الموضوع حسبالي خدامتج سويه مصييبه ههههههههههه

وقاعده اقول شهالموضوع شكو تدعي عليهاا ؟؟

انا ويااج بالي قلتييه


بس هم عندى اعتراضات

انا فبيتنا عمري لا اذيت خدامه ولا صرخت عليهاا الا جم مره اذا صج نرفزوني

صجج يعني في ناس حسبالهم الخدامه ما تحسس مو كائن بشري مو بس الخداامه كل النااس بعد يبون كل شي يمشي حسب مشتهاتهم

بس انا الصراحه ضد انه الخدامه يكون عندها تلفوون لااء وبعد من ورى المعزبه انزيين ليش ابي سبب مقنع ؟؟؟

لو حارمينها تكلم اهلهااااااااا جان قلناا اوكييي ؟؟!!

بس وقت ماتبي تكلم اهلهااااااا وفي ناس اهماا من حسابهم يشترولها رصييد واخر شي تلفونات من وراهم والله العالم ارقام منو داخله ؟؟ انا هالفكره ما اايدها بس اذا المعزبه راضيه كيفها عااد؟؟

احناا نكوون طيبين وياهم ونعاملهم احسن معامله مدام ماجفنا منهم شي شيين

اصلاا مالناا حق اصلا نغلط عليهم هذوول بشر

والله حتى الحيواان قلبج يعورج لي جفتي احد شاته

واخر نقطه بعقب عليهاا صج نعاملهم زيين بس مو ندلعهم اخر دلع عااد لانه احنا ماعندنا بالكويت خير الامور الوسط ههههههه يا ابيض يا اسود رماادي بلاصابع ينعدوون

والي يخافوون من السحرر لهم حق والله لانه بهالزمن محد ماله امان فمابالج احد ياي من ديره غربه ؟؟

وبلاخير الله يهدي خدم هالوقت ويهدي المعازيب << عاد مادري صح ولا غلط كاتبتها ههههههه

 

[اتعبني غروري 7]

وي انا اول ماقريت الموضوع حسبالي خدامتج سويه مصييبه ههههههههههه

وقاعده اقول شهالموضوع شكو تدعي عليهاا ؟؟

انا ويااج بالي قلتييه


بس هم عندى اعتراضات

انا فبيتنا عمري لا اذيت خدامه ولا صرخت عليهاا الا جم مره اذا صج نرفزوني

صجج يعني في ناس حسبالهم الخدامه ما تحسس مو كائن بشري مو بس الخداامه كل النااس بعد يبون كل شي يمشي حسب مشتهاتهم

بس انا الصراحه ضد انه الخدامه يكون عندها تلفوون لااء وبعد من ورى المعزبه انزيين ليش ابي سبب مقنع ؟؟؟

لو حارمينها تكلم اهلهااااااااا جان قلناا اوكييي ؟؟!!

بس وقت ماتبي تكلم اهلهااااااا وفي ناس اهماا من حسابهم يشترولها رصييد واخر شي تلفونات من وراهم والله العالم ارقام منو داخله ؟؟ انا هالفكره ما اايدها بس اذا المعزبه راضيه كيفها عااد؟؟

احناا نكوون طيبين وياهم ونعاملهم احسن معامله مدام ماجفنا منهم شي شيين

اصلاا مالناا حق اصلا نغلط عليهم هذوول بشر

والله حتى الحيواان قلبج يعورج لي جفتي احد شاته

واخر نقطه بعقب عليهاا صج نعاملهم زيين بس مو ندلعهم اخر دلع عااد لانه احنا ماعندنا بالكويت خير الامور الوسط ههههههه يا ابيض يا اسود رماادي بلاصابع ينعدوون

والي يخافوون من السحرر لهم حق والله لانه بهالزمن محد ماله امان فمابالج احد ياي من ديره غربه ؟؟

وبلاخير الله يهدي خدم هالوقت ويهدي المعازيب << عاد مادري صح ولا غلط كاتبتها ههههههه

صح كلامج .. نفس تفكير امي .. اذا تلفون البيت موجود .. تكل اهلها متى ما تبي
شحقه حاطه تلفوون ؟؟
ونفس الشي في ناس يقولون .. ما اعرف خدامه بدون تلفون ..
كل واحد وله رايه وتفكيره

واذا عالسحر .. ربج موجود

 

[أمواج البحر]

شوفي انا جربت خدم اشكال والوان ..

منهم اللي الطيب يبين بعينها وليلحين ما اذكرهم الا بكل خير والله يوفقهم وين ما راحوا ..
ومنهم اللي لا والله لو شتسوين تتعنفق وما يعجبها وتعل ..

يبقى اولا واخيرا .. احنا نعاملهم زين مو علشان اهمه كلهم يستاهلون طبعا ان اكرمت الكريم ملكته وان اكرمت اللئيم تمردا ..
بس احنا نعاملهم بللي دينا يمليه علينا واخلاقنا وحتى اللي مو زينة او ما تستاهل انا اعاملها باخلاقي مو باخلاقها واللي اشوف منها شي ترد من وين ما يات ولا اقعدها ابيتي وتقثني واظلمها ..
واهم شي الوحدة ما تنام هي ظالمة او ماكلة حقوق الناس ...

بالضبط هذا الكلام اللي ابي اقوله

والله في بعض الخدم اللي تخليج غصب تطلعين من طورج

عن نفسي والله مدللـه خدمي كل وحده عندها موبايل و يوم بالشهر day off

الروح تبي الارواح خلها تروح تستانس وتغير جو يعني انا عندي طباختي ما تطلع ابدااااا اللهم هاليوم اللي تطلع فيه حق اختها

ترد لي انسانه ثااانيه و الكشره شاقه الحلج :dddds:

ووايد مرات لما اليهال ينامون وخدمي ماعندهم شغل اناديهم ونحط فلم هندي واطالع معاهم

احاول قد ما اقدر اكون مرنه معاهم

بس هذا مو معناته اني ما اكون صارمه لا والله الجذب خيبه ازف واهاوش اذا شفت غلط

لكن انا زفي مو بصراخ لاني ما اعرف اصارخ على الخدم اخاف :tomato2:

ودااايما اقول ياربي انك تعطنا خيرهم وتكافينا شرهم

 

[{aqua}]

حبيبتي صح لسانج قلتي اللي بخاطري و الله يعطيج العافيه

 

[PO PO22]

وعليكم السلام
صح كلامج

 

[فانفير]

كفيتي ووفيت حبيبتي يعطيج الف عاافيه
موضووع مفيد جزاج الله الف خير

 

[yam_yam]

صح لسانج

 

[اتعبني غروري 7]

مشكورين حبايبي الي ردو .. ما قصرتو

 

[DBDOB3 DES]

انا اشوف خير الاموراوسطها يعني لاتصير الوحده شديده اومعطى الخدامه راحتها
لان في كلا الحالتين اهي الخسرانه بلاخيركل وحده تخاف ربها في تعاملهامع الخدم وبيمشون طريجهم سيدا\
مع اني مااحب الخدم في البيت تعودت اسوي شغلي بنفسي سبحان الله:eh_s(6):

 

[اتعبني غروري 7]

اب اب

 

[دانة من البحرين]

يا عمري يا حبيبتي والله العظيم الخدم ما منهم امان هذوا جايين من بيئة غيربيتنا ومعيشة غير معيشتنا ادا دلعتيهم وعطتيتينهم ويه يتمردون وربي ويمصخونها عسى لو الخدامة احسن زمانها تشوفينها تتمرد تتمرد وما يجون الا بالعين الحمرا قطع يقطعهم :tomato2:

 

[Engineero-q8ya]

يسلممو عموضوعج الحلوو والله عااد انا داشه قاعد اقول وي حرام انزين مسويتلها شي ليش تقول عنها جذي المراه عندها عيال اهل كسرت خاطري من غير شي لوول

لا بس صج يكسرون الخاطر الناس عبالهم هذوله مو بشر نفسنا ولا الي صج يقهرني لمن يروحون مطعم اهي يخلونها بمكاان بعيد ولا ماتاكل معاهم ليش ياربي اهيا ماتيوع بس احنا يعني الي نااكل والله حراام يكسرون الخاطر

 

[um khaled]

الخدامة نفسك . انتوا شنو يصير فيكم اذا سافرتوا وخليتوا عيالكم هم بعد جذي ميتين على شوفت عيالهم بس الظروف جبرتهم والا منو ترضى تصير خدامة.انا عن نفسي ايام احس اني ودي اذبحها واشرب من دمها بس بدونها اضيع. اكيد تستاهل احترامي.
ومن فترة كنت رايحة لخالتي المستشفى واللي نايمة جنبها مرة كبيرة وخدامتها ميتة من الجوع وتبكي عشانها متبتبة تقول ما ابيها تاكل وسبتها سب اليهد والخدامة صار لها يومين لا سباحة لا اكل . الله يرضى . ويستمر مسلسل ظلم الخدم.

 

[مسك أبيض]

بالنسبة لموضوعك صراحه رائع تسلمي على الطرح ، فعلا في ناس دائما ينظرون انها في النهاية خدامه ومالها احساس وانا اشوف هالشي بعيني خدامة اهلي من طبعها اذا احد دخل البيت تسلم عليه عندي مرت اخوي ماترد عليها وهي تقول لي مدام ماترد علي اذا اسلم ليييييش مع ان رد السلام وااااااجب انا احترمها واجيب لها هدايا من وقت للثاني واحسها تحبني ودائما تدعي لي تقول يارب مدام تجيبي بيبي هههه وماعمري شفت منها شي بالنسبه للتلفون امي ماترضى لان صار عندنا خدامه كان عندها تلفون وكانت تواعد رجال هنود و اندونيسين رغم انها كانت متزوجه واخر شي سفرناها ، اما بالنسبة لي انا كسووووووله لدرجة اني مااحب اتحمل مسئولية احد غير حالي ويالله اتحملها بعد هههه مافكرت اجيب خدامه رغم ان زوجي عرض علي اكثر من مره بس انا احب اكون براحتي عالاخر ومااحب المشاكل حتى خدامات اهلي مستحيل اجيبهم ينظفون منعا للمشاكل اللي تكلمتي عنها في موضوعك ...

 

[اللاما]

شوفي حبيبتي غالبية الخدم حقودين وقلبهم اسود يطالعون حتى لقمتج مع انا والله ما نقصر معاهم بلبس او اكل لو نطلب من المطعم حسبنا
حسابهم معانا ولا نشد عليهم ونراعيهم طبعا بس ما كو فايدة فيهم
اقول لج موقف وحدة اعرفها دايم تقول ما ادري اشفيني مااشتهي الاكل تجيبه الخدامة لي وما اكل الا شوية جان تقول لي اختها بيني وبينها
تصدقين خدامة اختي تقول لي انا لما اودي الاكل حق ماما افكر في عيالي واهلي عندهم اكل والا لا يعني يطالعون لقمتنا وما يشوفون اكلهم
حسبي الله ونعم الوكيل

 

[منورة الكويتية]

كلامج صحيح وصاجة بكل كلمة
مرات ننسى انهم بشر حالهم حالنا يحسون مثل مانحس ويبون مثل مانبي
والله الله ياجرهم يتغربون ويتشحططون بس عشان 40 ولا 50
وشوفي الكرف والتعب الي يتعبونه ليل نهار
الله يرحم حالهم ولا يبلانا يارب
بس بالجهة الثانية في ناس يكونون منقرصين من الخدم مسويتلهم بلوة ولا سحر ولا سالفة
ف شيئ طبيعي تكرههم وتطلع الي بقلبها وان كان بموضوع بمنتدى
يعطيج العافية ع الموضوووع

 

[soseta]

انا داشه طيران على الموضوع يايه بزفج على هالعنوان لوووول
بس والله الحين بعد ماقريت كلامج اقوللللللللللج تسلم ايدججججججج والله , تصدقين صارلي سنه بكتب عن الخدم بس مو عارفه شلون ابدي وشنو اقول وشنو اخلي , أنتي قلتي ربع اللي بقوله وودي اكمل بس ماادري شقول !!

بس بقوووووووووول , ان اهيا انساااااااانه ومثل مااحنا نصير مدرسات ودكاتره ومهندسات اهيا وظيفتها خدااااااامه , مو معنى خدامه يعني جماااااااد ماتحس , لا اهيا انساااااااااااااانه ..

يابنااااات والله الواحد مايضمن الزمن ..
عفيه فكروا فيها , تتوقعون هالخدم اللي تارسين ديرتنا في وحده منهم كانت متوقعه انها راح تتغرب وتفارق عيالها واهلها وحبايبها عشان لقمه العيش !!
تتوقعون ماكانت تحلم مثل احلامنا ؟! , وتفكر انها تعيش باستقرار وسعاده !! , بس شتسوي الزمن خلاها تتغرب ..

حطووووا نفسكم مكانها , خلوا بقلبكم شويه رحممممممممممه , وعلموااااااااااا الكبار اللي اكبر منكم يصير بقلبهم شويه رحمه ..

والله لما اقعد بمكان فيه حريم كبار بالسن من اول مايقعدون لين يقومون واهما ينادون بهالخدم لدرجه ان اليهال تعلموا منهم , لا ومايعجبهم العجب تبي لما تقول يافلانه فلانه برمشه عين تكون عندها ..

والله اعرف وحده تنادي الخدامه ورا بعض حتى ماتاخذ نسم عشان ترتاح وعشان تسمع اذا الخدامه قالت نعم والا شنو , يافلانه يافلانه يافلانه يافلااااااااااااااااااااااانه يافلاااااااااااااااااااااااااااااااااااااااااااااااااااااااااااااااانه وتنادي وتنادي والخدامه مسكينه قاعده تتسبح وتصرخ تقولها ماما اناااااااا بالحمام ( عزكم الله ) واهيا ليلحينها تنادي يافلاااااااااااااااااااااااااااااااااااااااااااااااااااااااانه , وساعات يقومون من اكلهم عشان بس يشوفون عيوز النار شنو تبي ..


والله حرااااااااااااااااااااااااااااااام

انا عن نفسي متعوده انا ارتب غرفتي , بس السرير وهالاشياء البسيطه اخلي الخدامه تسويهم , بس الكبتات والادراج مستحيل , المهم يومها كنت ابيها ترتب غرفتي , دشيت عليها الغرفه شفتها منبطحه وقاعده تطالع تلفزيون جااااااان اقولها ماعندج شغل ؟! ابيج ترتبين غرفتي ؟! , والله بعد ماقلت هالجمله جااااااااان اتذكر نفسي لما اكون مرتاحه ومندمجه بشي واحد يناديني شلون اتحلطم واعصب , على طووووول بدون تفكير جان اقولها خلاااااااص لاتقومييييييين مو لازم اليوم ترتبينها , باجر رتبيها , وماخليتها تقوم ..


والله يابنات مو معناته خدامه خلاص نعاملها مثل الجماد ..
قدرواا شوي , انا لاشفتها باليوم اشتغلت وااايد تكسر خاطري ومااطلب منها شي , واذا بطلب منها شي احس ياخذ جهد ووقت لازم اسالها واقولها عندج شغل !!


وااااايد حجي بقلبي بس ماادري شقول وشخلي ..
مشكووووره على هالموضوع الحلو , وياريت القسم يرتقي بهالمواضيع الحلوه , بدال المشاكل اللي اتييب المرض واللي مالها داعي ..

 

[soseta]

ايييي وتذكرت شغله , واااايد وااايد وااايد وايد تحز بنفسي ..

يعني الخدامه معاشها بالكثير 50 دينار , والله عيب وحرام على بعض الناس , لما يخلونها اهيا تشتري الشامبو والصابون لهاااااا , والله عيببببببببببببببب

قاعدين نقط بلاوي زرقا على اشياء سخيييييييفه , متحسفين تقطون نص دينار حق شامبو !!!!!!!!!!!!
شنو هالفقر
وغير اللي عبالهم خدامه عادي اي شي تستعمل مو مهم , تلقينهم يشترون الشامبو اللي اشكبررررررررررررررره يكفيها ثلاث سنين بنص دينار والا دينار بس عاد لاحطيتيه عالشعر شوفي شنو يبقى منه شعرج كله يحت , والله حرام


حتى الفوط الصحيه << يعني ذربه
اعرف ناس تشتريلهم اردى شييييييي , ترا مافيها شي اذا زدتي على المبلغ ربع دينار وشريتيلها شي سنع

والله يبطون جبدي ..


وهم انقهر من المعزبات اللي يشترون اشياء غاليه ويورون الخدم , والله انا يحز بخاطري شلون الخدامه , يعني وحده مره شاريه نفنوف فوق ال50 دينار وقاعده توري الخدامه , والخدامه معاشها بالشهر 50 , ماادري ليش ماحبيت هالحرررررررركه

 

[ام ريان3]

صح السانج