خدامتي مالت عليها يعلها المرض ان شاء الله

[رائعة]

كلامك حلو وفي ميزان أعمالك

وصدقت لازم يعاملون معاملة حسنة، لأنهم بشر وفي ناس صراحة فيها خلل

أنا بسأل شلون بيتوجهون إلى ديننا الحنيف وبعض المسلمين معاملتهم سيئة

اللي يعذبه بالكهرباء ؟ واللي ما يعطي حقوقه؟ وين وصلنا ما في رحمة

صحيح لازم الاب يرخي والأم تشد معاها ، بس مو تشد بدون رحمة ولا رأفة بحالها

من الصبح تنظف والحجية قاعدة تأمر، وبعدين الرسول عليه أفضل الصلاة والتسليم لما سئل خادمه

قال لم يقل لي أف قط، ما أعظمك من نبي صلوات الله عليه وعلى آله وصحبه وسلم

لصاحبة الموضوع كلمة شكر في حقك أسطرها لك عبر هذا الرد ورزقت جنانه بارك الله فيك

 

[um fawaz]

يعطيج العافيه على الموضوع ..

 

[روح مغليهآ]

صاجه والله بكل كلمه تقولينها والحمد لله احنا مانفتش خداماتنا كلششش حتى اذا بتسافرمانفتش واذا بتسافر نعطيها فلوس هديه ونوديها السوق وملابسها حلوة ووايد ونادر حيل ما نزف وغرفتها كبيرة ومأثثه وعندها تلفزيون وريسفر يعني مدلللعه

 

[FoOosHiia]

انا معاج
وعليا حتى اهما بشر

جزاج الله خير على الموضوع

 

[اتعبني غروري 7]

مشكوووووووووورين بنات ما قصرتوو

في ردود بالصفحه الخامسه وااايد اعجبتني .. رايكم على عيني وراسي

يعطيكم العافيه

 

[[[ عيون جابر ]]]

لووووول قلبج متروسه
اي والله صاجه حبيبتي ومشكوره على الطرح الراقي وانشالله الفايده للكل

 

[q8**girl]

واااااي كلااامج ابررد الجبد والله احس قلتي الي بخاطري اقوله من زمااان ..
احنا ابيتنا عندنا قانون قبل لانطلب الشي بليييز وبعده ثانكيوو لانهم بشر مثلنا وبعد ال 9 ونص مانطلب منهم شي اميي تزفنا .. الحمد الله كل خدامه تدخل عندنا ماودها تطلع

 

[حبيبته آنا]

والله عدل كلامج كل كلمه قلتيها اايدج فيها
والحمدلله سواء في بيت اهلي او بيت حمولتي ماشالله الخدم معمرين عندنا كلهم من سنين موجودين اقل وحده فيهم قاعده عندنا 10 سنين عندنا واللي قبلها وقبلها وهذا دليل على انهم مرتاحين عندنا والمعامله اهم شي ان الواحد يعاملهم معامله زينه لانهم بشر حالهم حالنا ولوما الظروف جان ما اشتغلو تحت رحمة احد

 

[NeG6a]

المشكله احنا عندها مفهووووووم غلط عن الخدم ,, ومفهومنا اهو الخدم = عبييد لنا ,,, يعني وعليها علييهم الخدام في بعض الحرييم يكرفوون هالانسانه 14 ساعه باليوم على معاش شهري 50 دينار !! ولا بعد على انه المعاش 50 في بعضهم يحرمونها منه ليش سوت شي غلط ولا المعزبين ماعجبهم شغلها !! وفوق هذا يطولون اللسان عليها ويزفوونها , مادري ترا اهيا انساانه مو معصوومه ,وزيين قادره تتفاهم معاكم .. اذا هالخدامه مو عاجبتج ماله داعي تحطين حرتج فيها واذا مستخسره الفلوس الي قطيتها عشان تيبينها عيل نصيحه لا تيبيين خدم لبيتج

بصراحه انا كلش ما احب اتعامل مع الخدم ولا اواطنهم بس الحق ينقال ,, انا وحده ما احب احد يزفني ولا احب احد يطول لسانه علي او يمد ايده ولا حتى يفتش اغراضي , وهم اذا ييت بشتغل من حقي اخذ يوم راحه وابي معاشي ينزل كامل ..

باختصاار عامل كما تحب ان تعامل

 

[ĎєνiL.ĞιRL]

❤❤

❤❤


شوفي تفكيرج كله عدل ..

الرفق ويه الخدامات ضروري لهم ولج انتي من الاساس ..

لان اذا انتي رخيتي عليهم من البدايه ..

وحسستيهم بالامان .. اكيد اهمه بيعطونج من قلبهم ..

طبعا انا قاعده اتكلم عن الي نيتهم صافيه ويايين يعيشون ويعيشون اهلهم معاهم ..

مو الخربانين ..

والمفروض الكل يطبق هالمقوله بحياته على اي شخص يقابله سواء وزير او خدامه او حتى فراش

" عامل كما تحب ان تعامل "

والنتيجه اكيد بتكون ايجابيه ومثل ما انتوا تبونها ..

وثانكس حبيبتي على الموضوع ..

 

[ميااااار]

صح كلامك

فيه بعض الخدم ودك تحطينها على راسك من طيبتها ومعاملتها معك

وبعضها ودك تمسحين وجهها بالارض

مثال خدامتنا طيبه طيبه طيبه

ودايما تجلس معي وتسولف معاي وتفضفض من همومها والله اني معتبرتها اختي

وصار لي فتره مضيعه جوالي وفتشت البيت كله مالقيته

و خالتي كانو عندنا سهرانين وبنفس اليوم ضيعة امي جوالها لكن مالقيناه مع الشغاله سالفته سالفه

لكن جوالي لما خالتي نادت شغالتها واسالتها عن جوال امي قالت لامافي شوف

وسالتها عن جوالي وجلست اوصفه لها

فتحت عيونها عالاخير ووجها تغير والله اني شكيت بها

لكن ماتكلمت وبعد مامشت خالتي وقبل مايطلعون قالت لخالتي ان جوالي مع شغالتنا

انصدمت يعني انا تحديدا الي اعاملها معامله ماتحلم فيها ليش تسوي معي كذا

وماانكر ان بعض من اهلي بس يتهاووسون معاها لكن ليش تنتقم منهم عن طريقي

لكن الى الان مافتشناها مابقى لها شي وتطس ونفتشها ياليت القى جوالي معها والله لامسح وجهها بالارض

 

[^_^ حوراء ^_^]

انا ما احب الخدم << خلقه جذي مو ذاك الزود معاهم ..

فعشان لا اييب خدامه و اظلمها معاي او اعاملها معامله زفت من الاساس ما دخلت خدامه اب بيتنا ..

ولا افكر اني اييب خدامه بعد .. الله يخليلي ايدي و ريلي و اسوي شغلي بروحي ..


^_^

 

[al7noona]

والله صاجه بس ترى هم اهما مايبين بعينهم الطيب انا خدمي ماازفهم واحترمهم واعاملهم احسن معامله والله بس شوفيهم لما يشوفونج جذي يتمادون ويشوفون نفسهم وماتحترمج بس لو كنت معطتهم العين الحمرا ومناشبتهم جان شفتي الخدامه تتصروع منج وتحترمج بس هم كله اقول الله فوقهم اهم شي انا اعاملهم زين وربي يعطيني الاجر واهما الله يسامحهم لان بيي لهم يوم وبيعرفون قيمتج ويتمنون يردون لج باي طريقه اذا سافروا او اذا راحوا بيت ثاني يشتغلون فيه

 

[غلا حبيبها]

والله حرام انا احترمهم وماحتقرهم وانا وياج
والله خداماتنا مثل خواتي يحليلهم حرام مساكين
بروحهم متغربين من بلادهم ويسوون الناس جذي
مشكوووره حبيبتي وكثر الله خيرج ويجعله بميزان
حسناتج

 

[المـــــها]

الخدامة إنسانة حالها حالنا ... تشتغل و تنظف و تطبخ و تتعب .. و عندها اهل مغتربة و تاركتهم عشان تعيشهم .. حالتها النفسية ماحد يدري عنها و لا يواسيها .. تجي بيت غريب عليها ماتدري أهله زينين ولا لأ .. و بعض الرجال و العياذ بالله يتحرشون بالخدامات .. و تلقى هالمسكينة ما تنام الليل من الخوف .. و البعض يعاملها معاملة سيئة لا أكل ولا لبس ولا راحة .. و التأخير بالمعاشات .. و الزف و النفسية الخايسة .. لو أحد زفنا ولا زعلنا شنو يكون شعورنا ؟؟؟؟!!!؟؟ لا تلومونهم يا ناس تراهم مساكين و مقهورين و حالتهم النفسية تعبانة ... الله يعينهم ..

 

[farawla_q80ia]

انا اقول خنقارن خدمنا الحاليين بالخدم الاوليين اللي ماكان عندهم موبايل ولا تلفزيون ولا موبايل شاللي كان مصبرهم ومخليهم يقعدون من غير مشاكل ولا عوار راس نفس اللي نسمعه بالبيوت هالايام

 

[مطيريه ماركه]

والله ياختي بعض الخدم يحرون الجبد

نوعيتي ماأكلف الخدامة تسوي لي شي الا اذا أمي قالت خليها تغسل والا تطلع مع عيال أخواني

أمس تقولي عقب ماناديتها وجع قلت وجع لمنو ؟؟؟؟؟؟؟ قالت وجع يوجعج

بالله الخدم المفروض مكسور وآنا ماتمنى لهم الكسر بس المفروض ماترادح

ونفسهم طايحة صج صج يعني آنا شفت خدم بس مو جذي هالسنين بزوووووود زايغيين

والكورس اللي طاف انقفل علي باب داري :dddds: وتعالوا يالمطافي كسروا الباب الله وكيلج يومين بس الغرفة بلا باب شوفي الخدم اللي بالبيت أهم 5 خدامات ريحتهم ألور ياختي طايحين ترشرش حلال أبوكم :eh_s(14):

وشااقين القاع وقايلين امبااااااااااااع

مصيبة ماينعطون وجه آنا مو بسياق أقول الخدم شسووا لي والا والا

بس صج مايجون الا بالعين الحمرا مو طق عاد بس لحد يعطيهم وجه قاموا يحاسبونا على أكلنا بعد !

والا كلش ذاك اليوم ماخذتها معاي غصب تبيني أحاسب لها على كل العربانة ارد الأغراض وترد تحطهم حدتني أحاسب بالكي نت !

وفيه ناس وليتهم شينة آنا ماطلع المعوبين والمعزبات ملائكة بس الله عالظالم

 

[Reem_q8]

لااتعميين يمكن بعض الناس معاملتهم قاسيه بس مو الكل اذا كانت زينه بالعكس اراعيهااااا وعاملهاا احسن معامله اما اذا شفت عليهاااا شي ما تستاهل تقعد عندي اوديهاااا المكتب او اسفرهاااا بعدين ماله داعي التلفون تلفون البيت موجود تدق علي اهلهاااا ويدقون عليهااا مو شايفه انه ضروره

 

[spanish-girl]

صح كلامج بس الحمل ما تقدر تشلة المره بروحها لازم احد يساعدها وين تلحق

 

[The Boutique]

فيهم الزين وفيهم الشين
اعاملها زين ماهي كفو باي باي واريح بالي