خدعه كبيره اسمها ماليزيا

[لمو العسل]

غريبه والله كل من راح ماليزيا مدحها كثيير

يمكن ماوفقتي بالاختيار ..

 

[a7La_3eMeYa]

امبيه اشدعوه اختي انا الصيف اللي فات رحت واااي عجيبه و دري اروح مره ثانيه نظيفه و حلوه و الشعب طيبين و ماشفت من اللي تقولينه

 

[بنت التميمي]

من جد الناس اذواق أنا فيها اليوم لي ١٧ وحدي متكدره أني برد يوم اليمعه الجو مطر وحلو هاليومين وطبيعي محلات المساج بتكون منتشره لانه هذي مهرتهم وعلى سالفة الشورتات شي عادي ملعيهم أشفقه يلوعون الجبد وكل الناس حرين يلبسون على راحتهم و الناس اللي تعاملت معاهم محترمين بس في ناس دوم وينظرون للإسياوين نظره دونيه ويكلمونهم بطريقه غير محترمه فمن الطبيعي بيردون عليهم بقلة احترام عامل الناس مثل ماتحب يعاملونك عموما شرق اسيا ناس طيبين والكل في حاله مب مثل الغير وسالفة اليهال ونظراتهم الحين الدول الاوروبيه اكثر الناس عندهم مشاكل اغتصاب اليهال ما أشوف حد اشتكى وكتب موضوع لاتودون عيالكم وبطبيعة حال الجو هو استوائي والكل يعرف هالشي من البدايه ليش تعنيتوا لها *

 

[MayOumii~]

وآآآي مآليزيآ احلى بلد زرتهآ
نآس أخلاآق اهنآك والله كآنو يسوون اي شي لآرضآئج
حيييل اخلاق وتعآملهم رهيييئيب خآصة مع الآجانب

يعني انا اذكر يوم رحنا كنت صغيرة عمري 13 كنت امشي ويسلمون علينآ
ويسولفون معآنا بكل عفوية وعمرهم ما ضروؤنآ
و حتى طريقة عرض بضآيعهم تبهههبل..وحتى اهلي كآنوا حدهم مستانسين

واذا سالفة الخز !
حتى الكويتيين يخزون..وحتى الاوربييين والامريكآن يخزون بشكل مو طبيعي
يت على الماليزيين
وماليزياآ دولة اسلاآمية عشآن جذي كنآ نمشي ونآكل..((=
وانا ابوي ملتزم شوي يعني مو معقولة بيوكلنآ لحم حرآم

واذا عالسلبياآت الي اتقولين بنآت و وصآخة بقوولج كل ديرة فيهآ هالأشكآل
بس الي يعرف الطريج الصح ما راح يخربط اكييد مهما كآنت المغريآت !

ومن نآحية الانجليزي !
انا استغربت منج..لمن رحنآ كآن حتى الفقير يعرف يتكلم انجليزي !
بالعكس والله تهببببل خآصة حق اليهآل
وبقوؤلج شغلة

ماليزيآ من اكثر الدول آمانآ لي درجة ابوي كآن يخليني اطلع بروؤحي مع اختي ورفيجآتنا
واحنا اعمارنآ ما تجازوت الـ 15 سنة من كثر الامآن الي اهناك
وعلى فكرة كنآ سآكنين بشآرع العرب واغلبه سعوديين وكويتيي
بس عمرنآ ما تعرضنا لا للسرقة ولا شي ثاآني مآ عدا الخليجيين المصبنة
وكآنو يخآفون بعد لآن ديرة امن اهناك عكس تاينلد

 

[ملواكي]

الناس أذواق أنا الحمدلله زرت امريكا وأوربا وتركيا ودول العربيه بس ما ارتاح الا بشرق اسيا طبيعه وشعب خدوم ويقدس السياحه وبحر وطبيعه حلوه وغير التسوق وسواء ماليزيا او تايلند او سيريلانكا والمالديف والصين وسنغافورة كلهم حلويييييين ووناسه

 

[HaYoOoMa]

يووه يا عااد حر ورطوبه وزحمه !!! اكره شي عندي

شوفي اذا انتي متعوده عالدول االاوربيه والبراد مراح تجوزلج شرق اسيا
كل اللي متعودين على اوربا يروحون شرق اسيا ويملون

انا متعوده عالدول الاوربيه اموت امووت بشي اسمه برااد ومطر لو بس اقعد
يعني اتوقع لو اروح امريكا وشرق اسياااا مراح احبهم وراح اتضااايق منهم


بس اختي تقول سووقهم يلووع الجبد طيروووه على ولا شي !!!! وتقول خييسه خيسسه مستحيل اتروح شرق اسيا مره ثانيه
لانها متعووده لها 5 سنين كل سينه باوربا مادري شخلاها تروح هالسنه شرق اسيا وكرهتهاااا @@

 

[q8sweeta]

بالعكس حبيبتي ماليزيا عجيبه بس حق اللي يعرفلها
ثاني شي ليش تقعدون بفنادق اربع نجوم في شرق اسيا ويم العرب
انا عمري ماقعدت يم العرب لا في شرق اسيا ولا اوربا
واحسن فنادق ماريوت وريتز في ماليزيا ويم الاسوقه كلها والبافيليون وسوقهم حلو حق اللي يبي يقط الفلوس بس هم ارخص من الكويت وملابس اليهال تينن اهناك واحلي مكان سنواي لاجون فيلا خاصه وحمام سباحه والاكوا بارك مالهم عجيب وسوقهم حلو
الله يعوضكم خير

 

[سكرة هانم]

لووووووووول طيحتي حظ ماليزيا اللي الناس طق عليها

بالعكس انا رحتلها مرتين وناويه عالثالثه انشالله تهبل تهبل تهههههههههبل

وعالخراب تره هذي اخر جم سنه بس انا لما رحت ب2006 ما شفت جذي ...العام بله شفت والحق معاج بس ما عليج منهم اهم ودرام الزباله واحد مكرمه ومكرمين البنات

وعالاسعار اللي يبي يستانس يدفع شنسوي بعد هذا السفر لازم تقطيين ,, والجو رطوبه قاتله هم معاج حق بس الديره حلوه تستاهل العنوه

بالعكس انا وااايد حبيتها وشريت منها لين قلت بس

 

[faith1]

احييك صراحه على هالموضوع وفعلا انا من الناس الي نخدعت فيها

بالعكس حبيبتي ماليزيا عجيبه بس حق اللي يعرفلها

الاماكن السياحيه معروفه وماعتقد انه في احد يروح دوله بدون لايسال

ثاني شي ليش تقعدون بفنادق اربع نجوم في شرق اسيا ويم العرب

على اي اساس قاتي انهم يسكنون باربع نجوم؟؟؟؟؟حبيبتي من خلال سفراتي وخبرتي العرب مايسكنون الا بارقى الاماكن وشارع العرب هذا الي طايح من عينك كل المجمات الراقيه فيه واغلبية الفنادق الفخمه فيه

واحسن فنادق ماريوت وريتز في ماليزيا ويم الاسوقه كلها والبافيليون وسوقهم حلو حق اللي يبي يقط الفلوس بس هم ارخص من الكويت وملابس اليهال تينن اهناك واحلي

كل الي ذكرتيهم موجودين بشارع العرب !!!!!!!!!!!!!!!!!!!وسوقهم كله صيني اردى نوع حق الناس الي مايفهمون ولا يعرفون بالماركات

 

[غـيوض]

اممممممم

واله الناس اذواق ويمكن مااعجبتج خيتؤؤ

انا قبل 10 ايام راجعه منها بصراحه حيل حلوه

بس حدج 10 ايام وترجعين وفعلا رطوبه

انا اختي وعيالها وزوجها صارلهم شهرر بماليزيا وماملو منها

وان شاء الله قبل رمضان بيوم بيردون بالسلامه

 

[مرتجية رحمة ربي]

أنا أشــــــــــــــــــــــــــــــــــــــــــهــــــــــــــــــــــــد انج صاااااااجة يا ( مقمش لولو ) وعععع ماليزيا 1- اكلهم يطبخونة بشوارع اللي بشارع جلان بي رملية اللي عند شارع العرب ب 5 دقايق 2- بنات تالي الليل والفجر يخرعووووون اذكر ابوي ارتفع ضغطه الفجر وندور تحت تكسي وكله سكاري احنا فندق كروان ريجنسي تحت كله بناااااات ليل واهم صحيح شعب غبي ( بس ما احب اعمم بس الغالبية العظمي اقدر اقوول ) لان الخطوط الجوية الكويتية لما رجعونا من المطار حطونا بفندق ماريوت عند المطار بمنطقة خالية تخررع وابوي ارتفع ضغطه ونزلت تحت الريسبشن فيهم بروووووووود مو طبيعي اللهم لا تبلانا اقولهم my father tierd lwant taxi quicly ولا جني قلت شي حمد لله والشكر ما تستاهل ماليزا 8 ساعات طيارة وععع والجو كابة اغلقه

 

[برازيليه سعوديه]

حمدالله عالسلامه اختي ...شرق اسيا حر ورطوبه الواحد بيسافر يستانس ويتبرد والا يروح حر وزحمه وخياس هههههه كم مره افكر بشرق اسيا واغير رايي ...بس ان شاءالله ازورها بالشتا احلا والجو يكون مناسب مورطوبه...

 

[saro00oona]

شي أسمه شارع العرب لا تروحوله كلا بوق و شحاتين و ألي أشكالهم تخرع انا رحت ماليزيا 4 مرات أول مره رحت شارع العرب وبعدها كل ما أروح لها ما أجي شارع العرب أروح جنتغ و الجزر لانكاوي و بوكيت لانكاوي أحبها لأن شكثر حواليها جزر قريبه أروحلها سباحه(أحم أحم أنا سباحه مشالله علي خخخ) المهم لا تروحين أماكن يجونها العرب روحي أماكن قليلين العرب و العرب معروفين السوق خصتاً لا كان رخيص وينه يجونا وأنا من نوع ما أحب السوق أحب الطبيعه لأن الكويت ألحين كل شي فيها أحب شي أسمه طبيعه لأن الكويت مافيها طبيعه أخر مره رحت ماليزيا أبوي وداني جبل بس مو جنتق مكان بس أنا و أبوي وأجانب شكثر و في عرب بس قليل هواياتهم صعود الجبال و ناسه أنا وحده مغامره أحب أغامر صج تحسين أنج بسفره رحلتي أنا و أبوي من 8 صبح ليييييه 2 بليل رديت الفندق دايخه كان مكان بعيد وناااسه أبوي قال لقروب بس عيوا ما يجون يبون السوق بس بعدها تحسفوا ليمن وريتهم صوري وشلون كانت طبيعه وشلالات و الأنهار و صعود الجبل

 

[~ M!sS D!oR ~]

شووفي اللي يرووووح اورباا ويجرررب براادهااا مارااح تعججبه دول شرق اسياااا

انا للحيييييييين مارحت لاوورباااا فبفرررفر بشرق اسياااااااا واللي بعدهاا اروح اوورباا

لانه اعررررررف نفسسسسسسسي اذا رحت اووربااا ماراااااااح اخليهااااااااا

 

[~ M!sS D!oR ~]

وعلى فكررررره شرق اسيااااا ما تنطططططططططب بالصييييييف بتاااتااا .؟

افضضضضضضضضل وقت من اكتوبر لي ماااارس وغيره لايحوووشج

انا العاام رحت باكتوووبر وحدنااا استاانسنااارطووبه علا نسمه هوا باارده ومطر

واي مكااااان في عرررررب رااح تكرهييييييينه رحت لشاارع العرب في بانكوووك امبييييييه ويييييع

وييييييييييع

 

[saro00oona]

جو دول أسيا عندج سنغفورا و ماليزيا و تايلند جوهم نفس هو طول سنه وعندهم مطر بعد بأي وقت ما عاد في المناطق الجبليه أنا مجربه تايلند نفسج في أكتوبر و يناير و بصيف يوليو كلهم نفس الجو و في أمطار الدوله تصير تلوع الجبد اذا جاهوا عرب بكثره وكانت أرخيصه في مناطق بماليزيا حلوه بس الأماكن ألي مايجونها عرب واجد تكون حلوه

 

[مقمش لولو]

كل اللي دخلو الموضوع اشكرهم من قلبي اشكر ردودكم وتفاعلكم معاي

فى البدايه قلت فى سلبيات وفى ايجابيات بالنسبه لى ذكرت كل شي بالتفصيل للخوات اللى حابين يروحون

وماينصدمون

فى ناس يعجبهم الجو الحار والرطب وفى ناس ماتتحمل للاخت اللى تقول الجو حلو يمكن انتى تحبين الرطوبه؟؟؟؟

انا ماتحمل القته رطوبه وزحمه وشوية مطر شنو يصير خنقه؟


اما عن الاكل حبيباتى شرق اسيا معروفين بالزفر والسي فود مومثلنا بهارات اذا ذبحو عمرهم حطو زنجبيل

لكن اقول مومهم الاكل بالنسبه لى لكن للى معاهم يهال يتوجهون حق ماكدونالد والمطاعم العربيه او الايرانيه وظريبة

هالشي السعر المرتفع بالنسبه لنا موغالى لكن للمعيشه هناك غالى


انا عندى كتيبات يبتها معاى عن كل رحله رحتها لكن خل توصل جناطي بالشحن وراح احط لكم الاسعار والاماكن ان شاء الله

اما بالنسبه حق اليهال وشلون يطالعون اليهال مادرى ممكن تقولون بشاشه بس صراحه انا وايد اخاف خاصة لما تييلج

وحده وتمسك شعر بنتج وتقول لج شعرها وايد وشعري شويه الواحد يخاف من العين



يمكن ماذكرت لكم جنتنج هالمنطقه وايد حلوه وروعه لانها مرتفعه وتبعد عن المدينه تقريبا ساعتين لكن الفندق اللى سكناه واللى يسمونه ابراج لان بالاساس موفندق مجموعه ابراج تكفي تقريبا8الاف شخص الخدمات فيها عاديه واقل من العاديه لان اعداد الزوار موطبيعيه اللى يحب يمشي مع اهله يحاول ان يمشون مع بعض لان الواحد يضيع بسرعه البرج كبير وضخم ومداخله كثيره وفيه مدخل معروف حق مدينة الالعاب والسوق

طبعا مدينة الالعاب وايد حلوه حق الاطفال الى سن 11 سنه واللى اكبر ممكن يلعبون فى الالعاب الخارجيه لكنها خطره مثل التل فريك وقطار الموت

داخل فى مطاعم ومحلات مشكله ومسرح وسينما.....الخ انا جنتنج حبيبتها لكن اربع ايام كافي عليها

 

[مقمش لولو]

للاخت اللى سالت عن ايفا موسي
وصلنا تقريبا الساعه وحده وحده ونص الضهر طبعا انتى تختارين شنو تبين علشان تحجزين من البدايه التذاكر

طبعا يلبسونج اسوار تخلينا بيدينج علشان تدخلين الاماكن فري
السفاري اللى اهوا الحيوانات بدون قفص وماعجنا وايد لان كان سفاري سنغافوره وايد وايد احلى ومافى فص بالمره
وفى عروض حق الحيوانات تكرمون وعروض الطيور وهو من اروع العروض اللي شفتها وفي سينما وايد وايد حلوه
فور داينمشن ومؤثرات صوتيه طبعا انا ماره على نفس هالسينما فى هولندا
للتوضيح يعرضون عليكم مثلا بباي او شخصيه كرتونيه ترش ماى الماى يقطر عليكم مثلا يحطون صوره زهور انتو تشمون ريحه حلوه طبعا الكراسي تهزز على حسب الموقف .... طبعا لما خلصنا انتقلنا الى منطقه ثانيه منطقه الكابوي وفيها العروض وايد حلوه خاصة اخر عرض مثل ماقلت لكم وايد وايد حلوه يعنى

افا موسي يبيلها يوم كامل رحنا الساعه وحده ردينا بالعشر لان الطريج تقريبا ساعتين

 

[جوري 2007]

وانا بعد ماحبيتها ،، ماحب الرطوبة استغفرالله والاسوقه على كبرها بس مافيها شي غير الشحاطات

رحتلها 2005 ولا افكر اعيدها ،، اوروبا وبس ...............

 

[مقمش لولو]

للي يحب يروح ومعاه يهال احب انصحه

العربانه ضروريه جدااااا
كلنكس الديتول والمعقم ضروري جدا يعنى انا ماخذه معاى من الكويت
بطل الماى مايطيح من جناطنا
جياس المكسرات والسناكس حق اليهال(البطاط وهالخرابيط) لان حتى بطاطهم غير كل بالربيان
اول ماتوصلون عطوا عيالكم كروت الفندق وعشره رنجت بالمخبي لو يضيع اليهال يعرف يتصرف
كذكل خط التلفون ضروري بالمطار