خذت بموادي a

[غرور المطيري]

بنات أنا طالبة بكلية التربية ؛ المهم أنا ماخذة ست وحدات الكورس اللي طاف ميداني وحلقة بحث بالميداني خذت a- .. وحلقة بحث اخذت = a

ونزل لي إنذار ثالث حدي مصدوومة مو مستوعبة أنا شديت حيلي شلوون ينزل لي انذار ثالث مع العلم كان عندي انذارين من قبل وتوقعت راح ينشالون بالكورس هذا ليش إني خذت أ ماينس وأ بست وحدات !!

معدلي صار 1.99 _ بنات شنو وضعي وشنو اسوي ؟ راح انفصل ؟ اذا انذار ثالث ؟

 

[غرور المطيري]

العنوان صاير بالغلط كنت بقول ماخذة a ونزلي إنذار

 

[غرور المطيري]

up

??

 

[مزاجية حيييل]

لازم فوق النقطتين المعدل ماينزل عن نقطتين


يعطونج كورس استثنائي ترفعين فيه معدل

 

[غرور المطيري]

الكورس الاستثنائي يتطلب اني اراجعهم بالعمادة ولا شلون ؟
انا باقيلي خمس مواااد بس واتخرج خلاص !!!!

 

[FoFa stylish]

معدلج 1.99 و باقيلج بس 5مواد
اذا يبتي فيهم زين اكيد برتفع فوق النقطيتن و بصير نقطتين و شي بعد
بس روحي العماده احسن و سألي عن الكورس الاستثنائي

 

[MEMO GirL]

صدمه !شلووون الميداني 9 وحدات المفروض يطيّر معدلج بالـa- وو هم حلقه بحث A يعني حيل حلو
انا مستغربه الصراحه ومثل ماقالو البنات روحي العماده سأليهم
بس سؤال انتي ارتفع معدلج هالكورس عن الكورس اللي طاف بجم ؟

 

[أمل بعد ألم]

ما عندي فكرة ...... بس الله يوفقج حبيبتي و ان شاء الله تعدين علي خير

 

[امل الحساوي]

0 - 45 ,وحده يجب ان يكون المعدل 1.67
ومن 45-60 وحده يجب ان يكون المعدل 1.87

ودايمن يكون الستتم مخرف قبل موعد التسجيل الثاني
وروحي راجعي التوجيه والارشاد واذا احتجتي العمادة

 

[قاهره عذالي]

راجعي العماده الاحد الجاي وشوفي شيقولون لج روحي لهم من الصبح
يمكن في خطا في حساب المعدل

في بنت اعرفها كل موادها اي وبي وحاطيلها معدلها 1.87
وراجعتهم مع امها واحسبولها وعدلولها

 

[غرور المطيري]

ان شاءالله براجعهم الأحد
أنا كنت 1.87وصرت 1.99

وإلي أعرفه أنه المفترض يطير ع قولتكم ويكون أحسن ؛
خاطري حده مكسور لأن صج تعبت هالكورس وشديت حيلي ..

مشكورين بنات

 

[vanillaq8]

راجعي العمادة يمكن في غلط بالسستم !

 

[مزاجية حيييل]

كل مازادت الوحدات يرتفع المعدل بعشر صعب يرتفع حييل


اي تروحين للعماده وتقولين بقدم كورس استثنائي لان نازل لج 3 انذارات

بالتوفيق

 

[اخت خالتهم]

الله يعينج المفروض من اول شادة حيلج ماشاءالله قدرتي تاخذين الامتياز بمادتين
شدي حيلج الكورس الياي واخذي مثل هالدرجات الحلوه والله يوفقج يارب

 

[ميس المشاعر]

راجعي العمادة
وموفقه ي الغلآآآآآآآ

 

[مس روبنز]

ما شاء الله
عالبركه النتايج الحلوه


انطري عالسستم ترى مخرف

وإذا ما تغير هاليومين راجعي العماده بالشويخ امممم نسيت القسم اللي قالت لي عنه موظفة التوجيه والارشاد جنه البيانات وإن شاء الله خير

وشدي حيلج الفصل الجاي وإن شاء الله تتخرجين بسلام


>> بغيت أعرف شنو تخصصج وعند منو ماخذه حلقة بحث وسهله ولا لأ​

 

[غرور المطيري]

مشكورين بنات
مس روبنز كنت ماخذتها عند د.شايع الشايع كان يخلينا نداوم له مرة بالأسبوع
ومتسامح حيل ؛ كل اللي يبيه بحث تقدمينه له ويستلم بحثج بالتدريج يعني مثلا يخصص يوم
يستلم فيه ( المقدمة ) .... وجذي

تخصصي لغة عربية .

 

[شوكولاته وردية]

مووفقه ياارب 

 

[MEMO GirL]

انا انصدمت اليوم لما شفت معدلي ! توقعت هالكورس بيرتفع معدلي لاني ماخذه 3 مواد وجايبه فيهم a و a- وb
بس مارتفع الا قليل جدأ جدأ !!
ورفيجتي اللي تو خلصت ميداني a- وحلقه بحث a ارتفع معدلها 9 اعشار بس <انا اشوف شويه
وع فكره احنا دفعه 2007

للأسف : كل زادت عدد الوحدات مايرتفع المعدل بسهوله