~ .. خذيني معاج ..~ .. راويتي الاولى .. قصه واقعيه ..!

[Danya =)]

قصة روووعة والله يعييج والله يمهل ولا يهمل

لا يووقف

هلا حبيبتي

الله يعافييج ويخلييج

تسلميين

القصة عجييبة

حسافه توني اتابع

يلا قلبي ناااطرتج

هلا حيااتي

تسلميييييين على مرورج

منوره يا قلبي

 

[Danya =)]

بنات الحين راح انزل البارت

نطرووني :eh_s(6):

 

[Danya =)]

البارت 12

محمد : يا حلوج وانتي معصبه شدعوه عاد انا اخوج
انا : محمد ليش تقول جذي تصرفاتك غريبه
محمد : ماكو كل هذا لأن بعطييج حنان وحب
فجأه

قرب مني .. وصار قرييب مني حيل
انا : وخر تكفى وخر عني
محمد : شفيج ما راح اسويلج شي انا احبج
انا : انا اختك حرااام علييك
محمد : عادي عادي تعالي تعالي يمي
انا : بتوخر والا الحين اصرخ وايمع عليك البيت واقول لأبوي
محمد : يباا شفيج ليش معصبه هذا يزاتي إني احبببج

وفجأه يتني قووة ,, ودفعته .. وبما ان اهوه كان دايخ ومو في وعيه طاح بسهوله .. وركضت وطلعت من الغرفه ونزلت لي غرفه اخوي علي وطقيت الباب بقووة

انا : علييييي افتح الباب تكفى افتحه بسرعه
علي فتح الباب : دانيا ؟! شفيج ؟
انا : ......... ( أبجي )
علي : دانيا شفييج ..

يودني من يدي ودخلني غرفته وخلاني اقعد على فراشه
علي : دانيا طالعيني بسج بجي . .شفيج ؟
انا : علي خايفه .. خلني معاك
علي : من شنو خايفه دانيا حبيبتي كلميني
انا : خلني يمك .. لا تخلينيني بروحي .. انا خايفه
علي : خايفه من شنو ؟ اكيد حلمانه بشي وخفتي صح ؟
انا : ها .. أي أي حلمت حلم يخرع
علي : ماعليه حبيبتي كلها احلام مو صج .. ارتاحي بس

ذيج الليله ما قدرت اناام من الخوف .. كنت بس ارجف وخايفه واييد .. وفجأه دخت ونمت ووعيت على صوت المنبه الساعه 6 ..

قعدت مخترعه ادور ماكو احد بالغرفه .. تذكرت ان علي عنده دوام وطلع وانا لازم اروح المدرسه ..

وقفت ورا الباب وفتحته وطليت اشوف .. خايفه اطلع واروح ومحمد بالغرفه .. مو قادره اشوفه بعد اللي سواه ..

وفجأه شفت ابوي بويهي ..
ابوي : دانياا
انا : هلا يبا
ابوي : شفيج مو رايحه الدوام
انا : امبله يبه الحين بروح ابدل
ابوي : وشمقعدج بغرفه علي
انا : ها .. لأا يبه بس جذي
ابوي : ممممم يالله روحي دارج بدلي لا تتأخرين
انا : إن شاء الله

تميت امشي عالدري بسخطوات بطييئه واتلفت جدامي ووراي .. ليما وصلت لي باب غرفتي وكان مسكر ..
فتحته بهدوء .. كانت الغرفه خالييه .. التفت يمين ويسار ماكو احد ..
بدلت هدومي بسسرعه وخذيت جنطتي وطلعت من البيت امشي لي المدرسه ..

ووصلت المدرسه واحنا بالمدرسه قاعدين
رزان : ويييييييع شفتوا ابله العربي شلابسه اليووم
فاطمه : أي قطييييييعه شهالذووق
رزان : شفتيها دانياااا
ليلى : ويه هذي بدنيا ثانيه
رزان : دانياااااا .. دانياا .. دندووشه
انا : ها .. نعم شتبين
رزان : وين عقلج انتي
انا : معاكم
فاطمه : مبين انتي صار لج جم يوم مو على بعضج من بعد ايام الغياب
ليلى : هههههه يا حظج دانيوو كله غايبه ومرتاحه بالبيت
انا : هههههه أي

وانا بقلبي اقول .. آآآخ كلن في قلبه شقى ليييله ..

ليلى : يالله طق الجرس خل نروح لا نتأخررر

وانتى اليوم الدراسي على خيرر .. وانا طالعه من المدرسه وكالعاده امشي .. يت على بالي أمي .. تذكرتها وتذكرت ايامها وذكرياتها معانا ..

ليش ارد البيت .. بروح لها المقبره .. محتاجه اشكليها .. واشوفها .. ما ادري شكنت افكر فيه ذيج اللحظه .. كنت ودي احس إني يمها

وقررت إني اروح المقبره اشوفها .. ومشيت ليما وصلت المقبره .. كانت الساعه 2 الظهر وحر والشمس قوويه حيل

وصلت يم قبر أمي وقعدت ..

مخنوقه يمه ودمعي بلل ثيابي
من زمان الوقت وبنتك تعاني
ما اسمع غير ونة جرح وطعنة الم
كل شيء فيني انهدم
فرحي مدفون من سنين
وحزني ساكن في العيون
آآآآآآه يمه مابقى في الدنيا لي صاحب قلبه حنون
غير ..غزو جيوش الجروح وقلب مطعون
مجروحه يمه في الصميم
ودي لو مره احس بفرح
قلبي في يوم عيده انجرح
يمه اسمعك مره تقولين
تكفون خاطر البنت لا تجرحونه
واليوم يمه بنتك ذبحها سكين الجروح
مخنوقه يمه .. وودي من هالدنيا اروح
آآآآآآآآآه من زحمة طعوني
كل مافيني احترق


فجأه سمعت صوت احد يناديني بأسمي .. رفعت راسي .. وكانت دموعي على خدي .. شفت شخص .. هالشخص اعرفه ومو غريب علي .. وكنت طالعه واحاول اذكره .. كان يطالعني بحزن .. وفجأه ذكرته منو هالشخص

انا : فيصل ؟!!!
فيصل : صار لي جم دقيقه لحين وانا اناديج
انا : آسفه ما سمعت
فيصل : شلونج بنت خالتي
انا : الحمدالله
فيصل : شاللي مقعدج هالحزه هني ؟!
انا : ...
فيصل : قومي دانيا قومي بسج بجي
انا : خلني بروحي
فيصل: حرام علييج طلبيلها الرحمه .. انتي قاعده تعذبينها بقبرها
انا : بشوفها فيصل .. بشتكي لهاا .. تعبت تعبت
فيصل : حرام عليج اللي تسوينه بروحج قومي معاي شوفي ويهج شلون تعبان
انا : خلني شووي بس شوي تكفى بظل مع امي شوي
فيصل : صار لج من متى الساعه بتصك 3 الحين باجر تعالي مره ثانيه بس قومي اخاف تطيحين
انا : اوكي خلاص
فيصل : قومي بوصلج
انا : لا بروح بروحي
فيصل : شنو تروحين هالوقت بورحج انتي مينونه انا بوصلج
انا : مابي بمشي بروحي انا متعوده امشي
فيصل : ما اخليج تمشين يالله مشي ركبي السياره
ومسك يدي فجأه .. وسحبت يدي من يده
انا : ماااااااابي وخر عني فيصل تكفى وخر عني لا تلمسنيييي يا وييلك
فيصل : شفييج دانيا انا ولد عمتج بوصلج بس
انا : لا مابي منك شي تكفى امشي وخلنا اروح بحالي
فيصل : دانيا شفيج ما توثقين فيني انا ما راح اسويلج شي بوصلج بس خايف عليج هالوقت
انا : فيصل مابي مابي لا تلمسني ولا تجرب يمي ..
فيصل : انا لله خلاص انا عندي حل
انا : شنو
فيصل : انا بركب سيارت وانتي امشي وانا بمشي معاج بالسياره ليما توصلين بيتكم عشان اطمن انج وصلتي
انا : اوكي

ومشيت ومشى معاي فيصل بالسياره ليما وصلت البيت .. وانا عند الباب

فيصل : ديري بالج دانيا على روحج
انا : ان شاء الله
فيصل : انتي كل يوم تروحين وتردين مشي ؟
انا : أي
فيصل : تبين اوصلج ؟
انا : لاااااا .. قلت لك مابي مابي
فيصل : خلاص خلاص لا تعصبين بس
انا : مع السلامه
فيصل : الله يسلمج


فيصل .. اذكره من كنا صغار .. هذا اهوه ما تغيير ..

دخلت البيت وكان خالي .. صعدت داري كالعاده لداري .. وفجأه سمعت صوت ..

نزلت قعدت عالدري اسمع شاللي صاير وكان صوت ابوي مع علي ومنيره معاهم
ابوي : مابي اشوفك هني بالبيت .. ولا عاد تعتب ريولك البيت
علي : اوكي مشكور يبه
ابوي : انت واحد ما تستحي على ويهك ولا ويه احد يحترمك
علي : ...
ابوي : اطلع بره
علي :اصلا مالي مكان هني اخذ هدومي واطلع

دخل علي غرفته ياخذ هدومه .. وانا كنت اسمع منيره وابوي شيقولون
منيره : لا تساامحه .. هذا ماله قعده هني
ابوي : آخر زمن هذا يرفع صوته علي
منيره : خل يووولي ما عليك منه لا تعور راسك عشانه
ابوي : هذا وانا باجر بسافر يسوي جذي
منيره : لا تتعب اعصابك عشانهم هذولا عيالك ما منهم خير ولا فايده ..

ما ادري على شنو كان ابوي يزف علي بس الظاهر كانت منيره مشيشته علييه وتبيه يطرده .. اذا رحت يا علي منو يبقى عندي .. وتذكرت محمد وسالفته معاي امس .. ااخ الله يستر من اليوم ياربي ما ايي ..

فجأه طق الباب
انا : منو
علي : انا دانيا .. سمعيني
انا : هلا
علي : انا بطلع من البيت
انا : ليش علي شصاير ؟
علي : تهاوشت مع ابوي
انا :ليش ؟على شنو
علي : بدون سبب بس مرته مشيشته علي ..
انا : حرااام

وبديت ابجي

علي : خلاص دانيا لا تبجين عشااني
انا : علي لا تخليني بروحي
علي : شسوي لو بيدي اخذج معاي بس ابوي ما بيرضى
انا : آآه

ظليت ابجي .. ودعني علي وطلع من البييت ..

يا نبضة القلب وفزة خاطري
يا جرة الآه بأقصى ضامري
تمضي الليالي والزمن فينا يدور
ويبقى الشعور بداخلي نفس الشعور
يا أخوي يا عزوتي يا ضحكتي وبكاي
يا من على فزعتي يمينه في يمناي
ياما أخو دنيا عند النوايب يبري الجراح
ولي زاد حملك تلقى فيه الخير
الدنيا تبقى بخير لي مال زمانك وانكرك الغير
دام الوفا بين البشر موصول الدنيا تبقى بخير
من لي سواك اللي على اكتافه ارتكي
لي خانني الوقت وبان فيني القهر
أنت العضيد اللي أشد فيه الظهر


مرت الليله على خيير .. وباليوم الثاني سافر ابوي .. طبعا بدون ما يودعني ولا اودعه .. لأن ما صار يهمه اذا يشوفني او لا ..

بالليل .. كانت الساعه 11 تقريبا وكنت احس بيوع .. فتحت الثلاجه وكانت الثلاجه خاليه .. قلت ماكو الا انزل تحت اشوف لي شي اكله ..

نزلت تحت وانا نازله منيره كانت قاعده مع عيالها ..

منيره : انتي شمنزلج هالحزه
انا : لا بس يعت
منيره: عشتوووو عاد انتي شتاكلين يا حظي شوفي جسمج باقي شووي وتختفين
انا : ممم
منيره : وثانيا ابوج مو معبي لج عشان تفكينا من ويهج وما تنزلين تحت
انا : ما عندي شي .. كل شي خلص
منيره : جان قلتي لأبوج يعبي لج قبل لا يروح
انا : نسيت ..
منيره : أي ما عليج شره .. انتي نفس اخوانج .. ما تحبون ابوكم تبون اتعبونه و تضايقونه
انا : وانا شسوييت ؟
منيره : عيل في وحده ابوها بيسافر وما تسلم علييه .. الشره مو عليج الشره على امج اللي ما ربتج والا انتي يبي لج تربيه من اول ويدييد
انا : عن الغلط ولا تغلطين على امي ..
منيره : عشتووووو اسمع منو يتكلم .. امج وحده فاشله لأنها ما عرفت تربييكم
انا : انتي حقييييره .. خـ .... فييييج انتي وكل اهلج
منيره : اناااااا @@

وفجاه يت منيره لي انا ياللي ما تستحيين .. فجأه ييت لي بحركه سرييعه وفصخت نعالها .. وطقتني .. طقتني على كل جسمي .. جسمي وويهي وراسي .. وانا اصرخ واتألم .. طقتني جدام عيالها .. وعيالها يطالعوني وانا انطق

عمري 16 سنه وانطق ظللم ..

انطقيت ليما تعبت .. ليما قعدت منيره وتعبت من الطق ..

كل هذا عشان شنو .. ليش انطق وانظلم ؟! .. شذنبي انا !!!

وبعد الطق والتعب تميت انا عالارض اتألم ..
حاولت استجمع قواي وصعدت لي داري وانا ميته من الالم والعوار
وصلت داري وقطيت روحي عالارض وغمضت عيني ... ​

 

[UNiQe^PRiNceSs]

واي عليها الظالمه
الله شبيسوي فيهاااا
كملي ناطررين
وثانكس على البارت

 

[ماسيتي]

الله ياخذها بطت جبدي حقيره

حياتي اذا تقدرين طولين البارتات او تنزلينهم بسرعه الله يعينج على مابلاج

 

[سيتي]

الله يعييينج حبيبتي على هذي منييرة
كملي حبيتبي نااطرينج

 

[انا خطر]

حسبي الله عليها

سافر الابوا و توحدت فيها

 

[D3laa]

حسبي الله عليها الله يمهل ولآ يهمل

الله ياخذ حقج منها .. كمممملي

 

[MeeMeeYoo_2]

شكلنا احنا بنطق منيره بنعال

يعطيج العافيه

ناطرييييين

 

[zqertya]

الله يعينج حبيبتي وياريت البارت اطول لان كل ما اندمج يخلص البارت
كملي كملي

 

[غيآبڪ عذآبي]

حسسسسسسسسسسسسسسسسسسسبي الله عليهآآآآ

يلآآآ نآطرين البآرت الجديد ...

 

[um hamed]

حسبي الله عليهاا
الله يعيينج سبحاان الله ابووج قلبه قاسي ازيد من مرته
الله يعووض صبرج خير ان شالله

 

[maadaa]

سبي الله ونعم الوكيل

كملي حبيبتي ناطرينج

 

[أميرة البجع]

عمى بعينها يعل ايدها الكسر ان شاء الله
كملي حبيبتي لا توقفين

 

[غلا دنيتي جابر]

عفيه كملي بحياتي ما بجييت كثر ما قاعده ابجي الحيين
الله لا يوفقها الظالمه
الله يمهل ولا يهمل

 

[zooz92]

حسبي الله ونعم الوكيييل فيها
حددده البااارت عجييب بس حبيبتي تطولين البارت وااايد احسن :ggdw:

 

[مـ سهله ـو]

وااااااااااااااااااااااي حسبي الله على منيره ربي لا توفقهااا


الله يعيييينج يااااااا قلبي

 

[cute princess]

waiting ! ;D

 

[Danya =)]

واي عليها الظالمه
الله شبيسوي فيهاااا
كملي ناطررين
وثانكس على البارت

هلا حياتي

تسلمييين على مرروج

ولوو يا قلبي منوره

الله ياخذها بطت جبدي حقيره

حياتي اذا تقدرين طولين البارتات او تنزلينهم بسرعه الله يعينج على مابلاج

هلا حبيبتي

ان شاء الله من عيوني

بحاول اطولهم وانزلهم بسررعه

تسلمين ياقلبي

الله يعييينج حبيبتي على هذي منييرة
كملي حبيتبي نااطرينج

وييعين الجميع ياقلبي

تسلمين حبيبتي

حسبي الله عليها

سافر الابوا و توحدت فيها

هلا حبيبتيييي

اي والله شفتي شلون

تسلمين على مرورج ويعطييج العافية

 

[Danya =)]

حسبي الله عليها الله يمهل ولآ يهمل

الله ياخذ حقج منها .. كمممملي

هلا حيااتي

والنعم بالله

تسلمين ياقلبي على متابعتج

شكلنا احنا بنطق منيره بنعال

يعطيج العافيه

ناطرييييين

هلا حيااتي

لوووووول يا قلبييي تسوون خير لو تطقونها

يعطييج العاافيه على المروور بعد عمري

حسسسسسسسسسسسسسسسسسسسبي الله عليهآآآآ

يلآآآ نآطرين البآرت الجديد ...

هلا حيااتي

تسلمييين على مرورج

منوره يا قلبي

حسبي الله عليهاا
الله يعيينج سبحاان الله ابووج قلبه قاسي ازيد من مرته
الله يعووض صبرج خير ان شالله

هلا حيااتي

آميييين ياارب

تسلمين على مرورج

يعطيج العافيه يا الغااليه