~ .. خذيني معاج ..~ .. راويتي الاولى .. قصه واقعيه ..!

[Danya =)]

يالله حبيبتي كملي

هلا حبيبتي

إن شاء الله من عيوني

الليله انزل بارت

كمليي حبيبتي حدي اندمجت

هلااااا حياااتي

حياج الله

من عيوني الليله احط بارت ان شاء الله

 

[Fo$hY Mo$hY]

القصه عن جد تعور القلب

اندمجناااااااا نزلي باجي البارتات عفيه

Keep it up & Don`t Stop

 

[مـ سهله ـو]

عورتي قلبي ناطرتج

 

[zooz92]

ويييينج داانيا كملي نااطرينج حبيبتي

 

[:)خووش وحده:)]

.

نــآآيــس..~

..

& Up uP

.

 

[D3laa]

وييين البارت

 

[MeMo.318]

آآخ يا الدنيا
بليز حووبي كملي القصه
ناطرتج
سي يو

 

[um hamed]

وينج
طوولتي عليينااا

 

[MeMo.318]

ويييييينج حووبي


والمنيره يا رب تكون نهايتهاااا المووت
صج مافي بقلبهاا ذرة رحمهاا

دانياا حووبي بسألج
الروايه فيها قصة حب ؟

 

[MeMo.318]

daaaaaaaaanyaa
وينــج ناطرتج من الصبح

 

[جوود الووفا]

يعطيج العافيه حبيبتي ع هالروايه مبين عليها حدها حلووه

حدي إتأثرررت وبجيت وهديت امتحاني وقعدت أقرا قصتج

بإنتظااار بقية البارتااات وماتشووفين شر ياقلبي فـ عدويينج ياررب

 

[Sara.M]

نااااااااطرينج والقصه مبين عليها انها حلوه ومنيره صج حقيره وماكو احساااااااسسسس

 

[Danya =)]

القصه عن جد تعور القلب

اندمجناااااااا نزلي باجي البارتات عفيه

keep it up & don`t stop

هلا حياااتي

منوره بعد عممري من عيوني

تسلمين على متاابعتج

عورتي قلبي ناطرتج

هلا حبيبتي

منووره .. ان شاء الله من عيووني

ويييينج داانيا كملي نااطرينج حبيبتي

ان شاء الله حبيبتي

من عيوني

منورة ياقلبي

.

نــآآيــس..~

..

& up up

حياج الله حياتي

ثااانكس عالرفع

وييين البارت

هلا حياتي

الحين احطه من عيووني

وعذريني عالتأخيير مو بيدي والله

 

[Danya =)]

آآخ يا الدنيا
بليز حووبي كملي القصه
ناطرتج
سي يو

ويييييينج حووبي


والمنيره يا رب تكون نهايتهاااا المووت
صج مافي بقلبهاا ذرة رحمهاا

دانياا حووبي بسألج
الروايه فيها قصة حب ؟

daaaaaaaaanyaa
وينــج ناطرتج من الصبح

هلا حبيبتي

منوره يا قلبي حياااااج الله

وبالنسبه للروايه بتعرفين بالبارتات اليايه

اخليها مفاجأه

والحين انزل البارت لعيونكم بعد عممري

يعطيج العاافيه عالمتاابعه

 

[Danya =)]

وينج
طوولتي عليينااا

الحين احط البارت يا قلبي

حياج الله حبيبتيييي

يعطيج العافيه حبيبتي ع هالروايه مبين عليها حدها حلووه

حدي إتأثرررت وبجيت وهديت امتحاني وقعدت أقرا قصتج

بإنتظااار بقية البارتااات وماتشووفين شر ياقلبي فـ عدويينج ياررب

الله يعااافيح بعد عمري

انتي الاحلى والله

والشر ما ايييج حيااتي وان شاء الله اكمل البارتات لعيوونكم

تسلمييين

نااااااااطرينج والقصه مبين عليها انها حلوه ومنيره صج حقيره وماكو احساااااااسسسس

انتي الاحلى يا قلبي

تسلميين على متابعتج

منووره

 

[مـ سهله ـو]

ويييييتنق

 

[Danya =)]

البارت التاسع

وين آنا .. آآخ راسي جسمي .. رفعت يدي .. كان فيها مغذي ..
عرفت إني بالمستشفى .. وثواني دخلت علي الممرضه
الممرضه : ها دانيا حبيبتي شلوونج ؟
انا : زينه
الممرضه : يالله كليلج شي .. انتي ضعيفه وايد
بدت دموعي تطيح : مابي مابي .. منو يابني هني .. أبي امي
الممرضه : لاحول ولا قوة الا بالله
فجأه دخلت عمتي نوال .. هذي عمتي ساكنين بنفس المنطقه .. ومعاها اخواني و عيالها .. مريم 22 سنة .. محمود 20 سنة .. أمل 17 سنة .. فيصل 14 سنة

كنت أحب عمتي واحب عيالها .. كانو أمل وفيصل وايد ايون يلعبون معانا .. بس محمود ومريم ما شوفهم وايد ..

لما شفتهم دخلوا الغرفه استانست وايد .. يت عمتي يمي ومسحت على راسي
عمتي : ها حبيبتي شلونج ؟
انا : زينه .. منو يابني هني ؟
عمتي : حبيبتي انتي لا تحاتين شي
محمد : اشسوت فيج منيره ؟!!!
علي : محمد بس مو وقته
انا : مابي ارد البيت .. انا اخاف من منيره عمة
عمتي : حبيبتي ما بتردين هناك لا تحاتين بس إكلي زين عشان ترد قوتج
فيصل : ما تستاهلين دندووشه .. ولله ان لمستج اطقها لج
انا : ههههههههه صج
فيصل : اي صج .. بس يالله خلج قويه وعن الدلع

استانست وايد بوجود عمتي وعيالها واخواني حواليني .. صار لي مده ما حسيت باحساس الامان
وفجأه دخلت يدتي ويت لمتني
يدتي : يمه يمه بنتي شفيييج
عمتي : يمه لا تحاتين مافيه الا العافيه
يدتي : خلاص انتي واخوانج بتيون معاي
انا : صج ديده
يدتي : اي حبيبتي .. ما اخليكم مع هذي الظالمة
انا : ونااااسه يدتي ببقى معااج ماا راح تخليني صح
يدتي : اكيد حبيبتي

رحنا بيت يدتي .. تمينا فترة طوييله .. كنا مرتاحين ببيت يدتي بدون عوار راس .. وبدون منيره .. وابووي كان يزرونا تقريبا كل اسبوع مره او كل اسبوعين مره .. ما حسينا ان محتاجينه ولا محتاجين شي .. بس كنا فاقدين شي وااحد .. أمي ..!
كنت دايم اسمع ابوي يقول ليدتي .. بس تولد منيره باخذهم البيت .. اهيه الحين ذابحتها النساه ومالها خلق احد ..
ما كنت اعرف يعني شنو نساه بس ما كنت ابي ارد البيت ودايم ببالي اقول ان شاء الله تظل معاها النساه طول العمر .. عشان ما نرد عندها ..

بعد جم شهر يانا خبر ان منيره اولدت ويابت بنت .. وسمتها دانه ., ويه ابوي يبشرنا

أبوي : دانيا حبيبتي يبنا لج اخت مو انتي تبين من زمان
انا : صججج يباااا
أبوي : أي أي والحين كلنا راح نرد البيت
انا : شنو نرد البيت ؟ انا مابي ببقى هني
ابوي : لا حبيبتي ما يصير هذا مو بيتنا هناك بيتنا
علي : انا ما راح ارد
محمد : ولا انا ..
أبوي : ليش؟
علي : يبه مانبي نرد وبس
أبوي : خلاص انت ومحمد ابقوا هني شوي وانا باخذ دانيا
انا : يبا بقعد مع اخواني
أبوي : لا يبا انتي بتيين معاي
انا بمضض : ان شاء الله
رديت بيتنا وبقوا اخواني في بيت يدتي .. كان أبوي ومرته مشغولين مع اختي دانه .. كنت مرتاحه لأن منييره ما اتيي يمي ولا تكلمني ابد .. بس هم كان حاز بخاطري .. حسيت نفسي مهمله محد يسأل عني .. درست .. كليت .. نمت .. لبست .. قبل كان اخوي علي مهتم فيني ... بس الحين انا برووحي : ( ..
نزل مستواي بعد ما كنت متفوقه .. صرت علطول ساكته .. راحت الضحكه من ويهي .. فقدت طفولتي من توفت أمي .. كنت احس وجودي والعدمه واحد بالبيت ..
الكل نساني .. كنت اشوف اخواني مره بالاسبوع لما ابوي ياخذني بيت يدتي .. كنت استانس معاهم واضحك .. لكن بنفس الوقت كنت متضايقه واحسب الساعات قبل لا ارد البيت ..

لما أرد البيت كنت اتضاايق وايد .. ادخل داري وابجي .. ابجي من الوحده .. احاتي شبصير باجر .. لي متى انا بظل جذي ..
بعد 4 سنوات ردوا اخواني البيت..
وطبعا بسن 13 سنه تبدا تتغير اشياء في البنت
بيوم من الايام قعدت الصبح مبجر .. وانا احس بآلام ببطني .. دخلت الحمام واكتشفت ان يتني الدورة ..

ما كنت اعرف شي .. وما كنت ادري اسأل منو .. فكرت اسأل منيره .. بس تراجعت بآخر لحظة .. بدلت ورحت غرفه أخوي علي وطقيت الباب ..

انا : علي علي انت هني
علي : دخلي دانيا انا هني
انا : علي الحقنييي
علي : شنو شفيج شصااير
انا : .. ما .. ما ادري
علي : دانيا شفييج شصاير لج ؟!! خرعتيني .. منيره سوت لج شي ؟
انا : علي ما ادري شسوي
علي : دانيا تحجيي حرقتي اعصاابي
انا : علي .. يتني الدورة ومو عارفه شسوي
علي : ها .. شنو ..
غلبتني دموعي وقمت ابجي .. وما حسيت الا بعلي يلمني
علي : ميخالف حبيبتي ميخاالف .. انا اخوج ميخالف لا تبجين
انا : علي ما ادري شسوي ما اعرف شي .. ما عندي احد يعلمني .. محتااجه أمي
علي : حبيبتي دانيا ولا يهمج .. الحين ادق على أمل بنت عمتي واقول لها تعلمج كل شي بس لا تبجين ..
ودق علي على امل بنت عمتي .. وعلمتني على كل شي وفهمتني ..
رديت داري وقطيت نفسي بفراشي .. آآه يا يمه ويينج .. شكثــر محتااجه لج .. لميت صورتها .. آه يا يما كل ما ابي اذكرج واتخيلج أحضن صورتج .. اتخيلج معاي بكل مكاان ..

آآآه يايمه بغيتك
دخيل تراب رجليك يمه احضنيني
خففي رعشة خفوقي واحضنيني
لملميني.. احتويني .. خذيني
امسحي بكفوفك يمه قلب امتلى بهموم عمره
وخلى هموم هالدنيا وأهلها كل همه

آآه يا يمه احضنيني
منهو غيرك يشيل همي
ويحتويني

روحي تحتاجك يا يمه
قلبي يرتجي تكوني يمه
وتمحي بسمتك كل همه

آآآه يا يمه أبيك
وينك تعالي
والله أبيك
واللي خلق هالكون الفسيح أبيك

بس أبيك

بعد هالحادثه بسنتين سنوات تقريبا .. بسن 16 سنه .. بدت رحله المر معاي .. وبدى التعب الحقيقي ..
كان أبوي يايب عمال يبنون غرفه بالطابق الثاني .. طبعا الطابق الثاني كان كله سطح .. ما عدا هالغرفه الوحيده اللي كان يبنيها ابوي .. وكانت مثل ما فكرت للخدامه ..

بيومها دخل علي ابوي الغرفه .. كنت متفاجأه مو من عوايده ..

أبوي : هلا دانيا .. شتسوين
انا : هلا يبه .. ماكو قاعده ادرس
أبوي : زين زين حبيبتي بالتوفييق
انا : مشكور يبه
أبوي : حبيبتي دانيا ابيج تلمين كل اغراضج وهدومج ..
انا : ليش يبه .! شصاير ؟
أبوي : انتي عارفه ان دانه كبرت وما يصير تظل مع حسن بغرفه وبعد كلها جم سنه وجنى تكبر .. ( حسن ولد منيره الثاني بعد دانه .. وجنى الثالثه )
انا : انزين ؟!
أبوي : فأنتي بتصعدين الدار اللي فوق .. ودانه بتيي هني
انا : لييش يبه .. انا مابي اطلع من داري .. تكفى يبه
أبوي : دانيا شفيها لو تنازلتي عن دارج لأختج .. اختج صغيره توها 8 سنوات وما يصير اصعدها فوق بروحها لازم
انا : يبه ليش انا بالذات
أبوي : اخوانج مستحيل يصعدون .. ومنيره تبي دارج بالذات حق بنتها
انا : تكفى يبه مابي
أبوي : شوفي كمه وحده ما اثنيها .. الحين تقومين تجهزين اغرااضج .. برد بعد ساعتين ابي الغرفه خاليه ..

أأخ يا يبه .. بتخليني اروح بغرفه فوق بروحي .. لييش ليش .. انا متأكده كل هذا من ورا منييره .. يارب يارب ساعدني ..

لميت اغراضي وهدومي وجهزتهم .. وفجأه دخل علي محمد ..
محمد : شصاير ؟ بتهاجرين والا بتنحاشين
انا : لا
محمد : شفيج ؟!
انا : ابوي يبي الدار لدانه وانا بصعد الدار اللي فوق
محمد : خخخخخ مسكيينه ..

محمد تغير وايد .. من رد البيت قبل جم سنه .. واهوه متغير .. صار ما يهمه شي .. متلبد المشاعر .. ما يهتم بأحد .. سهر وصياعه .. وفشل بالجامعه ..

وفجأه دخل علينا علي
علي: دانيا شصاير ؟
انا : علي ابوي يبيني اصعد الدار اليديده اللي فوق
علي : شنووووو @@ ليييش !!
انا : يبي داري هذي حق دانه
علي : شنو شهالحجيي .. انا برووح اكلمه الحين
انا : لا علي خلاص .. ابوي ما راح يرضى اهوه مصر وانا مابي يهاوشك
علي : لا يبه شهالكلام مو على كييفه شنو انتي تروحين فوق بروحج .. واذا كلش ما رضى انتي روحي غرفتي وانا بروح فوق ..
علي راح معصب لأبوي وانا وراه احاول اهديه و امنعه يهاوش ابوي .. كان أبوي قاعد بالصاله مع مرته ومع بناته وولده ..

علي : يبه شهالكلام !!
ابوي : أي كلام !!
علي : يبه بتصعد دانيا الدار اللي فوق ما يصيير
أبوي : انت مالك شغل لو سمحت بهالسوالف
علي : يبه شنو مالي شغل ما يصييير دانيا تصعد فوق
ابوي : شفيها يعني كله هذا بيت مو انا طاردها بالشارع
علي : خلاص يبه اهيه تاخذ داري وانا اصعد فوق
منيره : لاااااااا .. انا ابي دانيا فوق
علي : @@ ليش اهيه بشنو مأذيتج
منيره : بس انا ابي جذي .. مزااجي
علي : ما يصير مو بكييفج
ابوي : انت ما تستحي قلت لك مالك شغل بهالمواضييع
انا : علي خلاص خلاص بصعد فوق بس لا تتهاوشون
أبوي : خلاص اختك راضيه انت ما علييك
زعل علي وعصب وفجأه طلع من البيت ..
أبوي : جهزتي اغراضج
انا : أي يبه
أبوي : يالله خلاص الحين نصعدهم فوق
انا : يبه من اليوم راح انام فوق ؟
ابوي : أي

صعدت لغرفتي اليديده .. كانت كبييره .. فيها حمام .. وثلاجه صغيره .. وتلفزيون .. وكانت حلوة وايد ..
رتبت اغراضي وهدومي بغرفتي اليدييده .. وقطيت نفسي بفراشي ونمت من التعب ..
صحيت اليوم الثاني على صوت صراخ ..
شصاير بعد !!

 

[مـ سهله ـو]

وييييييييييييييييييييييييتنق يعطيج الف عافيه

 

[غيآبڪ عذآبي]

شششششششششششششششششششششصآآآآير ؟؟؟؟


لآ تطولييين علينآآآ

 

[MeeMeeYoo_2]

ناطريييييييييييييييييييييين