خرافات الحمـل والولاده ( قاصين على نفسكم ومصدقينها)

[tmtmt]

امبيه اسلوبكم مأساة !!!

ليش مافكرتوا فيهم قبل لا تكتبون بهالاسلوب
ناقصات عقل !! والحمدالله والشكر وقلة ايمان وكاسرين خاطركم !!

اسلوبكم الصواحه حده مو شي

شكثثثر في عقليات رياييل يقولون حق حريمهم
اذا مو ولد طالق واذا ما يبتي ولد بتزوج عليج ماسمعتوا ؟؟
هاذي شنو بيدها غير الدعاء وتجري الاشياء
ولي اذا قالت حق حمولتها فيني بنت شسووا فيها

كل وحده وظروفها !! واسبابها

مثلا انا متشفقه عالولد بسمي على اخوي الله يرحمه
شنو المشكله بالموضوع !!

وبالنسبه للموضوع ..

قالي الدكتور ان كله خرابيط الاكل وما الاكل
بس في طريقه ان بالسونار يشوف البويضه متى تكون مستهده يصير جماع
وطبعا شي علمي مو خرابيط نفس ماقلتوا
لن معووف ودشوا بالنت شوفوا ان الحيوانات المنويه الذكريه تعيش مده اطول بس بطييئه
والانثويه سريييعه بس تموت بسررعه
فعلى هالاساس ممكن يحددون
وطبعااااا كل شي من رب العالمين وبالدعاء والاستغفار

بس هم الله قال اسعى ياعبدي واسعى معاك
الواحد يسعى والطب تطور !!!

وانا ساله شيوخ مو بس شيخ وكلهم حللوا المووضوع
لحد يقول حرام من كيفه ( هاذي فتوى يتحاسب عليهاا)

باختصار الاسلوب كله ماعجبني
وكسروا خاطري الي جربوا هالطرق ويدشون يقرون انتوا شكاتبين عنهم !!

 

[tmtmt]

كله بدليات لن من الايفون

وبالاخير خل يصدقون ويقصون على نفسهم نفسيا يمكن يوتاحون كيفهم

وانتي قلتي اذا قلنالهم الصج بيزعلون
اكييد اذا كان بهالاسلوب
اما اذا اسلوب حلو ما اعتقد احد يزعل منه


ترا انا ضد اني اكل عشان ولد او بنت
بس ما اتكلم عن احد حذي وخاصه ان ماراح يضروني كيفهم ليش اكلمهم بهالاسلوب واجرحهم

 

[أنهار الكويت]

حبيبتي محد قال الاكل يحدد الجنس ميه بالميه

في شي معروووف ان الرحم ممكن يصير حمضي وممكن يصير قلوي

والحمضي يأثر على نوع من الحيونات المنوي والقلوي يأثر عالنوع الثاااني

يعني القلوي يساااعد الحيوانات المنويه تكوووون اسرع وتعيش اكثر من 24 ساعه لان معروف الحيوان الذكري عمره قصير الا اذا توفرت له ضروف معينه مثل درجة حراره الرحم وان يكون قلوي

والانثوي هم نفس الشي معروف ان الانثوي حجمه اكبر من الحيوان الذكري فعشان جذي يكون ابطئ ومعروف ان الانثوي قادر يعيش بالرحم اكثر من 3 ايااام


فعشان جذي يوصفون حق اللي تبي ولد اكل يساعد يقلب الرحم وسط قلوي يعني تبتعد عن الاحماض ويعطونها غسول قلوي واذا الرحم قلب قلوي حيييييل يساعده الحيوان المنوي الذكري ويأخر الانثوي ... مجرد يساااااعد ماقالوووو يحدد

والفصل حبيبتي هذا يعطيج شي مضموووون

اما الاكل والغسووول لااااا مجرد بنسبه 60٪مو اكثر

وفي طريقه ثالثه اسمها عزل الحيوانات المنويه وهذي حلال ويسونها بالسعوديه


الفصل حرااام تدرين ليش؟؟؟ لان فيها ذبح اجنه حتى الاجانب مايرضون يسوونها يقولون فيها اهانه للجنس البشري
لانهم عقب مايلقحون البويضات بالحيوانات المنويه ويصير جنين عمره اكثر من اسبوع تقريبا عقب يسوون تحاليل لها والذكر منها يغرسونه بالرحم والانثوي يتخلصون منه (عقولتهم مصيره الزباله عشان جذي حرااام وشي مستنكر حتى عند الاجانب اللي ماعندهم دين او شي يحرم هالشي)

اما العزل شي ثاني وتكون نسبته 90٪
واذا تبين يوتيوب حاضر يشرحلج الطرق كلها

 

[أنهار الكويت]

تمتم

انتي عكستي الذكري اهو الاسرع وحياته قصيره والانثوي حجمه كبير وبطئ ويعيش وايد بالرحم عشان جذي وايد مواليد اناااث لانها قادره تظل بالرحم مده طويله وبهالمده تكون يمكن فجأه تنزل البويضه وماتلقى الا الحيوان الانثوي فيتلقح

بس صح كلامهم فصل (الاجنه) حراااام
اما عزل(الحيوانات المنويه) حلال

 

[ام مريووووم]

انهار والله حبيتج
احس نفس تفكيري هههه
الاكل موضوع علمي عاى قولت انهار
ولاتنسون حديث الرسول اذا على ماء الرجل ماء المرءة الخ
يعني في طرق بس بالنهايه الامر لله وحده هذا اخذ بالاسباب والرزق منه سبحانه
واذا الدكتور هذا معارض عادي رايه الشخصي في اختلافات بين الدكاتره على اشياء وايد
يبا حتى اهل الدين يختلفون ما المشكله

المهم الناس اسباب وظروف واللي ممكن تضحكون عليها الله اعلم بضروفها وليش تبحث عن هل طرق


وطلب اخير يالغاليات خل نرتقي بأسلوبنا كافي اسم المنتدى كويتيات والذوق والذرابه معروف بالكويتيه