خرافات اول, وشنو الخرافه الي انتي اتصدقينها....

[q8 7oobi]

بسم الله الرحمن الرحيم....
_________________________

في البدايه عرفتوا شنو موضوعي الي ابي اتكلم عنه.....

الخرافات...
في وايد خرافات نسمعها من اهلنا... واكثرها من يداتنا....(جداتنا) واهم لي الحين يصدقونها.....

يعني عندكم خرافه انه لا تمشين على قشر بيض مو زين....
ولا لا طوفين بنت صغيره منسدحه ما راح اتحملين.....
لا تبطلين المقص او اتصكينه فال مو زين....

يعني من هالسوالف....
انتوا شنو الخرافات الي لي الحين تتداول عندكم...

وشكرا...

 

[استثنائيه]

مشكـــوره ع الموضوع الحلــــو...

ياكثر الخرافات اللي اسمعها من جدتي وماتخلص

ومادري هي صج والاجذب

والصراحه احيانا اخاف اسويها وتطلع صج..

الخرافه اللي اذكرها الحين

الحامل لاتاكل لحم بعير يقعد البيبي في بطنها عشر شهوووور ..

 

[عاشقه رويشد]

اسمع ماادري اذا خرافات ولا لا
اذا وحده احسدتج شربي من وراها او شغله جذي
واسمع مو زين البنت تشرب القهوه العربيه
بس مااصدق هسوالف

 

[tfa7a cute]

انا سمعت ان اذا العين رفت يعني في احد بيي او بزورنا بالبيت يامه رفت او محد ي

و يقولون المقص اذا فتحنا وصكرناه يعني احد راح يموت من العايله

في وايد بس مو ي على بالي الا هذول



tfa7a cute

 

[Spoildish]

يدتي كانت دااااايما تدخلنا داخل اذا صار المغرب و مرات قبل الاذان نكون بالحوش نلعب تطلع تقولنا دشوا داخل لا يدش فيكم يني , انا لي هاليوم حزة المغرب ماأطلع و لا اسوي شي و مرة وصلني ايميل انه مو زين نسوي شي حزة المغرب و طلع كلام يدتي صح :eh_s(6):

 

[رند]

اذا اذني صفرت اليسار احد يحش فيني
واليمين احد يمدحني

واذا انا ووحده معاي قلنا كلمه وحده بنفس الوقت لازم انطق الخشب خخخخخخخ


ولي عوده

 

[نـور الـورود]

والله يا كثر ما نسمع من خرافات اول

منها اذا حكتك ايدك يعني بتجيك فلوس

واذا رفتك عينك اليسرى يعني شي مو زين

هذا اللي اتذكره الحين

يــسـلـمـوووووو

 

[عسولة الكويت]

رفة العين اليسرى موزينه
لاحكتني ايدي اليمنى تجيني فلوس واليسرى اصرف

 

[عــاشــقــه]

أحس أكثر شي منتشر إذآ قلتي كلمه ؤأحد يمج قآل نفس آلكلمه طقي آلخشب

ؤحطي خزرهـ زرقه عشآن آلحسد

ؤلآ أطؤفين من فؤق أحد مؤ زين

مآدري أحس يعني شي مآ يدش آلعقل بس أذؤنآ فيهآ

 

[happy&single]

يدي الله يرحمه يقول لا تحطين ايدج على خدج هالقعده تييب الفقر!!

وعاد تدرون سويت search طلع فعلا لغة الجسد تأثر على طاقة الشخص وبالتالي مزاجه ،،
وشي طبيعي اذا مزاجج مو اوكي كلشي يصير بهاليوم مو اوكي
كان مو هين الله يرحمه واحنا ما ندري

 

[ام الدرر]

اسمع ماادري اذا خرافات ولا لا
اذا وحده احسدتج شربي من وراها او شغله جذي
واسمع مو زين البنت تشرب القهوه العربيه
بس مااصدق هسوالف

ياقلبي عاشقة هذا سنة عن الرسول صلى الله عليه وسلم تنج تاخذين من اثر العائن لعلاج المعيون ويشفى باذن الله ​

 

[ام الدرر]

يدتي كانت دااااايما تدخلنا داخل اذا صار المغرب و مرات قبل الاذان نكون بالحوش نلعب تطلع تقولنا دشوا داخل لا يدش فيكم يني , انا لي هاليوم حزة المغرب ماأطلع و لا اسوي شي و مرة وصلني ايميل انه مو زين نسوي شي حزة المغرب و طلع كلام يدتي صح :eh_s(6):

وايضا ياقلبي من الاحاديث المذكورة عن الرسول صلى الله عليه وسلم ان الجن تتسلط وقت غروب الشمس والحديث معروف فالواجب دخول الصغار وعدم لعبهم خارج المنزل

 

[q8 7oobi]

مثل ما قالت اختي ام درر كلامها صح انها هذي احاديث من الرسول صلى الله عليه وسلم....
اما خرافه مالت البعيييييييييييييير لا هذه عجيبه.... المره تقعد شايله الياهل 10 اشهر مسكييييييييييينه هالمره....
تسلمون خواتي على المرور الحلو...
ونبي نسمع بعد خرافات....

 

[وهج الحب]

السلام:
انا خالتي قي بنتها البكر اكلت لحم ناقة وصج ما ولدت الا بعد 10 شهور وجات البنت وايد كبيرة صدفة غير صدفة ما ندري بس سار جذية

 

[™reema]

ان اذا حكني خشمي في عزيمة ..
واذا الوحدة ما حملت قالوا انها مكبوسة << هذي امي تقول

 

[الفيصيلية]

ان في وقت النفاس مو زين تروحين عرس تكبسين على العروس وماتحمل
واذا اذنج صفرت في احد يحش فيج
واذا حلمتي حلم مو زين قوليه بلحمام لووووووووووووووول
واذا ذكرت شي اقوولكم

 

[UK_Girl]

انا اذكر سويت اشيا ممكن نقول عنها خرافيه وما كانت عندي قناعه بس لان بعض رفيجاتي يحنون علي

مثل كسربيض على تاير السياره عن العين ..ومسك الخشب بس عموما انا اعتقد القران يوفر حمايه من هالاشياء ..

بس في شغله سويتها قبل 3 اسابيع ذبحت خروف عند باب البيت (المسكين كسر خاطري ) وبعدها تحقق لي شي ناطرته من 5 شهور وكان موضوع معلق ومينني .. تعتقدون خر افه ؟؟انا احس رحمة من رب العالمين نزلت علي ....ولله الحمد

 

[مدام فستقه]

من خرافات اذا وحده عندها بنت بالنفاس وبتروح امها تعزى لازم تروح بيت ثانى بعدين تدش على بنتها اللى بالنفاس
وخرافه ثانيه اذا وحده ما حملت يعنى مجبووووووووووسه واذا وحده عروس ما يصير تدش عليها وحده توها والد علشان ما تنجبس

 

[BaTTy]

ويييه عدي و خربطي من هالخرافات
كل الي قلتوهم اعرفهم
بس سؤال شنو يعني مجبوسه ؟؟ اسمعها و مادري شنو
و من الخرافات الي الحين على بالي
انه كانوا يخلون شويه من اكلهم حزة الغدا او العشا بالمطبخ -نقصه حق الجن- لول
امي تقول مو زين تاكلون القطعه الطويلة المثلثة الي بالديايه الي لونها ابيض تقروط و انتي تاكلينها انا اسميها قرنوط مادري شكو عرفتووها؟
استعمال المقص من عقب المغرب ممنووع
الحلم المو زين قوليه بالحمام و تكرمووون بولي عليه ":\
الي كانت بالعده اول ما تخلص تكشف ويهها عالبحر
مادري هذا الي يا على بالي اذا تذكرت برجع
خوش موضوع

 

[الصعيريه]

يسلمووو يالغلااا عالطرح..

انا اللي اعرفها اذا في عروس ودشت عليهااا وحده فيها دوره فااال موزين يعني مآتحمل..
وبعد رفة العين اليمنى معناته خير واذا اليسرى معناته موزين..
وبعد اذا وحده حامل ببداية شهورها ودشت على وحده نفاااس فااال موزين يعني تطيح..