خربتها !!!!!!!!!

[حبيبة ماماتي]

هههههههههههههههههههه الموضوع عجيب ربي يخليلج عيالج يارب ويسهل امرج
انا والله اول سنه على سنقة عشره
وبعدين انا بالغربه والنفسيه عجيبه مرات الله لايوريج مالى خلق نفسي

حبيبتي انتي :0bee2e8d89: الله يعوضج بريلج انشالله وينسيج غربتج قولي آمين

 

[((الجوري))]

^^
هههههههههههههههههههه امبي مت ضحك على موقفج ..بس صج فشله لووول

مشكوره حياتي العوبه عالموضوع والموقف الحلو

 

[كوييتيه كيووت]

ههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه
قسم بالله انتوا تحفه مواقفكم تجنن
حبيبه مماتي وربي فطست
وانا توب انا مووصج فشللله
ومي والعوبه
بدعتوااااا
الله يونسكم مثل ما ونستوني

 

[حبيبة ماماتي]

ههههههههههههههههههههههه شفتي شلون عيل اتعرجب واتفشل هههههههههههه

 

[Spanish Princess]

رد : خربتها !!!!!!!!!

لووووول مواقفكم مووو صج لووووووووول

 

[...الليـــدي...]

رد : خربتها !!!!!!!!!

حبيبه مامتهاا حلوووووووه حامل
مت ضحك فحححط الاندومي ببطني
خخخخخخ


الله يونسكم

اب اب

 

[G!RLooNa]

:dddds::dddds: يحليلكم والله مت من الضحك الله يخليكم لبعض :dddds:

بنتج احسها طالعه عليج نزغه بس ولدج فقير ما يدري وين الله قاطه :dddds:

 

[املى كبير]

هههههههههههههههههههههههههههههههههههههههههههههههه


واااازين والله راعيت الحنه مثل بنتى لاجيت بحط لها حنه ولادهن قالت بجيب فوطه لحظه ؟؟؟

والفوطه موتحطيها على ظهرها عشان ماتوصخ لا تحطها على خشمها عشان ماتشم ريحته ههههههههههههههههههههه

<<<<على قولت امى لافصلت عليها والله يالحنه ازين من ريحتج :eh_s(4):



اما المواقف

زوجى مايحب يحرجنى فديته :eh_s(6):

بس تنبط جبدة لالبست دراعه


اسمها (دراعه الفقر )هى عبارة عن دراعه بدينار ونص تلقينها بجليب الشيوخ عند هنديه 24 ساعه طافيه من المخدر الا تحطه بفمها :eh_s(4):


ولاغسلتيها قصرت وانا متحطمه فيها ههههههههههههههههههههههههههههههههه

لالبستها زوجى ضاق خلقه وانا البسها اما اكون فقرانه ماعندى فلوس ولاعلى الدورة ولامعصبه على عيالى


والله لاتنرفزت رحت للكبت وطلعتها ولبست والوان واشكال


عاد هو ينغث

وينادينى باسم ام فلان .........(وحدة عجوز مخنزة ) وانا طاااااااااااااااف:q8:

 

[مجنونة نت]

يآ حبي لكم

أجل أنآ ليل نهآر فآصلة <<< آلله يعين زوجهآ عليهآ

فآضية اتمكيج واخربط بعمري.. دآم مآ فيه خدآمة مآ فيه كشخة

بعدين لآحظت شغلة إذا كشخت عادي عنده لكن وأنآ بعز آلظهر بالمطبخ أصير قمر بعيووونه

لكن يآ بنآت فيه نقطة.. ترى آلرجآجيل يختلفون.. فكل وحدة تسوي آلشي آللي يناسب زوجهآ

 

[!الجادل الصعب!]

رد : خربتها !!!!!!!!!

انا نفس غيمه ظميانه >>><كل ماجيت اسنع حواجبي يجي فجاه
وكل مره ارقعها لين عرف الطبخه لا و يقول لا تمسحينها باخذ شغله وبطلع ههههههااي

 

[الوجه السمح]

لووووووول انا خواني لا اسوي شي يطيحون تضغط فيني لوووووووول

 

[So0oKaRa]

والله انج صاجه لي متى بنتكشخ حق رياييلنا زهقنا
انا عادي بالبيت اسوي اللي ابيه مرات اكشخ ومرات عاديه
عاد لي كشخت لبست بيجامه مرصرصه يعني ها تراني كاشخه خخخخخخ او لبست شورت مع تي شرت هذي قمه الكشخه عندي لوووول شغلات عمليه والسلام
وفعلا ترى الريال محتاج انه يشوف الزوجه بكل حالاتها بسنا تزقرت وتسنع جدامهم جنه نازلين من السما وااااااااااااااااالله
خليه يشوفج بكل الحاااااااالات

 

[طـير7]

لووووووووووول

خل أقولج
الله يغربل بليس واهله من الساعة ( 1 ) وانا اقول 5 دقايق واقوم انام
شفت موضوعج شكلي مطولة لووووول

المهم
برمضان كان زوجي بيطلع عال 12 الظهر وبيرجع وقت الفطور
واروح واييب لج أملا دابر الياسمين وألطخ راسي بناتي ال 3 الله يحفظهم وانا معاهم :d
ونقعد ونشوف زوارة خميس والدنيا ربيع والجو بديع على أساس بسبحهم وأتسبح قبل ييته
ويدخل عمي الضابط مبجر
وانا احس صرت حراااااااااانة من الفشلة ،، ولا تشوفين خشمه ههههههههههه
يحرك خشمه ويشمشم ،، يقولي شالريحااااااااااااااااااااااا واصلة لي الأسنصير
اهم شي يقولي ( جني داش ملحق هنود ) لووول

وانا كل ما بغيت اكلمه أنزل راسي يعني مستحية هههههههههه زين ما قلت له ( آسفة ابن عمي ) من الحيا يالي أدب مو طبيعي ماشالله علي اكلمه وعيني بالأرض ..

موقف ثاني
مرة تسبحت وتسنعت وتبخرت واشزيييييينييييي ،، أذن ،، ورحت بصلي ،، قبل لا اصلي وتروح لج ميووه وتحط لزقة الخشم اللي تنظف الخشم واصلي واللزقة على خشمي على اساس اشيلها عقب الصلاة ،، بدخلته كنت اسجد ،، رديت قعدت ويشوف خشمي باللزقة البيضة ويضحك ضحك ,, من الفشلة قمت بسرعة اسجد واقوم واهو يضحك ويقول لبناته امكم تلعب أغنية تنقد البطة تنقد التي تي مع خشمها الأبيض

والله يالعوبة تمسخرنا الله يسامح هالدنية الوصخة

هههههههههههههههههههههههههه

الله يقطع ابليسج مي خليتيني افطس من الضحك

عاد صارلي نفس موقفج مال الزيت

مرة قلت بجرب زيت النور (وييييييييييييييييع يلوع الجبد انا ماتحملته)

وقلت دامه طالع ماراح يرجع الحين احطه بشعري وبعدها اسبح واكشخ

المهههههههههههم!!

فرقت راسي وحطيت يمين ويسار ولفيتهم سويتهم كبه عاليمين وكبه عاليسار لي فوق

صرت نفس بباي بس ناسيه اسمه

ولا الاخ يرجع بعد ماحطيته بشوي وضحك علي ليييييييييييييييييييييين قال بس!

ولاعت جبده من الريحه العجيبه

وحرمت بعدها احطه وعلى طووووووووووووول بالزبالة (وانتوا بكرامه)


يلا بنشوف مواقفكم الحلوة

 

[ماكنتوشه بنفسجيه 12]

رد : خربتها !!!!!!!!!

العوووووبه اي والله انج خربتيها ههههههههههههه الله يخليلج بنتج ام كشه والدله

سبحان الله وبحمده

سبحان الله العظيم

 

[candeya]

واي اهم شي شي شاف الكبة اللي على اليسار او كية على اليمين لو انا انتحر عقب هالموقف واااااااااااااااااااااااااااااااااااااااي فشلة قبل لما كنت متزوجه ما كنت افكر احط دهن الا اذا رحت بيت اهلي اكون امامنه واخذ راحتي بس صج مواقفكم عجييبة

 

[@غشمرية@]

رد : خربتها !!!!!!!!!

هههههه
اكره هالمواقف احاول قد مااقدر ارتب نفسي جدامه
مرة علي انه بالدوام وراح يتاخر حطلتلي زيت على شعري ولبست القبعة فوقها وحطيت على وجهي قناع الطين الي صاير لونه اخضر غامج وحطيته على ايدني وقعدت بالصالة الاوهو داش البيت ولا يتخرع صج وجهه تغير ورجع طلع من الشقة ودش مرة ثانية من صج مايضحك لان شكلي صج كان يخوف بس انقهرت لما شافني جذي

 

[اشتياق]

اللي يسمعكم يقول الهام الفضالة لي قعدت من النوم مكياج وتراجي ودراعه كشخه!!

لا يبا عادي سهالات ألبس اللي ابيه واحط اللي ابيه باستثناء الثوم على شعري لووووووووووووووول

ولي صرت حاطه ثوم ودش من برا أصير يا غلاتي على قلبه

يابن الحلال ثوم


ويصدف مرات يشوف الاكسجين على ويهي ويرفع حواجبه استغراب خخخخخخخخخخخ:O_SHH_:

وعاد الكشخه والقمصان على حسب المزاج يعني مو كل يوم انا كامله وانيقه وزاهبه ومستعده
لايبا ماخذه راحتي والدنيا حلوه:gathering:
أهم شيء نظيفه ومرتبه::tek:

 

[روحي تحبه غصب]

تدرين لي الحين عشرسنوات ماحطيت على شعري حنه او دهن

اذا تهورت حمام زيت لشعري

والحمدلله حسب الحاله النفسيه الميك اب اوالتكشخ اللي على اصوله

بس دايما شكلي مرتب وبصراحه مودايما قمصان نوم
مره كان ضرسي يعورني وخذيت بروفين وهدا الحمدلله الا يناديني ريلي روحي الغرفه ابيج بسالفه

عاد انا ماخذتني الثقه سبقته وبسرعه البس ذاك المايوه وحط الحمره وانزل شعري وامسك هذاك العطر اللي كرهته عقب اللي صار فيني

الله لايوريكم شنو صار على طوووووول ضرسي يعورني عوار فضيع والالم يزيد وانا توني ماخذه بروفين
مالقيت الا القطران________هذا دوا لونه اسود مسكن عجيب بس هااااااااااا ريحته فضيعه تلوع الجبد بس مفعوله قوي
ومن العوار وادهن تحت اذني ومكان الضرس من بره ومشكلة القطران يلزق عالخد مثل الصبغ

ويجي ابو الشباب يدخل الغرفه والله يابنات اول مادخل ________اف شنو هالريحه قلت له لا عادي تعال
وانا منسدحه عالسرير يعنني انطرك مشتاقه واول ماقرب يبي يلمني الا يقولي الله يسامحك مالقيتي تحطين هالدوا الا الحين والا متعمده تلوعين جبدي مالج خلق قولي؟؟؟؟؟؟؟؟؟؟؟؟؟؟النيه الشينه
وتنسد جبده ويطلع من الغرفه وانا وجهي اختفى من الفشله والبس بجامتي والحقه بفهمه السالفه اول مادخلت الصاله الا الريحه سابقتني
الا يقولي روحي داخل واذا تبين شي دزي مسج والا ترى بطلع بره واخلي البيت لج
الله لا يعيد هاليوم وحلفت عقبها ما استعمل القطران

سامحوني طولت بالسالفه

 

[مشموشته]

يا حلو سوالفج عوبه

عادي خربيها ... بنسوي مثلج

 

[mo0o0n22]

رد : خربتها !!!!!!!!!

ههههههههههههههههههههههههههه ..

والله يالعوبه انتي صاادقه ... انا اشووف اللي ريحتهم خاايسه وشيناات ولايكشخوون رياجيلهم يموتون عليهم امووت واعرف شنو السر ؟؟

والسنعه والمتعدله تشوفون رجلها خاينها ولااعب في ام الدنيا ...