خريجات كلية العلوم الادارية-جامعة الكويت(قسم المحاسبة)

[frawlah_83]

fixed income
derivitaves
هذول بقولي
بس بيني و بينج ترى مخي قام يطلع دخان اخاف ما انجح بحياتي ما سقطت اخاف اموت اذا سقطت
انتي شنو كانت ادعيتج حق النجاح ؟

شوفي اذا سقطتي لاتبجين ولاتنتحرين عااااااااادي .. وترى الامتحان هذا مو شي سهل انتي شايفه كميه المعلومات ... الامتحان سهل بس كثرت الاسئله وطول الامتحان والضغط بسرعه بسرعه بتحلييين اوهما دقيقين وااااايد ... قبل الامتحان باسبوع بعطييج التركس واايد راح تساعدج..

امم ماكو ادعيه معينه ادعيه عاديه بس ترى انا مانجحت من اول مره ومايست قدمته مره ثانيه لانه كنت تعبانه ودارسته وحرام ماجرب فرصه ثانيه وبالمره ثانيه ركزت على الي ماعرفه وحليت تمارييييييييييييين وااايد اهم شي تحليلن تحلين لما تنفجرين من الحل !!!!! :krkrkr:

الي ماينجحون ارتبونهم من 1 لي 10 ال 10 اقرب للنجاج فاذاالله لايقول ان شاءالله ومانجحني انتي شفتي انج يايبه 7 او 8 وفوق قدمي على الامتحان شهر 12 في دبي تركزين على الي كنتي ضعيفه فيه وهم المره الثانيه ياخذون منج مبلغ اقل مو نفس اول مره ... بس ان شاءالله تنجحيين من اول مره بس حلي واايد تمارين شهر 5 بس حلي حلي حلي حلي ماكو شي غيييير الحل اذا انتي تدرسين من كتب سي اف اي فما عندج معناته تمارين وايد شوفي فن كوز في حق لفل 1 ؟ وحاولي اخر اسبوعين ادربين روحج على ضغط الامتحان يعني الموك اكزام حلي جنج في امتحان صج قعدي 9 وبلشي 3 ساعاات بالضبط بس تخلص 3 ساعات هدي القلم واخذي برييك ساعتين وحلي الجزء الثاني من 2 لي 4 حاولي تسوين لج جو امتحاان ولاتكون قعدتج مريحه يعني حلي على كرسي وطاوله ... ...

 

[q8ia_cutaa]

هاي بنوتات ..

انا قرييت 3 صفحات طافتني

وبعلق على جم شغلة

اول شي انتي وحظج والي الله كاتبه لج ... يعني انا شخصيا اقول يمكن اني مو قاعدة انقبل مني ومناك يمكن لان ناطرني مكان احسن منهم كلهم ... وطبعا في مرات واااااااايد يأس وضيقة خلق ومحد يبينا الي ماعنده واسطة الخ الخ بس خلي املج قوي لايأس مع الحياااااة...
وانتوا تقولون ديوان المحاسبة كله واسطات .. صج واسطات ..بس مو الكل.. لو خليت خربت .. وانا اعرف ناس هناك بواسطة و بدون واسطة قديمين ويديدن << حلوة يديدين لووووول

ثاني شي حبيت اعقب عليه :$ ..

ادارة الضريبة بوزارة المالية ... قتلكم قبل لا اتعين بوزارتي ان هذي الادارة كانت طموحي بالنسبة للوزارات لوووول
احسن ادارة وفيها ميزات وايد والناس الي هناك اوادم سنعة اوادم يعني :q بس شغل .. وانا عندي الدوام شغل ولا تقعدين بدون شي بالمرة .. ان شاء الله يقبلونكم فيها ..

بس انتوا سووا ربط حق المالية ... وسهالات ان شاء الله...

وموفقين يا بنات cfa

:**

 

[q8ia_cutaa]

تصدقون شوقتوني على ال cfa

 

[^^ROSE^^]

سويت اكاونت تويتر وما اعرفله لوووووووول

 

[^^ROSE^^]

http://www.q8yat.com/t825777.html#post23804795

عجبني الموضوع

 

[^^ROSE^^]

مشكوره نونوشاا والله صج محتاجيييييييييييين هالدعوات كثروا منها ان شاءالله

يله ان شاءالله اتشكل الحكومه باسرع وقت انا بالنسبه لي ماتفرق معاي لاني محتاجه اجازه طوووووووويله ابي ارتااااااااااااااااااااااااااااح شوي :\\

بترتاحين لين تملين
انتي ريضه خل يفتح الديوان و تقدمين و يقطونج بالصحه و ترفضين لوووووووول جدامج درب

 

[leolady31]

بنات جنه كان في واحد داش موضوعنا الحين مو موجود ؟؟ ولا انا اتخيل

 

[^^ROSE^^]

شتغدى؟

 

[^^ROSE^^]

بنات في وحده منكم تعرف وين نقدر نودي الاوراق اللي مانبيها حق paper recycling؟
في اماكن ياخذون الورق وجنه يعطون حاويات عشان نقط فيها الاوراق وهم ياخذونها او احنا نوديها
المهم ان ماتنحرق وتلوث البيئه
انا من زمان ودي اسويها و عندي اشياء وايد بقطها بس حرام البلديه يحرقونهم خل يعيدون تصنيعهم احسن

حتى حق الزجاج في والحديد اتوقع
ولا ليش الهنود يحوسون يدورون بطول و قواطي بيبسي فاضيه

عفيه اللي تعرف تقولي حتى لو لازم انا اوديلهم الاوراق عقب ما ايمعهم ميخالف المهم ماينقطون

 

[^^ROSE^^]

احم
سويت سيرج ولقيت شركه يعطون كونتينر حق الورق واييون ياخذونه لا انترس
http://www.gtc-kuwait.com/youth/services.html
اللي حابه تسجل انا سجلت

وبدور حق الزجاج والبلاستيك والحديد

معا نحو بيئه صحيه p;

 

[frawlah_83]

كيوته صاجه والله ويارب الجميع كل وااحد ينقبل بالمكان الي يبيه يارب ... وجياج صيري سي اف اي معانا ترى انا الي محببني في الشغله انه فيها تحدي شوي مادري جذي احس صارت السالفه اعناد يا انا يا ال سي اف اي بنشوف منو نفسه اطول ههههههه

فالودا شسالفه شنو منو داش ؟!!!!!!!!!

لوووووووول روزالله لا يقول اقطوني الصحه طبعا راح ارفض من قطاع خاص لي الصحه مره وحده انتحااااااااااااااااااار !!!!!
روز ماشاءالله علييج صايره بيئه اليوم خلاص بنشغلج في الهيئه العامه للبيئه شتبين بعد

اللحين بسالكم اذا سجلت بالديوان 21-6 متى عاده تنزل الاسامي يعني انا بكون مو موجوده شهر 7 كله بسافر فاذا نزل اسمي في احد اصير انوب عني اروح اسويلي ربط ولا لازم انا شخصيا !!..؟؟؟ ولا ماتوقعوون تنزل اسامي بشهر 7 ... بليز فيدوني بخبرتكم انتو اخبر مني في هالوسوالف <<< ادري ازهب الدوه قبل الفلعه بس انا جذي احب ارتب شغلي واخطط مبجر !!

 

[frawlah_83]

كيوته ممكن تقولين لينا شنو اهي مميزات هالاداره هل في فرق بالراتب فرق بالبونص والا مميزاتها انها شغل وفيها اوادم سنعه ؟

 

[^^ROSE^^]

لا ما اتوقع ينزل شهر 7 اذا بيفتحون 21-6 لان هو التقديم اسبوعين
واذا نزلوا اسمج عندج اسبوعين ترفضين فيهم

اذا معدلج عالي يجدمون رقمج و هم عشان عمرج لانج من زمان متخرجه فالاولويه للاكبر والاقدم في الحصول عالمؤهل والمعدل الاكثر

 

[frawlah_83]

روز هذول ملوت الرسايكلغ ايبون لج كونتينر حق الاوراق مع العلب البلاستيكه والزجاج ولا كل شي بروحه ؟؟ انزين واشلون طريقتهم ادقين عليهم ايبونلج ولا اشلون

 

[^^ROSE^^]

اللي فهمته من الموفع انج تسجلين اون لاين او تدقين تلفون حاطين ارقامهم
انا سجلت اون لاين
وهم ايبون لج الحاويه تقطين فيها الاوراق ولا انترست تقولينلهم ياخذونها
او للشركات اللي عندهم وايد ورق ينسقون معاهم بانتظام ايونهم
بس والله خوش فكره


عاد الكورس اللي فات كنت ماخذه ماده فاينلها انج تسوين دراسه جدوى حق مشروع وتقنعين اللجنه فيه
كان في واحد عجبني مشروعه وذكي شنو سوى
اول مابدى البريزنتيشن قال عن اذنكم 5 دقايق وارجع
رجع ولا شايل كرتون تارسه جرايد ومجلات واوراق
قال انا افتريت بقست 5 دقايق يمعت كل هذا
تدرون هذا لا حرقوه شكثر بيلوث البيئه؟ وتدرون ان في ناس مستعدين ايونكم لي مكانكم ياخذون منكم هالورق ويعيدون تصنيعه؟
عاد هو مشروعه ان يكون نفس وسيط بين الجامعه والشركات وبين شركه اعاده التصنيع
وقال ان كان يشتغل بشركه بس هي تاخذ من الاماكن اللي تصير عندهم كميات كبيره يوميا

وحتى كان منادي نائب مدير الجامعه عساس يبي من صج يسوي هالمشروع ويتعاقد مع الجامعه

اليوم رحت الجامعه ولا يم كل زباله تكرمون حاطين حاويات حق الريسايكل فعرفت ان طبقوا فكرته

استانست حسيت وناسه ان في شباب عندهم جذي افكار بناءه تفيد البلد
صج التلوث بالكويت مو طبيعي
وهالاوراق مقطوطه مقطوطه عالاقل خل يعيدون تصنيعها بدال لاتحترق

لووووووووووول اشتطيت عالموضوع بس والله عجبني حسيت اني فخوره بالسالفه >>>رازة ويهي ادري p;

 

[^^ROSE^^]

فراوله الشركه ردوا علي بالايميل
Dears,
Thank you for your email, please call this no:22446161 and register your address

 

[leolady31]

كيوته صاجه والله ويارب الجميع كل وااحد ينقبل بالمكان الي يبيه يارب ... وجياج صيري سي اف اي معانا ترى انا الي محببني في الشغله انه فيها تحدي شوي مادري جذي احس صارت السالفه اعناد يا انا يا ال سي اف اي بنشوف منو نفسه اطول ههههههه

فالودا شسالفه شنو منو داش ؟!!!!!!!!!

لوووووووول روزالله لا يقول اقطوني الصحه طبعا راح ارفض من قطاع خاص لي الصحه مره وحده انتحااااااااااااااااااار !!!!!
روز ماشاءالله علييج صايره بيئه اليوم خلاص بنشغلج في الهيئه العامه للبيئه شتبين بعد

اللحين بسالكم اذا سجلت بالديوان 21-6 متى عاده تنزل الاسامي يعني انا بكون مو موجوده شهر 7 كله بسافر فاذا نزل اسمي في احد اصير انوب عني اروح اسويلي ربط ولا لازم انا شخصيا !!..؟؟؟ ولا ماتوقعوون تنزل اسامي بشهر 7 ... بليز فيدوني بخبرتكم انتو اخبر مني في هالوسوالف <<< ادري ازهب الدوه قبل الفلعه بس انا جذي احب ارتب شغلي واخطط مبجر !!

مادري دشت الموضوع الصبح شفت واحد اسمه داش بالغلط قاعد يسأل عن السي اف اي بعدين ذشيت مره ثانيه ولا مو موجود المشاركه؟!!!! يمكن اتخيل بس متاكده شفت :eh_s(10):

 

[leolady31]

فراوله اتصدقين صج السي اف اي صايره ام التحدي اتحسين يا انا يا انت!!!
والله اصلا حدي تعبت منه بس ما افكر اني اهده لين اغلبه انا الريال مو اهو (امبيه اشتطيت)
احسه خلاني ما اموت على السوق و الطلعه الفاضيه قمت احس بقيمة الطلعه و الوقت اللي ادش النت فيه
يخليج ما تصرفين وايد
تتدينيين عشان تدعين وايد و يخلي عندج اصرار

 

[frawlah_83]

عن شنو يسال بالضبط ماتذكرين @@

 

[leolady31]

بس يقول فيدوني عن السي اف اي بعدين اختفى