خريجات كلية العلوم الادارية-جامعة الكويت(قسم المحاسبة)

[^^ROSE^^]

روز على حسب معدلج
بس وايد اللي رابطين بالمالية خصوصا محاسبة

انا 3.18 في امل؟ لوووووووول

 

[^^ROSE^^]

مادري يصير اشتغل بوزارة على ما يقبلوني سواء على هالاعلان او اذا سجلت بالاعلان الياي

وبعدين استقيل اذا اقبلوني واروح البترول؟؟؟

​

اذا انتي مقدمه من قبل وبعدين اشتغلتي
يصير لا قبلوج النفط تستقيلين و تروحين
بس اذا نزلوا اعلان ماتقدرين تقدمين وانتي موظفه

اذا ماعندج واسطه حق النفط لاتنطرين التقديم الياي لان بعيد ولا مايقابلون و يمتحنون وتالي يمكن تنرفضين مرة ثانيه ليش
اذا ماتبين التربيه رفضيها ونطري الترشيح الياي
او سوي ربط على وزاره ثانيه
اذا ماعندج واسطه لاتنطرين مكان صعب الا اذا ماعندج مانع تتنقعين
اذا مستعيله عالشغل ربطي بمكان ممكن ياخذونج
سأليهم اذا يصير تربطين عالبيئه يمدحون معاشاتهم و مكانهم زين بالشويخ مبنى شكبره

جربي منتي خسرانه

بس تذكري المكان اللي بتشتغلين فيه ماتقدرين تنقلين منه الا عقب 3 او 5 سنين مو متأكده
او انج تستقيلين وتقدمين من يد و يديد

ففكري عدل قبل لا تقررين

 

[^^ROSE^^]

بنات شلون انظف بين الدقم بالكيبورد
كله يغبرون مادري شلون انظفهم؟ اكو فرشه حقهم شي؟

 

[I HAVE DREAMS]

اذا انتي مقدمه من قبل وبعدين اشتغلتي
يصير لا قبلوج النفط تستقيلين و تروحين
بس اذا نزلوا اعلان ماتقدرين تقدمين وانتي موظفه

اذا ماعندج واسطه حق النفط لاتنطرين التقديم الياي لان بعيد ولا مايقابلون و يمتحنون وتالي يمكن تنرفضين مرة ثانيه ليش
اذا ماتبين التربيه رفضيها ونطري الترشيح الياي
او سوي ربط على وزاره ثانيه
اذا ماعندج واسطه لاتنطرين مكان صعب الا اذا ماعندج مانع تتنقعين
اذا مستعيله عالشغل ربطي بمكان ممكن ياخذونج
سأليهم اذا يصير تربطين عالبيئه يمدحون معاشاتهم و مكانهم زين بالشويخ مبنى شكبره

جربي منتي خسرانه

بس تذكري المكان اللي بتشتغلين فيه ماتقدرين تنقلين منه الا عقب 3 او 5 سنين مو متأكده
او انج تستقيلين وتقدمين من يد و يديد

ففكري عدل قبل لا تقررين

روز مشكورة يا قلبي

والله راسي يعورني من كثر التفكير

وبالنسبة للواسطات ابوي معارفة شكثر بس مايحب يطلب شي من احد


وصراحة انا بعد مو حابة اطلب من احد واسطة احسها رزة ويه


والنفط ....ااااااااااااااااه يا النفط احسه كل ماله يبعد عني


طلع على لساني شعر من كثر ما اسأل عن النتيجة

ادعولي انقبل عندهم وارتاح
​

 

[frawlah_83]

رووز هذي غيير ترى عن الي حطيتيهاا في سايت نردستورم هذيك ماركه غيير ...

وعلييج بالعافيه مقدمااااااااااااا

 

[frawlah_83]

روز مشكورة يا قلبي​

والله راسي يعورني من كثر التفكير​

وبالنسبة للواسطات ابوي معارفة شكثر بس مايحب يطلب شي من احد​

وصراحة انا بعد مو حابة اطلب من احد واسطة احسها رزة ويه ​

والنفط ....ااااااااااااااااه يا النفط احسه كل ماله يبعد عني​

طلع على لساني شعر من كثر ما اسأل عن النتيجة ​

ادعولي انقبل عندهم وارتاح ​

شوفي روحي التربيه وسالي شوفي المكان وين بحطوونج وسالي عنه لاتسعيلييين .. يمكن احطونج في قسم الميزانيات .. اما اذا انتي موحابه روحي رفضي وساليهم شنو في مكان ثاني يبون تخصصي انا رفيجتي سوت جذي طلع له الصحه راحت وقالت مابي الصحه فقالو لها في التجاره تبين فقالت اوكي واشتغلت اهناك بس مادري هل نطرت الترشيح الثاني ونزلو اسمها ولا على طول ..... عندج مكتب الاستثمار الاجنبي بالتجاره يمدحونه ...

بالنسبه حق النفط بالاعلان ماكانوا كاتبين شرط انه لازم ماتكونين مشتغله ... فانتي دقي عليهم باجر قولي لهم اذا انا موظفه في جهه حكوميه وحابه اقدم على الاعلان الي بينزل عادي .؟ ولا لازم ماكو مشتغله ؟ بس لاتيبين طاري لهم انج مقدمه عندهم بس سالي هالسوال ... اذا قالو عادي فتقدرين تروحين التربيه وتقدمين على الاعلان الي ووراه اذا مانقبلتي في هالاعلان وشوفي ترى كل شي رزق ومحد بياخذ رزق غيره لو شنو تحطيين واسطه رزقج مارده بتاخذينه ومحد يدري وين نصيبه ... لو تجري جري الوحوش غير رزقق ماتحوش ...

بس اذا اشتغلتي راح اروح عليج ديوان المحاسبه ..

اذا انتي زهقتي من قعدت البيت تقدرين ترضين في اي مكان بس بشرط تختارين ااداره تناسب تخصصج وبعد مده يعني سنتين 3 سنين تقدرين تقدمين على الهيئات والمووسسات الحكوميه اذا نزلوا اعلان .. او تسوين ندب نقل ..

بس نفس ماقالت روز سالي على سالفه الاستقاله التربيه شوي متشددين على سالفه النقل حق المدرسين ومادرين اذا هالشي ينطبق على الاداريين لازم اتاكديين

وموفقه ان شاءالله:yaaaaaarb:

 

[nonosha]

انا 3.18 في امل؟ لوووووووول

ماكو شي مافي منه امل
بس البنات اللي اعرفهم كلهم معدلاتهم عالية ورابطين
فاكيد هم قبلج وايد
بس انتي لي يتي بتربطين ساليه جم بكون رقمي
اذا حسيتيه وايد دوري مكان ثاني ربطي فيه

 

[I HAVE DREAMS]

فراولة مشكورة حبيبتي

تصدقين انطر يوم الاحد علشان اسوي

بالضبط اللي قلتي عليه

 

[^^ROSE^^]

اي لول ادري ان غير بس قصدي نفس الديزاين حتى مارك جاكوبز عندهم بس صغيره
اذا باخذ هالديزاين بطلب اللي بنوردستروم


والله يعافيج حبتي ؛**

 

[q8ia_cutaa]

ديري بالج تغلطين نفس غلطتي وتقبلين مكان ماتبينه بالأساس عشان بس مليتي من القعدة !

ترى النقل مو سهل. شوفيني 4 سنين ونص تقريبا بوزارتي ومأخليت مكان ماقدمت عليه نفط وهيءات الخ وللحين مكاني بالوزارة

والمالية موقفة نقل وندب من سنين ترى حتتى أشعار آخر

واستخيري بعد

الله يسهل عليج

 

[I HAVE DREAMS]

ديري بالج تغلطين نفس غلطتي وتقبلين مكان ماتبينه بالأساس عشان بس مليتي من القعدة !

ترى النقل مو سهل. شوفيني 4 سنين ونص تقريبا بوزارتي ومأخليت مكان ماقدمت عليه نفط وهيءات الخ وللحين مكاني بالوزارة

والمالية موقفة نقل وندب من سنين ترى حتتى أشعار آخر

واستخيري بعد

الله يسهل عليج

الله كريم ويفرجها انشاءالله عن الجميع

 

[q8ia_cutaa]

روووز الشوووز عجيب عليج بالعافية

في مارك جاكوبز بالكويت ؟؟

 

[^^ROSE^^]

ترى ساعات مو الا تنطرين ثاني ترشيح اذا الوزاره اللي تبينها تاخذ تخصصج وماعندهم اكتفاء

اعرف واحد طلع ترشيحه بالاعلام قال مابي قالوله في الداخليه تبي قال اي الخبل واشتغل بالداخليه لوووووول
بس الفكره ان مو الا تنطرين
لان هم اللي مرشحينهم للداخليه مثلا في ناس بيرفضون لان يبون مكان ثاني
فيحطونج بدال اللي رفض

فروحي الديوان شوفي وين في مكان ياخذج على طول بدون ربط

والتجاره فيها اماكن زينه و اماكن لوعه
الاستثمار الاجنبي ممتاز
في اتوقع اماكن بعد بس سالي عنهم
والله يزقج بمكان زين ترتاحين منه يارب

 

[^^ROSE^^]

كيوتا الله يعافيج حبيبتي اي في بالافينيوز وترى جنه كل قياس في منه حبه وحده انا قياسي 40
فحجزته قالتلي بس 1 في هو ب 140 مو رخيص
وفي نفس طريقته بس مو wedge كعب عريض بس نفسه تقريبا ب 120
بالصج اينن اينن اللي حجزته
وعندهم خوش جناط

 

[nonosha]

اليوم صاير هدوء مبجر

 

[^^ROSE^^]

وعليه في بنات معاي بالجامعه متخرجين 3.8 و 3.7 قاطينهم بالتربيه!!!!!!!!!!
وعليه اشوه اللي مانزل ترشيحي هالمره جود تنترس التربيه مايقطوني فيها لوووووووول
والماليه وايد ماخذين مو نفس كل مره اسم ولا اسمين
ماشاء الله عليهم بالعافيه
الفال لنا

 

[nonosha]

اي والله عليهم بالعافيه صاجه قابلين فوق ال 100
بس خوفج لما يروحون يقولون لهم الوزارة الديوان رشحكم واحنا مكتفين وايد يسوون هالحركة
ودام نزلوا هالمرة وايد المرة اليايه ما توقع ينزلون هالعدد

 

[I HAVE DREAMS]

انتو من صجكم بنات انا مرشحيني بعد بالتربية

شرايكم فيها زينه هالوزارة ترى انا على ويهي ؟؟؟

 

[nonosha]

انتو من صجكم بنات انا مرشحيني بعد بالتربية

شرايكم فيها زينه هالوزارة ترى انا على ويهي ؟؟؟

محد فينا اتوقع يقدر يفيدج بسالفة اذا زينه التربية او لا
ولاا وحده اشتغلت هناك فلازم احد يشتغل هناك تسالينه

عالعموم روحي انتي الديوان سالي ترا التربية وايد اماكن فيها مناطق تعليمية بالوزارة نفسها
شوفي وين يحطونج انتي وبعدها سالي وفكري عدل وهم روحي شوفي المكان بنفسج ترا حجي الناس غير لما تشوفين بعينج
بالنهاية القرار قرارج

بس انتي وين مقدمة غير النفط عشان النفط ماكو مشكلة لي اشتغلتي
بس اذا مقدمة بديوان المحاسبة واماكن ثانية ترا بعضهم ما يقبلون لو مشتغلة يوم

فانتي احسبيها عدل وشوفي
وبالنهاية استخيري هذا احسن حل وقتها بترتاحيين

 

[I HAVE DREAMS]

محد فينا اتوقع يقدر يفيدج بسالفة اذا زينه التربية او لا
ولاا وحده اشتغلت هناك فلازم احد يشتغل هناك تسالينه

عالعموم روحي انتي الديوان سالي ترا التربية وايد اماكن فيها مناطق تعليمية بالوزارة نفسها
شوفي وين يحطونج انتي وبعدها سالي وفكري عدل وهم روحي شوفي المكان بنفسج ترا حجي الناس غير لما تشوفين بعينج
بالنهاية القرار قرارج

بس انتي وين مقدمة غير النفط عشان النفط ماكو مشكلة لي اشتغلتي
بس اذا مقدمة بديوان المحاسبة واماكن ثانية ترا بعضهم ما يقبلون لو مشتغلة يوم

فانتي احسبيها عدل وشوفي
وبالنهاية استخيري هذا احسن حل وقتها بترتاحيين

مشكورة

قررت اني اروح هناك وبشوف المكان