خريجات كلية العلوم الادارية-جامعة الكويت(قسم المحاسبة)

[frawlah_83]

في احد قدم على بنك وربه ؟

 

[^^ROSE^^]

لا فراوله شنو فتحوه؟
شلون التقديم خلص ولا للحين؟

 

[HB_Nona]

sntain mudat eltofel ..



n3eemn



warba fat7en ? hatha uhwa nfsa elbnk eleslami elyded ele twa fat7ena ? ana sam3a 3n bnk eslami twa fat7 madre etha uhwa wla wa7d thani .. bs ygolon ya5thon eb 38od part time lna twa fat7 w ele bekonon zainen ra7 y7wlonhom full time w elbaji 3la allah el3w'9 .. blzwara mrt 3mi kant tsolf 3n wld u5oha esht'3l weyahom bs madre etha kan wrba wla la2 galtli ro7i bs madre 5ft lna part time :/


bnat ana t599i tmwel w ga3da afkr aswe rb6 3lmaleya bs a5af wayd jdami w yn6roni wayd :/ tdron chm elr8m wa9l t8rebn :/

 

[فديته يخرب بيته]

انا تخصص تمويل وامس مسوية ربط ع المالية رقمي 7

بس انتي مو موظفة؟؟

في وحدة نفس نكج بمنتدى جامعتنا بس اهيا موظفة اذا اهيا انتي شلون تسوين ربط وانتي موظفة ؟؟

 

[^^ROSE^^]

هلا هلا فديته
اي شكلها هي نفسها اللي بهذاك المنتدى
مستحيل احد موظف و اسمه بالتأمينات يقدر يقدم عالديوان

 

[^^ROSE^^]

يالله خل اروح موعدي مال الكريستال

 

[leolady31]

دقوا علي حق قطاع الاستثمار زين ينفع السي اف اي

 

[frawlah_83]

زييييييييين ليوووو يله ان شاء الله يقبلونج في هالقطاااااع

اي روز قالتلي وحده انهم قاعدين يوظفون والتقديم بالموقع ادزين السي في بس شهر ٢ كانو حاطين اعلان بالجريده يبون موظفين وقدمت ودزولي إيميل قالو ماراح نقابل الا الي نحس تحتاجهم دقيت بعد شهر قال إحنا بنك يديد نبي بس عدد معين قاعدين نقابل الي مواصفاتهم تناسبنا والباجي الي قدموا السي في مالهم بظل عنده حق المستقبل

فما دري تتقون ادز مره ثانيه ؟



وحق الي سالت اي هذا البنك الاسلامي اليديد

 

[^^ROSE^^]

عالبركه ليوووو يالله ان شاء الله تنقبلين

فراوله اي انا جني شايفه اعلانهم من زمان بس ماكانوا كاتبين يبون حديثي تخرج
كانوا حاطين رغبات معينه
بس على بالي فتحوا مره ثانيه

 

[nonosha]

موفقة ليوليدي

 

[Om_Ksha]

الللله يوفقج ليووو ليدي

 

[FuNnKyA]

مسسآاء الخيير يآ حلويين

شخبآاركم؟!

آممم بهذر شوي عليكم >الله يعينكم

دآشه الآداريه وآبآلي آتخصص mis

بس وآي من خذيت الموآد حسيت درآسته كريهه
ويزهق ودكآتره القسم مآ يمدحونهم كلششش!!!

ف قلت مالي الآ محاسبه

الموهم ع آسآس اتخصص هالكورس جان آقول خل آنطر وآجرب تكآلييف

خذيت تكآليف

المآده حلوه ودرآستها سهله

بس المشكله مآ آخذ قريد بالآمتحانات مآدري ليش

والدكتور مو ذآك الزود

جان آنصدم ان مآخذه d+

واللحين شكلي بنحآش من محاسبه

يعني دراسته حلوه وآكون فاهمه شنو ادرس بس المشكله تقديمي صدمه ما نآخذ قرييد كلشش!!!!!

وmis
عكسه
غثيث وما آفهمه بس ناخذ قريد

بلييز آبي رآيكم بخبرآتكم دامكم خريجيين

انا قآعده اقول تكاليف d
والله اللي مآ مشينا بالمحاسسبه كلشش!!!

فيدوني الله يعآفيكم مواد التخصص شلونها وشلون مستواها والدكآتره شلونهم!

يعطييكم العآفيه وآعذروني ع الآزعاج

 

[Om_Ksha]

اوكي جربتي غير التكاليف ؟؟


عموما انا تكاليف 1 و 2 خذيت فيهم دي لووووول فمو مقياس انه مو حلو التخصص عشان التكاليف ! عاد ما ابلعها هالماده :\ بس البااجي حلووووووين والله جربتي مقدمه محاسبه ؟ و جربتي شنو بعد ممممممم نسييت :\\ بس ام اي اس الدكااااتره الله بالخيييير حدهم موزينين اغلبهم و بالصيفي ماينزلون مواد وايد لان ماكو وايد متخصصين بهالقسم اعرف بنات قبل توهقو على ما تخرجو .. نصيييييحه محاسبه و بس

و بالاخير شوفي اللي يريحج و اللي تحبيينه و سوييه و القريدات مو مقياس اهم شي تكونين حابه التخصص و ان شاءالله القريدات تتحسن

قوود لك :d

 

[leolady31]

روز ابي أسأل اهما قالو قطاع الاستثمار انزين المقابله ابمبنى الديوان صح انروح مثل ما رحنا حق الامتحان مو مكان ثاني؟
لوووووول احس سؤل غبي بس شسوي صج مادري

 

[^^ROSE^^]

اي اي بالمبنى نفسه
واحنا خو لادشينا نروح الريسبشن شدعوه انا ادل لوووووووووول
انتي اي يوم مقابلتج؟

وسؤال ثاني
شنو يسألون؟ لوووووول

 

[FuNnKyA]

وآيي ريحتيني الله يريحج

تسسلمين مآ قصرتي

جزآج الله آلف خير

 

[leolady31]

انا الاربعاء الساعه 9
اللي اعرفه يشوفون الشهاده و يسألون
و هم اكيد اشياء عامة عنج
و يمكن يقولون شنو كنتي اتسوين طول هالمده (عاد اني قولي دشيت نادي او شي مفيد يعني مو ولا شي)
و اكيد شغلات محاسبه اساسيات او شنو تعرفين عن التدقيق

 

[Om_Ksha]

la wllah mo ashya2 3ama ydshon eb a5lag elshahada :\ drsoooo drsoooooooooooooo

alah ywfgkm

 

[leolady31]

لا ام كشه انا قصدي اشياء عامة عن الشخص
يعين الاسم التخصص جذي هالخرابيط اللي قبل الاسئلة الجد

 

[frawlah_83]

موفقين انشاء الله

أنا معروض علي اوفر وحدي محتاره صليت استخار ثلاث مرات بس ماعرف اشلون في ناس تقول تحلمين حلم وفي ناس تقول ايج إحساس وناس تقول لا استخيري وتوكلي على الله وسوي هالشي

الشي الايجابي في هال مكان أني اعرف الموظفين وإدري بكون مرتاحا وبعلموني والاهم كلهم كويتين ماعدا مدير واحد هندي بس مشتغله معاه من قبل مايقصر اعلم من قلب بس الراتب موذاك الزود شاورت أبوي وعمي كلهم قالولي خلي الراتب على جنب وفكري بالاستفادة انتي تبين بس راتب ولا تبين أتعلمين وتطورين وتوصلين بسرعه!!!



مادري شسوي لازم ارد خبر يوم الاثنين *