خريجات كلية العلوم الادارية-جامعة الكويت(قسم المحاسبة)

[Om_Ksha]

فوفوو الاستخاره اذا كنتي مرتاحه حق هالشي و الامور راح تمشي بروحها ..

شوفي انا اقولج بالنسبه لي عندي اهم شي الراحه ( دوام قصير ) و معاش زيين ( مو وايد ولا شويه يكون زين )

بس انتي شوفي شنو تبين و سألي الموظفين اللي تعرفينهم اكثر عن الشغل عشان تعرفين شتسوين و تقررين و خليقولولج الصج سألي ناس ثقه ..


اللللللله يوفقج والله تستاهليين كل خيير و الله يكتبلج اللي فييه الخير :****

 

[nonosha]

فوفو
مثل ما قالتلج شوشو دام سويتي استخارة اذا شي زين لج بتكونين مرتاحة والامور تمشي بروحها
الله يكتب لج اللي فيه الخير

 

[frawlah_83]

والله الصراحه كلهم ثقه وعدد الموظفين شوي اقل من 12 وأعرفهم فردا فردا كلمت واحد أهناك ومدحلي وقالي انت عارفتنا وعارفه إحنا تيم وورك وبترتاحين معانا وانتي مجربتنا وكوني واثقه انه الي صار في مكانج القديم ان شاء الله ماراح يتكرر هذا الموظف مو وايد كبير بش مدير و اثق في يعني أنا شوي مرتاحة بس متردده أنا ابي مكان اشتغل في وأتعلم واستفيد ووماعندي مشكله طول اليوم بس اشتغل واهو قالي انتي شايفه وضع الاقتصاد فموكل يوم بكون عندنا لود ايام بكون لووود حييل وأيام خفيف وماعمرهم اقعدو بعد الدوام دوامهم لي 3 ونص والخميس لي 3

شاورت عمي خبره بالقطاع الخاص قال دام اهما الي يبونج روحي وهم أبوي قالي نفس الكلام اذا مرتاحا منهم روحي بأجر بصلي مره ثانيه



مشكوورين ماتقصروون*

 

[nonosha]

ان شاء الله خير الله يسهل امورج ويوفقج يارب

 

[frawlah_83]

مشكوررره نونوش ماتقصرييين

 

[Om_Ksha]

قوووود لك فوفوووو

يالله تصبحون على خير ....

 

[^^ROSE^^]

اذا المكان مرتاحه منه وتعرفين اللي فيه و بيعطونج راتب قوي ترى عادي دوام لي 3
لان اغلب الاماكن الحين لي 2 ونص فمافرقت نص ساعه
ودام قالولج احسن من مكانج القديم فكري عدل
لان انتي عارفه ان ممكن تنتقعين ويمكن ماتحصلين مثل هالراتب بالحكومه
اما اذا مايسوى لا نطري قدمي بالديوان شوفي جم يصير ترتيبج وشوفي النفط والتامينات و غيره

 

[^^ROSE^^]

السلام عليكم

update على التقشير بالكريستال والكولاجين مال طلال العلي
بشرتي ماشاء الله وايد تحسنت يعني حبوب خير شر ماكو بويهي
بس رقبتي لانها مو من ضمن الاشتراك فانا بسويلها تقشير بروحي
بس ويهي ماشاء الله صافي و المسامات صغرت
باقيلي شويونه اثار وقاعده تخف مو نفس قبل واضحه
وشريت منهم سيروم بالكولاجين ينحط بالليل بس
موجود بالصيدليات ماركه viola خذيته ب 12 دينار عجيب
لاقعدت الصبح ويهي ماشاء الله نااااعم و صافي

خلصت 3 جلسات باقيلي 3

 

[frawlah_83]

روز اهو الراتب مو واااو بس اكثر من الماليه ... ادري راح اتنقع بالديوان وانا مابي اي مكان اذا مو الماليه مابي اي وزاره .... وبالنسبه للباجي الاماكن ليلحين مافي احد نزل اعلان وهالاماكن مو شرط لازم تكونين مستقيله والمشكله الثانيه انه انا لازم اقدم على شواغر الخبرات والله يعلم اذا في احد نزل شواغر خبرات .. انا كل من قالي وافقي وتالي لي شفتي احد نزل اعلان شواغر خبرات قدمي


روز ماشاءالله زييين ان شاءالله ناويه ابي اسوي بس خل يبرد الجو شوي

 

[q8ia_cutaa]

هاي بنوتات شلونكم

من زمان عنكم .. مادري شفيني مالي خلق اسوي شي حتى نت ماشبك صايرة ...

فووفوو انا اشوف انها فرصة حلوة ... والمعاش زين مو شوية دام اكثر من المالية الحمدلله ... واهم شي انج تعرفين الموظفين واكيد زينين .. احسن من انج تنقطين مكان ماتعرفين احد فيه ...

ومثل ماقالولج اذا نزل اعلان يبون خبرات قدمي عليه ...

موفقة يا حلوة :***

 

[^^ROSE^^]

لا عادي تقدرين تسوين الحين لان ترى ماتتقشر البشره وجذي
جنه سنفره قويه عادي ومايعور تتحملينه
والماسك مال الكولاجين عجيب ينعممممم
واذا تحطين السيروم بعد هم احسن

عادي اخذي مواعيدج المغرب يكون ماكو شمس مع ان مواعيدي حاجزتهم كلهم الساعه 11 لان كان ماكو مواعيد وهم عادي ماتأثرت بشرتي بس انا اخيس من الحر لوووووووول

 

[^^ROSE^^]

اي واذا بتسوين سوي حق الرقبه معاه احسن
يعني ويه و رقبه
انا ناويه اجدد ان شاء الله لاخلصت الثلاث جلسات الباقيه وبقولهم ابي الرقبه مع الويه لان عندي حبوب فيها خل يشيلونهم احسن

 

[Om_Ksha]

شكلي بروح عند طلال العلي يبهتي خشنه شوي و ودي اسوي تنظيف بشره بعد ..

الدكتور اول يشوفج و يقولج شنو تحتاجين صح؟

 

[^^ROSE^^]

عادي تاخذين موعد سيده حق تنظيف البشره بدون مايشوفج الدكتور
لان مو ابر ولا علاج مكثف يعني
بس انا كنت رايحه حق الدكتور حق الحبوب ولما شافني قالي يبيلج تنظيف بشره يفتحون الحبوب وتتنظف عشان لاترجع
وفعلا عقب تنظيف البشره ماكو حبوب ولان عندي مسام و بشرتي باهته قالتلي سوي الكريستال بالكولاجين
والحين فررررق عن قبل
ترى ما استخدم كريمات من زماااان مو شاريه
بس السيروم ماركه viola بالكولاجين
وهالكريم مكود بالجمعيات احطه بالبيت مرتين ولا ثلاث وساعات احطه فوق السيروم وانام

بس ما احطه واطلع لان شوي كثيف
بس عجيب ينعمممم حتى بامازون شكثر مادحينه

مادري متى بتلحلح واروح اشتريلي كريمات
ومادري اي ماركه اخذ
قاعده اشوف بامازون الرفيو على كريمات روك وايد يمدحونه
فيمكن اخذ منهم للحين ماقررت

 

[FuNnKyA]

شدعوآا بنآت

كلكم خريجآات

مآ رديتو علي

شلون المحآسسبه!!؟

هالصيفي مآ خذيته لأن للحين محتاره آي تخصص!

واللي مخرعني يقولون الدكآتره مو ذآك واذا آتخصص محاسبه ما امشي من غير مدرسس صج هالحجي

لان انا مستحييل اآخذ مدرس خصووصي ووع مآ حبببببهم كلشششش!

فيدوني الله يعآفيكم

 

[^^ROSE^^]

حبيبتي انتي وميولج
احنا حابين المحاسبه و مشينا فيها الحمدلله
انتي اذا مو حابتها و مو ماشيه فيها لاتكملين دوري شي تحبينه
واذا ماشيه فيها توكلي على الله
تبقى هذي اراء شخصيه

وحطي سؤالج بقسم الطالبات هناك في مواضيع وايد عن العلوم الاداريه و غيرها بيفيدونج اكثر
هالموضوع للي تخرجوا والبنات ماشاء الله صارلهم جم سنه متخرجين

الطالبات يفيدونج اكثر

 

[FuNnKyA]

مو سالفه حآبتها انا حبيت محاسبة 110

بس تكاليف وع وقريدي هم مو ذآاكك

اللي آقصده شلون الدكاتره؟

وصج ما نمشي من غير مدرسين خصوصين

وثآنكسسس ع تفآعلج يآ عسلز

 

[^^ROSE^^]

انا مادري عن الاداريه انا كنت بقست بس المواد هي هي
الدكاتره اللي يختلفون
عموما المحاسبه مو تخصص سهل ابدا
بس اللي يجابله يمشي فيه

انا اخوي خذا تكالييف ومتوسطه 1 و 2 تالي حول ماركتنغ ماعجبته كلش المحاسبه
اذا شايفه روحج مو قادره تمشين لاتكملين
انا ماحطيت مدرسبن الا حق الماث لاني مو زود فيه و حق مبادئ جابتررين او 3 والباقي لين تخرجت بروحي لامدرس ولاهم يحزنون

غيري لا لازم مدرسين
فقلتلج هي حسب الشخص

 

[FuNnKyA]

آهاا

يعطييج العآفييه مآ قصصرتي

وبالتوفيق يآاررب

 

[leolady31]

funkya
اقولج شغله اذا انتي ماخذه بتكاليف اثنينهم دي و تبين اتكملين شيلي من راسج تتوظفين مكان معاشه عالي لان يبون معدل
حطي فبالج معدلج راح ينزل من الدي
بس اذا مو هامج بس تبين محاسبه و اي وزارة عادي كملي اذا تقدرين اتدزين عمرج
بس انا من رايي دشي تخصص سهل عليج و كملي فيه شهادات مهنية احسن عشان يكون معدلج فوق و تكون الاولوية لج بالتوظيف بالاماكن الزينه بالمستقبل

و مو تسمعين حق اللي يقولج المعدل مو مهم اهم شي تتخرجين هذا كلام انا سمعته و حسافه صدقته كان ممكن اتكرم بحفلة الامير بس ما صارت و اشوه هم مرتفع بس اقول حسافه لو شاده حيلي اكثر جان وايد احسن بس هذه تجربتي

كلام المعدل مو مهم اتشوفين متوظفين باي وزارة ياخذون اقل رواتب المحاسبه بالكويت بسبة نزول المعدل اهو صج بالتوظيف الواسطه تلعب دور بس المعدل هم مهم و ممكن يمشيج على الكل
شوفي انتي شنو تبين بعد الجامعة مو بس في الجامعة