خريجات كلية العلوم الادارية-جامعة الكويت(قسم المحاسبة)

[Om_Ksha]

روز ودي اخذ موعد و اخلي الدكتور يشوف بشرتي و يقولي شنو يصلحلي شرايج ؟

و حده ودي بكريمات انا قبل كنت استخدم سويس لاين وايد حلويين بس ودي اغير الحين

طلال العلي شنو ماركه الكريمات اللي يوصفهم نفس ماركه الكولاجين ولا غير ؟

 

[^^ROSE^^]

اي اخذي من الحين لان عقب اسبوع جذي يصير موعدج مو على طول
واخذي عنده مو عند المصري

والله انا اللي عطاني حق الحبوب ومكريم فرنسي ماركه ليراك مرطب بكل الصيدليات
واشوف عندهم يبيعون سوسكين و فيولا و ريجوفي

مو الا الكريمات منه ممكن يكتبلج شي من الصيدليه حسب بشرتج

 

[Om_Ksha]

Yala njrb shwrana

Thnxx :*

 

[^^ROSE^^]

خلصت مقابله ديوان المحاسبه ولله الحمد
هم و انزاح
ام كشه في مقابله غيرها ولا بس وحده؟

اسئلتهم جدا عاديه عن انواع القوائم الماليه والاوديتنغ ريبورتس والاناليسز
قالولي لو عطيناج شركه قلنالج شنو تكتبين ريكومنديشن بصفحه وحده لتحسين مستواها المالي
قلت احسن الاكاونت ريسيفابل تيرن اوفر و اخفف الدبت ريشيو وادور طرق تمويل ثانيه عشان اتخلص من الانترست اكسبنس واشوف شنو عندي اكسبنسس مالها داعي الغيها وجذي

بس واحد سألني تقرين قلت لا مو دايما
قالي ودج تكملين دراستج؟ من غبائي قلت اي
بعدين استوعبت يمكن ماياخذوني بسبه اني قلت اي
لوووووووووول اللي يقول الحين انجبروا فيني و بياخذوني

يالله الحمدلله عدت المقابله وخلصت وسويت اللي علي والباقي على رب العالمين

بس المقابله كلش ماتخرع
ام كشه شكلهم طخوا عن سوالفهم اللي سووها بدفعتج لوووووووول

 

[^^ROSE^^]

سويت ربط بالماليه
لوووووووووووووووووووووووول رقمي 59
مو بتنقع
الا باكل هوا بتحول نفط لوووووووووووووووووووول

 

[leolady31]

امبيه انا يوم الاربعا الله يستر
اشكثر طولت روز؟

و بنات اليوم اول يوم كيرفز الصراحه صج تعب تحسين مجهود
بس شفت هناك حريم كبار على 29 30 جذي اجسامهم جنه الساعه الرملية مشدودين من كل مكان الصراحه عجيييييب حسيت يطلع نتايج
وانا شايفه نتايج على اختي بس ان لمن شفت احد غريب تاكدت انشالله يصير خصري اصغر
انا الحين
الصدر 84 سم
الخصر 71 سم
الارداف 90 سم

لازم اكبر الصدر و اصغر الخصر و اكبر الارداف لوووووووول عشان يصير ساعه رملية نفس مادي اي عطر
لووووووووووول بنات كل وحده اتحط الهدف و بعد شهر بالضبط نراجع اوكي؟ منو معا؟ ولا ملاقه السالفه ؟ انا احسها تونس تشجيع يعني

طبعا وزني 51 صاير من بعد البلعة بسويه 45 او 43
طولي 155 سم يلا كل وحده تقايس عمرها و اتشوف شنو بتسوي
و بشتركح بدايت سنتر صج

 

[^^ROSE^^]

فالوداااااااااااااااااااا
29 و 30 حريم كبااااااار؟؟؟؟؟؟ انا 32 شطلع يدتج؟؟؟ :krkrkr:

حرام عليج تونا في ريعان شبابنا و عنفوانا
لووووووووووووووووووول

ولاتخافين من المقابله كانت عاديه جدا مافيها شي يخرع
وان شاء الله تعدي على خير
طولت تقريبا 20 الى 25 دقيقه مو اكثر
بس الوقت يضيع مع السوالف

 

[^^ROSE^^]

اي انا ودي احط قياساتي بس ماعندي هذا شريط الخياط اللي يقايسون فيه لوووووووووول
نطري اشتري واحطلج قياساتي الخطيره

 

[leolady31]

اي صج والله انشجع بعض يلا بنات ورانا

و روز لووووووووووول انا توني بصير 23 فيعني احس كبار لووووووووول قلت كبار ما قلت عيايز هههههههههه
بس لا تشوفين اجسامهم مو عصاقيل بس جسمهم شاد يعني انا جسمي مترهل بالنسبه ححقهم حسسوني قطعة لحم ييييييييييييييييييييييييييييع والله كرهت عمري

 

[Om_Ksha]

روووز اهي مقابله وحده و ياخوفج تكون بس شكل و منقين اللي يبونهم عشان جذي ما شدو حيلهم :/ بس ان شاءالله يككون كلامي غلط

نادي كيرفز كله عيايز كبااار و كله يتحلطمون انا اذكر لاعت جبدي احس نادي ماله معني و فاشل حلاته الواحد يمشي و بس ..

و ضروووري اقيييس عمري لووووووووول انا طولي ١٥٨ و وزني ٦٣

بس ماعرف اقيس شلون و وين اي صوب لووووووول

ابي انزل ٣ كيلو راااضيه عاد اليوم بالدوام يقولولي ضعفانه بس هاذا وزني ماتحرك

 

[frawlah_83]

فالودااااااااااااااا :eh_s(14):
حرام علييييج
كسرتي مجاديفنا أنا وروووز :eh_s(2)::krkrkr:

يعني شنو إحنا حريم كبار !!!!!! :bbbiu:

عيل الي اعمارهم 35 وفوق شيطلعووون عيايز ههههههههههههه:eh_s(10):

 

[frawlah_83]

روووز ان شاء الله يارب ياخذونح ديوان المحاسبه

واوووووله ٥٩ @@ ههههههههه عيل يامعوده خل أوافق على هالشركه جنه احسن !!!!

 

[leolady31]

لوووووووووووووول اشفيكم انا قصدي اكبر مني يعني هههههههه امبيه انا اشقلت
لا يبا اصلا عز الشباب بالثلاثين (اي رقعي رقعي)

ام كشه حرام عليج كل وحده خصرها اصغر من الثانيه و اختي والده 3 مرات طلعلها خصر اشلون مادري يعني انا شايفه نتايج مؤكده مو رايحه جذي

يلا بنات لا تضيعون الموضوع على سالفة حريم كبار كل وحده تحط وزنها و الهدف اللي بتوصله يلا جدامي كلكم بس مايصير الصيف و ما نطلع بنتيجه
بس حطوا اهداف واقعية يعني 4 او 3 كيلوات بالشهر جذي و اذا مع دايت ممكن 6 كيلو بالشهر اذا شديتو




يلاااااااااااا

 

[nonosha]

انا طولي 159
ووزني 46

وماكو اهدااف

 

[^^ROSE^^]

انا طولي 164 وزني 75 ابي اصير 55
لوووووووووووووول امحق هدف


فراوله من قلب وافقي لان متى الماليه بيقبلون كل هالدنيا؟
ترى لو كل ترشيح يقبلون 10 لو فرضنا بيقبلون 10 مايوصلني الدور الا عقب 6 ترشيحات يعني بتنقع لي السنه اليايه

ان شاء الله يارب 58 يهونون و يتوظفون باماكن ثانيه ولا يفجون الربط
ههههههههههه

انا احتمال اذا فعلا اقروا الكادر مال المحاسبين حق اللي يشتغلون بالخاص اروح شركه ولا بنك
احتمال بوبيان الرئيسي لان ابوي عنده واسطه حق بوبيان
بس الريال اللي يعرفه قاله لاتشتغل بنتك في بنك كرف وحاله
بس قال حق ابوي لو تبي من باجر اوظفها بس لاتقولي بعدين تعبانه و كارفينها ترى هذي البنوك


وعمي يعرف مديره بالاهلي المتحد بيوظف بنته بتتخرج الكورس الياي جني برتز مع بنت عمي لووووووووووول

لان مو حاله انطر 58 ادمي يتوظفون بمكان ياخذون بالقطاره
ولا ارضى بمكان خايس

 

[frawlah_83]

والله شوفي روز دام عندج واسطه في هالمكانين أنا اقول قووو اهد ولاتنطرين الديوان بتاخذين لج من ٩١٠ لي ٩٧٠ و ان شاء الله مع الوقت يزيد وشوفيي اذا بتشتغلين في اداره ترى مو كل يوم في ضغط شغل وكرف بتمر ايام ماكو شي يعني اذا اداره ماليه الشغل بكون ضغط اخر كل شهر وآخر كل كوارتر وسنه باجي الشهر عادي اذا اداره استثمار اللحين السوق طايح ماكو فرص يعني بالشهر بتكون في فرصه ولا ثنتين وباجي الايام بس رفيو وربورتنغ عادي ونفس الشي باجي الإدارات يعني شوفي طول هالخمس سنين عدد المرات الي قعدت فيها بعد الدوام مو وايد و ثلاث سنين منهم ماكو شغل باليوم نشتغل ٤ ساعات وباجي الوقت سوالف ونت العيب الوحيد الالتزام بس

تقدرين تقدمين وكلشي واهم راح يطولون شوي ماراح اقولولج يله تعالي بأجر تقدرين تقولين ابي بعد رمضان اروح من الي رمضان بكون طالعه نتايج ا
ديوان المحاسبه ويتكون في حججك دفعه ترشيحات ويبين كل شي... ودام عندج ظهربالمكان محد يقدر يسويلج شي ولا ياذيج وتقدرين تقدمين تالي على اماكن الي توظيفها مو على الديوان ماعجبج الوضع طلعي وردي على الديوان .....


أنا هذا راي دام الماليه مطوله وانتي ماتبين اي مكان اهم شوي لاتروحين افرع وترى بوبيان كابيتال يمدحونه صلي استخاره وشوفي




أنا ان شاء الله بأجر بدق وأقولهم موافقه واهما قالولي تعالي بعد العيد بس في مدير أهناك قالي تعالي اول شهر٨ عندههدم موظف بيمشي شهر ٩ ويبونه اسوي هاند اوفر حق شغله وسلمه لي ودربني عليه والله يسهل علي وكون المكان مكتوب لي

 

[frawlah_83]

فالودا اي قولي بنات كبار مو حريم كبار !!!!!!

أنا طولي ١٥٣ وزني يمكن صار ٥٨ اذا مو اكثر ابي أصير ٥٤ راضيه وحاليا مو مشتركه لا في نادي ولاشي مخففه اكل بس اخربط مرات

 

[^^ROSE^^]

والله شوقتيني فراوله
شنو بوبيان كابيتال لوووووول تابع للبنك ولا شنو؟

هم الدوام يخلص 3 بالاداره عدل؟

انا مقدمه تذكرين يوم ينزلون اعلان قبل جم شهر؟ ليلحين مادقوا لاحس ولاخبر

انا من دريت ان رقمي 59 قمه الاحباط لي متى بنطر
الله كريم بشوف المحاسبه
واقدم بعد عالباجي
واخوي قاعد يقولي الغانم راتب بدون دعم عماله 850 بس دوام لي 5
مابي وايد متأخر
يعني 3 مقدور عليها بس 5 صعبه

 

[^^ROSE^^]

بنات على فكره ديوان المحاسبه اول باول من يخلصون مقابلات اداره عقب اسبوع او 10 ايام النتايج
رفيج اخوي عقب اسبوعين دزوله مسج مسكين مرفوض
الحين صج بحط ايدي على قلبي
لووووووووووول ليش يقابلوني و يشفقوني خل ياخذوني عاد

 

[frawlah_83]

بوبيان كابيتال أهي الذراع الاستثماري حق بنك بوبيان دوام البنوك اخلص ٣ ونص وترى زين ٣ ونص مو وايد أنا جربت ٤ صراحه يفرق وايد بس ثلاث ونص زين

دام عندكم ناس تعرفونهم روحي ضبطي عمرج وخل يسال عن بوبيان كابيتال ..

والله أنا اقول جربي وشوفي احسن من النطره

لا وايد ٥ موشي

عندج مجموعه الشايع يمدحونهم بعد بس أنا من راي بنوك احسن شي في هالوضع الحالي *


ال ٩١٠ هذي مع دعم العماله