خريجات كلية العلوم الادارية-جامعة الكويت(قسم المحاسبة)

[^^ROSE^^]

لا لا مابي الشايع
عالاقل استثمار وبنوك لو بحول حكومة بعدين اسمي مشتغله بمكان يسوى

تعالي صج ليش ماتقدمين لانزل اعلان النفط؟ مايبون خبرات؟

انزين الاكاونتنغ بالبنوك اذا الرئيسي لهم بونص ولا ماكو شي؟ و يرتفع الراتب ولا يظل فتره طويله على حاله؟

 

[frawlah_83]

بشوف إعلانهم الي ينزل اشلون صاير اقدر ولا ماقدر

البونص كل من ياخذه وحتى الزياده بس للفتره الاخيره مع الازمه وقفت الزيادات اذا الميزانيه تسمح عطو زياده الي يفرق بين أداره وفرع انه الأفرع لهم بدلات أهي ترفع الراتب وممكن يعطونهم بونص اكثر لانهم اطلعون فلوس يعني حتى بالإدارات مرات الإدارات الي طبيعه شغلها اطلع أرباح ياخذون بونص اعلى يعني في البنك الي اشتغل فيه كنت بالماليه واعرف بنات بالاستثمار ياخذون شوي اعلى مني بالبونص

بس شوفي هذول التفاصيل تفرق بين بنك وبنك تقدرين تستفسرين عن هالشغلات من المكان نفسه

في بنكي الي كنت اشتغل فيه اخر السنه يعطونا بونص ١٥ بالميه من رواتب مجموع سنه هذول الكل يأخذها ومحطوط بالعقد بس بعد الازمه سألوها من العقد وكتبو بدالها على حسب قرار مجلس الاداره وفي بعد الميزانيه لي طلعت سبشل بونص ناخذ من نص راتب لي ٢ في ناس تاخذ اكثر طريقه البنك اوزع على كل اداره مبلغ واهم اوزعون على الموظفين فالادارات الي اطلع أرباح تاخذ اكثر

وهم كل سنتين يعطونا ٢٠٠ بدل تذكره سفر وتامين وفي بنوك تعطي بدل طريق وهالسوالف

 

[q881988]

روز شنو سالوج عن الاوديتنغ ؟ ومايابوا طاري النفط بما انهم قطاع نفطي ؟ وجم واحد اهم؟

 

[nonosha]

انا قاعدة اتحبط
ماكو مكان قاعد يقبلني هذا وانا اسوي زين بالامتحانات والمقابلة ومعدلي عالي
يعني شسوي بالله :s

 

[q881988]

لا تتضايقين نونوشا محد ياخذ غير نصيبه كلنا جذي امتحانات ومقابلات بس اخرتها ماراح تاخذين غير اللي الله كاتبه لج

 

[frawlah_83]

نونوش لاتضايقين نصيبج بتاخذينه انزين دقيً باجر تاكدي اذا طلعو نتايج التمويل بالبنك المركزي

 

[nonosha]

تضايقت لاني صارلي سنة وكنت متاملة خير
بس لما دشيت وعرفت ان كلموا المقبولين بديت اتحبط

ان شاء الله فوفو بجرب ادق

ومشكوريين ما قصرتوا والحمدلله على كل حال
صاجين محد ياخذ الا نصيبه

 

[^^ROSE^^]

بشوف إعلانهم الي ينزل اشلون صاير اقدر ولا ماقدر

البونص كل من ياخذه وحتى الزياده بس للفتره الاخيره مع الازمه وقفت الزيادات اذا الميزانيه تسمح عطو زياده الي يفرق بين أداره وفرع انه الأفرع لهم بدلات أهي ترفع الراتب وممكن يعطونهم بونص اكثر لانهم اطلعون فلوس يعني حتى بالإدارات مرات الإدارات الي طبيعه شغلها اطلع أرباح ياخذون بونص اعلى يعني في البنك الي اشتغل فيه كنت بالماليه واعرف بنات بالاستثمار ياخذون شوي اعلى مني بالبونص

بس شوفي هذول التفاصيل تفرق بين بنك وبنك تقدرين تستفسرين عن هالشغلات من المكان نفسه

في بنكي الي كنت اشتغل فيه اخر السنه يعطونا بونص 15 بالميه من رواتب مجموع سنه هذول الكل يأخذها ومحطوط بالعقد بس بعد الازمه سألوها من العقد وكتبو بدالها على حسب قرار مجلس الاداره وفي بعد الميزانيه لي طلعت سبشل بونص ناخذ من نص راتب لي 2 في ناس تاخذ اكثر طريقه البنك اوزع على كل اداره مبلغ واهم اوزعون على الموظفين فالادارات الي اطلع أرباح تاخذ اكثر

وهم كل سنتين يعطونا 200 بدل تذكره سفر وتامين وفي بنوك تعطي بدل طريق وهالسوالف

مممم
يعني الاحسن يكون الشغل بالاستثمار

انزين بوبيان كابيتال تعرفين بنات يشتغلون فيها ولا بس شباب؟ ساعات الشركات الاسلاميه بس يوظفون شباب نفس اعيان

و وين مكانهم اصلا؟

 

[^^ROSE^^]

روز شنو سالوج عن الاوديتنغ ؟ ومايابوا طاري النفط بما انهم قطاع نفطي ؟ وجم واحد اهم؟

سألوني منو ال client مال الاوديتنغ كومباني
انا قلت الاوديتينغ كوميتي اللي هي مشتقه من بورد اف دايركترز
قالي لأ!! قلتله امبلا هههههههههه
قالي والجمعيه العموميه؟ انا بقلبي قاعده اقول شكو
اصريت على انه اوديتنغ كوميتيي قلتله هذا اللي درسناه بما ان مناهجنا امريكيه
فالمصري اللي قاعد قالي صح
وشنو انواع الريبورتس اللي ممكن يكتبها الاوديتر؟ قلتلهم
qualified, unqualified, adverse, disclaimer
وتشرحينهم باختصار
احسن واحد طبعا ان كواليفايد اللي مايكون فيه ماتيريال ميس ستيتمنت ويكون يتبع gaap
الكواليفايد اللي يكون فيه ماتيريال ميس ستيتمنت بس يكون justified
ادفيرس مو زين لان معناته فيه ماتيريال ميس ستيتمنت وغير مبرر unjustified
و ديسكليمر اللي مايكون ريبورت هذا مثل تصريح من الاوديتر ان هو not independent عن الشركه سواء لتملكه اسهم كبيره فيها او صله بينه و بين سينيور مانجر


كلش مايابوا طاري النفط ولا اي شي من هذا
اسئلتهم عامه

الله يعافيك يادكتور ناصر اللي عيزت وانت طول الكورس تعيد وتزيد على انواع الريبورتس واحنا كنا نتحلطم وهو مسكين يقول هذي اشياء مهمه
صج نفعني شرحك الله يوفقك ان شاء الله

مسكين دكتورنا كان يبح صوته مايبلع ريجه وهو يشرح الله يعطيه الصحه والعافيه صج اليوم تأكدت ان شرحه ركز بمخي هههههه

 

[^^ROSE^^]

انا قاعدة اتحبط
ماكو مكان قاعد يقبلني هذا وانا اسوي زين بالامتحانات والمقابلة ومعدلي عالي
يعني شسوي بالله :s

بعد عمري لايضيق خلقج الخيره فيما اختاره الله
وتبين الصج الحمدلله اللي الله ابعدج عن المركزي هالربوي
وعسى الله يعوضج بوظيفه احسن منها يارب
اهم شي لاتيأسين من رحمة الله وادعي وان شاء الله تحصلين احسن من اللي تبينه

لا تحزن إذا منع الله عنك شيئا تحبه فلو علمتم كيف يدبر الله اموركم لذابت قلوبكم من محبته

 

[^^ROSE^^]

بنت حموله وينها مالها حس؟

طرت علي وانا قاعده اقدم اون لاين عالاهلي المتحد
حاطين خانه جم تتوقع الراتب؟ انا حطيت 600 قويه ها لووووووووووووووووووووول
بعرف جم الراتب عشان اكتبه المره اليايه

 

[frawlah_83]

روز لا مو شرط الا الاستثمار اللحين الوضع مو نفس قبل مايستثمرون وايد عندج اكثر من خيار

الاداره الماليه او مرات اسمونها الرقابه الماليه بس خليج بصوب الميزانيات والبجت وهالسوالف مو مصاريف ورواتب
التدقيق الداخلي <<<< حلو الشغل فيها تشوفين كل صغيره وكبيره بالمكان وهم زين كخيره اذا بتروحين تالي ديوان المحاسبه
كوربرت كريدت الي اهي الائتمان التجاري
اداراه المخاطر بس مادري شنو طبيعه شغلهم واذا لهم شغل بالاكاونتنغ


بالنسبه حق الكابيتل ماعندي فكره نهائيا ومادري وين مكانهم يمكن يكون بنفس مكان بنك بوبيان بنفس المبنى شوفي دام انتي تعرفين احد اهناك فخل يشوفونلج شنو احسن اداره او خل يسوونلج روتيشن تفرين علىى كل الادارات وتالي تنقين اذا يصير مادري

 

[frawlah_83]

عادة البنوك بين ال ٥٠٠ وال ٥٥٠ بس انتي عندج سنوات خبره من قبل فما ادري يمكن ياخذونها بالحسبان

بس بيني وبينج انا عندي روحي بنفسج قدمي انا ماحب سالفه هل اون لاين ماحس احد يطل فيه او ادقين تلفون تاخذين منهم الايميل الي تقدمين عليه

 

[Om_Ksha]

Zhgt mn eldwam aby anam arta7 oof elmkan o elshwar3 95a elnas ejaza :x

 

[^^ROSE^^]

لووووووول فراوله ضحكتيني عالخبره
وزاره الداخليه وراها خبره؟ هههههههه
لا ماتنعد خبره لانها اول قبل المؤهل ثانيا مو بمجال المحاسبه كلش

خلاص بروح اقدم بنفسي واشوف
بس اخاف لاوصلت يردوني ويقولون قدموا بالسايت
نفس التمويل لازم بالسايت التقديم واللي يروحلهم يردونه
مادري بشوف

لقيت سايت بوبيان كابيتال وفيه تقديم بس السايت يسوونله صيانه http://www.boubyancapital.com/
بعد جم يوم ادشه اشوف ان شاء الله

 

[frawlah_83]

روز دقي تلفوون وكلمي مسؤول التوظيف وشوفي شنو الشواغر احسن

 

[^^ROSE^^]

لوووووووووووووووووووووول
جيكت عالديوان رقمي زاد صرت 62 من 72
حدي بشتغل بره ماراح انطرهم

 

[nonosha]

السلام عليكم
روز الاهلي المتحد عادي تروحين تقدمين انا رايحتلهم مو شرط اون لاين
اما بوبيان رفيجتي راحت وقالولها بس اون لاين
فماادري بس اذا تعرفين احد اكيد الوضع غير
وموفقة

 

[nonosha]

بعد عمري لايضيق خلقج الخيره فيما اختاره الله
وتبين الصج الحمدلله اللي الله ابعدج عن المركزي هالربوي
وعسى الله يعوضج بوظيفه احسن منها يارب
اهم شي لاتيأسين من رحمة الله وادعي وان شاء الله تحصلين احسن من اللي تبينه

لا تحزن إذا منع الله عنك شيئا تحبه فلو علمتم كيف يدبر الله اموركم لذابت قلوبكم من محبته

مشكورة رووزز ايي عادي الله كريم بس وقتها لان تو الشي صاير فضاق خلقي بس الحين عادي
الله يسهل ويرزقني ويرزقكم

 

[leolady31]

ها بنات اشلونكم مع الاهتمام بالوزن حرام عليكم الاهداف ملوتكم بسرعه تحصلونها بس يبيله رياضه يلا كل وحده تختار نادي و تلتزم

و فراولة خلاص يبا لا تزعلين بنات كبار

انا عقب باجر مقابلتي باجر بدرس الله يستر