خريجات كلية العلوم الادارية-جامعة الكويت(قسم المحاسبة)

[frawlah_83]

لاااا ماشريت قلت لي رجعت الكويت ان شاء الله بشوف اول بسوي التوفل ابوي قال بلشي بالتوفل اول تالي تفرقي حق الجيمات لانه الجيمات في انجليزي قال قوي اللغه واقري يمعي حصيلت كلمات درسي التوفل تالي تفرقي حق الجيمات فان شاء الله ناويه اقره قصص بالانجلش شاريه روايه بس كاهي تسمع حسكم كل يوم اقول باحر لووول ولي رديت الكويت بشوف يا اسجل دوره توفل او اشتري كتب ادرس ولا اقدم على طول مادري شسوي *

 

[frawlah_83]

روووز انا قاعده افكر سوي سي بي اي بس لي رديت ان شاء الله بروح اسال عن الامتحان والتفاصيل اكثر وفي معلومه قالي اياها واحد ابي اتاكد منها قالي كل جم سنه لازم تعيدين الامتحان عشان اتجددين الشهاده !!!!!

 

[nonosha]

فوفو صح كلامج ابوج انا كل من قالي خلصي الانجليزي الاول
لان اصلا الجيمات الانجليزي ماله اصعب بعد

الله يسهل

 

[^^ROSE^^]

فراوله كتب مانهاتن ماكو بالكويت بس بأمريكا فاذا حاطتهم ببالج اشتريهم

انا بعد حاطتها ببالي فمن جذي قاعده اسأل
اللي اعرفه ان انفوسنتر يدرسها بمنهج بيكر اللي هو اشهر شي
http://www.infocenter.com.kw/CPA.aspx
انا حطيت معلوماتي عساس يدقون علي واستفسر منهم و اقولكم ان شاء الله
و في مكان ثاني اسمه المركز يسوونها بهوليدي ان السالميه هذولي مادري عنهم

شوفي هالبلوغ حاطين مقارنه بين المناهج
http://ipassthecpaexam.com/cpa-exam-review-courses/

انا اللي حسيت يناسبني مال Yeager
لان يعطونج كتب wiley ومع منهجهم هم وجذي وكاتبين ان حق اللي يحبون old school اللي يشرحون لج بالتفصيل
لان انا مو يايبه A بالانترميديت 2 و الادفانس احس مشيت فيهم بس مو 100% فاهمتهم
فأحتاج شي مكثف

رفيجتي بعد شيشتني زياده لان ماشاء الله شاطره وايد حتى ساعات كانت تدرسني
وتبي تاخذها قالتلي ناخذها مع بعض
فبشوف شيصير

 

[^^ROSE^^]

لا فراوله ماتعيدين الامتحان شدعوه
هو نفس شغله لتجديد العضويه ان يتأكدون ان قاعد تمارسين المهنه جذي مو تعيدين الامتحان و الاربع مواد وين قاعدين جان محد خذا الشهاده لووووووووووول

 

[^^ROSE^^]

هذي المعلومات عن دورة المركز مادري المستشارون العالميون
http://www.gckw.com/CPADetail.asp?SPID=16
كاتبين في دوره بتبدي 15-10-2011
تقريبا مدتها 6 شهور لان كاتبين 52 حصه مرتين بالاسبوع
يعني لي شهر 4
بس موحاطين السعر

ومنهجهم wiley

 

[Rawan-]

ما شاء الله بنات الله يوفقكم ...
انا افكر آخذ icdl .. شرايكم ؟ وين آخذها ؟؟

 

[frawlah_83]

اي ادري مو موجودين بس اتوقع اذا طلبتيهم من سايتهم اوصلونهم نفس كتب السي اف اي وانا مفكره بالكتب الاصلين ومافكرت في منهاتن بس انا متردده بسالفه الدوره من جذي ماشريت كتب اذا باخذ دوره فاكيد بي معاها كتب كلش ملش اذا احتجت منهاتن اخلي اهلي ايبونلي معاهم

والنسبه حق السي بي اي ليحين ماسويت عليها بحث موسع ولا نبشت بالكتب بس اتوقع الكتب الاصلين اهما احسن شي حاليا هالشي مشروع موجل اول خل اشوف نتايج السي اف اي وتالي اقرر واذا قررت ابي امر على المعاهد بستفسر عن طرسقه الامتحان وهل اذا سقطت ابماده اعيط الامتحان كله ولا بس هالماده وماتوقع اخذ دوره بدرس بروحي واكيط في سيديات شرح جربت وقت السي اف اي دوره طلعت فكره فاشله مضيعة وقت وماراح يغطون كل المنهج بالكامل بس رؤوس اقلام وانتي تكملين الباجي بروحج فما كان في وقت ادرس بروحي مع دوره اهي الدوره فاطتني بشي واحد الي اهو اني فهمت شنو هالامتحان وطريقه واسلوبه *

 

[frawlah_83]

روان بالنسبه لل icdl ماعندي فكره لانه ماخذتها بس عندج ام كشه ماخذتها فان شاء الله تفيدج بس وايد اسمع انه الجامعه تسوي هالدوره على طوول

 

[frawlah_83]

بقره اللحين اللنكات وبسيفهم عندي

بس بسالج عندج فكره وين احصل كتاب مبادئ محاسبه بالعربي ودي اتقره في شوي اغلب امتحانات الحكومه بالعربي

 

[q8ia_cutaa]

هاي بنات

فوفو ... سوالج الاخير يناسبني .. لاني ناسية كل شي عن المحااااااسبة فاذا في شي اقدر استفيد منه

لاني ودي اراجع بس مادري من وين ابدي !! شنو ادرس شنو ما ادرس !!

ودي اخذ دورة شي بس ماعرف مكان في دورات حق المحاسبة .. جان اتعرفون ؟؟؟

وشلون امريكا شيكا بيكا فوفو :q

فوفو ذكرتيني بمعرض 360 في اشياء حلوة بس ماتسوى صج والخياط مو ذاك الزود ترى مو مرتب يعني ... اللهم محل my boutique هذي خياطها صج جنه جاهز <<< تعرف بالخياط الزين :$

انا ماحب اشتري من معارض الا اذا شفت شي غريب وunique .. اما انا منذ الصغر :$ اصمم لروحي وخواتي بعد للحين

اليوم لي رحلة حق البلوكات حق اختي ^_^ توصون على شي مناك كلفة خام :q

 

[q8ia_cutaa]

اي فوفو مو انتي قدمتي حق الهيئة العامة للاستثمار .. انا قدمت بعد

بس ماتدرين متى ينادون حق الاختبار الخ ؟

 

[^^ROSE^^]

لوووووووووووووووووووووووووووووووووووووووووووووووووووووووووووووووووول
فراوله مت مت مت ضحك على بدلياتج
الله يساااامحك يال ipad ههههههههههههههههههههه

اي انا خايفه تكون الدوره جذي فأبي اسأل عدل قبل لا اسجل خو الدوره ماراح تكون اقل من 1000

شوفي اللينك مال المقارنه عشان تقدرين تختارين الكتب اللي تناسبج
اتوقع ماكو كتب رسميه نفس ال cfa كلش مالهم طاري فماكو
كل شركه تسوي كتبها و عاد كل واحد واحتياجاته

اي امتحانات اللي بالعربي؟
ديوان المحاسبه كانوا مترجمين السؤال بكبره مع اجاباته عربي وانجليزي
فكلش ماتحتاجين

النفط امتحانهم انجليزي معروف

مادري بعد وين تبين تقدمين بس ما اظن الخبرات بيكون امتحانهم مبادئ

 

[Om_Ksha]

Hii bnat shlonkm
Wla 7da 7r moot Ana blshaleh klhm bra o Ana daa5l

Rwan n9e7a lata5then icdl bljam3a 7da 93ba.

Ana 5thetha eb m3hd new zone b7wly 7dha sahla bdon ktb o y36ona nfs elemt7an ma tt3ben m3ahm

Eb 90 denaar o mdtha shahar o n9

Hatha rgmhm 25624881

O halshahada m7d y6lbha bltw'6ef ela jam3t elq8 o fe wzarat ybonha a3tgd

 

[frawlah_83]

كيووووت والله امريكا حلوه رايحه وايد من قبل بس هالسنه رايحه ولايه مو سياحيه وايد اساسا مو يايه سياحه فقاعد اقضي وقتي بالحمام السباحه ونت ومره رحت الجم وطبعا شي اكيد سوق ومجمعات اخخخخ اسواقهم اسعارها عجييبه ومطاعم وفي جم مكان جذي حق سياحه ورحنا ذاك اليوم ناسا والله وناسه مكانهم لووووول تشوقت اقدم عندهم هههههه

بالنسبه حق الكتاب اكو بالنت سايتات وايد بس ابي انا شي كتاب تحت ايدي يمكن في ابمكتبت الجامعه او مالت التطبيقي


رووز مادري احتياااط ابي اقره يعني نفس العام الخبرا كان كله عربي واخاف مجلس الامه عربي ومادري عن صندوق التنميه

 

[frawlah_83]

روووووووووووووز عن الشمااااته ترى العياب عند الباب 

 

[Rawan-]

فراوله مشكوره حبيبتي دايما تردين على مشاركاتي ....
ام كشه .. ما تنصحين أخذها ؟؟؟ السي في مالي يفشل ما عندي دورات ... فا قلت احطها

 

[Om_Ksha]

La 3ady e5theha etha tben tg'6een wgtch bshy mfed o ymkn tgdmen 3la mkan ybonha


Goodluck

 

[Om_Ksha]

La 3ady e5theha etha tben tg'6een wgtch bshy mfed o ymkn tgdmen 3la mkan ybonha


Goodluck

 

[frawlah_83]

فراوله مشكوره حبيبتي دايما تردين على مشاركاتي ....
ام كشه .. ما تنصحين أخذها ؟؟؟ السي في مالي يفشل ما عندي دورات ... فا قلت احطها

العفو ماسويت شي