خريجات كلية العلوم الادارية-جامعة الكويت(قسم المحاسبة)

[nonosha]

روز شصار وياج قدمتي
بمعهد الابحاث والتامينات؟

 

[nonosha]

بنات بسالكم في وحده تعرف شلون التقديم على البطاقة المدنية
اعلان ولا تقدمين واذا في شواغر يكلمونج ظ
شلون طريقتهم ؟؟

 

[HB_Nona]

5l9 e3lan wafra wla b3d? shno 6be3at sh'3lhom ? w ybeon 5brat wla ydd ?

 

[frawlah_83]

^
اي خلص اخر يوم كان ١٤ مممم يبون خبره ماعدا وظيفه وحده كانت بدون خبره

نونوووش انا ماعندي مشكله بس لاني قاعده افكر امدد شوي دام ماعندي شي وفي وحده قالتلي الهيئه يبيلهم اسبوعين علة مايفرزون او ثلاث

فاذا وفره مطولين بمدد لي اول اسبوع من رمضان


نونوش ماعندي فكره والله جربي دقي عليهم ولا نطري سالي شوشوووو خبره اهي لوول *

 

[frawlah_83]

بنااات رقمي ٥٠ من ١٢٦ والمرفوضين ٧٤

 

[^^ROSE^^]

ماعليج من المرفوضين
انتي 50
ان شاء الله اول ترشيح انتي معاهم
يالله خل نضحك عليج وين يقطونج لوووووووووول

 

[^^ROSE^^]

لا والله ننوشا للحين ماقدمت

 

[^^ROSE^^]

بنات منو راحت سوت عضويه بجمعيه المحاسبين؟
وين عنوانهم؟ ودي اكشخ نفسي واصير عضوة لوووووووول

 

[frawlah_83]

لوووول رووز ان شاء الله اسمي ينزل هالدفعه اساس ماهمني ويين لاني راح اسوي ربط
روووز انا عندي عضويه طلعتها شهر 5

روحي مقر الجمعيه اهما اصيرون على البحر تعرفين وين البترول شلون تروحين لهم من وره صوب البحر امشي في هالطريج قبل لاتوصلين مبنى الموؤسسه راح توقفين على اشاره لي وقفتي على هالاشاره راح تشوفين الجمعيه في ويهج طبعا مبنى الجمعيه مكسر ومسكرب عشان ادشين مكان المبنى لازم اطوفين الاشاره وتكملين سيده لما تيج لفه فوق تحت تقريبا اللفه تصير قبل القصر او قبال القصر اهناك في قصير شيخ بس ماني ذاكره اسمه لفي فوق تحت وتالي امشي شويه في فرعي يمين بس ادشين الفرعي بروحج راح ادلين

ودي معاج صوره من بطاقتج المدنيه وكشف الدرجات وشهاده الجامعه ورسوم عضويه 16 دينار وصوره شخصيه اممم وماذكر اذا يبون صوره جنسيه وميلاديه انتي وديهم احتياط ودشي على الويب سايت طبعي الابلكيشن عبي عشان لاتعطلين بسرعه تخلصين

اتمنى دليتي وصفي الخرابيط واذا مادليتي اخذي العنوان من السايت مالهم لوووول

واتمنى انه ماكو بدليااااات :krkrkr:

 

[leolady31]

بنات خير حلووووووووووووو شوفوا شنو مكتوب بالجريدة
هذه من القبس
صج اذا طبقوه خبر يبرد القلب

دراسة الرواتب وتصنيف الوظائف منتصف أكتوبر


يوسف المطيري
كشف مصدر حكومي عن ان الدراسة المزمع تقديمها لمجلس الوزراء قبل دور الانعقاد المقبل لمجلس الامة، لا تهتم فقط بمسح الرواتب والاجور في البلاد، ولكن في توصيف الوظائف وتحديد سلم الرواتب لجميع المهن في الجهات الحكومية.
وقال المصدر ان اللجنة المكونة من 10 اعضاء من عدة جهات حكومية ومستشارين من القطاع الخاص، عكفوا خلال الفترة الماضية عبر عقد اجتماعين لوضع اللبنة الاساسية لطريقة عمل اللجنة، التي ستقدم تقريرها النهائي منتصف اكتوبر المقبل، مشيرا الى ان الهدف الاساسي هو وضع سلم رواتب موحد.
وبين ان اللجنة ستأخذ في الاعتبار عدم مساواة موظفي الجهات الحكومية على الدرجات والتخصصات نفسها بعضهم مع بعض، بحيث يحصل الخريج نفسه من الجامعة في جهة معينة على ما يحصل عليه خريج آخر بالتخصص نفسه في جهة اخرى، لافتا الى ان من شأن هذا الاجراء تخفيف الضغط على الجهات التي يحصل فيها الموظفون على كوادر مالية.
واكد ان دراسة الزيادات المالية يجب ان تخضع بداية في تصنيف الوظائف وتقييمها، بحيث يحدد سلم الرواتب من هم اعلى رواتب في البلاد، مثل الاطباء والمهندسين. وبعدها الفنيون وبعدها الاداريون وعلى هذا المنوال، مشيرا الى ان تحديد السلم من شأنه تحديد سقف المطالب مستقبلا، وكذلك توجيه الخريجين الجدد للعمل في مجالات اختصاصات تكون مطلوبة.

بس السؤال اهو هل راح يعتبرون ديوان المحاسبه جهة حكوميه ولا بيقولون لا هذا غير المهم ان على الاقل اذا صار راح يصير مثل وزارة الماليه و هم زين يعني احسن من ولا شي

 

[^^ROSE^^]

لوووووووووووووووووووووووووووووووووووووول فراوله
تعقدتي من البدلياااااات ههههههههههههههههههههههههه

مشكوره عالوصف لا مادليت بخلي اخوي يروح يدل وتالي يوديني
فاضيه اضيع انا هههههههههههههههه

 

[Om_Ksha]

Ybela jm3yt elm7asben ;p

Ooooh 3ad ana kla a'6y3 mako fayda fene

Bs bshysh rfejty tsjl 3shan a36eha awragy twdehm m3aha

 

[بنت حمووله]

احم احم انا عضوه بجمعيه المحاسبين
عطوهم اي مندوب يسويها لكم ترى ليش تتعنون لووول
ميزتها ان تعبي السي في عشان لما تقدمون على وظايف يقولون اي هذي نشغلها عندنا و باجر تصوتلنا اذا نزلنا انتخابات جمعية المحاسبين عرفتو؟؟
انا مخليتها بالبوك ويا باجي البطايق زينه و برستيجً 
فوفو يبيلي جورج كلوني وياج ما عليج امررررر

 

[nonosha]

والله فوفو اذا عندج رقمهم اللي ما رضوا يعطوني اياه جربي دقي ساليهم
عشان تمددين على راحتج
وان شاء الله خير

 

[بنت حمووله]

فوفو جنج مره قلتيلي انج مشتركه بلوفات من قبل
شرايج فيه؟؟؟ البنك عشتو مسوي اوفر اشتراك شهري كامل ٣ وجبات ويا سناك وسويت وسلطه ب ١٤٩ دينار
تنصحيني اشترك؟؟؟ صايره فقمه شمتني 

 

[frawlah_83]

لووووول نوناااا انا ماحطيته بالسي في بس في بوكي  ماعرفت وين بالسي في احطها

والله بالنسبه لي لوفات عجييييب واهما افتحوا ثلاجات في الجمعيه في بالمنصوريه والضاحيه وكيفان واليرموك وو بعد وايد اماكن حاطين اعلانهم بالجريده جربي ذوقي اكلهم انا ان شاءالله بس ارد بسوي اشتراك حق رمضان مسوين عرض ١٥٩

١٤٩ وايد زيين بس بدش رمضان اللحين اذا ماعندج مشكله اشتركي عشان تضعفين حق العيد

نونوش قلت حق خالتي الي قدمتلي ادق عليهم والله مادورت الرقم بس سهل اللحين اطلعه اذا تبين اعطيج اياها

 

[بنت حمووله]

تصدقين انتي اول وحده تمدحه؟؟ اعرف ثنتين قالولي اكلهم بااايت.. تحسين انه من امس طابخينه مو فرش
بس اذكر مره طلبت منهم يوصلونه البيت كااان عجييييب
والله محتاره.. بس شكلي بشترك على قولتج اضعف حق العيد 
نونوشا ردي قدمي على المتحد ترى يبون موظفين تيلير لان الاستقالات بالهبل .. الاوادم عافت القطاع الخاص والله حراام
نصيحه اشتغلي فيه على ما تلقين مكاان زين بعدين طلعي.. ولا قعدت البيت
ام كشه عسى ما شر شنو اللي مو مريحج بدوامج؟؟!! الموظفين اللي وياج ولا طبيعة الشغل ولا شنو ؟؟ :/ 

 

[^^ROSE^^]

فوفو يبيلي جورج كلوني وياج ما عليج امررررر

هاااااااااااااااااااا جنه صار مخااااامط
جورجيييييي حبيبي محد ياخذه :eh_s(14):
شوفيلج احد ثاني لو سمحتي :eh_s(4):

 

[nonosha]

فوفو لا عادي مو هامني دقوا حياهم الله ما دقوا كيفهم
ونونا تهقين ارد اقدم عادي لاني رايحه مقدمة عندهم وهم مقدمة اون لاين

 

[frawlah_83]

والله نونااا ماسمعت احد ليلحين قال انه بايت عموما شوفي وسالي قبل لاتشتركين اكو اهني وايد تجارب بالمنتدى