خريجات كلية العلوم الادارية-جامعة الكويت(قسم المحاسبة)

[honey lust]

اي كل مكان زحمه و هلاقه

انا يوعااااااااااااااانه

داشه موضوع شنو كليتي اليوم و اشوف الاكل و اتشهى

 

[nonosha]

اكلييي
انا من ورا هالبطالة قمت اختفي

 

[honey lust]

ليش عكس الناس

العاده الناس من البطاله و الفراغه الزايده يمتنون

 

[frawlah_83]

انا ييييييت

انا يبيلي رجييييييييم لاني زايده شوي ومع القعده قابله للزياده

تصدقوون ليلحيين ماملييت معنه بصيرلي ٥ شهور من استقلت بس ليش كله لويه اول شي امتحان وتالي سافرت فماحس بالوقت ليلحين ماشبعت نوم

بس الشي الوحيد الكريه في المووضوع انه قبل كان عندي معاش اللحين لا الحمدلله اهلي مو مقصرين بس احس مرات افتشل اطلب فلوس عشان اصرفها على اشياء خرابيط وتافهه

 

[nonosha]

انا لما احاتي اضعف عشان جذي عكس الناس
قبل كان عادي عندي بس الحين من شهر 6 وكملت سنة صرت وايد افكر
والله يسهل :d

وفوفو انتي غير لانج متعوده على معاش
فعشان جذي

الله يفرجها على الجمييع

 

[frawlah_83]

نونوش شصار على الدوره الي كنتي ماخذتها

 

[nonosha]

خلصت من زماااان بس ما سجلت حق الامتحان ماادري شفيني تبيردت
وكانت الدورة قمت في الفشل
من الحين اقول لحد ياخذ ببريتش كانسل ايلز

والحين اداوم بارت تايم فعشان جذي لويه شوي
مفكرة بعد رمضان ان شاء الله امتحن الله يسهل يارب اييب سكور
اذا انقبلت ماستر
مو الا وظيفة بس على اقل وحده منهم اهو بخااطري اكثر من الشغل

 

[frawlah_83]

اي قدمي حق الامتحاان وان شاء الله تيبين سكور عالي وجيمات عندج ؟

زييين تسوين ويين قاعده اداومين

 

[nonosha]

لا ما عندي جيمات ولا مرة جربت امتحن ولا اادري شلون طريقته
بس اول ابي اخلص الانجليزي
لان اوردي الجيمات في انجليزي
بعدين اتفرغ له

واييي عباله بس الله يسهل

 

[frawlah_83]

اي والله عباله الله يسهل عليج ان شاء الله

 

[nonosha]

اجمعييين ان شاء الله

 

[^^ROSE^^]

ترى دوره قست مالت الجيمات زينه
من عقب ماجربتها رفيجتي ويابت درجه ماشاء الله اتوقع محد بالكويت يابها تشجعت اكثر عالدوره
والحين وحده ثانيه قاعده تاخذها وتمدحها
سعرها 300 وشي
بس الحين كلش مالي خلق دورات

تدرون شاللي باط جبدي
ان البرنامج مال ماستر المحاسبه و ماستر التمويل مال قست جاااااهز ناقص توقيع الامين العام مال الجامعات الخاصه
واستقال السنه اللي طافت قبل لا يوقع
ومن يومها والنائبه مالته ماسكه مهامه وماحطوا امين عام يديد
ومايصير النائبه توقع القرار لازم الامين العام نفسه
تخيلوا المفروض شهر 9 يبدي
الحين بيتعطل لين يحطون امين عام
انزين دام النائبه مالته موجوده عينوها امين عام وفكونا
افففففففف

 

[Om_Ksha]

Gm bnat eshlonkm

Fofo ana a3rf w7da estgalt mn 5a9 o 36oha m3ash 750 mal ely ytga3don chna lesh may36onch ?

Ana feny fgr nom wlah an6r elweekend n6ra

 

[^^ROSE^^]

ام كشه اخاف قصدج استقاعها من التامينات اللي كانوا يقصونه منها خذته
غلطانه ليش تاخذه راحوا عليها سنين الخدمه الحين لاتعينت تبدي من الصفر تيمع حق التقاعد
انا يوم استقلت قالولي تبين تاخذينه قلت مابي اصرفهم باسبوع واتحسف خلوه

 

[Om_Ksha]

ahaaaaaaa ok

enzen y3ny le mta ymshelha elm3ash mta yg63ona 3nha ?

 

[frawlah_83]

شووشوو هذي فلوسج ملوت الاستقطاعات اصير لي الواحد استقال ياخذهم يعطونج دفعه وحده او كل شهر مبلغ اقسمونه على سنه واذا رديتي اشتغلتي تبلشين من الصفر او تردين لهم المبلغ على اقساط يعني بدل مايستقطعون ٧.٥ بالميه من راتبج ياخذون اكثر لما يتسدد المبلغ

بس مايحتاج اسوي جذي مو محتاجته ضروري الحمدلله اهلي مو مقصرين بس مرات استحي اطلب عشان اشتري شي مو ضروري مثلا جنطه وهالسوالف  *

هالشهر بنزلون الاثر الرجعي مال الخمسين 

 

[^^ROSE^^]

اذا تقاعدتي ماينقطع المعاش لين الواحد يتوفى
واللي عنده عيال مو متزوجين و مايشتغلون ياخذون معاش ابوهم بعد وفاته

انا رفيجتي ابوها متوفي الله يرحمه و ينزل لها 800 و شي
يوم يت تتوظف ولا يقولون لها معاشج عقب الاستقطاع 700 وخرده
جان تهون الحين قاعده تكمل ماستر بقست بعدين تتوظف وتاخذ علاوة الماستر لووووووووووول

 

[^^ROSE^^]

فراوله منو قالج بينزلون؟ انا اخوي وعليه كان مسوي خطط حق هالاثر الرجعي وتبخرت لما اندقر ومانزلت الشهر اللي طاف
اللي اعرفه انهم ما اتفقوا شلون بتنزل دفعتين ولا مره وحده

امي تقول الحكومة متعمده ماتنزلها وصراحه كلام امي صح
تقول ان نزلوها الحين الاسعار بتشب نار
بروحه قبل رمضان والعيد كل شي يزيد
بعد هالدور تنزل همجه شيصير

 

[frawlah_83]

مادري روووز هذا كلام الجرايد مايندرا عنهم

 

[nonosha]

هلوووو شلونكم