خريجات كلية العلوم الادارية-جامعة الكويت(قسم المحاسبة)

[frawlah_83]

تصدقين ماحس بالويك اند عااد امس بس اللي اكتشفت انه اليوم الخميس لووووول ... مساع كنت طالعه رايحه بيت رفيجتي الجو يهبل ماشاءالله مال صراحه كافي على البحر بس انسي وييكند وارووح كافي الا نادرا


بسالج اللحبن رقمي بالديوان 73 / 87 ( مرفوضين من جهه الترشيح ) اللحين السؤال الي يطرح نفسه هل ارقام وترتيب المرفوضيين يختلفون على ارقام وترتيب الي مؤهلين لترشيح اول مره ؟ يعني 87 شنو يمثل هل يمثل عدد الي رافضين من نفس تخصصي والا اجمالي كلي الي تخصصهم محاسبه ومسجلين بالديوان

 

[nonosha]

انا اكره الويك اند الحين اللي يداومون بطقووني

اييي يختلف فوفو .. هذول اللي رافضين بس من المحاسبة عددهم 87( المرشحين اول مرة مايطلعلنا رقمهم)

اللي اول مرة مسجلين بالديوان يطلعلهم رقمهم
وتحت بعد رقم المرفوضين

 

[nonosha]

1 / 2 مرفوض من جهة الترشيح

انا جذي طالعلي الحين بس هذا رقم المرفوضين مو الربط
انتي لما ربطتي قالولج جدامج شكثر

 

[q8ia_cutaa]

ها اا ا ا ا ا ا ا ي على طاري الجو الهوى اليوم يهبل بارد بالليل


وفوفو اي بخشه لووووول

انزين اهيا الدورة نفسها ما يتغير محتواها "الجيمات"
الي من 2008 ؟ شلون اعرف ؟


ورحت سالت قالت الاوراق لازم كاملة مع نتيج الامتحان والاعلان هذا حق الكورس الثاني ،، قالتلي امتحني من الحين حق السنة الياية ان شاء الله ،،، فبمتحن توفل لوكال بس انا ماجربته قبل في كتاب معين تنصحوني فيه ؟ والجيمات شلون عليه ؟ لما بتسجلون حق الامتحان قولولي عشان اسجل وياكم :q

 

[nonosha]

كيوته توفل لوكل ... يكون اول شي listening بعدها قواعد بعدها reading
وعلى اوراق مو نفس انترناشينال

انا ما جربت كتب بس امدحوا كتاب عباس الشمري توفل 2002
والجيمات كلش ما عندي خبر عنه
بس سمعت قبل سنة تقريبا ان غير شوي فيه بس شنو ما شنو كلش ماادري لان ماادري شلون صاير اصلا

موفقة كيوته وان شاء الله كلنا ننقبل ويا بعض

 

[Om_Ksha]

Ana bshof ymkn wyach gemat fofo bs yarby ma 5l9na eltofel

 

[frawlah_83]

نونوش ايي قالت تقريبا بالاربعيين بس قالت يمكن ازيد اذا يه احد من نفس دفعتج ومعدله اعلى بصير جدامج

كيوته انا عندي كتاب عباس تاخذينه من مكتبت الطالب بس تاكدي انه النسخه مالت اللوكل لانه في اثنين والكتاب لونه اورنج وهو عباره عن ١٠ امتحانات

وباي ذ وي يبت ٤٦٧ في ناس اقولون لي زين على اساس اول مره يبيلج براكتس اللسننغ يبت في زين بس السكشن الثاني مال القواعد والرايتنغ مو زين

اي والامتحان الياي ١٢-١١ و ١٩-١١ بس ماتوقع اسجل يمكن يصدف مع دوره الجيمات بس بتاكد متى تخلص الدوره تالي اسجل

والله ياشوشو الوقت يمشي بسرعه واحس قاعد يضيع الوقت وودي الحق اخلص كل شي قبل بدايه السنه اذا الله سهل عشان يمدي وبعدين انا ان شاءالله في اختمال اببلش ادرس سي اف اي علة نص ١٢ او اخره فماعندي وقت لازم اخلص من هالسالفه

كيوته انا صراحه ناويه اقدم امتحان نص ١٢ بشوف المنهج وتالي اقرر عدل *

 

[q8ia_cutaa]

مشكورين ننوشا و فوفو

ماتقصرون

وموفقين ان شاء الله :***

 

[q8ia_cutaa]

اي شفت حاطين في 19 و في 12

انا مادري متى اسجل


بس بسال ماكو غير هذيل؟ ماراح يسوون امتحانات ثانية ؟

 

[nonosha]

الله يسهل فوفو ان شاء الله
وشوشو ترا ان شاء الله بروح اسجل حق دورة الجيمات الاحد ( لا تقولين خيانة )

وكيوته هذا مواعيد الامتحانات القريبة بعدها اكيد في امتحانات بعد

 

[frawlah_83]

لوووول جان زييين شووششو تسجل معانا وناسه :d

كيوت كل شهر احددون الايام فبس اخلصون هالتاريخين دقي اكونون نزلوا

انا اقول سجلي بالاقرب ماراح يفرق الا اذا تبين ادرسين سجلي بلي ابعد شوي

 

[nonosha]

اي شوشو فكري فيها

 

[frawlah_83]

انا احتمال اهجر هالقسم :bbbiu:

كل موضوع ادش لازم احصل في ردوود فيها تحبيطات :eh_s(10):
*

 

[nonosha]

لا كلش ولا تهجرينا ما نستغنى عنج
فوفو
انا على كثر اللي صارلي وللحين متفائلة
لا ياس مع الحياة ولا حياة مع الياس
وتفاؤلوا بالخير تجدوه
وماادري شنو بعد

 

[Om_Ksha]

Looooool laaa fofo 5lnshj3 b3'6 mako t7be6at enshlah o ana yom ela7d a36ekm el5br elaked etha bsjl wyakm

 

[nonosha]

الله يسهل ان شاء شوشو

 

[frawlah_83]

لووول الي يبيني ايني تويتر ولا اي طريقه تواصل ثانيه

وشوووشووو مو بكييفج راح تسجلييين بشتغل علييج حنه يوم الاحد لما تلوع جبدج مني

ولا صج عجبتني فكره الهجر بدرسها عدل :eh_s(10): ولا بس ادش هالتجمع وباجي المواضيع اقنووور


التفائل موجود بس لحد يحبطني وكسر مجاديفي انا اكون بخير :bbbiu:*

 

[nonosha]

رزقج وكل شي بيد الله
فلا يهمج شي
للحين اذكر يوم ما نقبلت بالنفط وكنت مضايقة
جملة قلتلي اياها واهيا اللي صج غيرت فيني شي

لما قلتي ان الله اللي يكتبله هالواسطة عشان الله كاتبله هالرزق
ما عمري نسيته واي شي يصير اذكرها ومااضايق

فانتي اللي تنصين الحين تتضايقين
ما عليج من احد بعضهم ما يحبون الخير صايرين
وبعضهم اهما ناس متشائمين
والبعض ماادري شنو

 

[frawlah_83]

اي ادري انا كل انصح جذي وكله اقولها حق نفسي بس نفس ماقلتي في ناس حسودين ومتشائميين وناس مادري شنو نوعهم

 

[nonosha]

والله فوفو طاااف لا تفكرين فيها
هذا بالقسم جذي

اليوم مناشبيني يقولولي لو قابله بوزارة ومو متشرطة جان صارلج سنة واكثر مشتغلة
بس ما يهمني فوفو
الناس ما تخلص حجي
وبس تحبط صايرة