خريجة حقوق وتشتغلين بوحده من الوزارات تعالي شاركينا وشوفي مطالب نقابة القانونيين

[softlady]

الي صار ان مده الشهر خلصت بدون لا يوفون بوعودهم ويانا

علشان جذي الاربعا اضراب الى اشعار اخر:eh_s(15):

 

[law love]

ما اعتقد انه هالاضراب بيكون قوي مثل اللي قبله

 

[سمو ذاااتي]

مممممم

حتي لو نجح ماعتقد احد بيلتفت صوبنا

لا من نواب ولا من حكومه

لنا الله : )

 

[softlady]

نسوي الي علينا والله كريم

 

[softlady]

وينكم يا قانونيات

 

[softlady]

اب

اب

 

[جنات]

جريدة الراي : بركان غضب قانوني انفجر ٕاضرابا في 52 ٕادارة:

http://www.alraimedia.com/Alrai/Resources/PdfPages/AlRAI/11805/P09.pdf

جريدة الوطن :القانونيون نفذوا إضرابهم فأصاب الشلل 52 جهة حكومية: لن نسكت.. ولن نعمل

http://alwatan.kuwait.tt/articledetails.aspx?id=147565

 

[محاميـــة]

كفوووو

 

[سمو ذاااتي]

النقابه ليش ماتلجأ لاعضاء مجلس الامه ؟؟

اقرو زياده لفتوي الله يهنيهم واحنا مكانك سر

الله كريم

 

[law love]

الاضراب فاشل للاسف و النقابه بدون اي فايده

الله يخليكم بنات العدل اللي انقلوهم شسوت لهم النقابه ولااااا شي

و اللي عطوهم لفت نظر شسوت لهم النقابه ولااااااا شي

 

[softlady]

والله اليوم اشوفهم كلموا اعضاء والاعضاء استجابوا


والاضراب خسر الدوله 30 مليون دينار بيومين حسب تقرير جريده السياسه اشلون فاشل!!

بالنسبه للعقوبات ماعندي فكره ياريت احد يسالهم ؟؟

 

[law love]

سوفت ليدي

النقابه المفروض يكون لها اتصال مع الجهات مو بس حجي بتوتر وخلاص لازم يزورون اماكن العمل يتواصلون مع القانونين

كل القانونين قاعد يشتغلون ويقولون مضربين !

 

[softlady]

سوفت ليدي

النقابه المفروض يكون لها اتصال مع الجهات مو بس حجي بتوتر وخلاص لازم يزورون اماكن العمل يتواصلون مع القانونين

كل القانونين قاعد يشتغلون ويقولون مضربين !

اتمنى ماتزعلين من كلامي

الاحظج وايد تحبطين البنات ووايد متشائمه ليش الله يهديج

انا احضر كل الاعتصامات

وعندي تواصل مع 70 بنت بكل جهات الدوله

لحد الحين اقولج جهتين بس الي يشتغلون ووحده هونوا بيضربون الاحد ويانا

والثانيه دورهم مو فعال

انا ما ادري انتي وين كلميني بالخاص

وبقولج شي

الحين معاشج مثلا 900 وبصير 3000 ماتتحملون شوي تحقيق وكلام فاضي

ترى كله تاليه حفــــــــــظ


كلام فاضي



يعني من سنين الطواعين هذا حالنا واي تغيير لازم يكون معاه خسارات وهذا تغيير كبير مانستحمل شوي !!!


والنقابه كل ما احاجيهم راحوا

دزيتهم مكانين وراحوا

بعد ليش الظلم


اهما يقصرون مااقولج كاملين بس احنا مانتشائم ونسكرها بيويهم


والاحد الاعتصام الكبير

النقابه ما ادافع عن احد

دافعوا عن روحكم

ولاتعتمدون على احد ونقعد نلوم ونتحلطم

الكاميرات والتلفزيون بيصور عدد المعتصمين

وبتعكسون صوره رفضكم او قبولكم


الاعتصام جدام مجمع الوزارات الساعه 10 يوم الاحد بيحضرون على الاقل 5 نواب

ونخبه من الساسيين والمحاميين

والنقابه تبي حضوووووووووووووووووووووووووووووووووووووووور


حضووووووووووووووووووووووووووووووووووووووووووووووووووووووور



حضوووووووووووووووووووووووووووووووووووووووووور





ولازم نآمن بحقنا وان مشكلتنا عوده وتبي وقفه وتعاون وعن التشاؤم حبيبتي انتي


واذا شفتي وحده حلوه بالاعتصام حاطه حمرا حمرا هذه اناا :eh_s(22)::dddds:

 

[softlady]

Up

up

 

[law love]

ههههههه لا والله مو عن احبط البنات لو قاريه كلامي بالاضراب الاول عكس كلامي الحين
لانه الاضراب الاول كان ناجح و فيه اهتمام من النقابه

لكن هالاضراب لا ماكو اهتمام كلش و محد كلاها غيرنا عقب ذاك الاضراب حسيت روحي مندوب بالمحكمه من كثر ما الووي على الدعاوي واخرتها نعلق الاضراب !!!

قوليلي اضراب ناجح يعلق !!

عندي جلسات الاحد و الاثنين ما ادري اروح ولا لا *

 

[law love]

وعن التحقيق اللي يحفظ ما ارضى على نفسي ينفتحلي محظر تحقيق حتى لو نهايته حفظ ودام اللي معاي يشتغلون مضطره اشتغل

 

[ON_LY]

law love

الساكت عن الحق شيطان اخرس

شوووفت عينج الفتوى والتشريع الي اضربوا بس مرا وحداا شوفي اقرواا كادرهم باثر رجعي بعد @@!!!! مو من صجهم!!!!!

وقانونيات الوزارات هذي المره الثالثه الي نضرب فيها وديوان الخدمه ما طل بوييهنا شهالمصخررررررررررررره!!!!!!

فكري بعقلج وحكميها عدل هذيلا المساحل ماصار ينفع وياهم ,, هذيلا بنشوف عيالهم وبناتهم شلون يتزوجون من دوننا بالتوثيقات ولا خلي الوزارات تسيب فيها الموظفين يغيبون مني لباجر وبنشوف اخرته منو يحقق وياهم

ولا تدرين وزارتهم الي لهم حقوق وقضايا ينظر لها بالمحاكم والدعاوي نخليها بالمكاتب وخنشوف منو بيقوم فيها اقولج العين الحمره وبس معاهم

الحين التحقيق اتجاهج من الناحيه الدينيه بالمطالبه بالحقوق تعسف استخدام الاداره للحق اتجاهج بالاضراب

خلج جذي الناس اضربوا والطيور طارت بارزاقها وانتاي مكانج رواح واخرتا تتحلطمين عالراتب": \مو من الاول اضربي معانا

وصدقيني هالكلام مو الحين هالكلام بعد سنتين ثلاث بتحسين وتقولين ليتني مضربه لان الوظيفه مو طايره

بناااااااااااااات كلنااا اضراااب يوم الاحد بصموا واضربووووا عن العمل لانه حق من حقوقنا هذيلا ماينفع وياهم الطيب اساسا

 

[law love]

واااااي ما ادري شفيني صرت رديه

اهيئ اهيئ بس والله تعبت عقب الاضراب بالجلسات بالمحكمه ذيج المره واخاف اللي معاي اخونون

اهما اصلا مخونين

 

[softlady]

دزيلي على الخاص وين تشتغلين انتي ضربي وربعج خل تييهم النقابه

والجلسات ان رحتي سوري جداا على الكلمه بس صج فشله لج لان الكل مضرب

فلي يروح شكله سوري بس جنه ضعيف وعادي عنده

انطرج دزيلي

 

[softlady]

والله يا بنات شي يحر اكيد توكم سمعتوا عن زيادات الجهات البلديه والفتوى والتحقيقات هذول الطبقه الارستقراطيه واحنا شنو الكادحه مثلا!!

وكافي ان احنا الي اظربنا وزادوهم اهم !!

هذا شنو مو تجاهل !! مو اهانه !!

اشلون تقبلون على نفسكم هالشي !!

خل الي زادوهم يسوون شغلكم !!

انا مسماي باحث يعني ابحث بعد ليش اكتب صحيفه ومذكره واحقق واروح محكمه !! والزياده لهم مو لي !!



هذا غير ان ماكو فرق بين كل التخصصات ليش احنا فرقوا بشهادتنا !! محنا كويتيين !!


الي مايظرب يظلم نفسه الصراحه ..