خريجة يديدة و سجلت بالديوان و مو عارفه شالموضوع ،، ياليت تعلموني شسوي ..

[cherry kisses]

انا توني راده البيت
حمدالله سويت شغلي بس باقيلي تحليل بول ماقدر اسويه لانه علي الدوره!
انا مبارك الكبير رحت فتحولي ملف وعطوني اوراق الفحص
بعدين رحت المجلس الطبي زحمه ولوووعه وناس مو صج وضييييييييييج مكان مرض بختصار يعني
رحنا شباك التعينات مادري شلون انا وابوي طحنا عليه نمشي ولا شفناه على يسارنا لووول
انتو سالوا يدلوونكم
طبعا المجلس الطبي بالصباح جبال ويم معهد التمريض مبنا بروحه
تعطيج اوراق الاشعه والبول
وتروحين مستشفا تابع منطقتكم سويت الاشعه
تطلب منكم تفصخون كل شي فوق وتعطيكم لبس حق الاشعه يعني لبسي بدي وجينز تحت العبايه احسن
وتاخذون الاشعه بنفس الوقت
وبعدين تروحون مستوصف بيتكم تسون تحليل بول وانا هني ووقفت ستوب 
وبس
والله يسهل علينا وادعووووولي *

 

[اخت اخوانها]

انا توووني طلعت من المنطقة التعليمية >> الجهرا
والحمدلله خذت الاوراق وعطتني اوراق الفحص والحين ماكو وقت وباجر الصبح ان شاء الله بروح للصباح

الله يوووفقنا وتعدي هالايام ونكتب يومياتنا بعد الدوام >> الله كريم

 

[بنات حواء2]

بنات حدي هلكت و ماخلصت اوصل البيت و احاجيكم اعصابي تلفت قسم بالله و تعب و عمت عين

 

[بنات حواء2]

الي تخصصها اقتصاد منزلي لها ٣ شغلات مو مثلكم
اشعه
بول
براز زراعه
عزكم الله
وانا متبهذله من الصبح خلصت الاشعه بالعدان
والبول عدكم الله بمستوصفنه
و البراز عزكم الله محد راضي يسوي يقولون مو عندنه روحي العدان لمن رحت العدان صار فلم ثاني لمن ارجع اقولكم الاكشن الي صار وياي

 

[اخت اخوانها]

بنات استغربت من شغلة الموظفة خذت الصور طبق الاصل وعطتني الاصلية ...!
انتة صارلكم نفسي >> الجامعه مو تربيه اساسية

 

[miele]

وااااي لأ شالعذاااب

 

[بنات حواء2]

توني وصلت
قاعده اكتبلكم من الايفون مو من الابتوب
بقولكم الي صار من طأطأ ليما انا وصلت لانه بعدي ماخلصت
قسم بالله اقول هذا حلم خيال مو صج
الله يسلمكم قمت رحت سيده الصباح افتر افتر افتر وين المجلس الطبي وينه
ماكو حتى علامات و لا اشارات و لا اسهم اظطريت انزل اروح الولاده عشان اسأل
ولمن سألت دلوني بتفق كانوا مشغولين و للاسف حاطين قوانين تصف مع الموظفين و ماحطين قانون واحد للمواطنين
قاعدين و يغازلون بنات خلق الله
اذكرت عبد الناصر درويش قاعدين يغازلون
المهم اخيرن دليت المجلس الطبي رحت شفت هنود و فلبن لمن دشيت بصراحه وايد عليه اسم مجلس طبي لو مسمينه منر طبي احسن لانه عباره عن منر فيه شباكين و انا من هوب الصدمه واقفه و مبققه عيوني المهم صفيت دور عبالي الامور بنظام اثاري لازم تصيرين هيلقيه و تعدين خلق الله و لا ماتخلصين لاني صفيت دور و اشوف كل واحد ييب اوراق مرته و يتلزق بالفلبن و يقط الاوراق انزين و الي صافين دور ؟؟؟؟؟
عمومن لمن شفت السالفه مخامط صرت مثلهم و اخس منهم المهم عطتني الاوراق و قالتلي شنو تخصصج قتلها اقتصاد منزلي و لاني اقتصاد منزلي مقروده لازم اسوي 3 شغلات من ضمنها البول و الاشعه و البراز زراعه عزكم الله
المهم ياني واحد موضف وطني هذر علي قتله خلاص انا مسويه تحويل راتب لاتعور راسي قالي لا لازم عشان نتواصل معاج و نعطيج البطاقه اليديده المهم وقعت على اوراق و اخر شي كتببلي رقمه ورا الاوراق قالي اذا عندج اي استفسار و استغربت يعني اذا عندي استفسار اذق علبنك مو ادق عليك انت المهم اضاهر ان الاخ هذا بعد قاعدين يغازلون
المهم طلعت
ركبت سيارتي و رحت مستشفى العدان دشيت الي بالستقبال قالي مو هني روحي مركز ورا نسيت اسمه جنه ياكو
المهن رحت ونطرت رقمي و الناس هناك خمط مخامط واي واحد يمر عليج يقط عليج كلمه بصراحه حسيت اني قاعده بمستشفى مهاره شنو هذا مادري اعصب و لا اضك اول مادشيت الاستقبال اقبل علي واحد ريحت اباطه من على كترين تنشم ودشداشه مبقعه مرق و يقول ياحلوك ياصبيه بفتح الصاد و الباء حسيت اني باليمن بسوق اليمعه بالفرضه
ووالله ماتسوا علينه
المهم دشيت الاشعه و الاخت قالتلي فصخي انا لابسه بدس حقر و فوقه تفس جم قطن فصحت الجم و انا قاعده اسوي الاشعه و لا الاخ الهندي يتمشا بنص الغرفه و المراجعين يفتحون الباب عادي و يطلون جان اصرخ صرخه من قمت راسي علفلبينيه قتلها احنه مو يهود قفلي الباب طلعتهم و قفلت الباب شنو هذا انا ماعتب عليه اعتب علحوش الي برا الي مايستحون ولمن طلعت قطيتلي جم كلمه بردت قلبي اول ماطلعت من الغرفه قتلهم الي في غيره على اهله وريال مايفتح غرفه اشعه فيها حريم بس ان لم تستحي ففعل ماتشتهي ومشيت
المهم الاشعه باجر تطلع
نزلت تحا حق الفحوصات و المختبر رحت حق الموضف عطاني رقم و اذا به جدامي 33 واحد و وحده قلت شلويه ماتسوا اروح المستوصف و رحت مبارك قالولي مافي تحليل زراعه مال البراز عزكم الله روحي مستوصف العدان سويت البول خلصت و باجر تطلع النتيجه
رحت العدان عطيت الاخت ورقتي مالت الزراعه ختمتلي عليها و عطتني علبه اشوا اني سألتها قبل لاروح الحمام قتلها متا يخلص قالتلي الحين قتلها اختي هذا زراعه اشلون يخلص الحين
قالتلي وي عبالي بول هاج الورقه ماعندنه روحي مستشفى العدان انزين هي الحين ختمت علورقه اشلون ؟؟؟؟

من القهر خذيت الورقه و مشيت
المشكله انه الموظفه بالمجلس الطبي قالتلي تحليل الدم تاريخ 28 اوكي حلو
بس تحليل الزراعه ياخذ 3 ايام و انا ليلحين ماسويته راح اسويه باجر هذا اذا رضو يسوونه حقي لانه الورقه الاخت ختمتها خايفه يغربلوني عليه
فبتالي ماراح اخلص كل التحاليل على تاريخ 28
مخي ضارب والله
وماني عارفه شسوي
باجر راح اروح اخذ الاشعه و تحليل البول و اشوفلي حل حق مصيبت الزراعه
انا ابي افهم يعني ليش معلمة الاقتصاد المنزلي لازم تسوي تحليل براز زراعه ابي افهم شنو الحكمه من هلقرار الغريب ؟؟؟
بنات نفسيتي صفر و الله تعب و تلف اعصاب وعذروني يمكن وايد خرتها بالبدليات و القطات بس و الله مومني من التجربه المره الي اليوم مريت فيها وبتذكرون كلامي و تقولون صج قالت ام زنوب


على فكزه ترا مصوره لكم شغلات بس بعدين احطهم لكم مو الحين اعصابي تلفانه
*

 

[بنات حواء2]

سوري بنات ضيقت خلقكم بس هذا الواقع
والله قاعده اسولف حق اختي ورفيجتي وهمه ميتين من الضحك
وانا مأيسه اقولهم صج السالفه كلها على بعضها اضحك
بس احس اني بحلم
يقولولي عادي ماما من اليوم ورايح انتي طول عمرج بحلم
والله حدي انصدمت قاعده صاكه فيني الدنيا و فجأه اضحك ينيت و قعدت لان صج اليوم الي صار فيني مضحك مبكي

 

[بنات حواء2]

اخت خوانها اكيد لازن ياخذون ابصوره طبق الاصل و الاصليه لج حبيبتي مايصير ياخذون الاصليه كلنه جذي تطمني الوضع طبيعي
miele
حده عذاب

 

[cherry kisses]

انا اشعه خلصت وعطوني اياها بنفس الوقت
وانا موعدي الخميس بس احتمال اروح الاحد عادي مافيها شي
يمعوده انتي شايفه المكان المجلس الطبي؟
هذا مكان تهقين يمشون على النظام وجذي قطييييييييييييييعه الله يعين الي تشتغل هناك

 

[دنيتي^صلوح]

ماتشوفين شر حبيبتي ملاك
والله يعطيج العافيه ام زنووب
وانا رحت منطقة حولي وردووني وقالتلي 10\8 مالهم تاريخ معين بس انا راح اروح 8\8 لانه 7\8 يصادف السبت

 

[بنات حواء2]

miele
شصار عليج رحتي و لا لا خذيتي اوراقج ؟؟؟
الملاك اشلونج الحين انشالله احسن

 

[بنات حواء2]

ايوااااا الاحمدي بالضبط
وييي حتى هذيل وعليا

زين بنات شالحل وياكم يعني بهالموضوع ؟
والله راكضوا بهالسالفه
ترى والله اذيه لكم هالفحوصات و التحاليل والمراكض بنهار رمضان =(

صاجه بهذي و الله معاج انا اليوم تعبت وايد ركضه و حر
اشلون بعد اذا برمضان بس عمومن خلاص انا ماني راكضه بلاوراق و لاني معوره راسي بسوي على راحتي و بروحلهم الاحد الياي و باجر بشوف شيصير وياي بمستشفى العدان على تحليل الزراعه الي مضيق خلقي
انا من قالتلي براز و انا مزاجي اخترب
ههههههههه
مادري يضيق خلقي و الله اضحك
ينيت و قعدت

بنات حرام ليش كل وحده قايلين لها تاريخ غير مالكم شغل كلكم روحوا تاريخ 7-8
غريبه و الله

انا قررت اني ماركض المفروض الخميس اودي اوراقي و احلل دم بس انا ناراح اروح الا الاحد لانه تحاليلي اصلن ماتخلص الا الاحد شلون تعطيني تحليل زراعه و تقوبي راجعي تاريخ 28 ماتدري ان الزراعه تاخذ 3 ايام يعني علاقل تقولي تعالي يعد اسبوع مو ركضه ركضه
عمومن راح اروح لمن تخلص تحاليلي مالي شغل بحجيهم لانه اذا تحاليلي مو خالصه شفايدت الروحه
انا خايفه باجر مايحللون لي بسبت الختم الي ختمته لي الي بمستوصف العدان الله يسامحها المفروضه تجيك قبل لاتسويلي عباله و الله مالي خلق بعد ارد بس هلكت
و الله انا رايي من راي الملاك ان لو يخلونه نييب النتيجه من وين مانبي احسن بصراحه التعامل كلش مو حلو
بذات بمستشفى العدان انا اول مره اشوف اشغه تسوينها اليوم تاخذينها باجر غريبه قسم بالله
شوفي الملاك باجر شيصير وياج نفسي بلاشعه و لا غير

بنات في اوااق مهمه لكم مصورتها من الجلس الطبي الناس يطالعوني مستغربين ليش اصور
انزلها لكم اليوم علمغرب



Cheery
حبيبتي بليز ردي علي انتي وين سويتي الاشعه ؟؟؟
انا بمستشفا العدان
اي اليوم التجربه مره
ترا جني عرفتج انتي كنتي لابسه عبايه لانه في وحده كانت يمي وي ابوها تخصصها علوم اسره قلت هذي اكيد وحده من الي معانه بالموضوع قلبي حس
من صجج انا لو اشتغل هناك يصير فيني انهيار عصبي و الله عاد بيني و بين الطب النفسي دوار واحد الله وكيلج
لالا هذا ان دل يدل ان مافي نظام مافي ترتيب خذوفغلو خرابيط




دنيتي صلوح الله يعافيج يالغاليه مالج شغل روحي 7-8 الكل 7-8 اضاهر متخربطه بتاريخ

 

[ذكريات عشاق]

بنات انا طالع اسمي من شهر 6 وتوني ويوم الخميس خلصت الفحوصات وقالت لي الموظفة اييهم الخميس الياي اخذ نتيجه الدم عشان ارد الاوراق مرة ثانية للوزارة
وسويت بالعدان بالعكس كان عادي ومافي زحمة وبالدور والترتيب والله خلصت شغلي بنص ساعه ورديت البيت ومن باجر استلمت النتايج
روحوا سووهم وافتكوا وي شلكم بالعباله وتقعدين تفترين من مكان لي مكان والله حتى الاشعه الدكتورة بس طلت فيه ووقعت
وهذي اهيا عندي محذوفة بالغرفه اهم شي خلصوا شغلكم قبل رمضان ترى والله لوية وتعب

 

[بنات حواء2]

ذكريات الاشعه متى خلصوهم لج
انا قالولي باجر مو معقوله اشعه اسويهم و اخذهم باجر انا الي اعرفه نفس اليوم حدي استغربت
اليوم انا بمستشفى العدان حدها تعب و الف واحد يدش جدامج و مخامط عفيسه عفيسه مالها اول و لاتالي

 

[cherry kisses]

لا انا مستشفى مبارك الكبير
وتخصصي مو علوم اسره لووول

 

[بنات حواء2]

حدي مستغربه و ضايق خلقي ليش ماعطتني اشعتي بنفس الوقت قمت اوسوس

 

[بنات حواء2]

cherry
اها حبيبتي انا عبالي نفس تخصيي و عبالي مستشفى العدان استغربت
تهقين ليش ماعطوني اشعتي
رفيجتي تقولي يمكن مخترب عندهم شي قالولج تعالي باجر اخذيهم
بس انا قمت اوسوس

 

[cherry kisses]

عادي لا تفكرين ولا تضيقين خلقج كل تاخيره فيها خيره
الظاهر الموظفه دايخه او شي تو الناس علا موعدنا عادي 

 

[بنات حواء2]

انا بقوم الحين اروح النادي اخلص من النادي اقعد اسولف وياكن و انزل لكم الاوراق الي مصورتهم