خريجة يديدة و سجلت بالديوان و مو عارفه شالموضوع ،، ياليت تعلموني شسوي ..

[miele]

يبوونا نقدم اوراقنا للتعيين ٧ /٨ ..

اماانه يمدي؟؟؟ حرام والله مشااويير بهالشمسواحنا صيااام

 

[( المـلاك )]

بنات

انا باجر الصبح بروح مستشفى مبارك ( المستشفى التابع لمحافظتي ) عشان لا تخترعون كل وحده غير ,

عشان استلم نتايج تحاليلي

عشان يوم الاحد انشالله موعدي بالصباح لتحليل الدم و لازم تكون معاي نتايج ( التحاليل والاشعه )
انا نتايج الاشعه عندي ، بس باقيلي التحاليل .



بغيتوا اي شي ؟ تبون اسألكم شي هناك ؟ مني مناك ؟ قولولي عشان على طريجي
تقريبا باجر بطلع من البيت ساعه 9 الصبح

 

[( المـلاك )]

ام زنوب وينج اليوم

سمالله عليج مكانج مبين

فاقدينج من غير شر

=)

 

[اخت اخوانها]

بنات انا قريت عن وحدة تقول لازم الاشعه معاها تقرير وانا الاشعة مالتي مفيها ولا شئ

 

[دنيتي^صلوح]

اخت اخواانها لا ياقلبي اللي اعرفه مولازم تقريير لما اتوديينها المجلس الطبي يشووفونها ويكتبوون تقرير عادي حبيبتي

 

[( المـلاك )]

اخت اخوانها

انا اشعتي بعد من غير تقرير
بس البنات قالوا عادي مو لازم
بالصباح هناك الدكتور يشوفها ويكتب تقرير عادي

 

[بنات حواء2]

قوه بنات اشلونكم سوري اليوم لهيت حدي بزي توني هيعت

الحمدلله خلصنا موضوع الاشعه

وسالفتنا فلم والله يا ام زنوب تمصخرررررررت
ماكو احد ماقام يتطنز علي لما اقولهم عن تحاليل امس
حسيت باللي صار فيج ضغطوني لووول

اي من صجج انا لي اليوم الساعه 12 بليل قاعدين يضغطوني عادي صرت من غير احساس قتلوا الاحساس فينه بهتحليل
هههههههههههههههههههههههههههههههههههههههههههههههههههههههههههههههههههههههههههههههههههههههههههههههه
ياابووووووووووي علفلم الي سويته يوم التحليل رايحه بحلل و رجعت فلم انا فلم صكيت على احمد حلمي
و الي مستلمني بالبرودكاست يكتبولي شغلات فظيعه و انا اطالع و اضحك وين الواحد يعرف يسوي و ذوله يضحكوونه السالفه يبيلها مزاج مو على كيفنه
يااااابوووووووووووووووي
ههههههههههههههههههههههههههههههههه
تبين رايي علضغاط راح يستلمونج اسبوعين جدام
انا متوقعه جذي لانه الي عندي شماته


تصدقين لمن قريت كلامج بالضبط مثل الي سويناه احنه يعني وايد قريب منكم بنسبه للتصميم و التغذيه
و بنسبه لكتاب المدرسه اي من صجج كله اقتصاد منزلي و عملي وايد بذات الكورس الثاني انا كنت كورس اول ميداني كان في عملي بس خفيف بس مو خياطه ماخيطت
بس امبي ضاق خلقي عليج مكينه و عفيسه عاد احنه كلش مانعرفلها ماقعدنه عليها
امبي صج فلم اي غلطتهم اهمه يتحملونها كيفهم
الله يعين بس

عاد تخيلي ننقط انا وياج بنفس المدرسه
اصلا من اول يوم بتجكيني وانا بجكج هههه
احنا اكثر ناس تتحلطم

عاد تصدقين اليوم قاعده افكر اقول شكلنه بنطيح وي بعض نفس المدرسه من امه راح نعرف بعض تلقينه على كتر و نتحلطم ههههههههههههههههههههههههههههههههههههههههههههههه

انا مثلج ابي ثانوي مابي متوسط واااااي لا لا تقولين حده ضاق خلقي
الله يعين


miele
هاي اشلونج عليج بالعافيه الي استفدتي من الموضوع
اي صج الواحد ينسى التحضير لانه لويته لويه هههههههههههههه

 

[بنات حواء2]

مساء الخير ي احلى بنات
بصصصراحه لو ما هالتجمع جان الحين ضايعين ..
صج قوواااكم الله يا بنات مو مقصرين قاعد نستفيد منكم أول بأول

انا انشغلت حيل هالايام
وماقدرت اسوي شي، بس فتحت حساب
بالتمويل وخذيت شهادة تحويل راتب !

بغيت أسألج miele
صج التعليميه تبع الفروانيه . مايستقبلون الا بتاريخ 8/7 ؟؟؟؟!!!!
يعني بهالتاريخ نروح نراجعهم عشان نسلم اوراقنا وماخذ منهم اوراق الفحوصااات ؟

هلا و الله حبيبتي اي و الله صاجه هلموضوع اسعفنه كلنه يعطيها العافيه الملاك الي حطته لنه و لا جان كل وحده فينه رايحه صوب

اي بهتاريخ تروحين عادي حبيبتي لا تركضين لانه بعدهم ماستلمو لوراق منكم

 

[بنات حواء2]

beauty rose
انا بسأل رفيجاتي و انتو سألوا نبي نعرف متى يحددون المرحله انا قاعده على اعصابي حق المرحله يمكن اوقف اوراقي اذا متوسط و اكمل دراستي لاني مو حابه المتوسط كلش حتى اسلوبي في الشرح اسلوب كبار الكل يقولي اسلوبج اسلوب محاضرات على الله الله يسهل

ام زنوب وينج اليوم

سمالله عليج مكانج مبين

فاقدينج من غير شر

=)

الملاك عساج ماتفقدين غالي يالغاليه اي و الله توني يايه بقولكم انا الي مسويه لجه في الموضوع
اليوم حدي لهيت ماقعدت من الصبح ركضه ركضه نادي وسوق عفيسه اليوم
انا باجر بقوم الصبح بروح العدان لانه انا باجر موعدي بالمجلس الطبي
بس مادري اذا خالصه ول ا مو خالصه نتيجةالزراعه
باجر بروح اذا خالصه باخذها و بطير علمجلس الطبي لانه لازم قبل الساعه 11
بس اذا مو خالصه بروح الاحد وياج المجلس الطبي
الله يسهل مادري ليش احساسي يقولي التحليل مو خالص
راح اعطيكم خبر باجر


اخت اخوانها

عادي حبيبتي كله يمشي بتقرير او من غير تقرير لا تحاتين الموضوع

 

[بنات حواء2]

الملاك امس فصلت على صورة عبد الناصر درويش هذي الصوره انا متى ماضاق خلقي اطالعها و اضحك
عاد امس و انا اقرى ردج ضاق خلقي ذكرتها قلت خلابدع بالملاك شوي
ههههههههههههههههههههههههههههههههههههههههههههههههههه

 

[اخت اخوانها]

يسلمووووووووووو كل اللي ردوا لا خلا ولا عدم


الله يطمنكم ياااااااااارب مثل ماطمنتوووووووووني :yaaaaaarb::yaaaaaarb:


ياااااااااااااااااااارب ياااااااااحبيبي توفقنا ونفتتتتتتك من المراجعات والمغثثثثثة ونتكلم عن مغامراتنا بالمدااااااااااااااارس :eh_s(2)::eh_s(2): >>> تاثرت عشتوو سندريلا

 

[( المـلاك )]

لوووووول ام زنوب من صجج
اصلا ليلحين مو مستوعبه انتي ليش فصلتي وانا قاعده اعطيج خبر حزين و مؤلم جدا لوووول


زين بنات بسألكم
يصير نتوظف انا و رفيجتي بنفس المدرسه ؟
يعني يصير نروح نقولهم سجولنا ورا بعض وخلونا مع بعض بمدرسه وحده
بالمدرسه اللي فيها مجال حق ابلتين
يعني سمعتوا من قبل احد مسويها ولا السالفه مستحيله يعني ؟؟

 

[كويتية واعتز]

السلام عليكم ورحمة الله وبركاته

اليوم استغربت بنات الفروانية مقدمين عندنا بالجهراء

راح يتوظفون بالجهراء بصراحه الله يعينهم على الطريق

سألت وحده تقول عندهم اكتفاء بالفروانية والله أعلم

وبالتوفيق للجميع​

 

[( المـلاك )]

السلام عليكم ورحمة الله وبركاته​

اليوم استغربت بنات الفروانية مقدمين عندنا بالجهراء ​

راح يتوظفون بالجهراء بصراحه الله يعينهم على الطريق ​

سألت وحده تقول عندهم اكتفاء بالفروانية والله أعلم ​

وبالتوفيق للجميع​

وي وي وي
اتوقع على حسب التخصص

 

[كويتية واعتز]

ما أتوقع على التخصص

بس ما راح ينطرون منطقة الفروانية على ما تستقبلهم

بيقدمون نقل سنة وينقلون هذا اللي فهمته من البنت​

 

[beauty rose]

بنات رياض الاطفال بس اللي قاعدين يودونهم من الفروانيه لي للجهرا انا سامعه الموظفه

 

[EviL^^GirL]

بنات انا اليوم خلصت :ggdw:

اوووول شي بقولكم انا بطاقتي المدنيه تابعه منطقه حولي التعليميه بس انا ساكنه بمبارك الكبير
بالبدايه كان عادي عندي اتعين مني ولا مناك ماتفرق معاي
ورحت مثلي مثلكم يوم الاثنين منطقه حولي عشان اسوي اوراقي ولا تقول رئيسه قسم الشئون الوظيفيه تعالي 15-8 ومديرتهم نفس الكلام ورديت البيت ! يوم الثلاثا رحنا الوزاره عند معارف ابوي عشان يشوفون شسالفتها جان تسويلي خصم و قالت 10-8 !!!
وكان اسلوبها شوي زفت ونحيسه ،، اذا عندج واسطه ييبيها وتعالي يفتحون الملف والي ماتعرف احد بالمنطقه ولا عندها واسطه ، لا نطري لي رمضان :bbbiu: عاد والله حرام عليها كان جدامي بنات و شباب مثل حالتي ويعني صايدين الحركه ويايبين اوراقهم كامله قبل ما ياخذون ورقه الطلبات منها وكلناااا ردتنا

عاد لي الاربعا انا خليتهم يولون ورحت مبارك الكبير كل همي اخلص شعلي قبل رمضان لان صج صج مافيني حيل اراكض وانا صايمه وبهالحررر
موظفات مبارك الكبير يحليلهم نفسهم حلوه ومكانهم نظييف وهادي عكس حولي عكسسسسسسهم بكل شي

بنفس يوم الاربعا اخذت الاوراق ورحت المجلس الطبي وشفت الهلاقه والوصاخه المكان حدده خايس واهم شي ان ماكو دور عالشباك ريال يدزني على كشه سيلانيه ومصري يمد ايده من فوق جتفي :eh_s(1):

ابوي لما شاف جذي الوضع يه وخذالي التحويل بدقيقه :eh_s(4):
طرناا علطول مستشفى مبارك ماكان فيها احد خلصت الاشعه ونزلت السرداب سويت تحليل البول واخذت النتيجه نفس اليوم العصر معنها تخلص عقب ساعه بس انا ماتحملت اقعد بالمستشفى ولا دقيقه زياده
كانت حماماتهم وانتو بكرامه مافيها ماي ! لا عند الافرنجي ولا بالمغاسل :eh_s(1):
كان ودي ابجييييييي حزتها ويييييييييييييع وييييييييييييع

واحب اوضحلكم شغله في بنات يسوون تحليل البول بالمستوصف و الاشعه بالمستشفى ترى كل المستشفيات الرئيسيه الي تابعين لها في 4 او خمس مختبرات يعني ماله داعي اتروحون مكانين مستوصف ومستشفى خلصو شغلكم كله بمكان واحد اريح وبالمستشفى تطلع نتيجه التحليل اسرع من المستوصف

بالمجلس الطبي كانو حاطيلي الموعد الاحد 31-7 بس انا رحتلهم اليوم الصبح عالساعه 7ونص انا كنت مناك وكان جدامي 6 بنات
فـ روحو مبجر احسنلكم و اضمنلكم لان لي الساعه 11 بالضبط ما يسوون تحليل الدم

المهم

اول مارحت رديت عالشباك وعطيتها نتيجه التحليل واوراقهم الي عطوني ياهم وعطتني الرقم وورقه فيها اساله اجاوب عليها عن حالتي الصحيه وهالسوالف وكلا الاجابه نعم او لا و تكتبين الملاحظات اذا فيج شي وتوقعين تحت الاقرار المطبوع
بس هالورقه فيها اساله غبيه شوي ، الوظيفه الحاليه .. الي حاط هالسؤال مادري شيبينا نجاوب عليييه ما احنا يايينكم لان نبي نتوظف ! وسؤال ثاني المسمى الوظيفي :\
عقب ما سالنا وجذي طلع الاجابه انج شبتصيرين بالمستقبل

وورقه ثانيه خضرا هم نفس الشي تعبون بياناتكم
وهالورقه الي راح يدبسون عليها الصوره الي يبتوها بس انا ماخذو مني الصوره اشلعت صوره من الاوراق ودبستها على هذي

اول مايت السستر الي حق التحليل تاخذ الاوراق الخضر ولااااازم تقومون تعطونها اوراقكم بسرعه لايكون رقمكم جدام و تتاخرون بسبه التحليل لان التحليل مو على الارقام

و لما تلم الاوراق تبدا تنادي عشان تحللون

الدكتوره تبدا عقبها وما تدخل الا بالارقام ، عند الدكتوره فحص نظر
وفحص سريري تنسدحين وتحط سماعه وتجيك عالبطن اذا فيه اثار عمليه وانتي مو قايلتلهم

وبس تخلصون تردون حق الشباك تسلمون اوراقكم وعقبها بست ايام تستلمون النتيجه

استلام النتيجه اذا ما كان شخصي يعني انتي تاخذينه منهم لازم تعطين الي بتطرشينه بطاقتج المدنيه الاصليه ولا بيردونه

طبعا انا بدز السايق ياخذها

وسلامتكممم وتعيشون
اي سؤال انا موجوده
:eh_s(8):

 

[EviL^^GirL]

نصيحتي الاخيره حقكم
لما تروحون المجلس الطبي اخذو معاكم قلم عشان ما تتعطلون وانتو ادورون قلم
ولا تنطرون وحده اتخلص عشان تبلشون وراها

 

[jen2n]

بنات محد يدري شنو المحافظه اللي عندها اكتفاء من مقررات الاجتماعيات مرحله الثانويه؟

 

[beauty rose]

مبرووووك ايفل قيرل :rerrerek:

عقبال بااااااقي البنااات :yaaaaaarb: