خريجة يديدة و سجلت بالديوان و مو عارفه شالموضوع ،، ياليت تعلموني شسوي ..

[دنيتي^صلوح]

واااااااااااااااااااااااااي عمى بعيينها صج أذتج يالملاك الله يعييينج ويعيينه علييها
استغفرالله

 

[صدقني@صعبه]

الله يعيييييييييييييينج بصرآحه ملاااااك
وربي وربي يطووولوون السااالفه وهي قصيييره
الله يسهل امووورج وان شاء الله اتعيييييينيييين معااانااا

 

[بنت الصعران]

مرحبااااا بنات
ابي اسأل متى اول دوام لتعين الجديد نفس اول يوم دوام المدرسات 5/9ولا متى ؟؟؟
بليز بنات الي تعرف تجاوب علي

 

[fri2010]

بنت العصران اول يوم نداوم فيه الدوره معناه خلاص ان هذا اول يوم دوام وينحسب فيه الراتب

بس متى تكون الدوره للحين الله اعلم

 

[بنت الصعران]

ماني عارفه شنو يعني الدوره ومتى تبدى صج صج صج ضايعععععه بالطوشه فهموني بليزززززززززز

 

[( المـلاك )]

اي والله بنات شفتوا شلون =(
انا قاعده ادور هالكويتية اللي تسولفون عنها ماكو ماكو
ماكو الا هذي المصريه و اهي موجوده هالجم يوم ماكو غيرها
حتى سألتها اصلا يوم قلتلها انا ييتج ولا نسيتي و يمكن ماتطلعين انتي و قعدت اطالع ويهها عشان اتذكر
جان تقولي ماكو غيري موجود هالايام اصلا بس انا
فيعني صح كلامي ماكو غيرها




المهم
خل اكملكم مغامراتي التعيسه
الحين عقب نهايه النقاش مع الدكتورة قررت اروح لرئيس المجلس الطبي العام
يعني المسؤول و المدير والامر والناهي مثل ما يقولون
اااه بس ااااه والله انكم ماتدرون ههههه والله موضوعي يضحك ويبجي
المهم
طلعت وناديت ابوي قلتله نبي ندش عالمدير مالهم و ترى صار معاي مع الدكتورة كذا كذا كذا باختصار قلتله
و يلا امش معاي عشان بندش عالريال وانشالله تنحل مشكلتنا عنده و رحنا ندور ونسأل وين المدير وين المسؤول
وقالوا الموظفين اللي هناك روحوا غرفه رقم 1
و رحنا ولا السكرتيره مالته بويهي ، قلتلها ممكن ادخل على المسؤول ؟ قالتلي مو موجود شنو بغيتي ؟
قلتلها الموضوع ومافيه كذا كذا كذا كذا و صراحه انا مظلومة بقرار الدكتورة مو راضيه توقعلي عشان اخلص اجراءات التعيين والسبه شي طبيعي بجسمي و ماله علاقه بالتعيين و من هالحجي ، ونشف ريجي وانا اقولها القصه ، اخر شي تقولي نطريه وكلميه ، عيل شتبين تسمعين السالفه ؟ لقافه بس ؟ صراحه بطت جبدي :/
قلتلها متى يوصل قالت بعد ساعه
وكانت الساعه تقريبا 9 ونص
قلت بيييه ساعه كاملة شسوي

قلت لابوي ماكو الا نروح الصباح نسلم العينه وامري لله
يمكن حتى المسؤول ماينفعني
وانا اكون ضامنه عمري موديه العينه وانشالله مايطلع فيها المايكروب
مع انه احتمال كبير يطلع فيها المايكروب لانه النسبه طبيعيه وموجوده بجسمي
فبتتم موجوده لانها طبيعيه بس شنقول بعد امرنا لله خلوني اقدم العينه
المهم طلعنا من المجلس الطبي و رحنا الصباح
رحنا وافترينا و طقتنا الشمس عدل عشان ندور المبنى اللي فيه المختبرات
ويوم وصلنا دشينا على دكتور قلتله معاي عينه بسلمها قالي اوكي سلميها بالشباك
قلتله دكتور انا عندي مشكله بالمجلس الطبي تقدر تخدمني فيها ؟ قالي امري شنو اهي اذا اقدر اكيد
قلتله انا مسويه تحاليل و طلع بتحليلي سالمونيلا و جان اوريه التحليل
وشافه وقالي هالرمز الموجود يعني نسبه طبيعيه بجسم اي انسان ومعناها اذا ماني غلطان ماكله اكل مطاعم قبلها بيوم
قلتله مو هذي المشكله ولا هذا المهم ، المشكله انه الدكتورة المسؤوله عن كلمة لائقه وغير لائقه للتعيين
مو راضيه تمشيني تقول لازم ماتكون فيج هالشغله
قالي شلون يعني نشيلها يمكن تكون موجود لمده شهر او شهرين ، و يمكن انتي تتمين تاكلين من مطاعم مختلفه ماندري شنو الوضع وماله علاقه بالتعيين على حسب علمي هذا مايعدي
قلتله والله مو بس انت اللي تقول هالحجي كلهم قالوه الا هالدكتورة اللعينه
قلتله زين تقدم تخدمني انك تكتبلي ورقه او شي بما معناه
انك تقولهم اني سليمة و هالنسبه طبيعيه وماله داعي هالحركات و من هالحجي
قالي اذا للمجلس الطبي ماقدر اساعدج
قلتله زين العينه والله ياخذونها اسبوع كامل والله هذا تأخير مايسوى و فوق كل هذا رمضان روحه ورده
وغير جذي احتمال كبير على قولتج ترد نفس المشكله يعني شسوي
قالي خلاص سلميها للشباك وانا اكلم الموظفات اللي بالمختبر يسرعون بالنتيجه قلتله مشكور ماقصرت
جان يقول بس ترى رئيس المجلس الطبي حليو وخوش ريال و متفهم
وانتي اكيد لما تفهمينه و تكلمينه راح يفهم ويشخط ورقتج قلتله جان زين الله يسمع منك
بس هم الاحتياط واجب بسلم العينه و رحت الشباك
ولا الموظف بالشباك يقولي ما نستلم عينات للزراعه
اللي يستقبلونها بس الاميري و مبارك

هههههههه والله انا مسكينه
شنو شعوركم لو انتو مكاني
اعتقد اللي فيني مكفيني
لااا مستحيييل يصير فيني كل هذاا
طبعا طقيتها بجوة بو دقيقتين
و قعدت بالكرسي
ابوي راح للدكتور قاله هذيل ما يستقبلون عينات
قال لي الاسبوع اللي طاف واهم يستقبلون
من متى ماقام يستقبلون
وراح كلمهم و رد
جان يقول اي صارلهم مده بسيطة محولين امور المختبرات
وصاروا بس الاميري و مبارك اهم اللي يحولون لهم الصباح
وماقدر اخدمكم ومادري شنو اقولكم وسامحوني والله يسهل اموركم

ااه يا قلبي ااه شهالحظ الردي
ياربي شفيني وين ما اطقها عوويه
انا في احد صاكني بعيين مو راضيه اترقع من وراها

المهم ردينا المجلس الطبي
و صار زحممممممممه طق مطاقق
و دشيت عالسكرتيره قلتلها وصل مديركم ؟ قالت لا ليلحين بعد شوي يوصل

ورديت السياره قلت لابوي خلنا نستغل الوقت و نروح مبارك ونسلم العينه
وتالي نردله
و رحنا مبارك و بعد عناء طويل حصلنا مصفط ورحنا السرداب للمختبرات و سلمت ورقه التحليل
و عطيتهم العينه وخذيت الورقه وخلصت كل شي و كلمت مالت المختبر قلتلها اختي واللي يعافيج
ترى انا هذا التحليل عايدته و وراي تعيين مابيكم تأخروني نفس المرة اللي طافت و تخلوني انطر اسبوع
باجي المستشفيات كلها 3 ايام الا انتو صراحه
جان تقولي الورقه اذا مكتوب تحليل مستوصف يطولون بس اذا مجلس طبي عام يدرون انه توظيف ويسرعون
قلتلها اي يسرعون الله يهداج اسبوع كامل نطرتوني و ضيعتوا العينه وعفستوني ذاك اليوم
المهم قالتلي لا تحاتين واستلميها يوم الاثنين
قلتلها يبوووي الاثنين وااايد قالت هذا اقل شي واقرب موعد
قلتلها الله كريم بعد شسوي و شنو بيدي عالعموم مشكورة ماقصرتي

و قلت لابوي يلا نرد الصباح حق المجلس الطبي لمسؤولهم شنسوي بعد
و ردينا الصباح
يمااااا يالحرررر يمااااا يالعطش يماااا يالتعب
ماينوصف بس انتو ادرى على حالتي و مشاويري
ووصلنا هناك ، ودشينا عالسكرتيره قلنالها وصل ؟ قالت اي بس عنده شغل نطروا دقيقه
و قعدت انا عالكراسي بالانتظار
وابوي بعد عمري واقف على راسها لانه وايد ناس رايحين ورادين واحنا ادرى انه الدور مخامط
و بس طلع اللي بمكتبه ، ابوي اشرلي و دخلنا عليه
و يوم دخلنا عليه و لا كان يتكلم تلفون ، و سلمنا انا وابوي مارد السلام لاهي بالتلفون
و احنا وقفنا جدام مكتبه ننطره يصك الخط عشان نكلمه ، و اهو يأشرلي عطيني اوراقج
جان اعطيه ولا يتصفح واهو يسولف بالتلفون طبعا
فجأة كلمني قالي هذي مو خالصه مكتوب اعاده تحليل زراعه البراز او انج غير لائقه
ابوي كلمه قاله لو سمحت احنا يايينك بموضوع ثاني بس نبي ناخذ من وقتك 3 دقايق لو تكرمت
و صك الخط
جان يقولب باوراقي
( و ما سألنا شنو الموضوع ولا درى عنا اصلا )
و صارخ قالي شكووو هذي شنووو هذاااا
انتي معلمه شيبون بهالتحليل والله ماعندهم سالفه
منو قاص عليهم قالهم انج مشرفه تغذية ولا لج علاقه بهالامور
يا يبا انتي معلمه تدرين شنو يعني معلمه يعني معلمممممة يعني ماله داعي هالتحليل
انا تشققت من الوناسه و ابوي يقوله اي والله ياخوي شفت شلون اصلا مشكله البنت على هالموضوع
و الدكتورة هناك مو راضيه و معانده و غير نفسيتها و صراخها عالبنت بس ماعليه
احنا بس نبيك تحل الموضوع
( وهم ما سأل شالموضوع )
قالي يعني الحين شنو تبين اسويلج باوراقج ؟
قلتله انا هذي تحاليلي جاهزه خالصه بس بتحليل البراز اللي اصلا مو مطلوب مني
اللوائح عندك وشوف تخصصي مو من ضمن اللوائح
انا تخصص علوم اسره و مستهلك
والمهم انه بتحليلي طلع فيني تسمم غذائي يعني ماله علاقه بالتعيين
و عقبها كلمت الدكاترة قالولي انه هذي مو تسمم بعد و انه هذي نسبه طبيعيه بجسمي وبتتم موجود بالغالب
واهي مو راضيه توقع ورقتي اني لائقه و انا بهالحاله ماراح اتعين كلش وانا مظلومة بهالموضوع
انا طبيعيه واهي تبي الورقه فاضيه
جان يقولي صراحه صراحه اقولج محد قالج تتفلسفين
طبعا انا جذي صرت @@
ابوي اثار الصدمه على ويهه
و اهو يكمل يقول لابوي ايي يعني عيال هالوقت يتفلسفون
يعني لما يقولون شنو تخصصج قولي معلمه وخلاص سكتي
لازم تتفلسفين وتقولين معلمه علوم اسرة و مستهلك ليش هالتفلسف
جان ابوي يقوله
اهما اللي سألوها و اللي بالشباك و الدكاترة فاهمين و اهما يدرون انها معلمه بس لازم يسألون عن التخصص
لانه بناءا على التخصص راح تعطيها التحاليل المطلوبة
جان يقول لااااا هذااا حجي فاضي كاني انا هني المسؤول اللي اهو المسؤول ماعرف شنو يعني علوم اسره ومستهلك
ويطالعني شنو يعني علوم اسره ومستهلك شنو تسوين كل تسوين اكل و توصلين اكل يعني ؟
قلتله لا تخصصي مو جذي نهائيا ، وانا تخصصي يديد وانا اول دفعه اتخرج منه توني يديده
قالي عيل وين باجي بنات تخصصج ماشفتهم قلتله مو شرط يدشون عندك و يمكن ماخلصوا تحاليلهم
و ترى مو كل المناطق التعليمية بلشت وايد مناطق مابلشوا بعد
جان يقول ويدق عالدكتورة
( هني عرفت انه السالفه خربانه يعني مو راضي يفهم اصلا شنو قصتي و لا رضى يسمع ولا يبي يتكلم معاي عشان يحل مشكلتي ولا يبي يوقع ورقتي بس يسأل اسأله مالها معنى صراحه )
ودق عليها و يقولها شنو سالفه فلانه الفلاني اللي انتي طالبه منها تعيد تحليلها
ترى هذي معلمه يا يبا مايصير شفيكم انتو المعلمات لا تطلبون منهم هالتحليل ماله شغل
واهي ترد عليه ووووووو
واهو يقول لا البنت جدامي تقول انه تخصصها علوم اسره ومستهلك مالها علاقه بهالسوالف
واهي ترد عليه وووو
واهو يقول منو قالج انتي من منو ماخذه اوامر انج تطلبين منها جذي
واهي ترد عليه وووو
قالها خلاص انا اكلمه
وصكه منها و قعد يكلم ابوي و يقوله هذي الدكتورة تقول انه بنتك تدرس عن الاكل و تطبخ و توصل اكل
جان ابقق عيني @@ و عصبت
قلتله انا تخصصي نظري بحت
وانا اصلا محد بالكويت يعرف شنو تخصصي لاني يديده وخريجه اول دفعه
قالي يعني شنو تدرسين ؟
قلتله ازياء و سياحه و ضيافه و تربيه اسريه و اقمشة ومنسوجات و اثاث منزلي و امومة و...
جان يقاطعني ايييي هذي اهيااا ضيااااافه
يعني انتي تضيفين الناس تعطينهم اكل بعد شنوو
قلتله لاا مو جذي ادرس
تخصص السياحه والضيافه الي ادرسه اهو خدمه العملاء و التعامل و الفنادق و جذي بسس نظري سوالف بس
( يعني الحين مسكلي هالموضوع ما مسك موضوعي الاساسي ، باختصار ماعطاني مجال لا انا ولا ابوي اني اقوله موضوعي الاساسي عفسنا عفسنا والله العظيم عفسنا والريال شايب عوود ترى ويتكلم بسرعه ويتحلطم و يبي بس اهو يتكلم وياخذ الجواب اللي يبيه )
المهم قلتله ترى انا تخصصي مو موجود من ضمن اللوائح انه مطلوب مني هالتحليل
و الحين مو هذي مشكلتي انا اصلا سويته وخلصت بس النتيجه طلعت فيني هالشغله وهالشغله طبيعيه
وماتأثر ولا تعدي فخلها تمشيني و تحطني لائقه لانه هذا الصج مافيني شي
و ترى يمكن .....
قاطعني وقالي خلاص انا ناطر الموظف اللي قالها انه تطلب من بنات تخصصج هالتعيين
وقالتلي انه اهوا ببيتهم و ننطره على يينا قعدوا نطروه
و قعدنا ننطره
و بقلبي حرررررررررررقه وقهر
لانه اللي فهمته والواضح من اللي صار جدامنا
انه ما يبي يفهم شسالفه و لا بيوقف بصفنا ، قاعد يدق عالدكتورة وياخذ اوامر منها
زين انا اصلا الدكتورة رادتني ويعني بغيتك عون
وانت تدق عالدكتورة وتاخذ منها الاوراق
عيل ليش مسؤول و تشخط و تسوي وتحط وكل شي
المهم قعدت وانا انغز بابوي واقوله جم حرف قلتله من يوم مادشيت عليه واهو جم حرف
وكل شوي اقوله يبااا هذا ما منه فايده
وطبعا الريال طول الوقت طايحله تلفونات
صج حسيت شكلنا غلط و قلت لابوي يبا عفيه خل نطلع خلاص مشكلتي ماراح تنحل
اذا هذا المدير ماسوالي شي
وابوي يقولي نطري يلا شوي بس محنا مطولين
المهم و على هذا المناغز كله
قلتله اووو يباااا عندنا خوش دليل اللي اهي شهادتي
بالسياره و مكتوب فيها المواد اللي درستها واكيد راح يصدق الشهاده
قالي خلاص قعدي وانا بروح السياره وارد
وراح ابوي السياره
و جان يدش علينا واحد ( انتبهوا لهالمقطع لانه بتفهون السالفه بعدين )
المهم ماني قايله قصه حياته ، لاني عرفت قصه حياته اصلا ومانبي نتكلم عن خصوصيات الناس
بس باختصار يايب معاه اوراق زوجته واهي خريجه تربيه اساسيه و خلصت كل شي
و موعدها متأخر و يبيه يجدم الموعد و المهم حجي معسول و كلام مصفف و جذي
و ختمله المدير ماقصر معاه ، وراح ، جان يرد مرة ثانيه و يقوله الموظفه ردتني قالت ما اجدملك الموعد
قاله مايصير خل تشوف ختمي و توقيعي ، انا كاتب خلاص خل تمشي الامور ، و رد خذا الاوراق و ختم ، وطلع الريال
عاد رد ابوي ، و انا قاعده اتصفح بالملف اطلع شهادتي ،
جان يرد الريال مرة ثانيه و معاه ريال ثاني ، والريال الثاني طلع موظف
جان يكلم المدير يقوله يا طويل العمر هذا الريال يايب اوراقه ويبي يخلص شغله مبجر قبل الناس
ويقول انته موقعله وترى احنا عندنا ضغط ومايصير نجدمه على الناس كلها و من هالحجي
جان يقول المدير انا قلتلك يا يبا مايصير اجدمك عالناس
و جان الريال يرد عالموظف و جان يرد عليه الموظف ويرد الريال
المهم صارت صيحه وصراخ و تناجروا و تكافخوا
وانا وابوي اخترعنا لا يصير فينا شي احنا بعد
مسكني ابوي وطرنا من المكتب
وبس عالسياره
هههههههههههه
المهم قلنا يعني اللي حاطين ببالنا انه يمشي شغلنا ماراح يمشي شغلنا
واكيد عرفتوا ليش
لانه الجواب وضح عندكم
لانه مهما كانت توقيعات و اختام المدير ، ماردهم الموظفين مايستقبلون ولا يرضون
فالمدير يقول صح كلامهم
ونفس اللي سواه فيني وانه سمع كلام الدكتورة
واللي سواه بالريال و انه سمع كلام الموظف
يعني معناته ماكو فايده
مهما ختم و مهما وقع
الموظف والدكتورة اهما المسؤولليييييين و المديرين والكل بالكلللللل
لا توقيع يفيدني ولاشي
فقلنا ليش ننطر عالفاضي
خلاص سلمنا امرنا
ماكو الا ننطر نتيجه التعيين

و توته توته ما خلصت الحتوته ههههههههه

في فلم غييييره بعد
بيييه بعدكم مادريتوا شصار فيني

الحين اقولكم بس برب اتسحر هههه

 

[( المـلاك )]

ماني عارفه شنو يعني الدوره ومتى تبدى صج صج صج ضايعععععه بالطوشه فهموني بليزززززززززز

اختي محد فينا يدري متى تبدي الدورة
لانه محد مبلغنا و لا قالولنا ليلحين
ومحد فينا مخلص اوراقه عشان يراجع المنطقة ويعلمونه
يعني ماعندنا خبر

وبالنسبة للدورة ،
اهي تبدي بأول ايام الدوام
هذا اللي يصير كل سنه
و اهي عباره عن دورة يعني مثل محاضره
يسوونها حق المعلمات اليدد
وتكون لمده اسبوعين
ولازم تداومين فيها و ماتغيبين
لانه غيابج فيها يحسبونه من راتبج
لانه يعتبر من بدايه الدوام اللي مطلوب منج

وهذي كل المعلومات اللي نعرفها
واحنا بعد بهالتجمع نبي نعرف معلومات اكثر
بس ليلحينا ضايعين مثلج

 

[fri2010]

هذي الدكتوره باطه جبدي تجذب عليج في دكتوره ثانيه كويتيه ومو متحجبه بعد

لا والمدير بعد العن والعن

ما اقول الا الله كريم ان شاء الله يسهلها عليج بهالايام المباركه

 

[( المـلاك )]

باك ،،

نكمل نهايه اليوم التعيس ،،

اتوقع انا بقول هالقصه حق احفادي و بفتحلها كتاب خاص ههههههه

المهم طلعنا منهم ، قلت لابوي الحين مالنا الا حل واحد اللي اهو اني اسوي تحليل يديد و اسلمه وننطر النتيجه بعد اسبوع كالمعتاد ، و هذا اللي سويته فعلا ، بس الحين خل نحط ببالنا خطة بي ، يعني في احتمال انه لما تطلع نتيجتي بعد اسبوع انه بيكون الميكروب ليلحين موجود ، لانه على قولتهم نسبة طبيعيه واحتمال تكون متواجده و اني اكل اشياء فيها هالشي ، وبهالحاله حتى لو برد للمركز الطبي العام نفس الشي الدكتورة ماراح تقبلني ولا تحطلي لائقه ،
فالخطة بي ، اني اروح المستوصف واقول للدكتور يوصفلي علاج ، و اخذه ، عشان عقب اسبوع لما استلم العينه وانشالله تكون سليمة انشالله ، اخذها واخلص شغلي ، اما اذا كانت مو سليمة ، اكون انا ماخذه علاج لمده اسبوع ، واعيد التحليل ، عشان اضمن اني ما اتأخر .

و رحت المستوصف و رحت للدكتور وعطيته تحليلي و قلتله ابي علاج
قالي مافيج شي عشان اعطيج علاج ، قلتله صراحه دكتور مالي خلق اقولك القصه تعبت وانا اقولها حق كل اللي اشوفه بويهي ههههه بس فيني سالمونيلا انته مش عارف يعني ايه سالمونيلا والله انك مو عارف ههه صراحه انا بس قمت اضحك لانه اللي صار فيني ظلم والله و مافي احد يقدر يساعدني ، المهم قلتله انا واقف تعييني عليها فابي دوا يخليها تروح ، يقولي النسبه الموجوده نسبه طبيعيه و موجوده بغالبيه البشر ، هذي مو مشكله ، وانا اصلا اليوم الصبح مروا علي جم مريض مسوين فحص شامل حق جسمهم ، و يوم شفت تحاليلهم اغلبهم فيهم هالشي بس انا ماعطيتهم دوا لانه هذا شي طبيعي و موجود بجسمكم و بعدين مطاعمكم متروسه لحم ودياي فيهم سالمونيلا
قلتله ادري ادري هالحجي حفظته ، الله يخليك ابي دوا ابره حبه اي شي المهم بعالج ، قالي خليج من السالمونيلا
شوفي الرمز والرقم اللي يمه ، هذي نسبه طبيعيه ضئيله يعني مو حاله مرضيه ، هذي حاله جسم انسان طبيعي ، ماقدر اعطيج دوا ، جان اطلع و اخذ ابوي وارد ادخل ، وابوي كلمه قاله احنا ندري بس احنا نبي هالنسبه الطبيعيه تروح، لانه الدكتورة قالتلها ما احطج لائقه الا لما تكون الورقه بيضه ، قاله انت مو فاهمني يا حجي هذي نسبه طبيعيه و في ناس طبيعه جسمهم جذي و تتواجد معاهم فترة طويله و هالشي يعتبر سليم ميه بالميه ، ابوي قاله والله ندري والله حفظنا بس الله يعافيك عطها دوا ونطلع و يعطيك العافيه ، قاله اسف مو على مسؤوليتي ، انا بروحي يديد و من هالكلام ، لانه حتى البندول لي خذيتوه بانتظام وانتو مافيكم شي ممكن يضركم ، فشرايك لو اعطيها مضاد حيوي قوي لتسمم غذائي واهي مافيها شي يمكن تخترب كليتها و يتعب الكبد عندها ، البنت سليمة ، انا مو مسؤول عن هالشغله .

طلعنا ،،
ابوي قال امشي مستشفى خاص
ورحنا المواساه ودفعي فلوس ونطري دور و دخلي عالدكتور
وعطيناه التحاليل و قلناله نبي دوا وبس الله يعافيك لا تقول لا
احنا رحنا المستوصف وفلسنا منهم و نبيك انت تعطينا دوا وبنشتريه
المهم فحص علي و شاف ضغطي وحرارتي و ضغط على بطني ومادري جم شغله
قالي سليمه تبين بندول ؟ ههههههههه قلتله الله يخليك القصه باختصار ابوي يقولها انا نشف ريجي
وابوي قاله نفس ماقال للمستوصف و قاله انزين بعطيك ياه بس خل تنتبه لاستعماله
يعني اهو الحاله العاديه اللي ما تأثر ياخذونه اسبوعين كاملين و3 مرات باليوم
اهي تعتبر اقل من جذي بوااااااايد واهي طبيعيه وانتو اذا قصتكم التحليل
حق تاخذ حبتين بس وحده صبح و وحده بليل و خلاص تنتهي القصه وتسوي التحليل
لانه هذا الطبيعي ، جان اتليقف وقلتله يمكن فيني وايد باخذ 3 ايام ، قالي كيفج بس هذا مضاد حيوي لا تكثرين

وبس ردينا البيت

واليوم ليلحين انا بالعه 3 حبات

وتووووته تووووته الحين صج خلصت الحتوووته


اماااانه مو مقروده ؟؟؟؟ هههههههه

 

[دنيتي^صلوح]

واااااااااااااي يالملااك الله يعييييييييييييييييينج
صج صج انقهرت
الله يستر من الياي
ربي يسهل امووورنا وان شاء الله كلناا لايقييييييييييين ابهالشهر الفضيييل اميييييييييييييين يارب العالميين

 

[fri2010]

بس ديري بالج الملاك على صحتج خو الوظيفه بالطقاق اهم شي صحتج وترا المضاد مو زين يأثر عليج

وعسى الله يسهل امورج

 

[miele]

لاااا شنو هذا عما بعيينهم ... عاد انا علوم اسرة بعد مثلج ملاك .. مالي خلق شوشرة وروحة وردة ... بيطلعون الوظيفه من عيونا ..

 

[بنات حواء2]

الملاااااااااااااااااااااااااااااااااااااك
انتي مقروده و نص
يبووووووووووووووووووووووووووووووووووووووووووووووووووي
علويه الي انتي فيها انا حاشتني لويتج في البدايه لانه صج هتحليل مو موجود الا بالمستشفيات
بس انتي تخسبقتي
السالمونيلا عافستج
امبي هدكتوره مخها غرييييب
اشلون تشيلين السالمونيلا مايصير موجوده بدياي يعني تقعدين شهرين تاكلين نباتات عشان حضرتها تقتنع انج سليمه
وااااااااي حدها فلم انزين دشي علكويتيه لمن يطلع نتيجة التحليل اليديد انحاشي من هذي الكويتيه تيي متأخر شوي و الله ما تسوى عليج وضيفه
اففففف
حاشني هذا الحال في البدايه بس لحظه احنه كلنه فينه سالمونيلا في حدود طبيعيه حالنه من حالج ليش ماردتنه
الاخت خلت اوراقي وقالتلي انا اسلمهم للشباك اخاف بعد سوتلي قصه عليهم الله يستر و الله يوم الاحد الياي يبين
شكلي بصف وراج وي السالمونيلا
عاد تدرين انا هلسالمونيلا مسببتلي عقده بحياتي
لانه طيري الي مربيته احبه اموووووووت فيه لاني مربيته من الروضه احسه جنه ولدي تخيلي من الروضه ويمووت علي معنه طير بس جنه ادمي تخيلي مايرضا احد يقعد يمي او يكلمني او يلمسني يغار علي و الله حتى لمن تزوجت كام يكره ريلي و من يشوفه يطير عليه و يعضه و عقب مايعضه يطلع صوت نفس الي يضحك و يطير علي يقعد على جتفي و يبوسني بسمات بسبتها هلسالمونيلا تذكرته وقلبي قام يعورني عليه احسه مثل ولدي هههههه
و انا تسممت بقيت اموووووووت بسبتها
و انتي الحين تعيينج واقف بسبتها
صج صج هلسالمونيلا مصييييييييبه هههههههههههههههههههه

 

[بنات حواء2]

miele
انتي شكله الوسواس لعب وياج لعب
ههههههههههههههههه

 

[miele]

miele
انتي شكله الوسواس لعب وياج لعب
ههههههههههههههههه

ححححددددددددددددددددددده ه ه

 

[صدقني@صعبه]

الله يعيييييييييييينكم
ويبعد عنكم كل شررر لا تحااااتووون جذي ان شاااء الله خييييييييييير
كثروااا الدعاااء

 

[بنات حواء2]

miele
لا تحاتين و توكلي على الله ربج يسهل

صدقني@صعبه
اي و الله بس من الي صار بالملاك خلتنه نوسوس معني انا ماقالتلي شي عتحاليل اصلن ماطلت فيهم بس همن احاتي

 

[miele]

الله يسهلها علينا وييسر اموورنا باذن الله

 

[( المـلاك )]

هذي الدكتوره باطه جبدي تجذب عليج في دكتوره ثانيه كويتيه ومو متحجبه بعد

لا والمدير بعد العن والعن

ما اقول الا الله كريم ان شاء الله يسهلها عليج بهالايام المباركه

ليش تجذب علي يعني هالكثر هذي موليه يعني =(
بعدين انا افتريت مالقيت وحده ثانيه وسألت الفراشه قالت ماكو
و حتى المدير يوم دشيت عليه مثل ماقلتلكم ماسألني شسم الدكتورة علطول دق عليها اهي
معناته يدري ماكو غيرها
حبيبتي ماتدرين وين مكانها بالضبط بالضبط لانه مااااكو

بس ديري بالج الملاك على صحتج خو الوظيفه بالطقاق اهم شي صحتج وترا المضاد مو زين يأثر عليج

وعسى الله يسهل امورج

شسوي بعد حبيبتي
انتي ادرى شلون كنت مخترعه على عمري وادور العلاج
بس حتى لو نقول الوظيفه بالطقاق
شسوي لي متى بتصير بالطقاق و طاف ؟
انا ماراح اتوظف كلش كلش كلش اذا انا تحليلي الياي طلع فيه نفس الشي
و بمشي عالمضاد فترة قصيرة مستحيل اكثر من 3 ايام بس بعد مهما كان الزم ماعلي عمري

لاااا شنو هذا عما بعيينهم ... عاد انا علوم اسرة بعد مثلج ملاك .. مالي خلق شوشرة وروحة وردة ... بيطلعون الوظيفه من عيونا ..

حبيبتي اهو ماكو شي
صج لوعه و ازعاج و هيلق ومشاكل وصراخ و ماكو نظام وووووو
والحجي اللي كل البنات قالوه بالتجمع ترى كل هذا صج و راح تشوفينه وبتطلع عيونج
بس سالفتي انا عساها ماتصير بأحد انا موضوعي لانه فيني سالمونيلا وهالشي بين بتحليل الزراعه ، و مشكلتي العويصه اكبر انه هالشي طبيعي بجسمي و الدكتورة المسؤوله عن لائقه وغير لائقه معانده وتبيني اييبلها ورقه تحليل تكون بيضه فاضيه مافيها حتى النسب الطبيعيه
وانشالله محد يصير فيه جذي و تكونون كلكم تمام التمام والله يدومها عليكم من صحه وعافيه
وحتى لوعندكم هالنسبه الطبيعيه عساها ما تبين بتحليلكم لانه الدكتورة موووليييييه

الملاااااااااااااااااااااااااااااااااااااك
انتي مقروده و نص
يبووووووووووووووووووووووووووووووووووووووووووووووووووي
علويه الي انتي فيها انا حاشتني لويتج في البدايه لانه صج هتحليل مو موجود الا بالمستشفيات
بس انتي تخسبقتي
السالمونيلا عافستج
امبي هدكتوره مخها غرييييب
اشلون تشيلين السالمونيلا مايصير موجوده بدياي يعني تقعدين شهرين تاكلين نباتات عشان حضرتها تقتنع انج سليمه
وااااااااي حدها فلم انزين دشي علكويتيه لمن يطلع نتيجة التحليل اليديد انحاشي من هذي الكويتيه تيي متأخر شوي و الله ما تسوى عليج وضيفه
اففففف
حاشني هذا الحال في البدايه بس لحظه احنه كلنه فينه سالمونيلا في حدود طبيعيه حالنه من حالج ليش ماردتنه
الاخت خلت اوراقي وقالتلي انا اسلمهم للشباك اخاف بعد سوتلي قصه عليهم الله يستر و الله يوم الاحد الياي يبين
شكلي بصف وراج وي السالمونيلا
عاد تدرين انا هلسالمونيلا مسببتلي عقده بحياتي
لانه طيري الي مربيته احبه اموووووووت فيه لاني مربيته من الروضه احسه جنه ولدي تخيلي من الروضه ويمووت علي معنه طير بس جنه ادمي تخيلي مايرضا احد يقعد يمي او يكلمني او يلمسني يغار علي و الله حتى لمن تزوجت كام يكره ريلي و من يشوفه يطير عليه و يعضه و عقب مايعضه يطلع صوت نفس الي يضحك و يطير علي يقعد على جتفي و يبوسني بسمات بسبتها هلسالمونيلا تذكرته وقلبي قام يعورني عليه احسه مثل ولدي هههههه
و انا تسممت بقيت اموووووووت بسبتها
و انتي الحين تعيينج واقف بسبتها
صج صج هلسالمونيلا مصييييييييبه هههههههههههههههههههه

شفتي شلون يا ام زنوب
مادري شسوي والله
اهي مخها قفل
صراحه اكبر دليل على انها خرطي وما منها فايده وغبيه بعد
انه كل الدكاترة اتفقوا على كلام واحد ، الا اهي كلامها غير
و قالت لوائح عبالها بصدقها
يعني لي دشت عليج وحده من ديرتج ماراح تمشينها
ولا لي وصلت لج واسطه ولا كلمة مني مناك يعني ماراح تمشينها
هذا حجي فاضي
وكل واحد يدعي الافضليه والامانه والاخلاص
واهي حتى ماتعرف كوعها من بوعها

وعورتي قلبي على سالفه الطير هههه واي معروفه اللي تنتقل من الحيوانات قوية
عيل انا وعليا بس من الاكل و جذي صار فيني
قاعده اقول انا هالقصه بقولها لاحفادي على كثر ما تمرمرت فيها

تصدقين امي تقول الحين اهم ذابحين عمرهم وشادين حيلهم ومسوين روحهم اسكت مع القانون
اشوف المصريين اللي ترس المطاعم سوولهم هالتحليل ولا لا ؟
و هذيل العماله اللي تارسين نص الكويت مسويلهم هالتحليل ولا لا ؟
اكيد طبعا لا
اي عماله عندنا حتى خدمنا بس يودونهم يسوون تحليل دم ويردونهم فقط لاغييييير
و تلقين فيهم ستين بلا و ستين مرض وعله وشايلين معاهم امراض و وصاخه بعد
بس منو درا عنهم
واحنا عيال هالديره لما نيي بشهادتنا و بديرتنا طالعلي شلون تمرمرنا على هالتحليل

امي تقول انا اصلا ماراح استقبل بعد خدامه من غير ما تسوي تحاليل
شنو تحليل دم ويقصون علينا
شوفوا انتو شصار فيكم
وصج ترى الامراض المعديه و الوبائات هذي ما تبين الا من تحليل البول والبراز عزكم الله
بس هذا دليل انه الوافدين لاعبين لعب و متوظفين بعد من غير تعب هاللويه و اللي صارلنا


حتى مرة يابو حق وحده من اهلنا خدامه وطلعت حامل تخيلوا واهي مو متزوجه

وينكم ذابحين عمركم عالتحليل ويانا احنا ملعوزينا
وقت الاشعه تسألني انتي حامل ؟ و وقت الفحص تسأل ؟ و وقت سحب الدم تسأل ؟
والله شوف عيني بالمجلس الطبي الزفت هذا وقت سحب الدم
مساكين اكثر من وحده يكونون ناسيين يسوون تحليل حمل و يايبين الورقه او مو مسوينها اصلا و مايرضون يكملون اجرائاتهم يقولون لهم ردوا ييبوا الورقه مالت تحليل الحمل
و شوفوا على هالوافدين اللي يبون يتوظفون عندنا
حتى ما تعبوا نفسهم يسوونلهم تحاليل سنعه بس يقصون علينا
واحنا نتحمل مصايبهم وامراضهم
شوفوا كل جم شهر خبر بالجريده انه العايله الفلانيه حاشها المرض الفلاني من خدامتهم
ورفعت قضيه و تطالب منو المسؤول بالمستشفى اللي طوفها وغيره وغيره

وعلي انا ذابحين عمركم وانا بنت الديره !! اللي مافيني شي

و بنات انا اصلا ابوي مدرس و توه متقاعد هالسنه
مستغرب من اللي سووه فيني
يقولي والله كانوا معاي بالمدرسه مدرسين موووليه يعني مساكين حالتهم حاله
يقول معاه مدرس معوق فيه اعاقه ما يتكلم عدل و ويهه شوي ملفوف مادري مافهمت وصف ابوي و عسى الله يشفي جميع المرضى بس المهم انه مو سليم هذا شلون صار مدرس ؟
ويقول في مدرس ثاني فيه مرض معدي لازم يجيك على نفسه كل 3 اسابيع ضروري لانه يشوف نسبته زادت وتبدي تعدي ولا لا ، و اذا ماجيك احتمال يعدي ، و يقول هذا شلون صار مدرس ؟
وابوي يقولي غيره وغيره اللي اسمع عنهم من مدارس ثانيه و اللي مروا علي و انتقلوا

يقول هذيل شلون توظفوا مع انه اللي فيهم مو هين
ويعيق العمليه التربوية و غيره و غيره
ويقولي وانتي اللي طبيعيه ومافيج لا اعاقه ولا شي يعيق العمليه التربوية
سووا فيج كل هذاااااا


صراحه بنات شي يحر القلب :/



بس دلووني عالكويتيه هذي وين
وشسمها و متى تكون موجوده وشيصير
عشان اروحلها يوم التحليل اليديد

 

[fri2010]

اول ما تدشين غرفه سحب الدم في كراسي على ايدج اليسار قعدي اول سطره وهم لفي على اليسار بتلقين بابين جبال بعض

في باب حق الموظفات اللي ياخذون منج الاوراق والباب الثاني يكون على كتر وما يبين هذا الباب اللي فيه الدكتوره الكويتيه

وانا قلت لج بالطقاق الوظيفه لان اهم عطوج المضاد بالغصب يعني ممكن في مضره على صحتج من جذي اقول لج بالطقاق