السلام عليكم شلونكم حبايبي اشتقتلكم وااايد , سوري علي الغيبة بس التهيت بالاجراءات والفحوصاااات .
بس الصراحه وااايد متعبه لويه وايد ,وطلباتهم الي تلوع الجبد , صارتي افلام هنديه وايد بهالاجراءات بسبب اهمالهم وعدم ترتيبهم .
زين نبدتي القصه :
يوم 7-8 رحت المنطقه التعليميه وسويت اوراق التعين وعطوني اوراق الفحوصات وبعدها رحت الصباح اخذت اوراق التحاليل المطلوبه وهو تحليل عزكم الله البول وتحليل الستول والاشعه وفي نفس الوقت رحت المستشفي العدان سويت الاشعه وكانت الوقت متاخر علي 12 الظهر .
وطول الايام الي كنت اروح اراجع فيهم كنت اروح سهرانه ومواصله وبعدها رحت البيت قلت حق الوالده جذي صار معاي أنا اعرف اني اسوي التحاليل بالمستشفي بس الوالده الله يهاها قالتلي في تحاليل في المستوصف , سوي تحاليلج بالمستوصف احسن , هني قلت الحمد الله هم احسن واقرب , وبداه معاي الفلم الهندي ومعاناة .
وطبعا ثاني يوم والي اهو 8-8 رحت المستوصف من صباح الخير واخذت رقم عشان ادش للدكتور اتاكد من التحاليل هذا شنو وهذا شنو الاني حسيتهم مثل الشي وما اعرف تحليل البول من الاستول , بس كنت اعرف تحليل عزكم الله بول وتحليل خروج بس ماكنت اعرف انه اسمه ستول المهم دخلت الطبيب وقتله دكتور شنو هالتحاليل قالي تحليل بول وخروج وحددلي اي واحد هذا واي واجد هذا وهذا طبعا من كثر حرصي عشان ماتخربط واكون علي بينه .
المهم رحت قسم التحاليل وعطيت موضفه الاستقبال التحاليل جان تقولي فيه تحليل بول عندنا اما الثاني الخروج مو عندنا بالعدان , فقلت يالله نسوي تحليل بول , وسويت التحليل وعطيتهم الاوراق واخذ الدكتور ورقه وعطاني الورقه الثانيه وقالي سويها بالعدان وقالي التحليل يطلع بعد نص ساعه , فقلت يالله علي مايخلص هالتحليل اروح العدان اسوي تحليل الخروج وعلي فكره بيتي ماهو قريب من المستشفي يبيله تقريبا ربع ساعه علي ماروح العدان .
المهم رحت العدان وعطيتهم ورقه التحليل جان تعطيني الممرضه علبه تقولي سوي تحليل بول هني الصدمه قتلها عفوا تحليل خروج مو بول جان تاخذ الورقه مره ثانيه وتقراها جان تقولي تحليل بول جان اقولها شلو بول تحليل بول مرتين , انصدمت وماعرفت شقول من هول الصدمه , هني ياني احساس ان المستوصف متخربطين بالاوراق , وقلت والله انهم متخربطين بالاوراق ماخذين تحليل الستول يسوين عليه عزكم الله بول ,وطلعت من العدان معصبه حدي ومترفزه شهالغباء والاستهتار هم الدكاتره ولا انا حسبي الله عليهم اقروا اقروا ورقه التحاليل قبل لاتسوون شي . ورحت طاااايره المسوصف وحدي معصبه ورحت موضفه الاستقبال وزفيتها وعصبت عليها وقتلها مو حرام عليكم تسون فينا جذي واحنا رمضان وصيام جان لا والله حرام رحتي العدان ورديتي قتلها اي والسبه دكاترتكم واهمالهم , انا بعرف شلون يخربطون بالتحليل حسبي الله عليهم قتلها انا من كثر حرصي رحت لدكتور بس عشان اعرف هذا حق شنو وهذا حق شنو , والمسكينه تهدي فيني والحين اشوف الموضوع وراحت عند دكاتره التحليل وقروا التحليل جدامي واستغربوا قالوا اي صح استول , والله مو عارفه شقولهم قتلهم حرام الي تسوونه بالناس اتوقع انتوا دكاتره وتعرفين والشرهه مو عليكم علي الي اييكم , .
المهم اخت التحليل منهم بعد ماعابلوا فيه ورقعوا بالورقه لما قالوا بس . واخته منهم مع نتيجه تحليل البول . وطرت رحت العدان مره ثانيه وقتله القصه جان يقولي موضف الاستقبال انتي مو تبينه حق وظيفه قتله اي جان يقولي تحليل البول مال المستوصف مايعتمد الان اهم يبون تقرير . وقتله والحل شنو ؟ جان يقولي اتسوين التحليلين البول والاستول هني ,
المهم رحت للممرضه وعطتني علبتين علبه عزكم الله للبول وعلبه ثانيه لونها احمر للستول .
ورحت للحمااام عشان اسوي المهمه ولا مافيني شي سويت كل شي بالمستوصف حسبي الله عليهم والله للحين مقهوره عليهم والله من كثر قهري ودي اروحلهم اخذ مهمتي عزكم الله البول الي سويته عندهم .. ادري مصطلحات اتلوع الجبد بس شسوي خل اقولكم قصتي . وطبعا بالقصب انتيفه سويت ... اما الستول كلش مافي حاااولت ظليت ساعه بالحمام مافي . طلعت ورحت للممرضه حق التحاليل قتلها سويت تحليل البول بس الثاني يصير اييبه باجر ... جان تقولي واهي مصريه ليه مافيش انحرجت حسبي الله عليها كان في ممرضات ومراجعين
جان اقولها لا مافيش . وعطيتهم تحليل البول وقالتلي يطلع باجر .
وبعدين رحت البيت بسلام وامان بعد مارفع ضغطي . يتبع
