خريجة يديدة و سجلت بالديوان و مو عارفه شالموضوع ،، ياليت تعلموني شسوي ..

[lololwa]

بناااات انا سجلت وطلعلي عفوا انتهت فترة تحديد المواعيد وعلما اليوم ثاني يوم شساااالفه ؟؟؟ظ

 

[cherry kisses]

انا كل ما بسجل يطلعلي عفوا انت مسجل طالب بجامعة الكويت مع اني خريجه شنو يعني :/

 

[( المـلاك )]

احنا لما سجلنا بالديوان الفتره اللي قبل هذي

دزو لنا مسجات ان تم تسجيلنا بالديوان

بس شي طبيعي لما تحطين رقمج المدني يبين اسمج بالكامل عندهم

فبالبيانات حاطين تخصصج وشهادتج ومعدلج ؟

اذا لا يعني للحين ما وصل لهم شي فروحي تاريخ 23 /6 حق ديوان الخدمه وقوليلهم عن اللي صار وياج

انا ما دزولي مسج ، يمكن فترة عن فترة تختلف
البيانات مو حاطين شي لانه شهادتي ليلحين ماخذيتها
بس حاطين بياناتي الخاصه يعني الاسم والجنس والحاله الاجتماعيه والرقم المدني بس
اروحلهم وين ؟ ما ادل مكانهم ؟ ممكن تدليني على مكانهم عشان اروح
ومشكورة عالرد

اول شيء الف مبروك حبيبتي انتي معااي انا بعد خريجه تربيه اساسيه هل الكورس
ورحت سالت التسجيل قالوا بعد الشهايد ما اطلعت ..!!
وانا نفسج مو عارفه ولا شيء وفيه مشكله :\ بسافر ان شاء الله على تاريخ 24/6
ومراح ارد الا بعد شهر !!
فشلون ؟؟ انا قالولي التربيه شهاداتنا من غير ما انوديهم الديوان بروحهم اتروح ..!
بس ماني متأكده اذا هل حجي صح ولا لأ امممم :bbbiu: وحتى محتاره حق البعثاات مادري شسوي لاني ناويه اكمل ماستر ان شاء الله فيه ناس اتقول لازم خبره وفيه ناس اتقول لأ :\

الله يبارك فيج حبيبتي ، ومبروك انتي بعد عالتخرج :*
الله يوفقج انشالله بس انا ماني عارفه شي ولا جان رديت عليج و فدتج

 

[( المـلاك )]

واي حدنه ضايعين
توني ادري ان التسجيل بلش اشوى اني قريت موضوعج و الله
بدش و بحط بياناتي
بنسبه حق الموعد لا تروحين انا سألت رفيجتي هي توها متوضفه قالتلي راح يعطونج موعد بس لا تروحين سيده اخذي شهادج وروحي المنطقه
خلاسجل و اشوف شنو يصير وياي و ارد لكم خبر
والله يعطيكم الف عافيه نبهتوني و الله انا مادري شطبخه رايح عن بالي

حبيبتي انا دشيت وسجلت و موعدي 29 - 6
وتأكدت من رفيجتي قالتلي راح يعطونج موعد بس لا تروحين بعد اسبوع او خلال اسبوع
راح يدزونلج مسج قبول مباشر
بعدين اول ما تاخذين شهادتج تروحين المنطقه قسم الشؤون الوظيفيه
بس المهم انج حطيتي بياناتج بالموقع بس مجرد انج تحطين رقمج المدني و الموعد خليه لا تروحين
اتمنى اني اكون قدرت افهمج
واي شي يصير وياج لا تنسينه بهلموضوع
و انا اي شي يصير وياي بيي اقولكم

اي و الله ياريت احد يسأل و يفيدنه

هههههههههههههه
ترا صج مايحتاي نروح بس حطي رقمج المدني و طلعي وقبولج يندزلج بمسج او تابعي الجرايد
الشهاده تحتجينها لمن تروحين المنطقه بس
دانة بعين بحاري
حبيبتي ممكن تفيدينه برقم الي نسجل عليه و لا عليج امر

زين الحمدلله انج شفتي الموضوع
ولا جان راد عليج التسجيل الاول
عاد انا قايله انتي سابقتنا بالميداني
يعني انتي سابقتنا بكل شي وخبره
طلعتي توج متخرجه
اكيد لاعت جبدج كان عندج مواد وايد
بس الحمدلله تخرجنا وافتكينا

يعني الحين اللي فهمته منج
انه المواعيد اللي حاطينها لنا
ما نروحلها
زين عيل ليش حاطينها دام ما نروحلها ؟
و على قولتج اذا بعد اسبوع من انتهاء فترة التسجيل بالديوان
راح تكون شهاداتنا موجوده
يعني ناخذهم ونروح الديوان دايركت ؟ بدون موعد ولا شي ؟
و البيانات اللي احطهم بالموقع شنو ؟ بس رقمي المدني وارقامي ماطلبوا شي ثاني
يعني بس هذا ؟

وانشالله اي شي يديد بعرفه ببلغكم بهالموضوع
و موفقين كلكم .

 

[( المـلاك )]

الف الف مبرووك حبيبتي وعسى ربي يوفقج بالوظيفه

انا رايي مثل جناان رووحي لديوان الخدمه واستفسري احسن

لانه لاازم تكوونين مستلمه الشهااده

الله يبارك فيج حبيبتي
يعني اروحلهم بالموعد اللي عطوني ياه عشان استفسر بس ؟
مشكورة حبيبتي عالرد

انا خريجه هالكورس من الاساسيه
ومن طلبات الديوان الشهاده تكون معانا
والديوان يصكر ١-٧ وكليتنا تبدي توزع الشهايد٣-٧
شهالتخلف!!
نايمين بالعسل!!!
انا باجر رايحه للكليه وبسأل التسجيل وافهم شسالفه
واردلكم خبر

انا قلت بروح باجر
بس راحت علي نومة ما قمت الا 12 الظهر
وخبرج التسجيل فيهم حكة بدال ما يداومون من 8 لي 1 ونص
اهم يداومون من 9 لي 12 ولا بعد من 9 لي 9ونص يصكون الباب يتريقون
انا باجر بروح انشالله
انتي اذا رحتي اليوم بلغينا شنو قالولج ؟

 

[( المـلاك )]

موووووفقه

ربي يسهلكم اموركم

مشكورة عالدعوه حبيبتي ..

يابنات الخريجات الجدد مايحتاجون يروحون ومعاهم شهايدهم
لان انتوا بس عليكم انكم تسجلون عن طريق التليفون لان شهايدكم تروح دايركت للديوان
وتنطرون ليما تنزل اساميكم بالجريده

يعني الحين التسجيل بالنت و بالتلفون مو يعتبر نفس الشي ؟
ولا لازم تلفون ؟
انا عندي رفيجاتي سجلوا بالنت وعندي رفيجاتي سجلوا بالتلفون
و عندي وحده سجلت بالاثنين و نفس الحجي
يعني يوم سجلت بالنت طلعلها تاريخ وعقبها بثلاث ايام دقت تلفون جان يعطونها نفس التاريخ
معناته تسجلت بالنت ، يعني مكان واحد يكفي ولا شرايج ؟؟

والحين انتي تقولين انه شهاداتنا تروح دايركت
والباجي يقولون لازم شهاده
هني كلكم ابلات
وردودكم كلها مختلفه عن بعض
صراحه ضعنا اكثر

 

[( المـلاك )]

يااا حليلنا والله احنا الخرييجات ،، الظاااهر باااجر احنا راح انسوي هجوووووووووم علا مكتب التسجيييل بنخرعهم ههههههههههههه

انا باجر بعد بروووح. نشوفكم علا خيير باااجر ههههههههههه

انا كنت بروح
بس راحت علي نومة
بروح باجر انشالله
بشري شقالولج شصار معاج ؟؟؟

بناااات انا سجلت وطلعلي عفوا انتهت فترة تحديد المواعيد وعلما اليوم ثاني يوم شساااالفه ؟؟؟ظ

انا كل ما بسجل يطلعلي عفوا انت مسجل طالب بجامعة الكويت مع اني خريجه شنو يعني :/

اكيد الموقع كان معلق
لانه وايد يعلق ويخورها

 

[مناوي 20]

حتى انا مثل cherry kisses قاعد يطلعلي اني طالبة في جامعة الكويت من امس !!!!!

واليوم جان اروح الجامعة واقولهم اني باخذ موعد بالديوان يطلعلي اني للحين طالبة
شلون ؟
جان تقولي اي انتي للحينج ما استلمتي شهاتج قلت لها انا بس ابي اخذ موعد قالت مايصير نطري يوم نوزع الشهادات وقلت لها ان في بنات سجلوا واخذوا موعد جان تقول لا مو مستحيل هالشي مايصير يجذبون عليج
شسالفه شسوووووي ؟؟؟؟؟؟؟؟؟*

 

[أنـوآر الـكويـت]

رحت للكليه

ومثل مارحت رديت

الملاك لاتروحين باجر

سألتهم قالو الشهايد ولمن يهمه الامر والاوراق كلها تبدي ٥-٧ يعطونا اياهم

قلت لهم شلون عالديوان يصكر ١-٧ قالو كل سنه يسوون هالحركه وراح يفجون مره ثانيه
وقولو لهم الكليه ماعطتنا الاوراق
باجر موعدي بالديوان وابلغكم شنو راح يصير معاي

والتسجيل زحممممه ونفسيات الموظفات زفت كل ما سألت وحده ترد مادري
متوظفين ليش دام طول عمركم ماتدرون!!
اخر شي ردت علي وحده بالكلام الي قلته لكم ولا معصبه واهيا ترد

فكه الحمدلله تخرجنا وماراح نشوف موظفات التسجيل لوول

 

[مناوي 20]

حتى انا مثل cherry kisses قاعد يطلعلي اني طالبة في جامعة الكويت من امس !!!!!

واليوم جان اروح الجامعة واقولهم اني باخذ موعد بالديوان يطلعلي اني للحين طالبة
شلون ؟
جان تقولي اي انتي للحينج ما استلمتي شهاتج قلت لها انا بس ابي اخذ موعد قالت مايصير نطري يوم نوزع الشهادات وقلت لها ان في بنات سجلوا واخذوا موعد جان تقول لا مايصير مستحيل هالشي !؟!؟!
شسالفه شسوووووي ؟؟؟؟؟؟؟؟
تكفوووووون فيدوني

 

[miele]

مااكو فايدة من الرووحة لمكتب التسجييل .. اذا لمن يهمه الامر يعطونياه مع الشهادة بالله عليكم شنبي في فيها دام الشهادة معانا ،، تخلف صراحة ،، خلاص ماكو الا ان كل وحدة تنطر موعد الديوان وتروحلهم وتقول السالفه ان ماعطونا شهايد .. ونرد خبر لبعض شصاار معانا عشان نستفيد من بعض

 

[بنات حواء2]

امببي التسجيل مبدع فيكم مو صج اشوى اني مارحت عشان لاحط حرت الدنيا فيهم
اسغفر الله
الملاك انا كان باقيلي 4 مواد خذيتهم الكورس الي طاف بروحهم عشان جذي تاخرت
شوفي بنسبه للمواعيد هذا على حسب كلام رفيجتي قالتلي جذي و مادري و الله بس عمومن حتى لو بتروحين شالفايده و ماكو شهاده
يعني جذي جذي ماكو فايده من روحتج اذا على كلام التسجيل راح يجددون المواعيد
بس انا رفيجتي توها موضفه وهي ماراحت بس طلع قبولها بعد اسبوع

 

[بنات حواء2]

صاجه miele
خلاص وحده فينه تروح و تشوف شنو يصير معاها و تردلنه خبر

 

[( المـلاك )]

حلوو ..
يعني اللي فهمناه الحين انه ماكو فايده من قسم التسجيل بالكليه
خليهم يموتون على عمرهم كالعاده
مو شي يديد عليهم
كافي نفسياتهم الحلوة معانا كل كورس ماشالله
مادري شيسوون عاد
يشتغلون بس اول الكورس حق التسجيل و اخر الكورس
و تعبانين ماشالله و النفسيه ماكو احلى منها
اعوذ بالله
مادري شلون هالبشر ترضى على نفسها جذي
من عشر سنين لين اليوم اللي تخرجت فيه
ما سمعت آدمية وحده تمدحهم أو تمدح وحده بس وحده منهم
المفروض يغيرون مسماهم الوظيفي :/

يعني الحين لازم ننطر وحده منا يكون موعدها بالديوان
وتكون قبلنا كلنا
وتروح و تشوف شيقولون لها
وتردلنا خبر

 

[reem0o0o0o0]

حتن أنا مايصير يطلع انت مسجل في جامعة الكويت
يعني كلنا اللي بالجامعة نفس الحجي يطلعنا صح ياليت لو في وحدة بالجامعة و قدرت تسجل بالديوان ترد لنا خبر عشان نتطمن من هل ناحية

 

[miele]

reeeemooooشوفي البنات اللي معااج بدفعتج معقووله ولا وحدة صار معاها مثلج حررام الوقت يروووح عليج..

وفي معلومة بقولها لكم بنات الاساسيه ،، الكليه تدز بياناتنا للديوان قبل الشهايد يعني اهما يكونون عارفين مؤهلنا ويسجلونا علا هالاساس بس انشالله هالشي ينفعنا وماا يردونا اذا لقوا ان احنا مااستلمنا الشهاايد

وبنات بخصووص الموعد لا تطوفونا مثل ماسمعت من البنات روحو وشوفو شيبون .. ماتدرون

 

[أنـوآر الـكويـت]

بنات تدرون اليوم موعدي بالديوان

شقولكم !!

رحت عالفااااضي !

حسبي الله عليهم قعدوني من نومتي
وبهالحر والطريج حده زحمه تدرون الناس بدو الصيفي
والديوان حده زحمه داخل

بالمختصر
رحت وقلت لها معطيني موعد اليوم
قالت عطيني رقمج المدني (( طبعاً بنات عمري ماحفظت رقمي المدني بس من كثرت ماكنت ادش موقع الديوان ويطلع لي ايرور كنت ارد اكتبه فحفظته لوول ))
المهم بعد ماعطيتها رقمي المدني قالت عطيني شهادتج قلت الكليه ماعطوني اياها
قالت اوكي شنو شهادتج قلت بكالريوس كليه التربيه والا تقول شنو انتي دارسه برا الكويت
قلت لا درست بكليه التربيه الاساسيه
جان تقول (( الصدمه )) لاا التسجيل بس للي شهادتهم متوسط وثانوي ودارسين برا الكويت
انتو توكم الكليه راح تدز لنا بياناتكم
وقلت لها وشنو اسوي يعني شنو علي ؟
قالت كل يوم دشي موقع الديوان وشفتي ورقه البيانات لما تكون معبيه بياناتج راح تقدرين تسجلين
تختارين اي وزاره تبين تتوظفين يعني التسجيل بيكون يا بالتلفون ع رقمهم او موقعهم
قلت شهايدنا 5-7 وانتو 1-7 تصكون
قالت بياناتكم راح توصل قبل لا انتو تستلمون شهادتكم
يعني الي علينا كل يوم نجيك يا بالتلفون او الموقع لمل تطلع لنا ورقه البيانات معبيه راح نقدر نسجل

هذي تجربتي امس بالكليه واليوم بالديوان والله على مااقول شهيد < اهم شي لوووول

 

[( المـلاك )]

reeeemoooo
وفي معلومة بقولها لكم بنات الاساسيه ،، الكليه تدز بياناتنا للديوان قبل الشهايد يعني اهما يكونون عارفين مؤهلنا ويسجلونا علا هالاساس بس انشالله هالشي ينفعنا وماا يردونا اذا لقوا ان احنا مااستلمنا الشهاايد

وبنات بخصووص الموعد لا تطوفونا مثل ماسمعت من البنات روحو وشوفو شيبون .. ماتدرون

انا عن نفسي بموعدي بروح الديوان
حتى لو ما استفدت و ردوني
المهم ولا اقعد احاتي واقول ليتني رحت
ابي اتطمن بنفسي
انا موعدي 23 / 6

بنات تدرون اليوم موعدي بالديوان

شقولكم !!

رحت عالفااااضي !

حسبي الله عليهم قعدوني من نومتي
وبهالحر والطريج حده زحمه تدرون الناس بدو الصيفي
والديوان حده زحمه داخل

بالمختصر
رحت وقلت لها معطيني موعد اليوم
قالت عطيني رقمج المدني (( طبعاً بنات عمري ماحفظت رقمي المدني بس من كثرت ماكنت ادش موقع الديوان ويطلع لي ايرور كنت ارد اكتبه فحفظته لوول ))
المهم بعد ماعطيتها رقمي المدني قالت عطيني شهادتج قلت الكليه ماعطوني اياها
قالت اوكي شنو شهادتج قلت بكالريوس كليه التربيه والا تقول شنو انتي دارسه برا الكويت
قلت لا درست بكليه التربيه الاساسيه
جان تقول (( الصدمه )) لاا التسجيل بس للي شهادتهم متوسط وثانوي ودارسين برا الكويت
انتو توكم الكليه راح تدز لنا بياناتكم
وقلت لها وشنو اسوي يعني شنو علي ؟
قالت كل يوم دشي موقع الديوان وشفتي ورقه البيانات لما تكون معبيه بياناتج راح تقدرين تسجلين
تختارين اي وزاره تبين تتوظفين يعني التسجيل بيكون يا بالتلفون ع رقمهم او موقعهم
قلت شهايدنا 5-7 وانتو 1-7 تصكون
قالت بياناتكم راح توصل قبل لا انتو تستلمون شهادتكم
يعني الي علينا كل يوم نجيك يا بالتلفون او الموقع لمل تطلع لنا ورقه البيانات معبيه راح نقدر نسجل

هذي تجربتي امس بالكليه واليوم بالديوان والله على مااقول شهيد < اهم شي لوووول

شوفي حبيبتي
حتى رفيجتي اليوم موعدها
بس ما قالولها مثلج
تقول انه كل موظفة كلامها غير عن الثانيه
اهي كلمت ثنتين من الموظفات
وحده منهم قالت لها
لما تاخذين الشهاده تعالي انتي الحين ماعندج شهاده مايصير
و الثانيه قالت لها
دام انج تربية اساسيه فبياناتكم اهي توصلنا
و ليلحين ما وصلت بياناتكم لنا
وبس طلعت ...



بس الحين عندي سؤال محيرني
اهم قالولج تابعي كل يوم الموقع او التلفون
لين يعبون بياناتنا
و اذا تعبوا نقدر نسجل
انزين شلون نسجل ؟
يعني انا لي اليوم لما ادش
ماكو بيانات + يحطولي موعدي 23 / 6
ولا لما يروح الموعد اقدر اسجل ولا شلون مافهمت ؟
يعني انتي الحين اليوم موعدج
دشي شوفي شيطلعلج اليوم وباجر ؟
ينشال موعدج وتقدرين تسجلين وقت ثاني ولا شلون ؟
زين التسجيل يصكر 1 / 7 شلون نسجل

 

[أنـوآر الـكويـت]

الملاك

حبيبتي شوفي

الكليه متأخره بالبيانات و الديوان مستعجل علينا
فصارت هاللخبطه

انا عندي اختي اكبر من يوم تخرجت ماصار جذي معاها
لان البيانات كانت واصله للديوان

فشوفي هالجم يوم راح توصل بياناتنا وراح نقدر نسجل بالتلفون او الموقع دايركت

لان الحين حاطين هالمواعيد عشان نكمل بياناتنا لانها ناااقصه بس قالت بنات الجامعه والتطبيقي بتوصل بياناتكم ماله داعي حضوركم

وترا موظفات الديوان مو بعيدين كلش عن موظفات التسجيل كل وحده نفسيتها بخشمها
ومالها خلق نفسها

وان شاء الله الي راحت موعدها ختنطمن بعدها اكثر شصار مثلي او لا؟

 

[miele]

قوة ياحلويين شخباركم
وحدة من رفيجاتي يسيرلها موظف بالديوان يقول بيانات التطبيقي توصل يوم ٢١/٦
فالحمدالله ...نروووح ونشوف شيسير معانا وعلا قولة انوار الكويت الموظفات مثل موظفات التسجيييل ،، خلااص عيل اللي ماتعطينا رد سنع نروح حق غيييرها ليييما يظبط الحظ معانا*