خريجة يديدة و سجلت بالديوان و مو عارفه شالموضوع ،، ياليت تعلموني شسوي ..

[reem0o0o0o0]

اشوه صج مددوااااا فترة التسجيل بالديوان لي 8 يوليو حراااااااام شايلة هم البنات اللي ما سجلووواااا ومايدرون

 

[4eEver]

بَنات الاساسيه .

متى ناخذ الشهااده ؟؟


باجر صح ؟؟؟!



/


وبعد ماناخذ الشهايد شنو المطلوب نسوي !!


بليز جاوبوني .. ترا ماا اعرف شي لوووول

 

[( المـلاك )]

بَنات الاساسيه .

متى ناخذ الشهااده ؟؟


باجر صح ؟؟؟!



/


وبعد ماناخذ الشهايد شنو المطلوب نسوي !!


بليز جاوبوني .. ترا ماا اعرف شي لوووول

انا رحت اليوم ( الاثنين 4 / 7 )
قالتلي الموظفة اللي بالتسجيل
شهاداتكم ليلحين ما وصلت لنا من الهيئة
يوصلونها يمكن باجر أو عقب باجر
فتعالوا الخميس اضمن واحسن

 

[*^ *الليليم]

انا ما ادري انه في تسجيل لووو ما دشيت اهنيه صدفه لاجان مادريت

يعطيكم العافيه بناااااااااات

 

[4eEver]

انا رحت اليوم ( الاثنين 4 / 7 )
قالتلي الموظفة اللي بالتسجيل
شهاداتكم ليلحين ما وصلت لنا من الهيئة
يوصلونها يمكن باجر أو عقب باجر
فتعالوا الخميس اضمن واحسن

اشوآ إني قريت ردج .. كنت ناويه اروح لهم باااجر

عَيل اروح الخميس


مشكورررره ي الغلا ..


/


واللي عندها معلومات عفياا لا تبخلون علينااا :eh_s(7):

 

[بنات حواء2]

هاي وينكم شفيكم طخيتو لا حس و لا خبر
ناطرين المسج
؟؟؟؟؟؟؟؟؟؟؟؟

 

[بنات حواء2]

اشوا انج قلتي لنه لاني كنت ناويه اروح باجر خلاص اوفر وقتي و اروح الاربعاء و ارد لكم خبر
تهقون متى يدزون مسج او يدقون انا بسوي نفسي غشيمه و بسأل الي بتسجيل شنو الخطوات
و بقولكم اي شي يصير وياي

 

[miele]

اي عفيه سألي .. كلنا ضايعين بالطوشه

 

[بنات حواء2]

لا تحاتون بسأل وبقولكم
و انتوا بعد اذا استلمتوا الشهاده سألوا عشان نيمع الحجي و نشوف شنسوي لاني واثقه كل وحده بتقول شي

 

[miss roro]

بنااات استلام الشهايد بس يوم واحد؟؟مثلا اقدر استلمها الاحد الياي بلييز اكدولي لاني ماقدر الخميس؟؟؟

 

[miele]

لا لا مو يوم وااحد .. انتي متا ماجيتي خذيتي شهادتج ... بس احنا شوي مستعجليين

 

[( المـلاك )]

انا بعد باجر ( الاربعا ) بروح الكلية عشان الشهادات
وبقولكم شيصير معاي

 

[miele]

اي خووش

 

[بنات حواء2]

حلو
انا حدي مضغوطه باجر بس بحاول كثر ماقدر
بروح النادي الصبح لاني اليوم مارحت و ضايق خلقي ليش مارحت
و عندي حفله لازم ارجع اسبح بنتي و اسبح و اروح الصالون و ارجع ابدل بنتي
اوف لويه
بس اذا طلعت من النادي مبجر بمر عسريع حد الدوسه
وبييبلكم الخبر و اذا ماقدرت عذروني

 

[( المـلاك )]

قوة بنات

انا توني راده من الكلية
و خذيت شهادتي

روحوا اخذوا شهاداتكم
بالكلية - بالرئيسي - بقسم التسجل
حاطين اوراق عند الباب وكل مكان بقسم التسجيل
انه كل 4 تخصصات لهم غرفه معينة توزع شهاداتهم

انا كنت غرفه رقم 26
من ضمن التخصصات بهالغرفه ( علوم الاسرة و المستهلك - الاقتصاد المنزلي - و بعد تخصصين غيرهم )

المهم عطيهم ورقه اخلاء الطرف مالتج
و يعطونج ورقه وقعي يم اسمج
و بعدين بورقة اخلاء الطرف اللي بتسلمينها بتقولج كتبي اسمج انج استلمتي الشهاده و وقعي يمها بعد

وبس تعطيج الشهاده
وتقولج روحي صدقيها بالعديليه بمبنى الهيئة
وعقبها بالعديليه هناك اهم يقولونلج وين تروحين وشتسوين

بس انا ما ادل العديليه =(
ف رديت البيت
وباجر بروح واشوف شيصير

 

[miele]

حيااااتي مشكوووورة باجر رايحة انا

 

[beauty rose]

السلاام عليكم و رحمة الله و بركااته

انا خريجة كوورس أول و المفروض اتوظف الكورس الثاني بس لظروف ما توظفت
بس كنت مسويه اوراقي جاهزه كلها و مسلمتها لهم ، باقيلي بس مباشرة العمل

المهم شفتكم محتاسين و تبون تعرفون شنو الخطوات اليايه انا بساعدكم ان شاء الله
الاشياء اللي لازم تسوينها الحين :

1- التسجيل بالديوان عن طريق الموقع

2- استلام شهادتج الاصلية

3- اتطلعين 3 نسخ لشهادتج بالعربي من العماده بشويخ ( انا خريجة جامعه الكويت ) مادري التربية الاساسيه شلون
تروحون الاحد 7/10 تطلبون نسخ للشهاده لان الحين ماراح يستقبلونكم
و في رسوم للنسخ خلي معاج 10 دنانير احتياط

4- تروحين لأي بنك تبين ينزل عليه معاشج
انا رحت للتمويل ، تفتحين حساب بالبنك ( حساب لتحويل الراتب )
قوليلهم انج بتتوظفين ، و طلبي منهم
شهادة تحويل راتب


5- بالبيت تجهزين :
4 صور شخصية 4ف6
4 نسخ من بطاقتج المدنيه
4 نسخ من جنسيتج
4 نسخ من شهادة الميلاد
3 نسخ من شهادة الجامعه + الشهادة الاصليه
شهادة تحويل راتب
نسخة من عقد الزواج للمتزوجة


و اول ما يدقون عليج المنطقة يقولون لج تعالي
اخذي اوراقج معاج كامله ، لان اذا رحتيلهم بدون شي
بقولون لج جهزيلنا هالطلبات وانا اختصرت عليكم الوقت

......


بعد ما تسلمين المنطقة هالاوراق بيعطونج اوراق فحص للمجلس الطبي
تروحين لمستشفى الصباح عند المجلس الطبي
بيعطونج اوراق للتحاليل

يبون منج 4 أشياء

-1-

تحليل سكري عن طريق البول
تحليل حمل للمتزوجة عن طريق البول
و هالتحليل تقدرين تسوينه بالمستوصف القريب من بيتكم
تروحين الصبح تسوينه و يخلص اليوم اللي وراه


-2-

اشعه للظهر تسوينها بالمستشفى التابع لمنطقتج
تخلص بنفس اليوم


-3-

تحليل دم تسوينه بالمجلس الطبي نفسه
و الله يعينج عالدور لازم تروحين مبجر
و على فكرة ما يسوونلج تحليل الدم الا اذا انتي خلصتي من البول و الاشعه

و يسوونلج فحص نظر و صدر بالسماعه بالمجلس الطبي بعد


.....

التحاليل يسلمونج ياها بعد اسبووع او 6 ايام
تاخذينهم تودينهم المنطقة التعليميه
و يحطونج ورقة مباشرة عمل و اتداومين على طوول


....


ان شاء الله اكوون فدتكم

و اللي عندها اي سؤال انا حاضره

 

[beauty rose]

نسيت اقولكم الحامل ما تسوي اشعه ديروا بالكم

 

[مسنون أعجان]

بنات صج يقولون في اختبار تحريري قبل التوظيف واذا سقطتي في ما تتوظفين

 

[4eEver]

بناتْ .. يصير آخذ شهادتي يوم الاحد ؟؟!

لإن كلش ما اقدر اروح الخميس !!


بليز ردولي خبر

فيه شهايد الاسبوع الجاااي ؟؟؟