خريجه 2013ومتوههههههقه

[بنوته كوووول]

سلام عليكم بناات
بناات انا خريجه هالسنه ولله الحمد نسبتي حلوه
بس مو عارفه وييين ادش؟؟
كنت ابي كليه العلوم الاجتماعيه بس الكل يقولي مالي مستقبل فيها ولا وضيفه
وفكرت بكليه التربيه بس نسبتي مو 90 يعني ما يقبلوني فيهاشلون
بناااات والله العظيم اني تحطمت مدري وين ادش
حسيب الله علا مدرستنا الثانويه المفروض ايعلمونا ايفهمونا اشلون طريقه التسجيل انزين وين اروح مووو عااارفه
انزين واذا بسجل بجامعه الكويت اشلون اسجل يقولون لازم رقم ومدري شنوو
فهموني اشلون اسجل اكترونيا يعني لازم رقم ولا اشلون واروح للجامعه نفسها ولا بس بالنت عادي

 

[منـآل]

حبيبتي التربيه 91 قبول فوري ‏​بِـسً
كانت 90 ورفعوها هالكورس درجه

اما نسبة القبول الدنيا 85
يعني اقل من 85 ماكو تربيه فجامعة الكويت

والله يوفقج ويوفقنا
ومثل مافرحنا ربي بالنجاح والنسبه الحلوه
نفرح بالقبول

 

[ضــمــاد]

من تجربه , أنا متخرجه وأنتظر الوظيفه ,


# العلوم الأجتماعيه :
تخصصاتها حلوه مثل علم النفس , هالتخصص احبه , لكــن بعد التخرج محد يقبل , الا بطلعة الروح
الا اذا أنتي ناويه تكملين ماستر ودكتوراه , أهني ممكن تصيرين استاذه او دكتوره بالجامعه
بأختصار هالكليه موادها حلوه ( كـ دراسه ) لكن كوظيفه , مستقبلها مو حلوو وعسسسسسر


# أنتي شنو ميولج ؟ اذا تبين التربيه , تقدرين تدخلين كليه سهله وتشوفين شروط التحويل ,
وبعدها أتييبين المعدل المطلوب لتحويل لكلية التربيه



# أهم شي ياقلبي , من أول كورس سألي عن دورات الجامعه , الجامعه تعطي دورات ويعطون عليها شهاده وهالشي ينفعج
لما تتوظفين خصوصا بالقطاع الخاص مثل البنوك وشركة البترول والشركات الخاصه , بالاضافه الى اللغه اذا الانقلش عندج
ضعيف دشي مركز اللغات بالجامعه ,,

للأسف أغلب البنات مو مستفيدين من دراستهم بالجامعه , وبس يدخلون محاضراتهم ويطلعون , وتروح عليهم 4 سنين
وماخذوا أي شي يفيدهم ويقوي الـ c.v , اللي يكتبونه للوظيفه , فأنتبهي لـ هالنقطه

عندج أهم الدورات اللي مطلوبه للوظيفه بالقطاع العام والخاص
- دورة icdl
- اللغه e


للأسف انا عرفة كل هالاشياء بعد ماتخرجة وهالكلام مو بس حق طالبات الجامعه , هالكلام لـ كل الطالبات
سواء بالجامعه او التطبيقي

 

[^^طالبه^^]

اذا نسبتج فوق 85 ان شاءالله يقبلونج
واذا اقل
لاتدشين الا وانتي متأكده بتحولين
لان من شهر
اقرو قرار مع زيادة نسبة التربيه الي 91
ان التحويل تربيه كان 2.67
صار 3.33
ارفعو نسبة التحويل بعد وعلشان جذي هبة عليهم الاتحادات شمعني التربيه حتي الحقوق التحويل 3 موو نفس التربيه
وبتوفيق

 

[Duoi]

لا تحاتين اذا ماتعرفين تسجلين الكتروني مو مشكلة كلمي الوالد او اي احد من اهلج يعرف
انا كلمت عمي وقلتله رغباتي بترتيب واهم حسب نسبتج يدخلونج الكلية
وطبعاً الكلية اللي صج تبينها ودج دشينها
حطيها اول رغبة

واي صح موعد التسجيل يبدا من ١٣-٧
بالتوفيق يالغالية لاتحاتين

 

[FoFa stylish]

اولا صحيح الاجتماعية كشهادة بالمستقبل مثل الصفر على الشمال صعب تحصلين وظيفه زينه و ان حصلتي من الناحية الماديه اصعب الا اذا لج تكملين ماستر و دكتوراه فهي اسهل طريق و اسهل كلية

اما سوالج للتربيه حبيبتي 90 للقبول الفوري يعني اول ما تقدمين السبت يقبلونج اما القبول العادي يعني تنطرين الجرايد او تنطرين يدزون لج مسج القبول فهي اقل شي 85 اذا اكثر يعني نسبج على 88 او اكثر من 85 فانتي بامان و يقبلونج حبيبتي عااادي


و اذا تبين اي سؤال انا بالتربيه سنه رابعه حياج بالخاص لان مو دايم ارد للمواضيع مرتين

 

[أم_فلان_الفلاني]

بنات منو عندها نسب القبول الدنيا للجامعة الكويت

 

[بنوته كوووول]

والله مااقصرتوووا بناات يعطيييكم العافيه
يعني ماتمدحوون العلوم الاجتماعيه عاد والله نفسي فيها
انشاء الله بفكر بالتربيه جامعه الكويت بس بنات شنوو تخصصاتها
وشنوالفرق بين تربيه الاساسيه وتربيه الجامعه؟؟
واي احسن

 

[~ الزيـــن ~*]

التربيه الاساسيه وتربيه الجامعه مثل الشي بالشهاده بس الاسهل الاساسيه

بس دخلي تربيه الجامعه تخصصاتها احلى والاساسيه مسكرين رياض اطفال وفنيه وتصميم واقتصاد

موفقه

 

[MenoQ8]

تربيه الجامعه تقدرين تدرسين ابتدائي متوسط ثانوي الاساسية بس ابتدائي ومتوسط وفي تخصصات بس ابتدائي

بس الشهادة بكالوريوس نفس الشي بس اتوقع اذا حابه تكملين ماستر تفرق الجامعه عن التطبيقي

 

[~ الزيـــن ~*]

لا عادي يصيرر بكليتنا انكمل ماستر

والبدنيه وموسيقى واقتصاد وفنيه وتصميم داخلي وحاسوب يدرسون

كل المراحل والفرنسي ثانوي بس تخصصات معينه الي بس يدرسون ابتدائي

 

[انوفه]

Up

Up

 

[شوق95]

اااااب
موفقه

 

[دانه الكويت 88]

السلام عليكم ورحمة الله

اولا الف مبروك التخريج

حبيبتي انصحج تسجيلين بكلية الشريعه ومستقبلها واااايد حلو ومنها ترتقين بدينج ( دين ودنيا )

مستقبلها الوظيفي وايد حلو عندج تقدرين تصيرين مدرسة بالتربية او مدرسه بالاوقاف واذا تبين تحبين شغل البنوك تصيرين موظفه بالبنوك الاسلاميه او بيت الزكاة
او بالفتوى و التشريع اوو وزااارة العدل ......... لخريج كلية الشريعة وايد مجالات وظيفية

ومنها والاهم ترتقين بدينج لان تعتبر من اهم العلوم ....... ومنها حديث الرسول صلى الله علية وسلم : من اراد الله به خيرا فقه بالدين

وعسى ربي يوفقج حبوبه

 

[فـــخـــر]

اذا ودج بالتربية ادخلي اساسية لان تربية الجامعة مصعبينها شوي رافعين

نسبة القبول ومعدل التحويل ..


* علوم اجتماعية مالها مستقبل بس شي راجع لج ..علوم ادارية حلوة اذا مقدمة قدرات

حقوق اذا نسبتج 86 وفوق ..

وموفقة

 

[ريييووف]

بنات أقل نسبة قبول في الشريعه كم

 

[شوق الوليف]

حبيبتي اول شي مبروك التخرج ثاني شي لا تحاتين حيل ترا الامور سهالات صدقيني بالنسبه لحيرتج انا اقولج اذا رحتي تحطين الرغبات حطي اول شي التربيه وثاني شي شريعه والثالثه علوم اجتماعيه ان قبلوج التربيه خير وبركه لانها حلوة كدراسه وكمستقبل ولله الحمد وان طلع قبولج بالشريعه كليه راااائعه بموادها ودكاترها وبناتها خلوقات جدا وترتاحين فيها باذن الله ولايخرعونج بانها كليه صعبه ومادري شنوو كلللله خرطي لاتصدقينهم اما اذا قبلوج بالاجتماعيه فيها تخصصات حلوة بس ماعرف مستقبلها الوظيفي انا كنت ميته ابي التربيه بس قبلوني كليه الاداب وحولت للتربيه وتخصصت اسلاميه والحمدلله وبالتوفيق لج ولكل الخريجات

 

[~ طـــواري ليل ~]

وعليكم السلام والرحمة

مثل ما قالوا خواتي اللي عن الشريعه
كلية عجييييييييبة ..

نصيحة مني دشيها وبترتاحين والله خوش كلية من دكاترة وطالبات ومستقبل وظيفي وكل شيء
وصدقيني الشريعه سهالات ومو صعبه مثل ما يقولون ..

الله يوفقج وييسرلج يا رب

 

[قدساوية 99]

انصحج شريعه وأدنى نسبة للقبول فيها 82.5 خريج الشريعة صار حاله حال خريج الحقوق في الوظايف وكدراسة أسهل

 

[أحلى البشر]

مالج شغل بالكلام

انتي شنو تحبين ؟؟ هني السالفه