خطبتي!!!!

[أحبه موت]

شوفي حبيبتي لا تزعلين من كلامي بس ترى هذا مايسمونه حب انتي لو تحبينه راح ترضين اتعيشين معاه حتى لو بعشه المهم انتي وياه تكونون مع بعض بس انتي من الحين تقوليين ابي شقه بروحي وابي وابي وابي وااايد قاعده تتطلبين اهم شي ان الي تحبينه يه اخطبج هذا اهم شي ولا الباجي ملحوق عليه واذا على المهر حاولي تكلمينه صار صار ماصار مو نهايه العالم وفي حديث عن الرسول مو حافظته بالضبط بس بما معناته اقلكم مهرا أكثركم بركه الفلوس مو كل شي ويمكن هال 4 ألاف يصير فيهم بركه ويفضل منهم ويزيد اكثر من 6 الاف
وبالنهايه استخيري ولا تتسرعين

 

[عضوة ذهبية]

رد : خطبتي!!!!

حبيبتي اول شي بعاتبج على كلمة " امه السوسة " هذي ام حبيبج ام اللي تحبينة وتغلينه وهو يحبج ويغليج يعني هي بعد الله سبب وجودة والمفروض انج تحبنها من حب ولدها وتعزينها من معزته وبعدين اذا اعتراضج على انج تسكنين معاهم حبيبتي انتي ماعرفتي خريهم من شرهم وصدقيني الجمعة حلوة اذا انتي فرضتي سياسة واسلوب يمشون عليه ويعاملونج فيه وبالنسبة للمهر خليهم يعطونج 4 وفوقهم شبكة بجذي بيصكون السته او اكثر بعد ،،،، ياقلبي لاتسمعين لكلام ومشيحط البنات انا سوالي انا عطاني ترى اخذي وخلي وبعدين نصيحة اذا من بدايتها بتقارنين روحج وحياتج مع غيرج بتتعبين""" والله يفقج انشالله

 

[ياعشيري جعلك السلال]

رد : خطبتي!!!!

تبين نصيحه مني

لا تاخذينه امبيه شنو امة سوسه وبيعطوج 4 الناس تطنز عليج


اقول حبيبتي اذا من اولها تقوليم عن امة سوسه وان امة تمشيه ومو عاجبج 4 الاف ليش تاخذينه !!!

 

[عيش و مرق]

لاتليقفين يمكن لاشافتج الام قنوعه وحليوه اتصبحك بطقم الماس بشئ الفلانى وله ساعه الماس تسوى الافين الى ضايق خلقج عليهم

 

[كراميلا مرة]

انتي تفكيرج مادي
ولا حمدي ربك انه الولد تكلمين وجا يخطبك وبعد تتشرطين

 

[نتوفه]

انا اشوف ان ان شاء الله هالـ 4 اللاف فيها بركه وتكفيج وماعليج من رفيجاتج قولي معطيني 6 شفيها الحجي ببلاش
واذا تبين زياده قولي له ان انت واعدني بـ 6 قول لاهلك انا ابي ازيد عليها من خاطري الفين عشان تصير 6 اللاف
واذا على السكن فكري فيها من ناحيه ثانيه
انج مو بروحج وغير جذي راح تصير لج شقه مستقله والاهم ان بدون فلوس يعني ماتدفعين اجار حلوووو والله
واذا كلش كلش نطري جم شهر وقولي ابي شقه بروحي

 

[bambena]

رد : خطبتي!!!!

عادي قولي اشكره انا مابي اقعد عند حموله اهم شي راحتج واستخيري

 

[أعشق رجلا]

رد : خطبتي!!!!

حبيبتي التوفيق من الله ولا تصدقين كل وحدة تقولج عن مهرها
ما شفتي بعينج شي !
أنا أقول صج المهر ما يكفي بس مو مشكلة تقدرين تزيدينه وأهلج ما راح يقصرون انشالله
الأهم الريال اللي شاريج وانتي تحبينه واهو يحبج
صدقيني يا ما ناس تمنوا يتزوجون عن حب بس ما صار
لا تتسرعين وفكري عدل واللي يحب صج يتحمل كل شي حتى أمه تقدرين تكسبينها بس اذا هو ما عنده شخصية هذا شي ثاني
الله يوفقج ويكتبلج اللي فيه الخير وعلى طاري أمه
وصج أنا أعرف وحدة خذت اللي تحبه وبعدين إكتشفت أن شوره مو بيده وكل شي بيد أمه ولما صار موقف عادي بينها وبينه وقالت له أمه طلقها بلحظتها طلقها
يعني ماكو حب
فكري بعقلج
في زواجات ناجحة وفي زواجات فاشلة
والله يوفقج

 

[lolab]

تبين الصراحة وبدون زعل؟ اللة اعين الي بياخذج....من اول شي امة سوسة ومن اول شي شروط برة ومهر عييب حبيبتي الكويتيين مايشرطون بالمهر الي يعطونج اياة ترضين فية ويمالج بعدين من الخير واسمحيلي لاتزعلين واللة اوفقج

 

[هنـــد]

امبيه شلون تقولين عن اهل زوجج جذي ؟

قبل لا تدشين بيتهم ومتحامله عليهم جذي

اول شي اشك انج تحبين خطبيج لانج اذا صج تحبينه راح تحبين اهله وتحترمينهم

ثاني شي اذا البيت فاضي وبيحطون لي شقه احمد ربي واشكره في بنات يسكنونهم بغرفه وحمام وانتي بكرامه

وعالمهر يمكن مايقدرون اكثر من 4 الف وشعليج من رفيجاتج كل واحد ينام عالجنب اللي يريحه واكيد امج وابوج راح يزيدونج ويوصل حق 6 الف اذا هالدرجه مستحيه من الـ 4 قوليلهم 6

وارد اقول اذا صج تحبين خطيبج ماتفكرين جذي اللي يحب صج حتى لو يعيش معه بعشه وهذا رأيي

وقبل كل شي صلي صلاة استخاره احسن لج

والله يوفقج

 

[تبطي عظم!]

انتي تبينه ولا تبين الشقه والمهر !!!!

 

[مارياq8]

رد : خطبتي!!!!

حبييتي فكري بعقلج مو بقلبج

واذا تشوفينه مناسب ويقبل شروطج اوكي

اعتبريه شخص خاطبج حاله حال اي شخص

وافرضي شروطج عليه

 

[*يارا*]

شكلج مو مقتنعه فيه

استخيري وغذا متضايقه من القعده معاهم وحاسه أن ما عنده شخصيه

لا تخربين حياتج - ولاتعسين حياته

الله يوفقج

 

[bnt_7waa]

امبييه انتي نرفزتيني

حرام عليج تقولين عن امه سووسه !؟؟
هذا وانتي تحبينه وجذي استغرالله يااارب

تعوذي من ابليس وانا اقول لاتغرج المضاهر الي صج يحب يحااول يضحي

تخيلي لو درا عنج انج تتكلمين عن اهله جذي

 

[بنت الاحلام]

مع احترامي لج اختي

احس انج انسانه سحطيه كل همج المظاهر والناس

وكلام الناس

ما احسج شاريه الرجال وفعلا تبينه


هذا وجهت نظري لان طريقه كلامج مبين انج انسانه سطحيه كل همج فلان وعلان

 

[Kocheko]

سمعينى حبيبتى سالفه المهر مشيها مب مشكله .... يمكن ريلج ما عنده .... ومادام يحبج ووصل لبيتكم حمدى ربج الف مره فاليوم
بس سالفه السكن ... انا وحده ضد السكن مع اهل الزوج ......... ما بترتاحيييين صدقينى ... هالشئ تناقشى فيه مع خطيبج بهدؤ وقنعييييه ...
وهاى حقج

 

[Lemon Juice]

اخوي توه متزوج كاهو قاعد عندنا بالبيت .. ليش يطلع برا وبيت ابوه ما شاء الله كبير وفيه مكان راهي يسكن فيه

والمدخل بروحه ما نشوفها ولا تشوفنا الا عند مواقف السيارات

بسيطة تقدرين تقولين لهم أبي مدخلي بروحي وتصيرين جنج قاعده بشقه برا

واذا على المهر ماني شايفة أكو مشكله , رفيجاتج شي وانتي شي ثاني

ما نقارن نفسنا بغيرنا

يمكن اهما هذي قدرتهم المادية , لا تنسين الصبي يشيل ويحط ويأثث مو معقولة بيحط كل فلوسه للمهر

4 آلاف خير ونعمة

عالعموم انتي أبخص بنفسج واذا حاسه منتي مرتاحه من أمه أو من اتفاقهم تقدرين ترفضين دامج ببداية المشوار

بس قعدي مع نفسج وفكري عدل قبل الرفض أو القبول وشوفي أمه وخواته مره ثانيه وسولفوا يمكن تتوالمين معاهم

لا تشدين ولا تحطين براسج أفكار سلبية

اخذي الموضوع بهدوء , وأبـداً لا تقارنين نفسج برفيجاتج أو أي أحد

الله يوفقج ويسّر أمورج

 

[EnGiNeeRa_92]

رد : خطبتي!!!!

حبيــبتــي أول شــي أتمنــى انــج تقطعيــن هذي العـلاقـه اللـي بيــنكـم ، حــرام يالغاليــه حــرام والله
بالقــرآن نــص صــريــح ( ولا تـواعــدوهــن ســرا ) ..

ثــانــي شــي اذا انتــي عاجبــج الولــد وحـابتــه من قلبــج وحـاسـه انـه ما يتعوض ،لا تحطيــن كــل هالعوائـق جدامج ، و صـارحــي خــالتــج قوليــلهــا بطــريــقـه حلــوه ان اذا ما راح يعطــونــج شــقــه يـزيــدون مهــرج جذي يصــير (fair)
أو خــلي هالكلام بيــن امــج وخـالتـج .. بــس ترفضــين الصبــي اذا كـان عـاجبــج ..

مــرة ثــانيــه انصــحج نصيــحــه حبيــبتــي وخــري عن الحــرام ، وكـا الحلال عنــد بــابج ..

استخيــري والله ييــيب اللي فيــه الخــير ، يالله يــرزقــج بالزوج اللي يصــونج ويســتــر عليــج ويحطــج بعيــونـه وكــلنـا معاج :eh_s(22)::eh_s(17):​

 

[blue diamond]

خلاص قولي حق رفيجاتج انج مهرج 7 آلاف حتى لو كان ألف اهم اشدراهم

 

[مليت من الاسامي]

وشفيها لين سكنتي ابيتهم
هذا انا بيت حمولتي ومراح اطلع بشقه بروحنا ولا افكر لانه اصلا لطلعت بلحالي راح اطفش
بيت حمولتي وناسه كلا جمعه وسهر وضحك وسوالف
هو لابد من المشاكل بس حتى لاطلعتي بروحج مراح تخلصين من المشاكل
ولاتحطين ابالج من الحين انه ماله كلمه وان امه سوسه بعدين بتكرهين نفسج فيهم والعكس
خلي نفس حلوه وماعليج من ربعج مهرهم 5 6 4 مو مهم الاهم سعادتج والاهم يكفيج ولا لا مو ربعي 6 شكوو بربعج جذبي وقولي لهم 6 ان كان على ربعج