خطبني بس مشكلته مشكله !!!!!

[Miss.KSA]

اسمحي لي ماعندك سالفه ابد ..؟؟
لو انا مكانك ابوافق بشرط يكون كويس واخلاقه زينه طبعا

وااانا مره مستغربه منك؟ بذمتك هذا كلام ترفضين رجل علشان اسمه؟؟؟!!!!
اذا الرجال كويس واخلاقه كويسه توكلي على الله بلا دلع
وان كان على الأسم مو ذنبه ذنب اهله اللي سموه ..

حبيبتي ترا مايجوز اللي تسوينه
(إذا أتكم من ترضون دينه وخلقه فزوجوه)
ترا مو عذر ابد اللي تسوينه

موفقه

 

[جاي الضحى]

السلام عليكم؛



شخصيا اشوف الحرص إن يكون إسم الزوج إسم حسن ومقبول شي مهم ماهو شي سخيف ولا هو شي سطحي.
الاسم اهو تعريف للناس مو فقط للفرد نفسه ولكن العيال بيحملون هالاسم و بصير جزء من تعريفهم و هويتهم.
ولو ما الاسم شي مهم جان الرسول عليه الصلاة والسلام قدوتنا الحسنة ما وصانا بقوله
{ إنّكم تدعون يوم القيامة بأسمائكم وأسماء آبائكم، ألا فأحسنوا أسماءكم } .

وفي شي ثاني ودي أقوله إسم الولد يعكس ترى فكرة عن إسلوب تفكير الأهل والولد وقناعتهم واولوياتهم.
يخليج تفكرين ليش سموه في هالاسم وليش تم راضيي فيه؟!!
وأنا مو متعاطفه معاه لأنا أشوف شي إختياري وقابل للتغيير مو قاعدين نعاتبه على شي اهو ما يقدر يغيره.


انتي المحيطة بالعلم في ظروفج ورغباتج وعارفه الاسم لا تستهينين في قناعتج ورغبتج.
جسي النبض في ردت فعله في إسمه وهل اهوله نية تغيره؟ هالسؤال راح يكشفلج الكثير عن نفسيته وقناعته واسلوبه.
ودي أعرف شنو راي أهلج؟!

في رأي الزواج إختيار و البحث عن الانسب مع العلم إن الله موزع الرزاق والأزواج بس الواحد يبذل الأسباب ويجتهد وبعد الاجتهاد يتوكل على ربه سبحانه. أدعيلج إن الله سبحانه يدزج للي فيه الخير لج أيااً كان.






​

 

[الأmـاكن]

جاي الضحى


تدرين كلامك ورايك حيييل حييييل ريحني ..!!؟؟
مادري انا حسيته من تمسكه بهالاسم أنه هالانسان شخصيته قويه ..!!
والدليل أن هالشي ما أثر عليه نهاااائي ..
اممم بالنسبه لـ راي أهلي .. أمي عليها تحفظات قالت : أخاف انهم من النوع المتحجرين ..
وأخاف الولد شخصيته قويه بزياده .. اللي ممكن أنحرم من شغلات كثيره لو خذيته ..
مادري أنا للحين أفكر ..
و 70% أنا رافضه ..

وتسلمين حبيبتي ..

 

[جروح خالده]

ياابوي شووفوا اعذار البنات

ماتبي تزوج انسان كامله بالمواصفات الزينه عشان الاسم

ياابنت الحلال احمدي ربج في غيرج صك الثلاثنين مولاقيين رياال لو مزوج وعنده اعيال
لاتتامرين علي ربج احمدي ربج واذا كان زين وافقي
عسي ربي يووفقج

ويرزق كل بنت محرومم

 

[manhattan girl]

ما تدرين حبيبتي لي عشتي معاه و شفيته ريال بمعنى الكلمه انتي بنفسج بتحطين اسمه بكل مكان و تنادينه فيه و تدلعينه يا قلبي الرجال مو مناظر الرجال مخابر و توكلي على رب العالمين و بعدين الاسم ما يعلي من شان صاحبه الصاحب اهو اللي يعلي من اسمه و يخليه فوق لي درجة ان كل من يسمع باسمه يقول و النعم فيه

 

[دااانوه]

بليز حبيبتي ممكن ترسلين لي الأسم على الخاص عشان احط نفسي مكانك و احكم على الاسم


ارحم الناس اللي يسمونهم اهلهم اسامي عجيييبه غريييبه

 

[اميرة-الاحجار]

عفيه صار فيني لقافه ممكن تقولين الاسم ؟؟؟؟؟؟؟؟؟؟؟؟؟؟

 

[أم جوني]

حبيبتي صارلي يومين أقره موضوعج وحاشني أبو الفضول طول الليل أفكر باسم غريب ويضحك ودلعه من حرفين صار لغز مو اسم ريحيني وقولي اسمه دزيلي عل الخاص وهم أرد وأقولج الريال بأفعاله مو باسمه يمكن اهو عاجبه اسمه وانتي اذا خذيته تقدرين بحنكتج وذكائج تغيريين اسمه (إن كيدهن عظيم) والريال نفس اليهال من السهل تتحكمين فيه سألي مجرب بس عفيه قوليلي اسمه أدري اني ملقوفه حيل بس والله الفضول ذبحني

 

[nono78]

شنو اسمه يعني

توفيق
حمدي
حماده

؟؟؟؟؟؟؟؟؟؟؟؟؟؟؟؟؟؟؟؟؟؟؟

صار فيني فضول ابي اعرف اسمه

 

[غير كل الناس]

الاسم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اذا الرجل زين لاتضيعينه علشان اسمه

 

[G!RLY-PAci]

تدرون ان مرة واحد خطب بنت خالتي شسمه؟؟؟
اسمه ((عادي))
اي اسمه عادي هههههههههههههههههههههه
امبيه شنو يعني يقولولج شسم ريلج تقوليلهم عادي
هههههه

 

[جميله وجذابه]

عندي كلمه بوجها لصاحبة الموضوع (الأmـاكن)

من خلال تجربتي بالخطبة والزواج ومن خلال تجارب وايد ناس اعرفهم اقولج ان اهم شي بالزواج الراحه النفسيه و على هالاساس تتم الموافقة او الرفض

يعني اذا نفسيتج حاليا مرتاحه من هالزواج توكلي على الله و اذا حاسه انج مو مرتاحه معناها انه مو من نصيبج

و ابي اقول للبنات الي يقولون حرام ترفضينه و غيرج يتمنى

الزواج قسمه و نصيب و الي ربكم كاتبه و يصير و كل وحده لها حق الاختيار و هل لأن غيري يتمنى اقوم انا و اوافق على اول واحد يتقدملي من غير تفكير؟ لا طبعا اكيد بفكر وبفكر و بختار لأن هذا زواج مو لعبه

انا قبل لا اتزوج رفضت ناس من غير سبب او لسبب تافه مع ان كل شي فيهم زين بس سبحان الله مو مرتاحه نفسيا و لأن الشخص الي ياي مو من نصيبي علشان جذي ارفض و ما احس بالراحه الى ان ييه اليوم الي تقدم لي زوجي والله كنت موافقه من قبل لا اشوفه حسيت بالراحه من قبل لا اشوفه و سبحان الله شفته و ارتحتله اكثر لأن هذا نصيبي والله كاتبلي ان هالشخص يكون زوجي و مو بس انا اغلبية الي اعرفهم نفس الشي يحسون بالراحه و احساس غير عن كل الي تقدمولهم قبل و ابجذي تتم الموافقة والزواج والله يرزق كل البنات بالازواج الصالحين و يوفقهم و يوفقج يالاماكن

 

[MissChoco]

السلام عليكم ,,


حبيبتي شوفي بنصحج نصيحه لوجهه الله.. اول شي انتي صليتي صلاة استخاره قبل لا تحطين الموضوع؟؟ اذا ماصليتي, ابيج اتقومين واتصلين مره ومرتين وثلاث وشوفي وراها ارتحتي او شي عادي او يتلج ضيجه؟؟
مابيج اتقولين يتلي ضيجه وهالضيجه من اسمه؟؟ ابي تشيلين فكرة الاسم وتخيلي اسمه أي اسم وفكري فيه بدون ماتذكرين اسمه وصلي وشوفي

ثانيا ياحبيبتي الريال مايعيبه شي ماشاء الله مهندس ,, وعلى قولتج متمسك باسمه يمكن قوي شخصيه, ترا مو شرط؟؟ يمكن اهوا يقول بغير اسمي بعد ماتخرج او يمكن قال بعد ماتزوج! او يمكن قال خلاص راحت علي والكل عرفني على هالاسم .. او ابوه مسميه ومايبي يكسر فيه


ثالثا,, اهوا مو واقف عليج , ماوافقتي راح لغيرج, ونصيحه لا تحسفين دامج مرتاحه لا تخلين الاسم عائق لج ..


وياحياتي الحين شوفي البنات الي ماتزوجو فوق الـ25 والـ30 ولا بعد بنات يهبلون والنعم فيهم بس ماكو نصيب ,, وانتي لا توقفين نصيبج بيدج عشان اسم ..

اليوم كلهم بيضحكون على اسمه ,, باجر بيصير الشي عادي وبيحسدونج !! على اساس انه مهندس والنعم فيه وان شاء الله يقوم فيج واهني الناس بتنسى اسمه وبتبطل عيونها بس على شنو سوالج وشنو يابلج و وين وداج!!

لا بعد يمكن جم سنه بيغارون منج يمكن رياييلهم شهادتهم عاديه وانتي ريلج مهندس !! ,,


والله العظيم انا اول شي نفسج حطيت نفسي مكانج وقلت لا ما اوافق بدون تفكير ,, بس لمن فكرة قلت حرام لو انا مو متزوجه يعني معقوله عشان اسم ارفض ,, بالعكس فكرة جم سنه جدام الكل بيتعود على اسمه بس محد راح يسنى انه مهندس وبيحترون
والي بيطنز عليج ويقولج لا تاخذينه ترا هذا عدووو!! محد يحبج ومايبيلج الخير والله ...



حبيبتي باجر انتي بتغيرين اسمه وحتى لو ماغيره باجر بطبعه وبتعامله وياج وان شاء الله اذا يبتي عيالج بتنسين انه اسمه يفشل




نصيحه مني لج فكري واستخيري وشوف نفسج

 

[هاناا]

الاسم دام انه ما يحتوي لفظ بذي او سب


وافقي


غرابه الاسم ما تمنع انج تتزوجينه و راح تتعودين على الاسم



وايد ناس زينين اسمائهم غريبة مثلا على اجدادهم بس هالشي ما ينقص منهم

 

[مناوي]

كلام شاي الضحى حلووو .. بس انا اشوف ان الرجال ما يعيبه اسمه اللي يعيبه جيبه واخلاقه .. انا بحكم شغلي مرت علي اسامي لا تخطر على البال ولا الخاطر وكنت اسال نفسي مثل البنات ليش سموهم هالاسامي وهم رياجيل كبار وشباب وعاااااااادي عندهم تبيني اذكر لج اسامي يمكن تقتنعين باسم اللي متقدم لج عالخاص لان الاسامي غريبه وسبحان الله اخاف احد يعرفهم .. لكن فكرررري فكررري وفكرررري ولا تتسرعين حطي لج خيار ثاني لو تقدم لج واحد لا شهاده ولا اخلاق بس اسمه حلو ؟!! شنو بينفعج فيه .. اسمه بينفعج !!
وبالاخير محد ياخذ الا نصيبه اذا مكتوب لج بتاخذينه لو شنو كان اسمه .. والله يوفقج

 

[bnt_7waa]

اذا الاسم فيه عيب او قله ادب لا بصراحه مراح ارضى
لان عيالي باجر يشيلون اسمه

 

[DốǾốDї]

من صجج حبيبتي

امم على حسب الاسم اذا ينبلع او لا

امبيييه ياني فضوووول حيييل بعرف شنو الاسم !!!!!!!

بليييز بليييز قوليه عالخاااص خل اعرف شنو اهووو

 

[Mazyoona]

اذأ اسمه غريب و من جد يفشل كان غيره من زمان
بس لأانه تمسكه باسمه فيه فخر بشخصه و ثقة بنفسه
فهذا شي لا يعلى عليه. يا زين الريال لا كان واثق
و عارف خطواته. و انتي تقولين تخافون شخصيته
قويه ليش هذا شي يخوف، و لا انتي ودج ينقال عته
بيوم سكانه مرته!؟ شي طبيعي الريال شخصيته تكون قوية
بالعكس أحلى!

يا بنت توكلي على ربج و وافقي و لا تعذرين روحج بأعذار مالها داعي!

 

[حبيب قلب زوجها]

وبعدين حزر فزر تكفيييييييييييييييييييييييين قوليلي اسمة على الخاص

 

[فرااااولة]

وااي لعبتي باعصابنا
انزين ساسريني وقوليلي الاسم.. لوووول

ممكن تشرطين عليه يغير اسمه
بس خوفج اذا قلتيله يحز بخاطره ويهون عنج!!
فكري عدل وسئلي اهلج اهمه اولى بنصيحتج