"خطواتج برسم حواجبج...تعالي شاركينا"

[Roty]

قوة بنات

موضوعي اليوم حابه نتكلم فيه عن الحواجب طبعا كلنا عارفين الموضه الحين ان نبرز حواجبنا بالميك اب وصار شكلهم مهم
*
في وايد منتجات نزلت للحواجب منها
شدو*
مسكرا تفتيح
اقلام

ياليت كل وحده تقول طريقتها وشنو الادوات اللي تستخدمهم مع ذكر الماركات وارقام المنتج عشان الكل يستفيد

مثلا امس كنت فدبنهامز شفت ماركة بوبا عندهم مسكرا حواجب 3 انواع
شفافه وذهبيه والاخيره لونها تقولي بني بس انا ماقتنعت حسيت لونها زيتي شوي

انا حواجبي لونهم اسود ودي افتحهم شوي يعني ودي مسكرا لونها بني ياليت تفيدوني

بنات ياليت يكون في تفاعل*

المايك لكم**

 

[وحيدة امى]

انا معاج ادور حل فوق

 

[Roty]

وحيده تابعينا حبي


انا ببدي اقولكم طريقتي
بس ودي اغير لون حواجبي بس ليلحين ماشريت مسكرا

استخدم شدو حواجب بولونين من بدي شوب
وقلم حواجب من ميك اب فور ايفر رقمه ٥
ومرات مودايما احط مسكرا شفافه من مكياجي

 

[الجليله22]

بالنسبه للي حواجبها خفاف انصحها بتاتو ميك اب فور ايفر رقم ٣ مو طبيعي يابنات فظيع وثابت ماعليج الا انج تمشين فوق حاجبج برسمه حلوه والله يابنات انا ما احف ولا اشقر بس استخدم هالتاتو وحواجبي مرتبه حيييييل

 

[Sparkle]

Eyebrow tutorial using Mac products​

Mac eyeshadow- Handwritten
Mac 263 brush
Mac 204 brush
Fix +
Benefit – it stick​

أول شىء أرش فكس بلاس على فرشة 204 مرات اذا حواجبي صج معفسين أرش شويه من بخاخ الشعر​

فرشة 204 من ماك(الي على اليسار) اذا ما عندج اياها أي فرشه ماسكره قديمه أو فرشه الي بطرفه مشط للروش
تم تصغير الصورة. إضغط هنا لمشاهدة الصورة بحجمها الطبيعي 670x251.
كونسيلر مو ضروري نادر أستخدمه
​

أخذ فرشة 204 وأكون راشه نتفه وأمشط حواجبي بشكل الي أبيه
​

أختار فرشة للحواجب وهذي مجموعتي من ماك

208 على اليمين و 266 بالنص وال 263 على اليسار الفرش بالشكل ونوعية الشعر أنصح بال 266 و 263 أحلى شىء للحواجب​

أختاري لون شادو أنا أحب بودرة بودي شوب وشادو من ماك اسمه Handwritten وفي شادو Embark و espresso همن حلوين للحواجب على حسب لون شعرج وشنو يناسبه​

بستخدم 263 ويا شادو handwritten
​

أبدي أرسم وأملي حواجب من النص لي النهايه وأترك بداية الحاجب حق أخر شىء

​

أخلي بداية منبت الحاجب اخر شىء ويفضل يكون لونه أفتح فأستخدم ما تبقى بفرشة الحواجب بدل
​

​

​

ورا الرسم اذا حسيت شكله أوفر ولا بعدل في الشكل أخذ عود أذون اب شويه مزيل مكياج
​

​

ووراها أوزع كونسيلر حوالي الحواجب تكون بارزه بس نادر أسوي هل شغله بس حبيت أضيفه

أوزع اب صبعي أو فرشه
​

 

[Sparkle]

أنا كله أغير طريقتي على حسب لون شعري والمكياج الي بسويه

 

[أريد حلا]

بنات بما ان الموضوع عن رسم الحاجب بسألكم مسكرة الحاجب شنو فايدتها نفس القلم الحاجب ولا شنو ؟؟
اللي يرسمون حاجبهم باللون الاسود او يضبغونه بشع بذات المنقبات اللي معانا بالجامعه موحلووو صج راسمينها والخ بس مبين غصب
حتى اللي يتمكيجون مساكين ما عندهم شعر حواجب او في البعض تشيلهم وترسم قلم فاشل اللوك للي يدقق ،،
بالنسبه لي استعمل قلم بودي شوب نايس وعندي قلم حواجب جورجيو ارماني يعطي لوك طبيعي وبعدها بفرشة الحاجب اوزع اللون
حواجبي من غير لون حلوين مشاءالله وشكرا​

 

[غرام 20]

انا كل يوم لي حواجب بس الحين خلاص راح اسوي جاينيييز بس اللى موحليل مرتفع مرتب
وللاسف الصالونه لازم تسوي حواجي غلط يعني واحد نازل وواحد مرتفع ماتضبطهم
انا برسمهم بالبيت واروح لها تحفهم وتصبغهم

 

[ام سعود ديكسون]

انصحج بتاتو فورايفير رقم ٣ بني غامج
أنا افتحه اخلط البني بدرجة افتح منه اضطريت اشتري تاتو فورايفير بدرجة افتح لزوم الخلط
رقمه ١ او ٢ ما اذكر بس الهبة الحين حواجب مايا دياب

اذا مو مرتبين حدديهم اول بقلم مايبلين الاخضر اللي يفتر >>بني بتالي ظلليهم بتاتو فورايفير

الفرش مو وايد معترفة فيهم لان التاتو معاه فرشتين ايزوون و يوفون شزينهم
وحتي شدو بودي شوب معاه البرش الخاصة فيه >>> أنا كنت استخدمه بس مليت

و عندج ماسكرا girl boy من ماك بس التاجرات يوفرونها لج
ما تنباع بماك الكويت >> أنا استخدمها اذا بغيت افتح حواجبي مو بطالة

مو مهم شنو ترسمين فيه
المهم لا تطلعين وحواجبج مغبرة
ترا الحاجب مركز جاذبية بالويه 

 

[Roty]

مشكورين بنات على التفاعل
سباركل مشكورة عالمجهود
ام سعود ودي مسكرا للحواجب بس محتاره مادري اي درجه اخذ من بوبي براون لان بوبا عندهم البنيه لونها بايخ

 

[مزيوونة]

اب اب

 

[MiSS B.K]

ااااااب

 

[وحيدة امى]

مشكوره حياتي

 

[looksh]

رووووووووووووعه

وشكرا لج ​

 

[ليدي غاده]

ارسم حواجبي فرشاة بوبي براون
المشطوفه اهي للكحل الجل بس انا استخدمها للحواجب
ابلها بشوي فكس مع رشو فكس ع شدو بني من مالك لان شعري اسود
وارسم خط مستقيم للحاجب من تحت و بعدين من فوق وما انسا الكسره
حراجب سيده اخرها كسره
بعدين اعبي الحاجب
احط اضا من بدايه لي نهاية الحاجب وامشط بدايه الحاجب بفرشاه الحواجب مع شويه سبريه
مثل حواجب قمر

 

[ملوكـه]

احسن تاتو من فورايفر


وبجررررب مااك يمدحوونه

قبل كنت اشقر واخلي الصالونه ترسم لي
طلع مو شي

 

[Roty]

بنات مشكورين عالاب


ليدي غاده وملوكه مشكورين حبايبي عالشرح الحلو مثلكم

 

[احآسيس هآدئه]

روتي حبيبه ئلبي دنتي هوون


انا حواجبي اسود
اتعب لما ارسهم خصوصا نهايه رسمه الحواجب
يبي لي كورسات عشان اضبطهم اضبط حاجب وحاجب لا خخ
بطلت سالفه الصالونات ماتعرف ترسمها لي زياده تخلي حواجبي اسود زياده عن لونها الطبيعي

طحت على ميك اب فور ايفر رهيبه اعرف ارسم بالفرشه السميكه
والحين حالياً استخدم قلم ماك بني غامق وبرضو حلو

 

[شندوخه]

انا ماشاءالله حواجبي ثقيله
مرات بس امشطها بمسكرا مخلصه عندي مخليتها للحواجب
واذا مكياجي قوي لحفله او عرس استخدم جل لاينر لونه بني غامج وخفيف وايد حلو للحواجب كل من يسألني شلون راسمتهم
وللاستخدام اليومي استخدم elf هذا وايد حلو وتحسفت اني ماشريت علبتين منه لانه بامريكا رخص التراب ينباع بدولار يعني 300 فلس

 

[AyO0N 3ZOZ]

انا اسوي حواجبي مثل هالطريقة
تعلمت منها صراحه اصلا مكياجها رووووعه هالبنت

http://www.youtube.com/watch?v=SYB8MbD9lZs&list=UU_LnXx20STcanYPawda95HA&index=27&feature=plcp


استخدم باليت للحواجب ماركة مكياج روووعه