خط الوطنية

[بدويـــة مودرن]

مرحبا بنات بغيت أسألكم عن خط الوطنية حق الانترنت:ggdw: قالولي تشترينه من مجمع الكوت اللي مجربته تقول لي سريع أو لا وشنو قالولج يوم رحتي تشترينه.:klhfl: وبـــــــــــــــــس شكرا

 

[BaTTy]

الاغلبيه ما يمدحونه مو بكل مكان يشبك و وايد يقولون يعلق و يصير بطئ
انا انصحج بزين انا استعمله و رفيجاتي و بنات عمي كلنا مرتاحين عليه
بنت عمي وحده شرته و والله تقول ياليتني ما خذته ما عنده شغله الا يعلق و يوم بتكنسله لازم تدفع فلوس شكو مادري
عموما اهوا مو بس بالكوت كل افرع الوطنية عادي

 

[روج كرزي]

هلا حبيبتي ..

في فروع كثيرة للوطنية عندج ... في الفروانية عند الجمعية وفي بالجابرية وفي بالمطار وفي وفي ..
المهم ..
انصحج .. لوجه الله لا تشترينه ..

أولاً : كل شهر ياخذون 28 دينار ,, خلينا نكون صريحين .. غاالي .. بالسنة يعني اكثر من 360 دينار ..
والوصلة سعرها 9 دنانير ( كان عرض ) ..

توقعين على عقد انهم يمشون لج اشتراك بواقع 28 دينار كل شهر سواء دفعتي او ما دفعتي بيمشي معاج مدة سنة كاملة يعني اذا ما دفعتي شهر او شهرين اكييييد بيتكود عليج >> نفس الاقساط ..

بالنسبة للوصلة تحطين فيها خط وطنية ( يعتبر خط فواتير ) واذا احد شال الخط وراح يتصل ويتكلم ويمسج منه بيحسب عليج ( فوق الـ 28 ) .. يعني تخيلي لو انسرق الخط ...! الله يكون بعونج .. والله خايفة الخدامات يسرقون الخط ..

ثانياً : مو بكل مكان يشبك .. عندج الاماكن المغطية تصير السرعه حييييل بطيئة .. ووراني مخطط بيتنا وقعد يقول لي هالأماكن ماتقدرين تشبكين منهم .. يعني السرعة تصير ابطئ ... وااغالبية يكون سريـــع

ثالثاً : احياناً اكون شابكة شحليلي وقاعدة احمل برامج فجأة يفصل بروووحه ..

هذا اللي عندي لج وانتي بكيفج ..

وسمعت ان زين احسن بمليوووووون مرة .. وسعره اقل ..

ربي يوفقج

 

[CANDLES]

انصحج بوصلة زين وايد احسن من الوطنيه .. والاسباب اذكروها البنات ماقصرو

 

[أميرة الحلا]

اناااا اشتراااك الوطنية

كلش مو زين يعلق وحده بطئ

انصحج زين وبس

 

[Loyalty]

بالعكس وايد زين انا مسويته بالمطار وسريع

 

[Bella^^swan]

والله انا شغال معاي عال العال ..

 

[إستبرق]

وييييييع الوطنيه اررررررف انا كان عندي فتره طويله ومايترقع كلش كلش والي مايترقع اكثر الدعم الفني يعني يي وقت مايشبك نتصل عليهم وانقولهم المشكله ويقولون نرد خبر وعمك اصمخ الحين صارلي فتره حاطه اشتراك زين صج يهببببببببببل فرق فرق مو شوي نصيحه حطي زين

 

[شوشو الكويتيه]

انا ماشى معاى تمامممممممممممممممممممم

 

[بدويـــة مودرن]

مشكــــــــــــووووووورين يا أحلــــــــى كويتيات فديتكم والله....بس انا اقصد خط الانترنت اللي تشترينه وتحطينه بتلفونج وتشبكين فيه عن طريق الوصلة اللي لما تشترين التلفون يكون فيه واير تركبينه بالجهاز .وسعر الخط دينارين واشتراكه كل شهر13 ديناار
يسسسسسسسسسسلموووووووووووووووووووووووووووووووو

 

[Loyalty]

اي انا مسويتها بـ13 مادري بـ14 وايد سريع

 

[شـروقـه]

السلام عليكم ورحمة الله وبركاته

أختي أنا أنصحج للوجه الله لا تشترين لأن موشي للأسباب نفسهل إلي ذكروهل الصبايا ..............موشى أنا مفكر أغير إشتراكي 14بحول زين وايد أبرك