خــدمة لو سمحتوا (الترمس)

[فوشية]

:eh_s(2): صباح الحب والخير لأحلى بشرر

ومبارك عليكم مابقى من رمضان

سامحونى اذا حطيت الموضوع بمكااااااااااان غلط

بس ياريت تساعدوني,,

انا صارلى شهر ادور على الترمس ((الكوب الحرارى)) اللى يكون على ماركه

وحبيت اسألكم إذا تعرفون أحد يبيع ........... :lkmnkl:


:eh_s(4): على فكره رحت كارفور ورحت ايكياااا بدور على كوب حراري عااااااااادي مالقيت

واختى تقولى اشتري اللى ينباع بستار بوكس بس مااابي :eh_s(2):

وشكرا​

 

[A7la 7la]

اتوقع بستاربكس احسن شي ...

بس انا دايمآ اشوفه بالمحلات اللي يبيعون اغراض المدرسه .. يكون موجود ..وجنه شفته بجمعية بس نسيت اي جمعيه ...
بس ماااادري عاد ماركه ولاخرطي ؟
فالاضمن اخذي من ستااربكس..

 

[فوشية]

مشكوره قلبي فديتج انااااااااا

 

[أم ناصر البحرين]

نصيحة لا تاخذينهم من ستاربكس
أنا شريت نوعين من عندهم والاثنين أردى من بعض
الأول
انغشيت فيه صراحة، شفتي الرسم اللي عليه؟ هذي عبارة عن ورقة ومغلفة بالبلاستك الشفاف اللي هو الكوب نفسه، فــ صار الكوفي يدخل بين البلاستك الشفاف والورقة المرسوم عليها، ومستحيل انج تقدرين تنظفينه، لكنه يحتفظ بالحرارة

والثاني (مالقيت صورته)
هو اللي يكون شكله عادي، خفيف، ومغطاته عادية، وفيه منه أشكال مكتوب عليها اسم كل دولة بالانجليزي، مثل قطر البحرين لبنان... الخ
ما يحتفظ بحرارة الكوفي + له نكهة البلاستك لما تشربين الكوفي

وبحسب ما سمعت انه هالاكواب خطرة، وأفضلها هو المصنوع من الزجاج وليس السيراميك


والله أعلم:q8:

 

[فوشية]

ويييييييييييييييي خلاص هونت ماابي الترمس

مشكورين قلبي

 

[موزة ام فارس]

ليش تهونين

يمكن تلاقينهم بتروفاليو ومن طقته A2Z

 

[فوشية]

موزه شنو بتروفاليو؟؟ وين صاير

 

[موزة ام فارس]

اللي بالشويخ اسمه تروفاليو يم A2Z

ترا انا ماروح له بروحي حبيبتي ..
يودوني له والا ما أدل هناك

 

[الغلاااااا]

حبيبتي انا عندي الكوب مال ستاربوكس صارله 5 سنين عندي وهم مرت اخوي عندها اثنين ومن زمان وماتسرب شي لداخل الورق ولا شي لان اصلا الورقه وطبقة البلاستك اللي فوقها منفصله عن الكوب

انا جربت كذا واحد بس موحلوين يبردون الكوفي بس مال ستاربوكس حلو لان الغطاة تتسكر بطريقة الكبس مو سحب مثل الباجين اللي تدخل هوا


نصيحه اذا تبين شي زين ومايبرد اخذي كوب ستاربوكس

واذا مابغيتيه تلاقين بمحلات الكوفي شوب اشكال وألوان

 

[@شمس الضحى@]

متوفرين بمراكز سلطان

 

[ورده بنفسجيه]

عندج الله يسلمج بلولو اللي بالري العام شارين منهم

 

[فوشية]

مشكورين حبايبي

يعطيك العافيه