خلااص انا ينيت الا شوي من بنتي :( تأزززمت

[om MaRyooM]

السلام





بنات طفح الكييييييل



مشالله تبارك الرحمن بنتي نشطة نشطة حيل اسم الله عليها والمشكلة انها عنادية وعصبية

يعني ماتسمع الكلام كللللللش كلش :eh_s(1):

عمرها سنتين ونص . .

محتارة شسوي معاها !! شلون افرغ الطاقة اللي فيها ؟؟؟

نحاول انا وابوها نطلعها نخليها معانا بالزوارات .. ماكو فايدة ترد بالليل البيت تبي تحوس وتتحرش فينا وتلعب :eh_s(14):


والحين رمضان ياي .. يعني ماكو مجال ادخلها حضانة


بنات والله موقادرة ارتاح لما ارد من دوامي بنام شوي العصر ماتخليني :eh_s(11):

شنو اييبلها العاب معينة تخليها أهدى شوي ؟؟؟

لأن يوم اييبلها العاب .. والله بنفس اليوم تزهق منهم


واييبلها شرايط ديفيدي بارني وتلي تبيز هالسوالف تمل منهم بسرعة


والشغلة الثاني المسبات والتتفل حشاكم !!!

متعلمة من بنت حماتي تشوفها وتقلدها

حاولت معاها باللين اساحلها يا ماما عيب وجذي تظحك ...

حاولت اعصب عليها اعاقبها صارت عصبية زيااادة !!



شلون تتصرفون مع عيالكم :eh_s(1):

 

[Om_3bady]

واااااااااااااي جنج قاعده تتكلمين عن ولدي سبحان الله نفس التصرفات وصج صج متأذيه من هالشي مايقعد اسم لله عليه وماتشده الالعاب بسرعه يزهق منهم

اللي عندها حل تساعدنا ​

 

[الشيخة@]

الله المستعان

 

[om MaRyooM]

:eh_s(1):

 

[{}{}{ سكرة }{}{}]

والله حتى أنا


ولدي اسم الله عليه عنييييييييييييييييد وشاق الارض وطالع


وعبثي ووصل مرحلة يأذي نفسه


هالايام صارت هوايته الكهربا تخيلي يبيله عيون عليه 24 ساعة


والله مافي حل


بس انا قررت ادخله حضانة شهر 9 من 8 ليه 1

 

[حليبه]

الله يعينج عليها

بالنسبه للمسبات


عاقبيها لا تعطينها اللي تبيه بسهوله عشان تعرف اللي تسويه غلط


مثلا منعيها من انها تشوف تلفزيون يوم كامل او تاكل ككاو و حلاو لمن تحسينها ما قامت تقول كلام و صخ

و اشوي اشوي تشوفيها راح تتغير

 

[PoP^Diva]

واي الله يعينكم...كلش ولا الياهل الشيطان,,,احس يسبب قلق حق امه...
انا احس النطاطية زينه لهم لانهم ما يملون منها و طول اليوم بيقعد فيها..حتى
احواض السباحة ان حطيتوا لهم..بينهد حيلهم و بيدورون السرير..و لازم الالعاب اللي يلعبونها
يكون فيها حركة يعني يستخدم ايده و ريوله مو بس عيونه ان يطالعها...
و على فكرة ترا الكاكاو كللللللللش مو زين يزيد الطاقه..و البطاط و العصير مشكلة
متروسين شكر و دهن...يعني طاقة بطاقة
و الله المستعان و يكون بعونكم..

 

[حرم راشد الماجد]

شوفي النظام يحل جميع مشاكل الياهل صدقيني

قعديها الصبح مبججججججججججججججججر وخليها تعلب على راحتها الفتره من 7 الصبح لييييييي 12 بريك وخليها تكمل خلج معاها لعبو مع بعض واثناء اللعب قومي سلوكها

مثلا اذا عصبت قلديها وضحكي وهي راح تضحك راح تعيدها كذا مره وكل مره قلديها راح تنسا الحركه


السب والتتفل حطي لوحة الثواب والعقاب واذا سوت شغله غلط عاقبيها بانج تقعدينها بمكان مهمل جدام عيونج بس من غير ما تطالعينها نهائي دقيقتين وبعدين طلبي منها تعتذر واذا اعتذرت شيليها وقعدي معاها فهميها ان الي سوته غلط وماراح تعيده طبعا ماكو شي بيوم وليله بس لازم ما تقعدون لها عالوحده طنشو مره و2 و3 خلوها تنسا لان الياهل بهالعمر يحب يستفز اللي حواليه فلما تنطشون هي راح تحس ان الشغله اللي قاعده تسويها مالها معنى فتنساها

 

[قاهره عذالي]

حطي لها مغامرات وقصص وتوم اند جيري

شوفي الالعاب اللي ممكن ىتطول وهي تلعبها

 

[جروح ودموع]

حماااام السباحه يطلع كل طاقتها انا ولد اختي نفس بنتج والعن لما دخل مدرسه الانجليزيه شافوه حرج وشيطان وخلوه عند الاخصائيه النفسيه اللي بالمدرسه وقالت لامه لان نشاطه زايد احنا بنشركه بنشاط السباحه وراح نعلمه السباحه والله ثم والله هالولد الحين عمره 17 سنه الله يخليه ويحفظه لامه هاااااااااديء جدا من ذاك اليوم وحبوب وطيب والكل يحبه

 

[noynoy]

حطيها بالنوتي كورنر
و بعمرها شي طبيعي تصير حركيه
اشتريلها كراسه و الوان مائيه بس حطيلها تحتها جرايد عشان ما توصخ اليهال يموتون على الالوان المائيه
و طين تشكله و تلعب فيه
و على التتفل علميها انه غلط و اذا تفلت وديها النوتي كورنر و اذا هدت الحركه كافئيها بهديه و لا وديها المركز العلمي تنتانس

 

[zaina alotibi]

ياحلاتها الله يحفظها ويخليها لج .........

جربي غيري نظامها الغذائي خففي من السكريات والحلويات بشكل عااام جذي دايما اسمع

عندي وعندج خيررر نفس معاناتج:eh_s(16)::eh_s(16)::eh_s(16):

 

[mafio98]

وااااااي نفس مشكلتي مافي شي يلفت انتباهه ويخلي يقعد بس جربي اشتري لها الزحلاقيه مع البيت السوالف هذي انا ولدي حيل استانس عليها بس هم ساعات يضيق خلقه على قولته ابي بيبي ثاني
واشتري لها طاوله مع كراسيها ودفاتر رسم وستيكراااات لووووول تلهى شوي انا ولدي ذابحنا يشيل بهالايتكارات ويحط حتى الكلنكس ماسلم منه
واشتري لها ايبود ولا ايباد وكل يوم نزلي لها ٣ او ٤ العاب

انا هذا الاسلوب الي اتبعه مع ولدي بس للاسف مل من كل هلاشياء لان طبعه خايس ملووووول

 

[hneen2]

اسم الله عليها ربي يحفظها


كاهو وانا اكتبلج ولدي يمي بس يناقز اسم الله عليه ٣ سنين و٥ شهور والله والله يا ام مريوم مو بس نقزه وشطانه والله ماينام لاظهر ولا ينام مبجر بالليل يعني يظل نقزه وشطانه ليً٢او ٣ الفير عااادي


واول واحد يقعد الصبح تخيلي


لااااا وفوق هذا متعلم كل من احد جاسه من اخوانه يصرخ صرخه تبط الاذان

اسم الله عليه ماخلينا افلام اطفال وببيات والعاب ونطاطيه كل مايخطر ببالج ماكو فايده يستانس بلحظتها وعقب يمل


لي درجه مره كنت بمجمع ولا يصرخ صرخه لان اخته بغت تاخذ من شبس

واسمع وحده من الحريم تقول بط اذاني يعل اذانه البط حسبي الله عليها


قلت عسي الدعوه ترجعلج يارب


شسوي والله حتي ملا وديته يقرا عليه ولكو فايده هدا شوي بس حركي واايد ويبجي وااايد وماينام




ياناس اكو ياهل بعمره ماينام  تعبانين وياه بس ان شالله هالسنه بدخله حضانه ويارب يتغير


ويهديه ويهدي عيالكم يارب

 

[ندى الزهور 93]

انا ما افهم بتربيه الاطفال بس فيه كتاب المربيه ناني يمدحونه اشتريه وشوفي يمكن فيه حل لمشكلتج ..

 

[جذابه بنت ذيابه]

والله يا ام مريومه بنوتج نفس وليدي اسم الله عليه عمره سنتين و9 شهور
وشيطان لابعد الحدود من شطانته يخنق اخته الصغيره حطيت له الوان وكراسات وحمام سباحه ونطاطيه
وكور وسيديات بس بسرعه يمل ويزهق



ابي حل تعبت تعبت تعبت

 

[Q.8.h.2]

انا دكتورتي درستني بالكليه اهيا استاذة لغة انجليزيه وخذيت عندها مادة انجليزي الدكتوره نفسها حرككييييييه بروحها تقول وتعرف اليهال هذيل لان اهيا جذي فتقول لاتخلونهم بمدارس عادريه في اماكن تودونهم مادري وين قالت يسوون لهم اختبار او شغله المهم ان هاليهال الحركيين تقول ماينفع يقعدون بمدارسنا لا لهم مدارس معينه لان تقول حتى ذكاءهم يكون اكثر من اليهال العاديين ولهم طرق تعامل معينه
تقول اهيا كانت ميننه حتى مدرساتها بالمدرسه واهيا شاااطره بس تخيلي متفوقه وكل يوم مودينها عند الناظره ومعاقبتها لان ماتتحمل تقعد كلللششش
وقالت الكاكاو والحلاو يززززيييييييد الطاااااقه فلاتعطونهم هالاشياء وبالنسبه حق الالعاب لاتعطينه شي يقعد يلعب فيه ترى مايتحمل لانه نشييط يبيله شي يتحرك على طول العاب حركيه مو اي باد وجذي ماراح يتحمل حتى التلفزيون يمل لان اصلا مايقدر يقعد تحسين جنه فيه دوده اسم الله عليه

انا جني قاعده اكتب حق ولد واهيا بنت ههههههههه كلهم نفس الشي ان شاء الله
وربي يعينج يارب

 

[Daleela]

الحل ان نتحمل لان كل مره لمن اقول حق امي عن عيالي تقولي وييييه انتي واخوانج سويتو جذي واكثر فما اقدر ارد
ابسط مثال اقول حق امي بنتي تنقف ادري وييييع شسوي تقول وييه كل اليهال جذي وهم قالو ان هالعاده يبيلها فتره لين يتركها الياهل وهم سالفه ان تتفل عندج تعاقبينها او تحقرينها مو مره تقولين لها لا ومره تحقرين خليج على طريقه وحده

والله يعين الجميع

 

[miss swan]

يبيلها نقازيه وعلى السب
قعديها وقوليها حطي عينج بعيني شوفيني هالشي عيب وانتي بنتي الحلوه ماتقولين هالكلام
وعوديها لما تكلمج دايما يصير في تواصل بالعيون يمكن ينفع
واتذكر بنتي كنت احقرها واحكرها بمكان اخليها ماتتحرك لمدة ساعه يمكن لين تتعب من الصياح
وطخ يالله ينفع معاها​

 

[فلافل وبطاط]

الله يكون بعونكم شكلها السالفه طبيعيه بهالسن
بنتي توها كملت سنه .. دلوعه وزعوله وحنانه وبجايه


اذا اكبرت >>> مابي اتخيل كافي اللي قلتوه


انا ملاحظه بكل عمر معين اليهال فيهم نفس التصرفات
والعادات ... أزمه واتعدي