خلاص أتنازل عن برستيجي واوفق

[مزيونة الخبر]

مساء الخير اخباركم بنات وحشني المنتدى والبنات زمان عنه كنت بسالكم شغلة انا عمري 30 وخطبني كويتي ولد حمايل وعنده خير عمره 36 عنده اربع عيال ومتزوج بس مومرتاح يبي وحده ثانيه اخذه عادي ولا اخاف تصير مشاكل يقول احتمال يطلق اخذه عقب مايطلقها او لا محتاره مابي مشاكل وفشله قدام الناس متزوج يقلون صبرت وخذت متزوج ابو عيال ومرات أقول شعلي بناس العمر راح ابي عيال ابي احس أني أنثى مثل البنات ينقالي كلام حلو احمل أولد اجيب عيال تعبت فراغ عاطفي مخيف كل البنات تزوجو جهال وانا لا ليش موناقصني شي بس حظ ردي

 

[Mshtgtlkmoot]

اي عادي تزوجينه ع الاقل تجيبن لج لو جاهل واحد

 

[رمادية الهوى]

الله يوفقك ويكتب لك الخير اذا سالتو عنه وفيه خير وطيب استخيري والله يوفقك

 

[العمهوجه]

مساء النوور

اول شي الله يوفقج ويرزقج بولد الحلال اللي يسعدج ويرزقج الذريه الصالحه

انا لو اني بمكانج ابدا مااوافق اول شي انا مااحب ابني سعادتي على تعاست غيري
وانا وحده مااحب المشاكل لاتقولين مالي شغل بزوجته حتى لو انتي مالج شغل بزوجته هي ماراح تخليج بحالج صدقيني حريم الحين مو مثل حريم قبل اللي عادي زوجها يتزوج عليها الحين غييير

خل اقولج سالفة اختي مطلقه مرتين والله مارزقها عيال من اللي خذتهم
خطبها واحد من جماعتنا ونعرفهم زين وهو متزوج قالو اهله ان مرته راضيه انه يتزوج المهم من اخذته اختي وزوجته ماخلت اختي مع ان اختي مالها شغل فيها كلشش المهم صارت مشاكل واختي جابت بنتين منه والحين هذي هي قاعده عندنا هي وبناتها وها بعد نسيت اقولج انه مايصرف عليهم كل شي على ظهر اختي من يوم كانت عنده

وفي غيرها وحده من جماعتنا تزوجت واحد مطلق وحملت جابت ولد والرجال كان زين معاها فجاه طلقها ورجع زوجته الاولى��
يعني الزواج بوقتنا هذا على مره مايصلح خصوصا للشباب

والله كريم ان شاءالله ويرزقج باللي يسعدج ويرزقني ويعوضني��

 

[كاملة الدسم]

استخيري حبيبتي كل زواج ظروفه تختلف عن الثاني بس عمرج صغير وممكن اييلج نصيب افضل

 

[اقماري]

استخييييييييييييييييييييييري مره ومرتين وثلاث ومستحيل ربي يكتبلج شر بهالسالفه سواءً رفض او موافقه.

 

[الأميرة جوري]

استخيري وتوكلي علي الله مابقي من العمر كثر اللي راح مادام سنع خلاص

 

[غرور الزين]

لاتبنين سعادتج ع ستعاسة انثى غيرج
ولو انتي مكانها ماترضين تجيج شريجه
واذا هو معزم كيفه بس لاتكونين اني سبب خراب
بيت كامل الا انج تكلمينهاا وتأخذين رايهاا يمكن هي بعد تبي فرقاه
بس انج جذي م اايد بسراحه

 

[في الجو غيم]

استخيري وشوفي الايجابيات اللي في الشخص
وحطي في بالج ان ممكن حتى لو ما استمر زواجه من الاولى ان انتي بتتحملين مسؤوليه عياله لا تغفلين هالجانب
انا اشوف عمره زين مب كبير والقرار راجع لج وكل وحدة ادرى بظروفها اذا بتجيها فرصه احسن او لا
الله يرزقج بالراحة والسعادة حبيبتي

 

[MiSsY HottY]

استخيري والله ييب اللي فيه الخير

 

[فـدوه]

استخيري , اذا انتي راضية تعيشين مع واحد حياته مقسومة بينج و بين بيت ثاني ماكو مشكلة. اهم شي تعرفين انه كل شي بيكون بانص بينج و بين البيت الثاني

لا تيين فيوم و تقولينله طلقها, لاتشيلين ذنبها و حرصي العلاقة بينكم تكون معدومة او رسمية و اهم شي الاحترام

الله يوفقج و يرزقنا جميعا بالصالح يارب

 

[كشمشة]

اذا الريال زين ومو قاصره شي
اخذيه
وانسي قصة الطلاق
لان اذا ما طلق تعذبين نفسج
واساليه من البداية اذا كان جاد بالطلاق عشان تعرفين قرارج تقبلين تكونين على شريكه او ما تقبلين
بس اذا رجل دين واخلاق ليش تطوفينه
والله يتمم عليج

 

[taioba]

الله يرزقج بالخير دنيا واخره

اهم شي الاستخارة

 

[بشـاير]

دام انه خطبج يعني اساسا هو ناوي يتزوج ناوي يتزوج منج والا من غيرج
ما اعتقد انج بتخربين حياته
برايي استخيري واذا هوا رجال زين ليش ماتوافقين بلعكس مو عيب ولا حرام
وبلنسبه عن الفشل ومافشله اعرف بنات والله على ٣٥ وماخذه واحد اصغر منها ب٦ سنوات
واللي كانت تتعزز عن الخطاب اصوم اصوم وافطر على متزوج والا مطلق والحين تتشفق احد يخطبها
لاتوصلين لهالمراحل دام مافيه عيب توكلي على الله وشوفي نصيبج استانسي بحياتج ولاتظلمين نفسج بنظرة الناس

 

[عناقيد الجنه]

عفوا بس الأخ عقب ما ياب منها 4 عيال توه يستوعب انه مو مرتاح معاهااا

الزواج بحد ذاته مشاكل وعوار راس
وأروح أنا آخذلي واحد متزوج
يعني أروح حق المشاكل بريولي
وبعدين تعالي وحطي نفسج مكان مرته الأولى
وبتعرفين الاحساس شلون صاير

بعدين ماكو شي اسمه مو ناقصني شي وحظي ردي
شكثر بنات سنعات وحلوات للحين قاعدين ببيوت أهاليهم ما تزوجو
الزواج والزوج الصالح رزق من الله.. يرزق من يشاء بغير حساب
وترى 30 سنة مو وايد كبيرة
الله يكتبلج كل خير

 

[عـِرۈۈق قلبــه]

استخيري وعادي وافقي واذا متزوج مافيها شي الشرع حلل اربع