خلاص تعقدت منهاااا

[شذونه]

السلام عليكم بنات من لاخير انا وحده ماتعرف تسوي شي اسمه عجينة فطاير بحياتي مسويتها الا لاعت جبدي سويت طريقة 10 دقايق منفعت سويت طريقة من كتاب منفعت سويت طريقه قايله لي صديقتي عليها هم منفعت:rgewrg:تدرون شنو المشكله اذا دخلتها الفرن وطلعتها كنها طابوقه ولونها اشهب:krkrkr::krkrkr: مدري وين المشكله بالضبط في الفرن او الصاج او شنو لاني متاكده ان العجينه كويسه حرف حرف وانا احطها بالصاج الدويرة للي لونه احمر مع الجوانب حق الكيك معروف واشغل الفرن من تحت بعدين من فوق عفيه بنات ساعدوني تخيلو اذا عندي عزيمه اروح اشتري فطاير ورمضان مسوي لاني فااشله:eh_s(2):

 

[روحــي تحــبكـ]

رد : خلاص تعقدت منهاااا

ابشري بعزك ولايهمك هذي
طريقتي وان شاءالله ماتندمين
ملعقه ملح صغيره
فنجان سكر
علبة زبادي
بيالة زيت
3ملاعق حليب نيدو
ملعقة خميره كبيره
ملعقة بكنج بودر
كاس ماء دافي
دقيق الكويت
اخلطي جميع المقادير مع بعضها ماعاد البكنج بودر والدقيق خليه على جنب
دقيق كاسين
المهم بعد خلط المقادير ضعي الدقيق والبكنج بودر ثم اعجني العجينه حتى تتماسك مع بعضها واذا كانت تحتاج دقيق حطي عليها المهم تطلع العجينه متماسكه مره وهذا سر العجينه
وخليها ساعه تتخمر بعدها احشي ولمن تخلصي من الحشوه صفيها بالصينيه وادهنيه بالبيض وشوية سمسم ودخليها الفرن وانتبهي لاتحترق وشوفي المعجنات شلون شكله
طراوه
لمعه
طعم خيال
جنها قطن
وربي مراح تندمين
اول ماتطلع من الفرن حطيها بحافظه عشان ماتفقد طراوتها بس خليه مفتوح شوي عشان ماترطب
وراح انزل ان شاءالله فطايري بالمنتدى قريب
واخليك تشوفييينها
والله الكل يحبها ويسالني عنها
يقول المثل اسال مجرب ولا تسال طبيب
دعواتك لي ان الله يحفظ لي زوجي ويسخره لي

 

[TIC TOK]

رد : خلاص تعقدت منهاااا

الله يوفقج فيها ويسهلها عليج كنت نفسج ليما جربت وجرررررررررررررررررررررربت وتعلمت من غلطاتي

 

[جارة القمر]

حبيبتي أتخلين العجينه تختمر علي راحته


وتفتحين الفرن قبل علشان يصير حار شوي


http://www.q8yat.com/showthread.php?t=812880



http://www.q8yat.com/showthread.php?t=809019

 

[شذونه]

رد : خلاص تعقدت منهاااا

يالبى قلبك عسا ربي يسخر زوجك لك ويحفضه من كل مكروه ويسعدكم مشكورة بطبق واشوف مشكورات خوااتي الله يعطيكم الف عااافيه