خلاص عاد ماصارت !!!

[منيرة خالد]

اي والله صاجه

الله يستر على بناتنا وبنات جميع المسلمين

 

[~اتعبها غلاه~]

آستغفر آللـه آلعظيييم ،،‘

صـآجـه بكـل كلمـه قلتيـهـآ ،،‘

آللـه يهدي آلجميع و يستـر عليهم ،،‘

 

[Tom ♥ Jerry]

.

الصرآحه احنا علينا انه نوجههم و ننصحهم ..
و نعطيهم الحل الزين ..
و البآجي عآد الي يمشون بهالطريج المفروض يتعضون ..

 

[ترانيم القصيم]

هههههههههههههههههههههههههههههه

الله مير يسلّم قلبتس صدقت يا قلبي ,

بس وراتس مسميتن نفستس عوبـة , أنتِ لساااااانتس يقووووووطر عسل يا عسل

 

[الحــــياة]

يسلم راسج والله على الكلام الحلو
والله انج صاجه يعني انا بفهم انا لا رحت الجمعيه مع الخدامه وامي مشغوله ولا علمتهاا عشان ماتعبهاا قلبي يرقع لاتدري

وانا مرا شكبري ترااا مو صغيرة

هي شلون تكلم رجال اجنبي مو منها ولافيها ومن ورا اهلهاا ياختي شنو هالجرأه والوقاحه يعني دام خشيشي دسيسي يعني شي غلط يعني تدرين انج مسويه شي غلط؟؟!!!

اولا شي يغضب الله ولا يجوز شرعاا

ولا عاداتنا وتقاليدنا تسمح بجذي..

الله يستر على بنات المسلمين ويهديهن ويبعد عنهم عيال الحرام

ويصحووووووون من هالخرابيط الي نهايتهاا فاشله

وشلون بيرضا يتزوج تسوي شي من ورا اهلهاا بيقول الي كلمتني بتكلم غيري الي اهلهاا ربوها ولاقصروا عليها جذي تسوي فيهم..؟؟!!

مشكووووورة على الموضوع الرووووووعه كالعاده مميزة العووبه..

 

[.،:"$الـعـوبــــة$":،.]

رد : خلاص عاد ماصارت !!!

أول بقول حياكم الله كلكم ،،
والله لما حطيت الموضوع توقعت بيجيني هجوم من صاحبات الحرية والفري !!
بس فديتكم وربي بردتوا قلبي بردودكم ،،​

الله يبعدنا عن المشاكل والبلاوي

بس خلينا نكون صريحين

كل هالمشاكل(خيانات -جنوس -بويات -وغيره...)

تتوقعين شنو اسبابه؟؟؟؟

اولا :هذا اشوفه كثير بهالوقت ....ان الام والابو ما يقعدون مع عيالهم ويشبعونهم بالعاطفة .

ثانيا:قلة الايمان ونقص الدين وعدم المحافظه على الصلاة.... التي تنهى عن الفحشاء والمنكر

لو كل ام وابو من اليوم مسكوا بيتهم وعطوا وقتهم لعيالهم يحبونهم ويلمونهم ويغرقهم بالحنان
جان ما اتجهوا لاي شخص يسمعون منه كلام حلو

فوفو

كلامك صح ومع هذا اختلف معاك،، خل اقولك ليش ؟
والله انا قبل اذا ابوي دش علينا استحييييييييي !! حتى سوالف يالله اسولف ! وأمي كانت معانا شديدة ، ماتقصر الله يرحمها بس ماعندها روح تعال ودلع وهبل !! وبنفس الوقت شايلتنا شيل ، وضحك بس بحدود ،
ومع هذا مشينا سيدا !
وشوفي الناس قبل بعد كانوا أشد وأجد بمعاملة عيالهم !
والأجيال اللي اتربى على ايدينهم كانت قمة الاحترام والسنع !
الحين تلقين الأم والأبو قمممممممممة بالحنية ، وأهم شي الجاهل مايزعل ولا يبكي ولا يتضايق ، والحب والحنان مغرقينهم فيه !والام والابو مياااااااااااانة مع عيالهم وماعاد فيه خوف ولا هيبة !!
ومع هذا ! شوفي الأجيال اللي قاعدة تطلع الحين شلون ؟؟
جرأة وعين قوية ! ومافيه خوف من أحد !
لا والله ! أنا أتوقع إن الحنية والدلع والمعاملة الرهيفة بزيادة هي اللي خربت عيالنا وبناتنا !!
​

الله يهدي البنات والشباب يا رب .... في بنات ما يقدرون على الكلام المعسول ... وانا متأكدةانهم يدرون انهم على غلط

أما دعائج حبيبتي .. أنتي قاعدة تدعين على نفسج ... وإذا ربيتي بناتج إن شاء الله ما راح تشوفين إلا الخير ...

مافيه شي اسمه محد يقدر عالكلام الحلو ! فيه شي اسمه ضبط نفس !
وأي دعاء !؟ أنا مادعيت على أحد !
أنا قلت قبل كنت اتمنى اكثر خلفتي تكون بنات ! وبعد اللي صايرة اشوفه هونت وصايرة اخاف واقول الله يعيني على تربية اللي عندي بس !!
وأكيد بربي بناتي ، بس أنا أشوف عوايل وناس محترمة وتكانة وبعضهم ملتزمين واحسن تربية ! وتطلع من عندهم وحدة تفضحهم بالناس كلها !!ماظنيت السبب قصور بالاهل !! ممكن يكون بالرفيقات والا بنات العم او الخال او الجيران أو غيره !!​

صح السانج :eh_s(15):

انتي المفروض يكون اسمج السنعه مو العوبه!

الله يخليلج بناتج ويبلغج فيهم ان شاء الله

الله يستر على بناتج و بنتي و كل البنات ان شاء الله

مشكورة على هالموضوع الروعه و النصايح الزينه الله يجعلها بميزان اعمالج ان شاء الله و يهدي البنات اللهم آمين

​

حياك الله فديتك وتسلمين عالكلام الحلو ،، وآمين يارب ،،
​

الله يستر علينا وعلى بنات المسلمين اجمعين

آمين يارب ،،
​

معاج حق ..~
بس ملاحظه: بنات هالوقت (تفتخر) جدام رفيجاتها إن عندها (حبيب) ..!
يعني استغفر الله صااار كشخه ..~
وإلا بس تحاجيبه علشان يجيب لها هدايا ويعبي لها كرتها وتليفونات << والله هالشي كنت اشوف بالمعهد ايام الدراسه ..~
يعني البنات يمشون ورى القلب مو العقل .. وحتى لو غنها ماتحبه بس تماشيه جذي // وبعضهم يقولون نضحك عليه جم يوم ..! هبله ماتدري إن هي اللي راح ينضحك عليها وتروح فيها ..~
بس عاد مانقول إلا الله يهدي الجميع .. ولايبلانااا .. ويحفظ بناتج وبناتي الثنتين بعد ..~
وتسلمين ..}

ياربي استغفرالله !! شلون البنات صارت فيهم الجرأة يسوون هالحركات ! وشبابنا شدعوة تمشي عليهم هالسوالف ! الواحد فيهم من ايتم10 سنين تلقينه امبلتع وبياع كلام ماتمسكين عليه ممسك ! والبنت مهما كان تضل ضعيفة ! يعني لو طاحت بايدين هالشباب شيفكها منهم ؟؟؟
ياربي تهديهم كلهم وتصلحهم غصبن عليهم يارب !!​

ياارب استر على بناتنا واحفظهم من عيال الحرام

آمين ياربي ، على بناتنا وعيالنا كلهم يارب آميييييييييييييين ،،
​

صاجه العوبه المشكله ان البنات مايتوبون وماياخذون من هالقصص عبره
الله يهديهم

هذا اللي ابي اوصله لكم !! يعني نفس السالفة ونفس القصة كل يوم اتكرر 20 مرة !!
خلاص عاد ! يعني شي حذرونا الناس منه خلاص !
تدرين انا من الخوف لا يمكن اصور نفسي بنقالي لااااااااايمكن !!
ولااا يمكن احط صور باللابتوب لااااااااااايمكن ! الا صور عيالي اخواني وبسسسسس !
وفعلا ، كم مرة ينسرق نقالي وربي تلقيني عادي اقول احسن عشان اشتري غيره !
ووحدة بالدوام انسرق تلفونها وربي بغت تموت ! تقول ماهمني النقال باللعنة ! همني الصور اللي فيه !!
ومرة دش علي هكرز من ايميلي ، وقال بآخذ ايميلك والصور اللي بكمبيوترك ، وربي قلتله قبل اتسرع اخذ فرة بكمبيوتري وايميلي واتحداك اذا طمعت فيه !! والله العظيم يقول انتي شنو مملة وطلع وليومك هذا ماعاد شفته !
​

حبيبتي المراهقين بسن حرج - مومسؤلين عن تصرفاتهم
ثانيا الشيطان شاطر
وهاذي غريزة
البنت تكلم شباب والشباب يكلمون بنات << عيل ليش سموه مراهقة !!
البنت تستغل الصبي وتاخذ منه فلوس وتجذب عليه
والبنت نفس الشي
بالحالتين سمعة وشي لابد التخلص منه
بس شنسوي !! يعود عالتربية - ويعود على رفاق السوء

الله الهادي

اي والله الله الهادي !! والله العظيم انكم ماتخيلون شلون احاتي هالسوالف وهالمواضيع !!!:eh_s(2):
​

صججججج ليش عوبه انتي سنعه حبيبتي
الله يخليلج بناتج
وسيعدكم يارب

فديتك انا ، تسلمين لي والله ، وآمين ، ويرزق الكل ويهديهم اهم شي ويصلحهم يارب !!
​

صاجة والله

حياك الله ،،
​

ومنو ما يعجبه كلامج
ما شاءالله تبارك الرحمن ما تقولين الا الكلام الصح

الله يستر على بناتنا وخواتنا وبنات المسلمين والمسلمات

بعد عمري والله ماتقصرين وهذا من ذوقك ،، وآمين ياربي الله يستر علينا وعلى الكل يارب ،
​

اي و الله و انتي الصاجة ...

و الله هالظاهرة منتشرة و بقوة و السبب المهم فيها الوازع الديني هو اللي يحدد القبول و رفض هالنوعية من العلاقات
يعني و الله الشيطان ما مات و في قلوب ضعيفة و يالله يارب لا تزغ قلوبنا بعد ان هديتنآآ

و يعطيج العافية على الموضوع القيم

الله يعافيك ويحييك يالغلا ، تدرين أنا أدعي دايم وأقول ياربي سخرهم لك واطرح فيهم البركة ،
ماقلت سخرهم لي ! لأن لاصار رضا ربي اهم ماعندهم ، ماراح اشوف منهم الا كل خير ان شاء الله ،​

اي والله صاجه ياوخيتييي كافينا شرهم ويحفظنا

آآآآآآآآآآآآميييييييييييين يارب !!​

 

[Angel_BElongER]

رد : خلاص عاد ماصارت !!!

صح السانج


يـ الله حسن الخاتمة

 

[فرفوقه]

اي والله صااجه صرناا بالقرن العشرين وللحين اكلم صبي ويكلمني
اللهم لاشمااته

 

[حبيبي وبس]

معاج حق والوحده ماتاخذ عبره من غيرها على باله اهي غير واللي تعرفه غير
مايعرفون ان الحب اعمى واهو اللي مصور لها ان هالانسان غير عن الباجي وانها ماراح تتطيح بنفس الخط
جزاج الله خير

 

[MoonDiamond]

ايه والله صاجه
الحين البنات اللي بالابتدائي يعرفون كل شي
لاتقول قص علي ويحبني واحبه


تسلم يمبنج على هالموضوع

 

[عــاشــقــه]

صح لسسآنج يآقلبي

كفيتي ووفيتي

 

[.،:"$الـعـوبــــة$":،.]

رد : خلاص عاد ماصارت !!!

الله يستر على بناتنا وبنات المسلمين

آمين يارب العالمين ،،
​

كلامج صح
بس صدقيني لالحين فيه بنات مايدرون وش الطبخه ويكون اول حب في حياتهم
يكسرون الخاطر خصوصا المراهقات
الله يستر على بنات المسلمين

أنا أسميها سذاجة !! خلاص المصيبة هذي تكررت ولا مليون مرة استغفرالله !! حطوها بقصص ومسلسلات ومنتديات للعظة والعبرة !! أنا مرات أقول مجرد إن بنتي تبلغ راح اكلمها واناقشها بهالموضوع وأوعيها وأفهمها عل وعسى !!
​

و الله في بنات مساكين ما يدرون ان نية الشباب بس غريزيه لان يبون بنت ما يتعبون عليها ..
مشكووره على الموضوع ..

منو مايدري بهالسوالف ! منو مايدري ان الشباب مايبون الا شي واحد من البنت واذا خذوه عاملوها كأنها حثالة وإبتعدوا عنها كأنها مريضة بمرض معدي !!
إلا الشباب اللي يجون من الباب ، هذولي صدق تلقينهم شارين البنت ويبونها !!​

يعطيج العافية حبيبتي والله يكثر امثالج

حياك الله حبيبتي وماقصرتي ،،
​

الله يستر علينا و على بنات المسلمين و يكفينا شر الفضايح ،
أنا معاج بكل حرف كتبتيه و صح لسانج كلامج عييين العقل ..
و الله أستغرب من اللي لي ألحين يأمنون على الرجال .!
شخص قاعد يعصي ربه عشاني أكيد بيعصي ربه عشان شهوته و بيشهّر فيني لو ما خضعت له
الحمدلله الذي عافانا مما ابتلاهم به و فضلنا على كثيرٍ من خلقه أكثر تفضيلا ً .
الله يرزقج بالذرية المعافاة الصالحة المصلحة سواء بنات و لا أولاد كلهم خير و بركة من الله ..

والله إنك صادقة هم كلهم خير وبركة ، عسى الله بس يهديهم ويصلحهم يارب !!
​

المشكله لو تكلمتي من الحين لي باجر
مافي وحده تستوعب هالكلام الا لما يطيح الفاس بالراس
لان لو كلمتيها بتقولج حياتي وانا حره فيها
ومايعجبها هالكلام
الله يهدي الجميع

استغفرالله استغفرالله ! اللي مثل هذي عاد تستاهل اللي يصير فيها !!
المشكلة مايكسر الخاطر الا الأهل اللي ينصدمون صدمة حياتهم !!​

الله يستر عالجميع ويكافينا شرهم

اللهم آمين ،،
​

الله يستر عالجميع ان شالله وعسى ربي يعينج على تربيه بناتج ان شالله

آمين الله يجزاك كل خير يارب ،،
​

بالضبط اذا عاجبته المفروض يجي يخطبها ع طوول

هذا اللي اقوله ، يخطبها ويتعرف عليها قدام الناس والكل ، إن وفقهم الله ، والا يرزقهم بغير هالشخص !
​

صاجه يالعوبه انا بس مجنني شي واحد مايخافون من العقوبه بالدنيا؟

يمكن الله يبليها بمرض تصير عقيم ولامرض شين والله والله راح تندم ولاتتزوج وتتطلق ولا ربي يعاقبها في عيالها

اللي ماشين بهالطريج خلاص تكفون ستوب اتعظوا خافوا ربكم لايبليكم بالدنيا قبل الاخره

يمه !! استغفرالله !! والله مافكرت بهالشي بعد !! ياربي لاتبلانا وتهديهم يارب !!
​

الله يستر علينا ويبعد هالمشاكل عنا ..
والله ما تنلامين يختي حتى انا مثلج زهقت..

الله يعين يارب ، ويهدي بناتنا وعيالنا يارب ،،
​

صح لسانج حبيبتي

ويعطيج العافيه

الله يهدي الجميع و يصلح بالهم

اللهم آمين يارب العالمين ،، ياليت تنقرض هالحركات الخايسة للأبد !!
​

حددددهم يبطوون جبدي و اييبون لي المراره

يعني بصفته منو بالأول تكلمينه ؟؟

خايفه من الناس و مو خايفه من ربها يعني شنقوول بعد استغفر الله

الحين كل الرياييل جذي

قصدي ماكو رجوله ولا يخاف على عرضه ,

و ناسين ان الله يراقبهم

على بو ان ما عليه كلام اذا كلم الف وحده , ما يدري انه ياخذ ذنب كل وحده قص عليها

ماااااكو ريايييييل يا بناااااااات لا تثقووون فيييهم

و الله الهادي بس ..!

اي والله بصفته منو تكلمه ؟ زين بصفته منو تسلمه نفسها أو تعطيه صورها بعد !!
ياربي هالبنات مدري لي متى يبون يصيرون مقصة وضحايا للي مايخافون ربهم !!
​

الله يستر علينا وعلى جميع الامه المسلمه يااااارب

اللهم آمين ، الله يجزيك كل خير يالغالية ،،​

 

[+ Gloom +]

رد : خلاص عاد ماصارت !!!

انا احس بعض المرات ان المواضيع استعبااااط اشدعوة مثل ما قلتي ما قامو يفهمون ويعرفون سوالف الشباب واللي يبونه من البنت ؟؟؟
الله يستر علينا وعلى بنات المسلمين يارب

 

[ToOoTi]

الله يهدي بناتنا ويستر عليهم
اختي ترا البنت مرات تكون البيئة اللي تربت فيها مو ذاك الزود الاسرة متفككة والام هايته من مكان لي مكان
ومن غير رفيجات السوء كلها عوامل تضغط على البنت طبعا ماكو وازع ديني
انا ما ادور لهم العذر بس انا ادعي لهم ربي يهديهم ويستر عليهم
اغلب القصص اللي قريتها تكون البنت مظلومة
وشبابنا قاموا يتفننون بقصص الحب يخلون الللي ما تصدق غصب تصدق

 

[بولندية]

كفيتي و وفيتي بالعكس الله يرزقج بالبنات ويجعلهم من الذرية الصالحة يارب

 

[عاشقه رويشد]

الله يستر عليهم ياارب ويحفظهم

 

[لوازم العائلة]

رد : خلاص عاد ماصارت !!!

عوبه بس سنعه
يسلم تمك

 

[( ~[ وتــين ]~ )]

مرة أتذكر قريت معلومة أن المرأة هي أكثر مخلوق يفرق بين الصواب و الخطأ لكنها أكثر الأحيان تختار الخطأ

و انا أشوف انه الفضول له دور بهالمشكلة

ترا كل بنية تكلم تدري ان اللي قاعدة تسويه غلط لكن اذا اهيا استمرت راح توقف عن حدها بالغصب

يا انها تنفضح او انها تتزوج و تظهر حقيقة هالحبيب

و على قولة مشرف الرقعي بمسرحية على هامان يا فرعون

الحب قبل الزواج يطير مثل ريش الدجاج !!

و مشكورة على الطرح الحلو ..

 

[ام جويسم]

والله العظيم درر كلامج


حتى لو ولد عمها المفروض ماتثق فيه



كل وحده تقط روحها على ولد اعرفي انها فيها نقص بالحنان يوم كانت اصغيره



يعطيج العافيه خيتو

 

[Flower20]

رد : خلاص عاد ماصارت !!!

والله بردتي قلبي.. كل ما ادش موضوع فيه مشكلة القى لمشكلة حب وخرابيط
يمشوون وراا هالطريج وتالي يتندموون او تتسكر الابواب بويووهم ولا يملون منهم هالصبيان ... ويالله يا بنات ساعدوني !!
استغفر لله زادت هالمواضيع بمنتدى خاااااصة الحين برمضاان

يالله يمكن ربي يبيهم يتوبووون هالشهر
ان شاءالله يصحووووون ويتعظوون