خلصنا من الواتس أب وطلعلنا التويتر

[فوفو22]

بصراحه انا مدمنه تويتر

حلو وحي على الهواء

واسرع وسيله لنقل المعلومه الحقيقيه

انصحج فيه

رح تستمتعين

فوفو

 

[جوانا2010]

طنشي مع الوقت بيمل .....

 

[حبيبه هيثم]

هبه وبمل

 

[اسما87]

عادى انا مثلة لين ادخل الفراش وانا ادقق فى تويتر

 

[ام الزين2000]

نفس حالتج كلنا بالهوى سوى

 

[مناير ...!]

عندنا وعندج خير

 

[*E.B.D.A.3*]

جان زين الي عندي يطالع بصمت ويفكنا
لا يقولي اخبار يوغسلافيا والدول الاسنكدنانيفه-->ياربي اشلون تنكتب
عاد انا اطق جبدي واقول همم همم
وعشان اقثه اسولفله عن المكياج اهني يسكت ويوقف سوالف
ههههههههههههههه

خليه عادي مع الهبه يمسك فيه جم يوم وبعدين يطخ
انتي فتحيلج اكاونت وسوي فالو حق اكاونتات الاخبار والازياء وتطمشي كل يوم
وقت الي يمسك الفون انتي هم مسكيه
وعيشوا اجوائكم

 

[وآحشنــي زمآنـك]

بالبدآيــه يندفعوون له وبعديين يخف الإدمااان ..

 

[mira]

آنا اول مادريت ان عنده آكاونت بتويتر سجلت واراقب كل تغريداته وكل الفولورز اللي عنده والفولوينق واطممن قلبي واذا طقطق عليه اقوم حتى انا وانشغل فييه !! ههههههههههههههههههههههههه

 

[ساره ام الخير]

حبيبتي عادى كلنا بالهوى سوى

 

[حشمه]

بالبيت طول اليوم وقبل النوم بالحمام

بالسياره يسوق وعينه عالجهاز بالدوام

حتى بين اعياله ماسك التلفون مليت

مايهد التلفون لو لقيتي حل قولي لي عنه

 

[كريزية]

عندنا وعندج خير
هاب بهالواتس اب فترة ومل منه
الحين العاب الايفون اكشن ومسدسات اونلاين اللي ما تخلص
ويدش برنامج اسمه بارلنقو ( وحدة من العضوات كتبت مشكلة زوجها مع هالبرنامج الخايس)
كله بنات وشباب وسوالف جنسية اتلوع الجبد .. بس كان يدش وانا اكون يمه واسكت شسوي فيه
اهم شي ما يكلم بنات فيه شوف عيني ... ولما قاموا بنات يتحرشون فيه اشكره جدامي بهالبرنامج
صارت هوشة واهو مل ومسج البرنامج ,,
وعلى تويتر الحمدالله ما يدش مع انه عنده اكاونت بس مو ادمان الله يستر لا يهب فيه بعد

انا طريقتي انه اقوله بهدووء هالشي ما احبه وطريقة ثانية اكون دايم معاه لما يدش العاب وبرامج وغيره اشاركه
بس ما ادش من وراه ولا ابطل اكاونت ترا الريال ما يحب المرة صغيرة العقل والعنيدة اخذيها مني
وانتي بعد سوي حركات ولبسي وكشخي وقت الليل وحطي شموع واضاءة نسيييه التلفون
وصدقيني مرده بيمل ..

 

[G!RLooNa]

سويلج اكاونت و سوو حق بعض فولو شوفي اهتماماته منو متابع شنو المواضيع اللي تشده و دشي معاه عالخط سولفي معاه بالحقيقه ولا بتويتر تناقشي مع اللي يتناقشون

 

[kwait doll]

عادي اهم شي اخذي اكاونته وراقبيه عن بعد

 

[Om.brhom]

نفس الحااااال d:

سوي نفسي وقطي فيسج وياه وشوفي بشنو يتعبث لين يمل ويحذف الفون ويقابلج لووول

 

[جوري الكويت]

تطمني كلنا مثل ريلج لوووول

فتحي لج اكاونت ب تويتر و جابليه

صدقيني راح يغار انج مجابله الايفون و كاشته فيه

ريلي قبل كان يجابل الواتس اب

قمت انا وجابلت التويتر و قام اهوا اللي يتضايق مني

و ما قام يمسك الفون حس فيني

 

[فطوم 84]

نصيحتي خليه جذي اخبار وتويتر مواضيعه مفيده واشيا كلها اخبار فن سياسه شغلات عاديه احسن لج وجدام عيونج هذا شي عادي ))))احسن مايدمن مواقع بايفون سكس وبلاوي وعلي فكره البرنامج بارلنقو بايفون هذا ديروا بالكم منه يالمتزوجات لاتخلون ريال يدشه هذا دعاره فيه الوحده تحط صوره لجسمها ومكانها وليله بجم تبيها ومو برا الكويت لا اهني الحريم عندنا يعني دعاره واللي يدشه يخرب ويروح فيها وتجره للزنا وبعدها تدخله عالمها القذر حشاكم ))ديروا بالكم لانه هبه عند بعض الريايل

 

[om al ghaleen]

عآدي حبيبتي ليش مضايقه الحين الكل جذيه
انا اخذت الايفون قبله وكآن مناشبني لووول
شجعته ياخذ آيفون وصار سعيد وهادي
ماله شغل بأحد يحليله قبل يدقق بكل صغيره وكبيره
بس مو سوالف خرابيط لا كل حياته آلعاب وانا اللي منزله له
حتى حطيت له الوتس اب وتوتير بس الله وكيلج مايدري عنهم
انتي لاتصعبين الامور هذا جيلنا وهذا حضنا الايفون وهالتكنلوجيا جذيه ..,
وانتي بأيدج تسحبين منه جو توتير

\\

 

[ToOoT"Q8]

يحليله موضوعي توني أشوفه لووول.... منورين بنات... أنا عندي حساب بتويتر وأدري أنه يونس ومافي شي. . بس أنا ما أشوف ريلي ألا بحزة الليل يعني هذا وقتي مو وقت تويتر

 

[ToOoT"Q8]

بصراحه انا مدمنه تويتر

حلو وحي على الهواء

واسرع وسيله لنقل المعلومه الحقيقيه

انصحج فيه

رح تستمتعين

فوفو

اعرفه وعندي اكاونت وأنا ألي سويت حق ريلي اكاونت على قولة المثل خبز خبزتيه يالرفله أكليه لوووول.... بس صاجين البنات تويتر ولا غيره