خلص رمضان .. خلونا نسولف عن تجاربنا المطبخية الفاشلة

[6moo7]

عاد ماعجبهم هذي مسألة أذواق ::كراميلا::
المهم شغلج صح
وتسلم ايدج

شكرا لمشاركتج​

 

[قمر2009]

تبين الصج مع منتدى كويتيات حبيباتي مافي شي اخترب كل شي حلو الله يوفقهم ان شاء الله حتى الصور يحطونهم

 

[6moo7]

اي ماشاءالله عليهم البنات مايقصرون

مشكورة (قمر) على مشاركتج​

 

[ام عباااااااااادي]

انا بعد حاشني احباط برمضان

كنت ماكله من قبل اكلة سوريه وشفت طريقتها بالمنتدى وطبقتها حرفيا

وزرت فيها بيت اهلي يوم الزوارة

وانصدمت مو نفس اللي ذايقتها
وامي حبيبتي ما حبت تصدمني كلتها الوحيدة من بينهم
هههههههههههههههههههه

زين ماشاء الله امج ماحطمتج لو امي جان طقتها بويهي

برمضان سويت لقيمات وديت لها منها اتصلت اسولف معاها جان تقولي ويييييه شنو هاللقيمات اللي مسويتها تحوم الجبد اكلت منها شوي والباقي كبيته ومن قبلها بفتره كنت مسويه لقيمات طريقه ثانيه واعجبتها ولا قالت زينه بس لما سويت الثانيه قالت طريقتج هذيك المره تهبل >>>ايه قولي تهبل من اول شجعيني

لا وسويت ورق عنب واسال اختي اقولها زين جان تقول ايه ماشاء الله يهبل حتى امي طاحت عليه ويوم سالت امي عاد انا بثقه زين ورق العنب جان تقول ايه ماشي حاله ولو ان فيه حموضه زايده :eh_s(1):

وحلى العيد وربي كلن يحسبه جاهز واسالها زين تقول ايه من وراء خشمها

 

[6moo7]

لوووووول (ام عباااااااااادي)
ياحليلها الوالدة صريــــــــــــــــــحة حدها :dddds:

يمكن ماتبيج تنغرين لأن الغرور مقبرة الشيف ​

 

[مس دلال]

الرولات انا بعد مااصفها بالصينيه اصب عليه نص قلاص ماي مذوب فيه ماجي
علشان تنضج العجينه تصير مثل المسلوق

يمكن هذا الطبق الوحيد اللي ضبط وياي والباقي كله كان نهايته الزباله

 

[6moo7]

هلا (دلال)
يعني نحط قلاص الماي وبعدين الكريمة ولا شنو ؟ مافهمت !

مو خوش شعور الصراحة لي اخترب شغلج
الله المستعان

شاكرة لج مشاركتج حبيبتي​

 

[شندوخه]

رد : خلص رمضان .. خلونا نسولف عن تجاربنا المطبخية الفاشلة

صار وياي موقف كرهت عمري حزتها
كنت ابي اسوي دونات
وطريقتها سهله عادي وقبل سويتها وضبطتها خفيفه وحلوه
بعد ما سويت العجينه ونطرت عليها ليما اتخمرت
وبديت بالتقطيع وانا فرحانه
اكتشفت انه الطحين تاريخه انتهي من قبل ست اشهر :cxxxp:

واااي وااااااااااااي كرهت عمري كان ودي ابجي :eh_s(2):

صج لي قالو انتبه لتاريخ الانتهاء قبل الفتح وانا عمك اصمخ

موقفج ذكرني بموقف صار معاي بس مو برمضان
كنا سهرانين وتالي الليل كل شي مصكر فقلت انا خل اسويلكم باستا
وحرام خواتي تشوقوا وقمت سويتها والحمسه ريحتها اتينن وتصك الراس وييت بحط صلصه بيتزا عالحمسه
حطيتها وكل شي ويوم خلطتها مع الباستا ولا اشوف عفن بقوطي الصلصه انقهرنا وقزرناها بسكوت وعصير :eh_s(3):

 

[ام عباااااااااادي]

لوووووول (ام عباااااااااادي)
ياحليلها الوالدة صريــــــــــــــــــحة حدها :dddds:

يمكن ماتبيج تنغرين لأن الغرور مقبرة الشيف ​

لا والله الوالده الله يسلمها صريحه بس معاي انا ولا مع خواتي تمدح لين يوصل للسماء
انا اللهم ياكافي بنت الشغاله مو بنتها
ويني وين الغرور انا بصوب وهو بصوب وهي عارفه هالشي

 

[Tom ♥ Jerry]

يه يه يه ياحليل السنعيـن :s142:
ماشاءالله .. إن شاءالله دووم تجاربج جذي :eh_s(15):

(صينيه دياي بالجبن و القيمر) اهي نفسها (رولات الدجاج) ولا غيرها ؟
اذا غير .. نبي طريقتها ولا عليج أمـر​

.

هلا بالطش و الرش :eh_s(7): !

لا حبيبتي صينيه دياي بالقيمر و الجبن غير عن صيينيه الرول .. :*

خل اقولج الطريقه مع المقآدير ..

2 كوسه
2 بطاط
2 جزر
صـدور دياي بدون عظم أو جلد " قطعتين أو 3 قطع "
خس ابيض " الي أحنا نسميه ملفوف آبيض "
زهره
1 قلاص جبن " التعآون "
1 قيمر kdd :eh_s(18):



الطريقه

1/ تفوحين الدياي بجدر فيه مآي + كمون + هيل نآعم + دآرسين + فلفل آسود نآعم + ملح + زيت لمده ساعه آلآ ربع
2/ تقصين الكوسه مدور / و اليزر مدور / و البطاط طوآل بس مو وآيد طوآل يعني وسط / و الزهره تخلينهآ صغار صغار / و الخس تقصينه طوآل بس مو وآيد يعني نفس طول البطاط :eh_s(18): !
3/ تقلين كل من " الكوسه / الجزر / البطاط / الزهره / الخس " بزيت حآر لمآ يستوون عدل 100% !
4/ لمآ تخلص الديآيه تحطينهآ بصـحن و تنتفينهآ لمآ تصير نفس الشآورمآ ..
5/ تخلطين " الدياي مع الي قليتيهم كلهم " في بآيركس .. :eh_s(7):
6/ اتييبين الجبن و القيمر و تحطينهم في صحن غزير أو بآديه و تخلطينهم عدددددددددددددددل , و بعدين تحطينهم فوق الآكله . لمآ يصير البآيركس كله آبيض من فوق :eh_s(18): =)
7/ آخر شي وقت مآ تبين تآكلينهآ تحطينهآ بالفرن .. و تفتحين الفرن من فوق بس .. بمجرد أنج تشوفينهآ حمرت من فوق تشيلينهآ و صحتين :eh_s(7): !


جربيهآ و قوليلي رآيج ترا حدهآ عجيبه مآ رآح تندمين :eh_s(7): :*


.

 

[Hello_kitty]

خووووش موضووووع الحمدلله ماشالله انه برمضان كل تجاربي ناجحه بامتياز امي بعد عمري تعيز واهي تمدح وتاكل وتتلذذ من طبقي

بس خواتي اهم المقياس بالنسبه لي لأن اذا ما عجبهم يبين عليهم وماياكلون برمضان مستانسين ومرات يطلبون مني اكرر الطبق

وما شالله مايصير بالليل الا طبقي منتهي ونااااااااااااااااااااسه وريلي بعد اول ما نفطر يقول لازم ابلش بطبقج انتي قبل كل شي ويقوم اهو بنفسه

وينجبله يشجعني ويمدحني<<<<<<<جني وايد مدحت نفسي بس موضوعج ذكرني بتجاربي الناجحه واستانست

بس للأمانه سويت كيكه وكنت مسويتها مو اول مره واحترقت شوي على الخفيف وقمت وشغلت ذكائي قلبت ويه الكيكه وسويت صوص

غطيتها فيه وزينتها وطلعت ولا اروع