خلطاتي العطرية

[نطوووعه]

وااااااااااااااي جوووووووووووووووووووووون


عيزت مت بتذكر اسم اول عطر حطيتيييه مو قااادره

و انا اقرى كلامج عنه قلت اكيد تقصد هالعطر جااان اشوووف صوووووووورته! هههههههه ايييييييننننننن عجيييييييييييييييب

بس ريلي حبطني قالي اشم ريحةهنووود!! لوووووووووول وااااي مت من الضحككك مادري منه والا منجوفان لاني كنت راشه منه بعد

و اليساندرووو يهبببببل برااااااااااد


يا جماعه انا احب عطر كباريه اعشششششششششششقه وااااااااااي ريييحته مرتبطه بالشتا و الهوا الباااااااارد الجو هالايام ذكرني فيه بشتري الغرشه الكبيره اول مرة اشتري السايز الكبير من اي عطر شريته بحياتي

 

[مولاتي سميه]

عدنااااااااااااااااااااا

ماشالله

جون مون ماتسالنييش البخور خلاص مافي امل الامل الوحيد هو الدعاء لها تتكرم علينا وترد تبيعه

لمويه هلا وغلا فيج بيينا ماشالله قريت طريقتج تهبل كلج سنع وذوقج حيل يشبه ذوقي

 

[J.e.N.a.A.a.N]

ميرسووو يا جون حبيبتي تسلمين يا الغلا ويا بعد عمري لا يمكن اقول عنج داثرة بالعكس مومهم اذا كان العطر قديم المهم انه حلو لو طاف عليه قرن
وفي عطور ديور الي اساميهم
pure boizon
mid night boizon
هذيلة يمدحونهم وخصوصا الاول بنت عمتي تقول ما استغنى عنه كل ما ارشه الكل يسالني عنه تقول ريحته بودر وجنه ريحة يهال
شرايج
ناطرة ردج وردود البنات
وعلى فكرة انا عندي كلونية بودي شوب الي على جوري واسمهاcasiss rose
روعة روعة روعة
ريحتها جوري طبيعي وحتى الزيت العطري وكلونية الجسم والشاور جل والببل باث ريحته تينن
عن جد حبيت ريحتها
جربوها وعطوني رايكم

 

[J.e.N.a.A.a.N]

هالموضوع لا يوقف
راح نستفيد منه وااااااااااااااااااااااااااايد
هلمو بمشاركاتكم يا بنات

 

[june_m00n]

القوه

كيف الحال يالخنينات المخننات

نطوعه هل كيف اول عطر حطييته مو ذاكره اسمه ؟؟

تقصدين جوفان ولا اليساندرو ولا على عطر ثاني
واذا عطر ثاني قومي هزي طولج ودوريه بموضوعج وقوليلي شسمه عفيه على نطوعه الشيخه

 

[june_m00n]

سميه حبيبة البي بسأل عن صاحبة البخور من مرت اخوي اتعرفهم عدل
صبري وبقولج النتائج سوووووووووووووووووووووووووووووووووون

ترقبوووونا

 

[june_m00n]

جنى الزين

حياج الله والساعه المباركه اللي عجتج عطوري

بجرب عطورج واقولج انشالله

 

[june_m00n]

لمويه العسوووله

خوووش مجموعه عندج مشالله تبارك الرحمن


واكوا كوثر جربتها شحلووها


مشكوووره حبيبتي

 

[بنت الدلال]

جون شوقتيني على اول عطر حبيت ريحته من قبل لا اشمــه احب هالروايح

خصوصا بالشتا والهوا البارد ريحة البودر والشرقي تمسك




بــس أنــا عندي عليكم مــلاحظـــه...



وايد تتبخرون مع العطــر.. انا احب اعطي العطر حقه حتى لو اخلط ريحتين او اكثر ريحة البخور تخليه شرقي ..وساعات يكون فرنسي البخور حلو يهبل .. بس ليش تتبخور ويا اغلب العطور


انا البخور بالصيف اذا فكرت اتبخر لاني ماحب وايد بخور بالصيف.. اخلط معاه عطر فرنسي لانه صيف


والشتا لا احب البخور والروايح الشرقيه والثقيله ... والبخور يمشي مع هالجو


بس فيه بخور استغفر الله يخلي ريحة الملابس ريحة قلم رصاص





يــلا بقولكم روايح يديده هابه فيهــا حق الصبح .. وحتى غير الصبح بس يختلف العطر نفسه ...


اول شــي بليل قبل لا انام اتسبح واااااااي احب انام على نظافه حتى الحلم يصير حلو


واحط بيبي اويل اللافندر البنفسجي لمه اخلص عقب التسحك والتفرك


اقوم الصبح احط كريم جونسون البنفسجي على كل جسمي يـاحلاته يهبل والله يمكن لي الحصه الثالثه وانا كل ماشميت ايدي ريحته ليلحين موجوده ماتر ووح

واحط بودر جونسون البنفسجي الي على لافندر وباباونج


ومسك العروس وره اذوني وعلى رقبتي


وارش على جسمي بودي مست ليل الي على مسك

وبقطنه على الاندر وير امسح بكلونيا بيبي جونسون الصفره ريحتها بيبيييي ومنعشه

والبس نفنوفي وهم امسح منه بالقطنه على النفوف

ومع كلونيات ثانيه ملوت بيبي جونسون..عشان تنخلط الريحه ... وارش من مسك ليل بعد واروح دار امي شوي شوي وافج الجنطه وآخد مسك جوفان وارش ارش على نفنوفي


عقب كل هذا اروح السياره تنطرني عقب مس كولات وتدق على البيت .. ووينج تـأخرتي هههههههه وانا غارقانه بالعسل


اي نسيت اقول قبل لا اهب ببيبي جونسون البنفسجي كنت احط كريم وايت مسك مال الايسا آشلي من مركز سلطان شريته

وبودره المسك باشره مكعبات القرشي

ومسك العروس

ومسك ليل

ومسك جوفان بنفس الخطوات الي قبل مع كلونيات بيبي جونسون




الريحــــــــــــه تيـــنن البنات وايد يحبونها ووايد بنات وياي اذا قعدت يمهم ولا مريت

اللله ريحه تينن ريحة بيبي وكل ماشمو ريحه بالصف اول مايدشون اكيــد دلال ههههههههه انشهرت




ونبمر تــو..


البيت له تعطره بعد...

عندي واحد من اخواني مايواطن العطور والبخور يكره هالروايح ... ينترفززز لمه امر يمهكله يقول ويييييييع شالريحه الخايسه بسج انتي ..


ولمه امر عند امي او اختي يسالوني انتي شحاطــه شنو عطرج واخواني الثانين بعد ونــاسه اتشقق


عــاد عطر البيت مخصص لـــه... وريحته حلوه


احط من بودره بيبي جونسون الورديه تيــــنن هذي شاريتها من شرم الشيخ الحمدلله والشكر .. الناس تروح تسبح وتتنفه.. وانا اشتري بودر ههه

والبس بجامتي وارش من عطر اسمه بنك ولونه وردي من كارفور

تكلمت عنه مزيونه وشقره وقمه النعومه والانوثه

وصــج ريحته حلوه وقويه بعد لمه ترشين منه تبقي الريحه على ملابسج وتفوح بالبيت




امبي قـرقت وايــد وراي امتحان الله يوفقني يــارب

 

[بنت الدلال]

وفي عطور ديور الي اساميهم
pure boizon
mid night boizon
هذيلة يمدحونهم وخصوصا الاول بنت عمتي تقول ما استغنى عنه كل ما ارشه الكل يسالني عنه تقول ريحته بودر وجنه ريحة يهال

جني انا برد عليج عندي بيور بويزن الصدفي مع كريمه بس خلص



ريــحــته كلش مو بودر ويهــال لالا غير ماعرف اشرح ريحته يمكن احطه مع العطور القويه

ريحته مادري ماتنشرح بس لازم تشمينه عشان تعرفين يناسب ذوقج ولا لا بس كلش مو يم اليهال والبودر



وميد نايت بويزن امس شميته بس مافرغت له حاسه الشم عشان احكم عليه لاني شميت اكثر من عطر

 

[june_m00n]

بنت الدلال

امبر روز اينن والكريم ماله اهبل ابيه جنج مغطسه روحج بالبودر ههههههههههه

وبالنسبه حق منتجات بيبي جونسون مشوقين على الكلونية مالته حييل

انشالله بجربها

وبالنسبه للبخور شوفي

انا مو كل حزه اتبخر

يعني الصبح لا ما اتبخر حق الدوام

لي غسلت شعري ابخره ولا ابخر ملابسي الداخليه اذا كنت ذاك اليوم مشتطه حييل

بس هدومي نفسهم اللي بلبسهم ما احب ابخرهم الصبح

البخور حق التسايير والاستقبالات ولي طلعت بالليل

البخور احسه اثقل الريحه ويعطيها بعد ههههههههههههه ( اشتغل التفلسف )

تصدقين عاد احس لي رحت مكان وتعطرت من غير بخور جنه ناقصه ريحتي شي
( اقصد لي رحت استقبال ولا تسيووره )

واقعد اتحلطم طوووووووووووووووول الطريج ( عيلتووني حتى بخور ما تبخرت ) ههههههههههههه
فتلاقين لازم لازم احط لي كسره بخوره بالجنطه

وابخر بالسياره في الولاعه صج ان ما تطلع الريحه حلوه مثل الفحمه

بس ميخالف اهم شي ان اكو دخان هههههههههههههههههههههههههههههههههه

ابيه قصيت قصة حياتي

 

[مولاتي سميه]

جوون مووون اي والله اي والله ساليها الله يجزاج خير قوليلها بنت الروضان تسوي بخور عجيب بس ماتبيع الا للناس الاقراب والحين بطلت

الله يجزاج خير ياقلبي

بنت الدلال يه يه يه هلروايح البارده والمنعنشه ماشالله

اقول دلول بيبي اويل لافندر واللوشن ماله اللي لافندر ماتحسين يسمرون؟؟ انا بس احط بودرة اللافندر تهبل بس الكريم احس يسمر فمااحطه

وشنو عطر بنك؟؟؟ شلون صاير شكله وريحته على شنو؟؟ لايكون ريحة حلاو وفواكه؟؟

 

[مولاتي سميه]

جون مون على طاري امبر روز تدرين مسيفته عندي اول طلعه للسوق بجربه انشالله

 

[june_m00n]

سميه حبيبة البي

الحين البخور مال بنت الروضان معمول ( اللي جنه كور )

ولا بخور ( اللي جنه خشب ) اللي اكو ناس اسمونه عوووود؟؟؟
يعني اهيا تسويه

ولا تشتريه وتبيعه ؟

وانشالله بحيل الله وقوته احصلها اذا طلعت من اللي نعرفهم

 

[june_m00n]

سميه امبر روز ريحتها بودر وبااارده وماكو منها الا اودو تواليت

بس تثبت يا حلاتها تهبل


لي شريتيها قوليلي رايج

 

[مولاتي سميه]

هلا وغلا جون مون لا بخورها جنه كور مع اني مااحب هالنوعيه وانا من ربع العود بس هذا موطبيعي ريحته جنه عود ماشاءالله واهي بنفسها تسوي ماتشتري لا سوات ايدها

 

[june_m00n]

هلا سميه كيف الحال

انا قلت لها بعد جذي

انه معمول

 

[لموية العسولة]

وااااااااااااااي سمية عززززززززززة نفسي بتمنعني أنسى جرحي وأركض ليك خخخخخخخخخخ_03BA:

نكج عنيف تأبى المروءة اني اناديج فيه :krkrkr: يا مولاتج انتي وبسسسسسسسسسس:ada:


بس برد عليج

شوفي عطر بنك من زمان انا شاريته من مطار دبي يمكن من عشر سنين ريحته حلوة وباردة

بس قبل جم يوم شفته بكارفور ورشيته على عبايتي واااااااااااااي بغيت امووووت من الريحة حدها تقلب الجبد واللي يغث انها ثبتت كل ماحركت ايدي شميتها ...ريحة حلاو على دهن يعور الراس


والناس أذواق

مادري عاد ..اهي صج تغيرت والا انا ذوقي اللي تغير على مر السنون والأزمان :gr4uu:

 

[بنت الدلال]

بنت الدلال يه يه يه هلروايح البارده والمنعنشه ماشالله

اقول دلول بيبي اويل لافندر واللوشن ماله اللي لافندر ماتحسين يسمرون؟؟ انا بس احط بودرة اللافندر تهبل بس الكريم احس يسمر فمااحطه

وشنو عطر بنك؟؟؟ شلون صاير شكله وريحته على شنو؟؟ لايكون ريحة حلاو وفواكه؟؟

اهلين سميه ...


لا والله ماشفت منه اي شي كل يوم قاعده استعمله الاويل والكريم وريحته حلوه وكل من يسالني عنها كل يوم يزيدون عدد البنات الي يسالوني عن ريحتي


اهو من كارفور اكو منه 3 انواع وردي واصفر ومادري شنو المهم الي عندي الوردي ومغلفه بمثل بلاستيك وردي ... لا مو حلاو ولا فواكــه كلــش ريحته غير

بس ريحه بارده وثابته تتم ببجاماتي مـده وتفوح لمه تمرين يم احد


ريحتها مادري شلون عطر فرنسي يعني مو حلاو ولا فواكه ولا شرقيه لالا غيييــر



انتي روحي كارفور صوب الكلونيات تلقينها شميها يمكن تعجبج والناس اذوااق

 

[مولاتي سميه]

جون مون هلا حبيبتي انا بخير انتي شلونج ماقصرتي ياقلبي شكلي غلبتك معايا

لموووووووووووويه خخخخخخخخخخخخخخخخخخخخخخخخخخ شدعوى عليكم موعشاني عشان جمال الصلال خخخخخخخخخخخخخخخخخخخخخخخخخخ
بس دام العطر على قولتج حلاو انحششششششششششش
انا اتقبل كل شي الا عطور الحلاو يمكن حتى الفواكه مرات ابلعهم الا سالفة الحلاوه اففففففففف احس ريحة سايقنا جعفر لا حط عطر بجمعته خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ


بنت الدلال بعد عمري مشكوره شكلي بحط اللافندر