خلطاتي العطرية

[june_m00n]

موضوع تولين ما فطنت فيكم حسافه

يمكن انا اول وحده عشتو هههههههه

مندمجه حدي بالرد

عاد اييب اليهده هههههه

 

[june_m00n]

سمسوومه شلونج شخبارج

اينن اينن روح البخور ما استغني عنه اقولج

واكو منه العطر المركز

يعني اكو روح البخور مشعل واكو العطر المركز

مره كنت حاطه صورته في هالموضوع شوفيه

وعسا بالمبارك زواج بنت عمج

 

[june_m00n]

نطوعه

جب مع امبر روز هااا

خلاص

علم

تم

صار معلوم

:eh_s(20):

 

[june_m00n]

حور

برد عليج

في اقرب فرصه

ترقبييني هههههههههه

 

[ghoot]

مشكوره حبيبتى

 

[june_m00n]

السلام عليكم

شلونكم يا بونايات

حور دشيت عشانج لأني وعدتج


شوفي

الخلطات الشرقيه اهيا السر

والعطر الفرنسي يعكس اختيارج من اي فصيله تحبين؟

ما يهم اذا كنتي تحبين اللي صاير على حلاو ولا بودر ولا توابل ولا اللي تحبين

بس خلطي الشرقي مع العطورات الفرنسية وثبتييها بالبخور

الحين هذا السر هههههههه ( الله والسر عاد )

بعطييج جم وحده حسب ذوقي وطبعا يختلف من وحده لوحده

انا احب كلونية مالت سيسلي القديمة او اليدييده حق الحفلات تشيخ الريحه

وحطي وياها اي عطر شرقي ( عطر شيخ او فاطمة ) مال امل الكويت

وحطي عند رقبتج و مواقع النبض على قولتهم دهن عود ( انا احب مال جنيد ) بالاضافة الى قطنة مغطستها دهن عود حطيها داخل هدومج بحيث ان الريحه تظل فايحه ما تروح

وتبخري بخور اصلي مو معمول ( انا احب بخور الفارس من الشامية مول )

وتعالي شمي ريحتج

حق الشتا هالريحه فواحه وقويه وثقيله وفخمه وكلشي

الحين انا قلت لج هالخلطه تقزري فيها هههههههههههههههه

ولي عوده انشالله

وفالج البيرق ههههههههههههههههه

( على قولة بعض الناس شرايج سمسومه ههههههههههه )

 

[سحر الليالي]

مشكورين على الخلطات الرووووووووووووووووووووووووووووووعه

 

[سبائك]

جون مون ماشاءالله عليج راعية مزاااااااج بالعطور وتخصص درجه اولى تف تف ماشاءالله

شوقتيني على خلطة مكه ودي أشمها ان شاءالله

وسان لوران اذا تقصدين اليديد وايد حلو عجبني

حسافه ليتني قاريه اسامي العطور الي حطيتي صورهم توج عاد توني راده من مشرف وشميت جم عطر حلوين

شميت أس أسكادا اليديد حلوه ريحته مميزه

وشميت ويف الازرق قالت عنه جروح حلو بس مو واو

وشميت دافي دوف الرجالي اليديد سلفر رين وايد حلوه ريحته

وشميت ايجنت بروفاكتور لونه عنابي تقول الي تبيع انه (ون شوت) حلوه ريحته قويه شتويه واذا بردت تصير احلى

وابشركم لقين تويجا اخييييييييييييرا قلللللللللوش صار لي دهر كل مارحت محل عطور أسأل عنه وأثاريه كاهو يمي عند عيني وأذني

 

[june_m00n]

هلا والله سبائك حياج الله

صج اني راعية مزاج بس مشالله ما اغلبج بالذوق يام الذوق انتي

انا اقصد ايف سان لوران اللي حطييت صورته بموضوع نطوعه هذا

ما اقصد البنفسجي

البنفسجي شويه قوي هذا لأ بااارد وللأمانه مو حيل مميز بس براد براد يا حلاته

سكادا وبروفاكتبر مدري احس ريحتهم ما صكت راسي حييل ههههههههه ما ضرب عندي

وتويقا

تصدقين

كنت بمرينا وبنرد

وصلت حق سيارتي جان اذكر بروح حق وهران بشم تويقا

واروحله باقصى قصي ههههههه

والنهايه صاك

عاد اشوف العطر جدامي حاطيينه يم الكاشير

بس مصكوك

والليتات طافيه مدري شعندهم

الله مو كاتب اشمه لا اله الا الله


بس في خطتي الخمسيه

ولو اني مع العطور ماكو اي نوع من الخطط ههههههههههه

عليج بالعافيه عطوراتج

وتخلصيينهم على جسد صحيح وبال مستريح شرايج ههههههههه

 

[سبائك]

أما الجمله الأخير يا جون

وتخلصيينهم على جسد صحيح وبال مستريح شرايج

بصراحه عجييييييييييييييييبه تهبل تهبل عجبتني حيييييييييييييل ماني عارفه شرد عليج تدودهت هههههههههههه

 

[سبائك]

وي تعالي جون من التدوده نسيت لا أقولج

ترى لما تشمين تويجا بتنصدمين صدمة عمرج

بتقولين معقوله!!! مو خابره ذوق سبائك جذي!!!

بس انتي اخذيها وعلى ضمانتي

ورشيها ورشي فوقها خلطه شرقيه(ملوت أجمل أو الرصاصي)

وتبخري

وذيك الساع شمي الريحه عااااااااد ياسلااااااام

 

[june_m00n]

هههههههههههه ضحكتييني

انا اتشييحط

اسمعهم عند امي

وايي اسمعهم اهني

حتى انا ما اعرف ارد عليها

بس شرايج مو خووش دعوه عجبتني

لأن اهم شي راحة البال والصحه والعافيه

الله لا يحرمنا منها ولا من نحب

اللهم امين


وبالنسبة حق تويقا
لا تحاتين
حاستها مثل جب مادري ليش

 

[7or]

مشكورة يا june_m00n

وانا بانتضارج
على طاري العطور امس رحت الافنيوز وشميت عطر كلفن كلاين عجيب لايطوفكم يابنات خذيته 28 دينار تقول للي حسابهم الوطنيه لهم خصم 10%

بس صج عجيب مايطوف

 

[june_m00n]

حور بعد قلبي عليج بالعافيه عطرج

مادري ما شميته بس انشالله بالطريج للشم ههههههه

انتي جربي الطريقه اللي قلت لج عليها

وانشالله من عيوني لي اكتشفت اي شي جديد اقولكم عنه

 

[بنت الدلال]

وييي بنات مـن زمــان مادشــت هالموضــوع



شخبار عطوركم هالايـام



يوم السبت امي شرت ذا ون مال دولجي آند قبانا دش مزاجهــا وخذته مسوين عرض اربعه صغار

عطتني واحد وقمت اخلطه مع بخاخ من بوراشد نسيت اسمه

علبته خشب داير مدارهــا


ومجموعة جنيد على اماكن النبظ



الريحـــه تيـــــنن ووفواحــه حدهــا امي واختي وبالمدرسه شكثر سـألوني عنها

 

[june_m00n]

كل عام وانتو بخير

وتعودونه كل سنه وانتي بخير وعافيه ومكلونين ومطيبين ومبخرين


شريت ست هديه

كلونية انسولانس انشالله اسمها صح مالت جيرلان

اهوا اكو منه في لمعه واكو بدون

انا شريت بدون

بس صج صج يا بنات


حلو

حطيته على عباتي

وظل لما باجر

اللي اقول ياربي شالريحه بجمي

عليها بالعافيه اللي خذته

حتى دقت وقالت واااي شالعطر صج صج رهييب

صج لما يبرد اهبل


ثاببببببببببببببببببببببببت

وحلو

عجبني والله حييل

نفسي اتسولي اني اشتريلي منه

 

[june_m00n]

عطر تويقا

واخيرا شريته

عقب ما درت عليه خوووش دواره

على قولة نبويه بدرب الزلق لما تقول حق اقجطه لما قالها ابي اشطه : رحت الألعه وميدان التحرير يا سيدي ما لئيتش ههههههههههههههههههههههههههههههههههههه


انا بالضبط بالضبط صرت نفسها

ما بقى مكان ما رحت له ما لقيت

فافافوم

دبنهامز

فيسزز

واااي طفرت

ويوم لقيت وهران بمارينا جان القاه صاك !

واخيييييييييييرا شريته

من المركز الفرنسي

ومتى

اليوم ومطر وغرقه

وانا فراغه رايحه اخذه

شهوة امصخن هههههههههههههه

خذيته يا سبائك بدون ما اشمه

ولي الحين ما فتحته

 

[جاكليت]

انا احط عطر جيب مع دهن العود المعتق من أجمل ريحه تينن

 

[سبائك]

أمبيييييييييييييييييه جون من صجج خذيتيه بدون لا تشمينه

ولي يسلمج اذا شميتيه قوليلي بس مثل ما قلت لج رشيه وفوقه عطر شرقي وتبخري مو تشمينه بروحه ويطيح من عينج

 

[june_m00n]

سبائك

انتي قلتي

اخذيه على ضمانتي :rerrerek:

وانا اثق بذوقج