خلطات مفعولها روعه واغلبها طبيعيه ومن الحواي

[ريـ’ـآنـهـ‘]

مشكورة يس شلون طريقة الحلبه حق الشعر


شلون تسوينها مع الزيوت

 

[دلوعة الـ غ ـيم]

الغالييييه مشكوووورة و ماا قصررتي

كملي الموضوع ناطرينك ع أحر من الجمر

بالنسبه لي شريت عشبه الأسغول و راح أبدي استخدمها من بكره بحيل الله

و اذا ممكن أو عندك تجارب نفعت و فادت في تكبير الصدر و الارداف يا ليت ما تحرمينا منها

و الله يعطيك العااافيه و يخلي لك بناتك يااا رب

 

[ضنـآني الشوق]

ماشالله
رووعه مووووضوعك
الله يعطيك الف عافيه ، كملي متابعينك :*

 

[Lovely_R]

كملي حبووبة متاابعيينج موضووع مفييييد ياليت لو عندج شي حق صفاء ونقاء بشرة الجسم من السواد والاثار والشوائب ؟؟

 

[عسى الله يهديني]

والله العظيم سجلت دخول للمنتدى عشان اشكرج
تستاهلين الشكرررررر ةانتي نادره وقليل البنات الي مثلج يحبةن الخير لغيرهم

 

[روحي تحبك...]

حياتي بنياتي

تسلمين عالموضوع الحلو بس ممكن طلب

والي يعافيج ابي طريقتج بالضبط شلون تستعملين الحلبة

اخاف من الريحه صراحة

بليييييز شعري راح فيها

 

[حياتي بنياتي]

طريقه الحلبه مع الشعر
تاخذين حلبه وتطحنينها را تصير بودره ضيفي عليها زيت الجرجير لان يطول ويمنع التساقط وزيت الاس يمنع التساقط ويطول ويسود الشعر وزيت نخاع الثورلان ينعم ويقلل نفشه الشعر حطيهم في بطل وخلي الحلبه تنقع فيهم وعشان الريحه اخذي جم حبه هيل فتتيها بداخلهم وكل ما شفتي هالبطل رجيه راح تلاحظون بعد ماترجونه في ماده بسيطه تكونت بالزيت هاذي اهي الفايده بالزيت
دهني فيها الشعر وعشان تلاحظين اكثر دهني اول الراس يم الجبهه مع الوقت راح تشوفين شعر صغار ينبت

بنات انا استخدمتها شهر ونص ومثل ما قلت 3 ايام بالاسبوع سبت+الاثنين+الاربعا وعطتني نتيجه ومالها اي مضار وطولت شعري بشكل خيالي

وعشان الريحه من تغسلون الشعر عدل وتبخرينه وتحطين خمريات ماراح تطلع ريحه انشالله وفي عطور في بادي شوب مخصوص للشعر وبصراحه انا عشان شعري ماعندي مانع احطها لان نتايجهااااااااااااااااا رهيبه بس اعطر شعري وايد

 

[حياتي بنياتي]

بنات هالخلطات الي راح اكتبها للتخسيس واهي خلطات زيوت وبنفس الوقت خلطات للاكل والشرب وارد اقولكم كلها مجربتها شخصيا
ادري بتقولون هاذ متي عندها الوقت وصج فاضيه
الي بيتسالون صج فاضيه احب اقولكم انا مو موظفه ربت بيت يعني طول النهار ريلي مو موجود بالدوام هالوقت اذا ماكنت طالعه مخصصته لنفسي واي كلها خلطات جسم وزيوت حطوها وقعدو بالبيت ماراح تنزعجون منها
وحتي الي يشتغلون ترا ماراح ياخذ الموضوع منكم اكثر من ساعتين من ناحيه الزيوت الي بتحطونها علي الجسم هاذي اقل مده والي تحب تظل فيها تقدرون لحد 5 ساعات

وبصراحه الي تبي نتيجه تستمر يعني بنات لا تسوون هالخلطات مره ومرتين وتقولون ماكو شي عيبنا نروح ونشتري ونصرف واخرتها مره ومرتين وبعدها نهمل وانتوا تعرفون ان الادويه والكريمات مع الاستمرار تبين فما بالكم بمكونات طبيعيه

ادري طولت عليكم استحملوني بس باختصار احلي كلمه اقولها لكم
الاستمرررررررررررررررررررررررررررررررررار


بأسم الله
خلطه زيوت تحطونها وتمشون بالممشي او حطوها وحوسوا بالبيت

زيت زنجبيل + زيت العرعر+ زيت اكليل الجبل+زيت النعناع+ زيت الزعتر

بنات مثل ما قلت في بالحواي علب صغيره وتكون متساويه الحجم تاخذونهم وتحطون من كل نوع نص الغرشه في علبه زجاج لان انواع الزيوت وايد فنص العلبه الصغيره من كل زيت راح تطلع كميه ممتازه والباجي احفظوا فيه لان هم راح نستفيد منه بطرق ثانيه

هاذي الزيوت تحطونها ولفوا المنطقه الي تبون تخسسونها بالنايلون وامشوا بتحسون بحراره لان كل هالزيوت تمس الزيوت والسوائل المحبوسه بالجسم يعني الي تمشي تحطها مده المشي والي تحب تحطها وتحوس بالبيت تاخذ اقل شي ساعتين ونص

اما بالنسبه للاكل والشرب خصوصا للكرشه

اول ما تقعدون من النوم وقبل الريوق تاخذون من الحواي عشبه الشمر واهي تكون علي شكل حبوب خضرا واهي نفسها الحبه الحلوه تاخذون قفشه ونص كبيره مع كوب ماي مغلي واهم شي اهمممممممممممممممممممممممم شي تغطون الكوب عشان الفايده ماتطير لان الشمر فيه زيوت طياره لمن يدفا اشوي ينشرب يشد الجسم وينحف الكرش

وقت الغدا
تاخذون بذر الكتان وتلقونها بالجمعيات معبيه بكرتونه لونها بني نظيفه تقريبا العلبه ب 900 فلس ضيفوا قفشه مع السلطه واهي طعمها مو شين كانها سمسم وهالبذره بالتخسيس رهييييبه للتخسيس وبعد العشا تقدرون تاخذونها مع الروب واهم شي لا تتاخرون بالاكل يعني لبعد الساعه 8 لاتاكلون وهالوقت يعني من بعد الساعه 8 اخذوا مطاره وحطوا فيها هالاعشاب

اكليل الجبل + نعناع تحبون فرش او مجفف عادي + بابونج +زنجبيل من كل عشبه قفشه وللامانه انا ادمنت هالوصفه صرت اشربها من دون ما احليها لا بسكر ولا بعسل

والي ماتقدر علي الاعشاب او ماتحب تاخذ من كل عشبه نص قفشه صغيره مع شاي اخضر وتشرب

وبما ان الحين عطله راح يكثرون السهاريه بالليل نصيحه لكم سوولكم مطااااره وطول الله شربوها وهالاعشاب فيها بابونج تهدي الاعصاب وتساعد علي النوم

يعني الي بتمشي علي هالاعشاب كشراب وبذر الكتان مع الاكل والزيت مع المشي كل يوم لمده شهر ونص وبأنتظام ومثل ما قلت كل جسم ودرجه تقبله خل تكتب تجربتها



اخر معلومه بالنسبه لزيوت الجسم وبكل امانه انا مثل ما قلت امشي فيوم احط هالزيوت والي بعده احط زيوت الشد الي ذكرتهم اول الموضوع وادر اذكرهم

زيت الشمر وزيت القرنفل وزيت الياسمين واضافه زيت الهندباء صج اشوي ريحتها قويه بس تشد شد
وحبايب قلبي قبل ما اتركم اعطيكم كلمه السر

استمراااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااار

 

[حياتي بنياتي]

لفلي حبيبتي بحطلج الحين وانشالله راح اكتب بعد وصفات للتبيض الجسم
الحين للجسم والشوائب في طريقه كريم يمصه الجسم بسرعه وفي خلطه زيوت

الكريم
كريم جليسوليد المدور من الجمعيه
زيت الزعتر
زيت الليمون
زيت السمسم
ومره تنقعينها وتاخذين مايها

الطريقه تاخذين الكريم وتضيفين عليه قفشه من كل نوع من انوع الزيوت قفشه كبيره مع نص كوب من المره المهم ان الخلطه تظل علي هيئه كريم وتحفظينها بغرشه زجاج بالثلاجه طبعا تدهنين فيها وقت النوم او الصبح او تحطينها فتره وتغسلينها
وهالكريم راح يشربه الجسم يعني ماراح تضايقين منه

واهو عجيب للاماكن الغامجه ويصفي البشره خصوصا زيت الزعتر والمره وزيت السمسم وزيت الليمون معروف عنه يبيض مع الجلسوليد
اتمني تستفيدين ولا تنسين الاستمرار

وانشالله خلطات وكريمات التبييض راح اكتبها

 

[batooly]

فوق

^.^

 

[al39laa]

نبي حق تبيض الويه

انا عندي حول حلجي منطقه اغمج من ويهي

 

[حياتي بنياتي]

دلوعه الغيم حبيبتي بالنسبه للارداف والصدر
احب اقولج استعملت واااايد خلطات

خلطه حليب الصويا والسيريلاك
وبصراحه شفت منها نتيجه بسيطه من حيث عدلت صدري بعد الرضاعه وحسنت البشره بس للامانه انا ماافصخ الكورسيه يعني من بعد اول ولاده لي للحين وانا اذا بالبيت او طالعه كله لابسته بس وقت النوم ولمن يرجع ريلي من الدوام افصخه

واكلت علي الريج مكسرات وعسل وضفت معاهم قفشه خميره وهم عطتني تفخ بسيط بالجسم بس انا امشي يعني ما ادري اذا انتي مو من النوع الي يمشي او يسوي رياضه اكيد راح تسمنين عليها

وفي خلطه قاعد استخدمها حاليا بس راح اكتبها لمن اتاكد من نتايجها

بس الاكيد الي استخدمتها
زيت حلبه وخميره وكريم جليسيوليد اسوي هالخلطه وبنفس الوقت استخدمها للصدر والمؤخره انشالله تنفع معاج
يعني قفشه صغيره زيت حلبه وقفشه صغيره خميره مذوبتها بماي وقفشه كريم اخلطها وبنفس الوقت استخدمها مع مساج للصدر والمؤخره وكنت اكل معاها مكسرات وعسل وانشالله تنفعج

 

[حياتي بنياتي]

بالنسبه للمنطقه الحساسه من تبييض

اولا بنات ومتزوجات
اهم شي التهويه والملابس البيضه يعني ملابس الداخليه خليها بيضه طبعا الي يلبسون عبايه الله يعينهم لان اهي سبب كبير للسواد خصوصا لمنطقه الفخوذ والاباط فيفضل الي تلبس عبايه تلبس تحتها بلوزه بيضا وشورت ابيض
وانا اقولكم ليش
اولا جو الكويت مايرحم ثانيا الجسم يمتص اللونيعني مع الجو الحار تنفتح المسام مثل ما الجسم يمتص الخلطات والزيوت هم يمتص اللون فتخيلوا حر وصيف والجسم من الحراره يطبخ شي اكيد راح يمتص الجسم اللون واكبر دليل الي تلبس عباية او الي تلبس الجينز شوفوا بعد الغسيل الماي اشلون ينقلب لونه من صبغ الخام حتي الي يلبسون جينز يلبسون تحته شورت ابيض وفي يابنات شورتات خفيفه ولا تبين انكم لابسين شي

نيي للعنايه اهم شي
زيت اللوز المر
وزيت الليمون
زيت جنين القمح
ينخلطون مع الجلسرين وينحفظون بالثلاجه بنات هالخلطه للمنطقه الحساسه وللاباط هالخلطه ضروري تستخدمونها بالليل وتلبسون شورت فضفاض
تجفيف المنطقه الحساسه بعد الحمام شي ضروري

 

[حياتي بنياتي]

للمتزوجات وخصوصا للتضويق
شي اسااااااااااااااااااااسي وضروري
المره
تنقعونها مع غسول في بطل ماي منها تساعد علي التطهير والتضويق استخدمه يوميااااا

الخزامي
وما ادراك ما الخزامي بنات عشبه وجربتها شخصيا واهي ورد بنفسجي تاخذونها وتغسلونها عدل وتغلونها مع البابونج
مفيده للتضويق بس تسوونها وتستخدمونها بنفس الوقت واذا حبيتوا تحتفظون فيها تحطونها في كوب بالثلاجه وما تزيد عن يومين هالخلطه انا استخدمها كل يومين مره

قشر الرمان ومنو مايحب الرمان بعد ما تاكلونه احتفظوا بالقشر
غسلوه زين وحطوه علي جريده لمن ينشف ويصير ياااابس بعدها طحنوه وتاخذون كميه وتغلونه وتستعملونه كغسول بس يفضل انكم تضيفونه مع المره وبصراحه استخدمه اخر يومين من الدوره

القرض
شكله مثل الحبوب كبيره تاخذونه وتغسلونه عدل يعني نقعوه بالماي عشر دقايق وتشخلونه من الماي وتنشرونه لمن ينشف وتطحنونه علي فكره بنات اغلب الحريم الي يبيعون ادويه النفاس يبيعون قشر الرمان والخزامي والقرض كنقوعه اخر النفاس

بنات القرض عجيييييب بس عيبه يسود اشوي فانا ابتعد عن استعماله كغسول استعمله بطريقه ثانيه والي تبي تعرف تكلمني علي الخاص


عبايه السيده
اعشاب يستخدمونها بالنفاس والدوره مهمه ورهيبه للتضويق تلقونها بالحواي علي شكل اوراق خضرا تاخذونها وتغلونها تنشرب اسبوع الدوره والاسبوع الي قبله مو اكثر من هالاسبوعين بالشهر

الفلفل الابيض والكركم
متزوجاااااااااااااااااااااااات الفلفل الابيض نعمه وسالوا عنه الاندونسيات والفلبن والكركم سالوا عنه الهندود الكركم يشد الرحم والفلفل الابيض ينشف المنطقه كل ما حبيتوا تاكلون ضيفوا الفلفل الابيض بدال الاسود
وتجربتي للفلفل الابيض والكركم بصراحه اكلهم مع البيض واكل كل يوم فلفل ابيض اخذ قفشه مع حليب حار وقت الريوق

وانشالله اي اضافه للمتزوجات راح اذكرها

 

[cutagrl]

يعطيج الف عافيه ياعمري
والله انج حبيبة وماقصرتي كل هذا بميزان حسناتج تتفيدين خواتج
الله يوفقج ويسعدج ويسخرلج زوجج ويحفظج ويحفظ عيالج يارب
اذا عندج خلطات تبييض الويه والجسم ياريت تسدحيينه
وتطويل رموش والحواجب وتوريد الشفايف وتكبير الخدود لووول ماخليت شي ها حريم لازم
وحبيت اشكرج مره ثانيه فديتج

 

[حياتي بنياتي]

حبيبتي ياcutagrl الله يعطيج مثل دعوتج لي واكثر

 

[حياتي بنياتي]

خلطه اليوم للسيلوليت

طبعا اغلبنا بعد الحمال والولاده الجسم يتحول لخريطه يعني بختصار كاااارثه
:eh_s(16):
والسيلوليت عباره عن دهون متجمعه بين البشره الخارجيه والبشره المتوسطه
وحبايب قلبي بنات المنتدي ما قصروا اكتبوا عن المساج الجاف بس حبيت اكتب لكم خلطه تقضي علي السيلوليت بشكل رهييييييييييب وانا مجربتها وللحين مستمره عليها يلا


بأسم الله

اولا
يبيلكم فرشه للمساج او رول والي انا استخدمه متوفر بالجميعات ومايتعدي الدينارين ونص والرول عجيييييييييييييييييييييييييييب بس عيبه صغير يعني لو تلقون نفس هالرول بس اكبر راح تحصلون النتيجه المطلوبه بسرعه


شوفوا الرول طبعا مصنوع من الربل وهاذ المطلوب عشان ما يجرح او يبقع البشره وعكس الرولات المصنوعه من الشعر القاشي او الاسفنج هاذ الرول يحرك طبقات البشره الي متكونه فيها السيلوليت وبنفس الوقت ما يكلف شي

الحين الخلطه
زيت البرتقال
زيت السرو واهو اساس الخلطه
زيت النارنج
كريم st ives بفيتامين e




تخلطون مكونات الخلطه وتحفظونها بالثلاجه بعد الشور تسوون المساج علي المنطقه المطلوبه بدون اي كريمات
بعد المساج تدهنون بالخلطه

طبعا كلمه السر والي اهي الاستمررررررررررررررار راح يرد الجسم طبيعي


ولا تنسون تشربون ماي دافي علي الريج مع عصره ليمون يعني تغلون الماي لمن يصير فاتر اشوي تعصرون ليمونه وتشربونه اهو يذوب الشحوم فيساعد الخلطه علي ان النتيجه تطلع اسرع



ولي عوده انشالله مع خلطه يديده واتمني افدتكم

:eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17):