خلطة البريعصي للتبيض

[ام يوسف الكويت]

رد: رد : خلطة البريعصي للتبيض

بريعصي؟؟!!

انزين مافي خلطة زهيوي ؟؟

لوووول

 

[حـوريـه]

رد : خلطة البريعصي للتبيض

أقولج شنو هالخلطه !

الله يسلمج تحطينها على جلدج كلــه


و تبدي فيج بقعه [ برص ] مدوره بمكان .. تخيلي برقبتج بوجهج بأي مكان

وتاخذ شهور وشهور وهي تـوسع وتصير أكبر وأكبر

وبعد اقل من [ سـنـه ] تلقين نفسج [ بــــرصـــه ] والعياذ بالله

والبرص ناس يتعالجون منه !!
وانتي تبينه ، هذا والرسول ناهينا عنّه ؟؟

غلاتي دربالج

الناس شنو موقفهم لما يشوفونج شهور وشهور وانتي مبقّعه ووجهج لون ولون ؟؟

تخيلي عــاد .. تخيلي !!

صرتي برصه وبقت أماكن عيّت تصيـر نفس لون البرص ؟
شنو موقفج من نفسج و شنو يقول عنج زوج المستقبل ؟


دربالج

لو انج حنطاويه لو انج سمره

اهم شــي النظافه ثم النظافه وتوحد اللون ..

:balo:

 

[G!RLooNa]

رد: رد : خلطة البريعصي للتبيض

ويع قريت اسمها لاعت جبدي :/

 

[بطة بالبرتقال]

رد : خلطة البريعصي للتبيض

لا حول ولا قوة الا بالله
الحين الشخص الي يبغى شئ او يبغى يوصل لشئ ممكن يعمل ويستخدم اي شئ عشان يوصل له .. وفي ناس ماتخاف الله تستغل هذا الشئ وتتكسب من وراهم ((وزي مايقولو رزق الهبل على المجانين))
يعني مثلا الواحدة الي تستخدم البريعصي (احنا نسميه في السعودية وزغة ) راح تصير بيضة زي نيكول كيدمان أكيد لأ .. وبعدين يقال والله اعلم انو الرسول حث على قتله لأنه مؤذي وسماه فويسق ..وبعد الناس الي مايخافو الله يستخدموه في السحر والعياذ بالله
سؤال كيف تستخدميه بالله مارح تقرفي من نفسك ؟؟؟ انا بصراحة اعتبره قرف
ذكرتيني قبل فترة لمن قالو بعض الحريم انو وضع القمل في الشعر يساعد على تطويله ويعمل لراسك مساج انا سمعت من بنات في النت على حسب قولهم انو بعض العطارين كانو يبيعو القمل بخمسين ريال .. مع انو ما احد يختلف على انو القمل مايجي غير من الوساخة ودليل على عدم النظافة
ماستغرب اذا في ناس استخدمو قمل انو في ناس ثانيين يستخدمو بريعصي
بس بالله الناس الي يعملو كده ايش يحسوا فيه بصراحة ​

 

[مملــكة حــواء]

رد : خلطة البريعصي للتبيض

استغفر الله العظيم تلعبين بصحتج عشان البياض

الله يهديج ان شاءالله

حرام عليج تدخلين هالمرض بعايلتكم واهو مو فيكم راح ينتشر بعيالج بعد حرام عليج

 

[نثية زوجها]

الله يهديج بس اذا الله لا يقوله صابج شي ماراح تنفعج لادمعه ولاندم
واذا تقولين اسمها بس ليش سموها اصلا العطارين يسوون خلطات فيها
بريعيصي ويسمونها بياض ونعومه شلون خلطة مافيها بريعصي ويسميها بريعصي
يعني بالعقل محد بيفكر انه يشتريها لمجرد اسمها واحمدي ربج انج بصحه وعافيه
حبيبتي استغفرالله الناس اتعوذ من هالامراض وانتي تضحكين وتستخفين فيه عبالج انه مستحيل
ترى الانسان لا استهان بشي يجيله ولاتجيبين البلا لج ولأهلج بكره تقعدين عندهم طول عمرج

عن انس رضي الله عنه إن النبي صلى الله عليه وسلم كان يقول :

" اللهم إني أعوذ بك من البرص والجنون والجذام وسيء الأسقام".

رواه أبو داوود رقم (1554 ) ، و النسائي رقم (8\270)، وصححه الألباني في صحيح الجامع الصغير رقم (1281).

يقول بن عيد الهلالي حفظه الله في كتابه بهجة الناظرين شرح رياض الصالحين:

غريب الحديث:

البرص: داء معروف، نسأل الله السلامة منه ومن كل داء، وهو بياض يقع في الجسد.
الجنون: زوال العقل.
الجذام: داء معروف وهو من الأمراض المعدية.

فقه الحديث:

•استعاذ رسول الله صلى الله عليه وسلم من سيء الأسقام خشية ضعف الطاقة عن الصبر والوقوع في الضجر فيفوت به الأجر.
•هذه الأمراض مفسدة للخِلْقَةِ والخلق ، وتؤدي الى نفور الخلق من صاحبها.
•لم يستعذ رسول الله صلى الله عليه وسلم من جميع الأمراض لأن الأمراض مطهرة للآثام مع الصبر عليها ، ولا يخلو منها العباد ، بل أشد الناس بلاء الأنبياء فالأمثل فالأمثل