خمول بالغده((تعديل))

[Om Rashoodi]

السلام عليكم بنات ،،،
انا مشكلتي غريبه شوي ... انا فيني خمول بالغدة الدرقية واخذ علاج من زمان والحمدالله تزوجت ويبت بيبي الله يحفظه ... بس المشكلة انه الغدة مسويتلي تورم في ساقي يعني جسمي زين بس سيقاني متان ... بنات عفيه منو فيها جذي وراح منها تقولي او تعرف احد صار فيه جذي وراح منه وشلون راح يعني تقولي الطريقه بلييييييز لا تطنشوني ترى نفسيتي تعبانه من هالسالفه ومشكورين وايد

 

[((daanoon))]

اختي انا اعاني من خمول غده بس مااعاني من تورم السيقان الحمدلله واول مرة اسمع فيه اتوقع التورم مو بسبب الغده اكيد في شي ثاني

لان عمتي عندها تورم بالساق بسبب احتباس سوائل من الكورتيزون

انتي سألي دكتورج احسن

 

[Om Rashoodi]

مشكورة حبيبتي عالرد تسلمين

 

[ام عمار]

انا امي عندها خمول بالغدة والساق مو متورم الحمد لله
بس لازم بتاخد علاج يعني الدواء اللى كتبه الدكتور اسمه (يوثيروكس ) لازم تاخدة كل يوم الصبح وهدا علاج دائم
عشان كدة لازم تروحي الدكتور يكتبلك العلاج المناسب والجرعة المناسبة كمان تكشقي على رجلك
لا تهمليها
وشفاكي الله وعافاكي

 

[blue diamond]

انا عندي خمول في الغده وما عندي تورم والحمدلله
روحي الطبيب وسألي لان احتمال كبير مو من الغده

 

[اميرة بنتها]

انا اعانى من الغده من 4 اسنين واكل الحبه 75 بس التغير الى حسيت فيه هو السمنه زيادة الوزن يعنى قبل كنت 64 والحين 74 مادرى شسوى ياليت بنات الى نده الغده الخامله تقول شنو التغيرات الى حصل لها والى زاد وزنها نزل بسرعه خلونا نسوى موضوع وكل وحده تقول شنو الى حست بتغير فيه

 

[blue diamond]

انا اعانى من الغده من 4 اسنين واكل الحبه 75 بس التغير الى حسيت فيه هو السمنه زيادة الوزن يعنى قبل كنت 64 والحين 74 مادرى شسوى ياليت بنات الى نده الغده الخامله تقول شنو التغيرات الى حصل لها والى زاد وزنها نزل بسرعه خلونا نسوى موضوع وكل وحده تقول شنو الى حست بتغير فيه

انا عندي الغده من قبل 11 سنه وآكل 75
اثاراها اللي حسيت فيها
المتن فجأه
يعني كان وزني بالخمسينات بعدين فجأه خلال اقل من سنه وصل أواخر الثمانينات او اوائل التسعينات
النفسيه زفت صايره حشاج
لما متنت فجأه انطويت على نفسي وايد وصرت مزاجيه نوعا ما

 

[الصمت@]

لاحول ولاقوة الا بالله أثارى موبس أنا اللى أعانى أنا تونى دريت اليوم حسيت رجولى موقادره أِشيلها وطولت ما حملت وزاد وزنى
أبى أخذ موعد واشوف شنو يقولى الدكتور
ليش منتشره الدرقيه بين الناس بكثره
الحمدالله على كل شي

 

[ام ناييف]

تورم الساق مع الحمل ممكن اذا فيك غده
بس اذا مو حامل لا اكيد فيه شي ثاني

روحي الطبيب احسن لك

 

[miss_math]

الله يشافيج ما تشوفين شر

 

[fatenat alueon]

بنات انا ابغى اسال لان عندي غده (كسل ) احد يحس زي ما احس انا يعني اذا بذلت مجهود وخاصه اذا رحت السوق حتى لو ساعه او اقل احس كاني بطيح وماعاد فيني حيل واحس راسي متخدر ياترى احد زيي والله اكره هالحاله بس الحمد لله على كل حال

 

[عاشقه رويشد]

انا كله احس فيني خمول بس مو متاكده اذا فيني غده ولا لا

 

[fatenat alueon]

اختي ام رشودي انت حسستيني بالتفائل لان معاك الغده وحملتي انا احس اني خايفه ما احمل بسبتها انا اخذ علاجها عيار 100 والحين خلته الدكتوره عيار 50 بس ابغى اسالك كم كنتي تاخذي ويوم حملتي ما حسيتي بتعب يعني حسيتي ان العيار اللي قبل الحمل ماعاد ينفع ولازم ترفعيه طيب انا خايفه اذا حملت وهي معي يصير تشوه للبيبي والعياذ بالله او اتعب اكثر وما اكون زي الناس نشيطه فيديني بكلامك
وشكرا

 

[بعد عمري]

هلا حبيبتي شلووونج
انة بعد عندي خمول في الغدة وصج احس وزني زايد كنت 45 الحين يمكن 55 او 56 مادري اخاف اوقف عالميزان ومهما احاول انزل من وزني واسوي رجيم بس مافي فايدة , بس انة من زمان عندي هالمشكلة واشرب حبوب ثايروكسن 50 الصبح قبل الريوق وهاذي علاج لازم اخذة لين الله ياخذ امانته مافي حل ثاني للخمول:0bee2e8d89:

 

[ح ـائليه هــيك]

انا مثلكن فيني خموووووووول بالغدهـ لكن جتني بعد عمليتي اسئصال ورم بالغدهـ النخاميه


لان هرمون النموو عندي بقوهـ زايد قبل العمليه وبعد العمليه

ماعندكن حل للهرمون النمووو الي يسبب تضخم بالاطراف؟

 

[ماما فطوم]

الله يشافينا اجمعين اللهم امين

بنات ابي اسالكم مسوين تجمع للغدة الدرقية ومشاكلها بالمنتدى ؟ اذا لآ ياليت نبدا وكل وحدة تساعد اختها بالمعلومات اللي تعرفها

من تجربة شخصية0

 

[سلحوفه]

مادري شقول لكم انا فيني غده بس ادري فيها من كنت صغيره وقالوا حميديه

بس فجأه متنت وتورم ريولي وكلى منتفخين الحين الغده قاعده تكبر اهيه برقبتي واليوم سويت سونار للغده

عاد مادري اخر هالشهر موعد مع دكتور الغدد واشوف اذا اوكي او لا

ويعطوني دوا او لا

وغير جذي اكتشفوا هشاشه بالعظام عاد مستشفى رازي يحولني ع مال الغدد يقول من الغده و دكتور الغدد يحولني ع الرازي وضعت بالطوشه

بينهم .. اخرتها قالوا مو من الغدد والرازي موعارفين شنو سبب بس الله اعلم

والحين مااستخدم الا ادويه هشاشه ع اخر الشهر يبين شسالفه غدتي

 

[«قطـــر موطــني»]

انا فيني غده واكل حبوب

والحين قمت احس برود في ريلي ولما سالت قالوا لي ان الغده تاثر على الاعصااب الريل

والدكتورة قالت امشي

ووزني ثبت مع انه اول مرة يثبت كذا

 

[قطوتي]

الله يشافييييييكم يارب

ويعطيكم الصحه والعافيه

 

[فنانة الحزن]

الحمدلله اسئل الله انه يشفينا اجمعين وانا بعد طلعت فيني غده خامله ..
ولي يومين ماشيه على حبوب اوثركيس 50 وموعدي عند الدكتور بعد شهرين ..
يارب ترد لنسبه الطبيعيه .. بنات تروح والا لا خلاص تثبت .. ياليت تفيدوني ,,