خمول بالغده((تعديل))

[الجمال عنواني]

الله يشفيج انشاءالله انا بعد فيني خمول الغده واكل احبوب 150 ومتنانه واحس برقعه باالقلب بس حمدالله مافيني تورم باساقين .بس تعبانه من الوزن الزايد ودقة القلب

 

[شواشا]

الجمد لله رب العالمين اولا انا جبت ولد بعد ثلاث بنات ويوم تم 25 يوم دقوا علينا مستشفى الراشد اللى انا والده فيه وقالونا تعالوا احنا اكتشفنا ان الولد فيه خمول بالغده الدرقية وفعلا تاكدوا وحولونا لمستشفى الفروانية والحين له 4 سنوات على علاج الثيروكسين على فكرة الدكاترة فى المستشفى يقولونا احمدوا ربكم ان ولدكم انولد فى خاص لان المستشفيات الحكومية مااتسوى تحليل الغدة الاطفال المولودين حديثا لان الجهاز سعره 15 الف كويتى والحكومة مستخسرتة على المواطنين واكثر الناس ما يدرون ان عندهم قصور بالغده الا بعد اسنين
وعلى فكرة اولدى كان متين اول شهور عمره والدكتورة نبهتنا من السمنه وكثرة النوم والحمد لله اهو الحين طبيعى وطبعاا مستمرين على اكل الحبوب والله يعينه وايشافيه ويشفى جميع المسلمين

 

[زوجة جوجي]

بنات تراجعون بالحكومة والا بالخاص

انا امس حللت و طلع عندي خمول ولمن رحت المستشفى اليوم حطو لي موعد شهر 11
تتوقعون من خبرتكم انطر عادي ما يأثر لان ما شافني دكتور اساسا

 

[bd-27]

انا عندي خمول بالغده من سنتين
وفيني شغله مضايقتني حيل اقل مجهود اسويه احس بتعرق شديد في الوجه لدرجة ان يصب ماي من وجهي اكثر شي باقي جسمي عادي هالشي مضايقني حيل
هل هذا من الغده واذا في شي اقدر اسويه عشان يخف التعرق
يا ريت تفيدوني

 

[كويتية تعيسة]

انا عندي خمول وساقي متورمة وايدي بعد متورمة غير المتن

 

[][صاحبة السمو][]

السلام عليكم ورحمة الله وبركاته
انا سبق ورديت على موضوع مسابه في المنتدى وهو تجمع الغده الدرقيه
انا بختصر هني واقولج اني اعاني من الدرقيه من 15 سنه زاد وزني خلالها زياده اعتبرها طبيعيه يعني بعد 15 سنه وثلاث اطفال زاد وزني تقريبا 30 واغلب الزياده بعد الحمل والولاده وهذا شي طبيعي ..
اهم شي انج تواضبين على العلاج والتحاليل وانشالله ما عليج الا العافيه ..
وبالنسبه للاخت اللي تسال عن العلاج اثناء الحمل اقول لها ضروري جدا الالتزام بالعلاج اثناء الحمل مع زياده تدريجيه طفيفه خلال اشهر الحمل لان نقص الهرمون يسبب تخلف او غباء للطفل والعياذ بالله لكن مع المواظبه على العلاج انشالله طفلج ينولد طبيعي ومافيه الا العافيه ..
وبالنسبه لتحليل الدرقيه للاطفال في الحكومه فانا ارد على الاخت ان التحليل متوفر في الحكومه على عكس كلامها واصبح الحين الزامي على الوالدين اجراء التحليل لكل طفل ..
تحياتي لج ..